الرجال ما يعيبه اله جيبه صدق ام كلمه تنقال؟؟

[وحـش]

بسم الله الرحمان الرحيم :)

يقولون الرجـال ما يعيبـه الا جيبـه !!!

هل هالكلام صحيح ؟!!


يعني مثلا لو واحد داشر وداج ما ينعاب ؟


هذا الكلام جابوهـ في برنـامج 99 اللي يجي على قناة سبورت ..

كان الموضوع عـن :


[ هـموم البـنات ]


وشدتني نقطه فيـه


كان من ضمن البرنامج تقرير

والسـؤال كـان :

عن آخر مره طلعت مع اختك او جلست معـها ؟

من ضمن المتقابليـن : ............

المذيـع : متى آخر مرهـ طلعت اختـك ؟


الشخص : انا خواتي مكانهم البيت تبغاهم يخربون برى


المذيـع : لو ما خربت بالطلعه خربت باشياء ثانيـه


الشخص : وش الاشيـاء الثانيه

جـوال ومافيه .. وانترنت ومافيه .. وصديقات مافيه << وش يحس ذا
دايم بغرفتها وش يخربـها !!!


المذيـع : طيب ليش ما تطلعها ؟


الشخص : البنت لا طلعت خربت وفسدت


المذيـع : وانت اذا طلعت ما تخرب ؟


الشخـص : الرجـال ما يعييبه الا جيبـه " ومسك جيبه وحركه "<<
بس البنت كلها تنعـاب "

&&&&&&&&&&&

هـنا السـؤال !!!!

الحيـن ما يعيب الرجـال الا جيبـه

يعني يخرب بيدينه ورجلينه عادي بس اهم شيء يكون معه فلوووووس

او انهـا كلمة وتنـقال ؟



للنقــــــــــــــاش

مع تحيات:وحـــــش:) :icon_biggrin:

[ميلاني]

اخوي الرجال مايعيبه شي
بس اكو رجال عقله صغير واكو رجال عقله كبير

واكو رجال طاهر ويطيع ربك واكو رجال نجس ومايخاف ربه
ودمت سالم يالغلا

[وحـش]

العفووو

مشكوره ويعطيك العافيه على ردك نــــورتــــ :icon_biggrin:

[ام بدر]

بالنسبة لي انا ضد تعميم هالمقولة على جميع تصرفات الرجال ، فالرجل سئ السمعة يعيب لنفسه ولعائلته

والرجل فاقد الاخلاق يعيب لنفسه ولمن معه وينفر منه الناس لاخلاقه ، احقيه قول هذه العبارة هى درب

من الاعذار وتبرير بعض التصرفات الخاطئة التي يقوم بها بعض الرجال باسم انه رجل

هل اساءتك في حق جارك خطأ يغفر لك ؟ هل اساءتك في حق والدتك او والدك خطأ يغفر لك

هل عصيانك للخالق وبعدك عن عباداتك واستغراقك في الملذات ولشهوات يغفر لك باسم انك رجل ؟

هل تقصيرك بحق عائلتك يغفر لك بحجة انك لا يعيبك شي ؟ وهل تعدد العلاقات المحرمة وفعل

المعاصي والمحرمات بها يغفر لك كونك رجل ؟

من قال بان الخطأ فعل تعاقب عليه المرأة ولا يعاقب عليه الرجل ؟ ومن قال بان العيبة تصيب المرأة

بينما لا تصيب الرجل ؟ فكم من الرجال رفضتهم عائلات كثيرة عندما تقدموا لحد بناتهن للارتباط

الم يسال نفسه لماذا ؟ هل ادرك الان ان مقولة ما يعيبه الا جيبه ليست شافع له ولم تكن السلاح الذي

يحارب به بل كانت السلاح الذي يقتل به .


الاختلاف في الرأي لا يفسد في الود قضية ولكل منا رأي يحترم ويقدر ، رأي وبكل وضوح ودون أدنى

تحيز لأي من الجنسان ، العيب لا يعرف مرأة ورجل والخطأ لا يقتصر على جنس محدد

كل يحاسب على اخطأة وكل يحمل عيبه .

لكم كل الشكر وشكرا على طرح الموضوع

دمتم بحب

[وحـش]

العفوووو ولو واشكرج على صراحتج وما قصرتي حياج الله أختى أم بـــدر نـــورتــــى :)

[ScReAmQwEeN]

ثانكس على الطرح ..


لاتعليق

:)

[وحـش]

العفووووووووو ولو حياج نورتي أختــــى :)

[عزتي في شموخي]

.
,
.



