على شنو منفس وترد بنفسيه ياأخي لاترد وتلوع جبدنا

[**قدساوي كول**]

السلام عليكم ورحمة الله وبركاته

الظاهر ليلحين في فئه من الناس توصل لعمر متقدم وتكبر مع الزمن بعمرها ولكن العقل يبقى صغير جدا

وتحس بأنها عايشه بفراغ كبير جدا بحياتها فتحاول تمليه ومالقت طريقه لملأ الفراغ بشكل صحيح

أنت الحين قريت موضوع معين اذا أعجبك الموضوع وحبيت ترد عليه رد
اذا قريت موضوع معين وماعجبك الموضوع تقدر ترد وتناقش صاحب الموضوع وتقدر بنفس الوقت ماترد

يعني محد غاصبك أنك ترد

لكن اذا الموضوع موعاجبك تروح وترد على الموضوع بقلة ذوق وأستهزاء فهذي مصيبه بصراحه

يعني على سبيل المثال
انت كتبت موضوع وأنا ذخلت وقريت الموضوع وماعجبني الموضوع فأروح وأرد عليك بعبارات أستهزاء وعلى سبيل المثال
:
:
:
:
شنو هذا ياخي محد جابرك أن