لم يكــن الفقــر يوماً من الأيـــــآم عيباً ينقّص من قيمة الرجـــــل
وينكّس قـــدره بين النــــآس .. !
أبـــداً ..

ولا يفيـــد المـــــآل صآحبــه إن كــــــآن ســآفل و متدنـــي ..


الــرجــل ..

تعيبــه سمعتــــه بين النـــــــآس ..
أخلاقــه و أفعــــآله ..


.
.
.

وهو عـيب عظيم ..

أي أن يكــــون .. بلا " رجولـــه " !

هُنـــــآ تتوقف مقآييس التقييــم و التقديــر و الإحترآم

ويصبـــح وجوده كـ الهـــوآء ..

غيـــر مرئي .. ولو أحسسنـا به ..

يبقـــى بلالون ولا شكــل و لا وزن ! ...

حتـــى ولو كـــآن المـــال وسيله ,.. لرفعة هابط ..
إلا أنــه أكبــر عآجـــز عن إصلآح حقائق قـــد فسدت ..
تمثــل الرجـــل .. أكــثر من تمثيل المـــآل له ..




" وجهة نظــــر "
وللبقيه إحترآمي ومودتي



.
.
.



نُقطــه قيّمـه جداً
أُهنئك على اقناصهـــا ..

وشُكراً لك ..

[صـُعـلـوك مـُتـمرد]

لــي عوده

تحــطم رؤوس أطيـاف الرجال

[دواس الظلمة]

الرجال مايعيبه الا سمعته اذا كان حسن السمعه فهو محبوب واذا كان سيء السمعه فهو مكروه
يسلمووو على الموضوع

[ezgrttee]

المال لايرفع من قدر صاحبه

والرجل تعيبه سمعته

كثير من الرجال معهم ملايين وسمعتهم بالارض

وكثير من الرجال مايملكون شي وسمعتهم فوق السما


مقولة خاطئة وتدل على عقلية قائلها وعقلية من يتبعها


يعطيك العافية

[محمد العويد]

انا كنت اسمع فيها وللحين اسمع فيها بس فرق الحين عن قبل قبل ما كنت اجادل بهالمقوله اما الان لا الرجل

مو بجيبه الرجال بسمعته باخلاقه بمنصبه بكل شئ ، اانا اوضح شئ لو الرجل بجيبه جان بالخطبه قدم سجل عن حسابه

بالبنك وفتك من ان اهل العروس يسالون عنه ، هذا اللي عندي وعسى يكون واضح

[دنووش]

عيبنا نعيش مجتمع ذكوري متخلف ..


مجتمع تحكمه العادات والتقاليد ..اللي اغلبها (((حرام))) واكبر دليل المقوله التعبانه هذي ..عشان كذا احنا كنساء نعيش مع رجال بالاسم فقط ..فالرجل الآن سطحي ..دون منطق ..المجتمع من جعله كذا ...


اتمنى تطبيق الاحكام الشرعية الصحيحه لنعيش بسلااام ..

سلاام ..

ودي اتشعب بالموضوع ..ولكن هل من مستمع ؟؟!!!

[Demon of Dark]

الاخوان ماقصرو
وفعلا المقوله هذي مو صحيحه ابد
ولو كانت صحيحه ع جذي انا من زمان متزوجه ومااخذه واحد فووووق فووووووق فوووووق
يلعب بالفلوس لعب
السمعه الاخلاق التعامل
شغلات وايد تعيب الريال
والغنى غنى النفس
ثانكس ع الموضوع
تقبلو تواجدي

[صريح..!!]

بسم الله الرحمن الرحيم


الرحمن ليست الرحمان :)


اعجبني الموضوع لن اعقب على الموضوع وعلى الردود ولكن


اريد ان اذكر سؤالين واحب من ينوي الرد على الموضوع يتخذ السؤالين مع الموضوع ويعقب عليهم


الاول :: اذا كان المتقدم محترم ولكن لا يملك من المال شي ومديون عند الاخرين يقبل اذا تقدم الى الزواج ؟؟


الثاني :: اذا كان المتقدم انسان صاحب دخل متوسط ولكن تختلف الجنسية يعني ليبي مغربي الى اخره لا تضعون اعذار بانه ممكن يسافر او انه لا يعرف العادات والتقاليد لا اود ان يكون شخص ولد بالكويت وعاش فيها ولكن جنسيتا عربية شنو بيكون الرد ؟؟؟









وجهة نظر الاخرين احترمها


تقبلو مروري اخوكم : عبدالعزيز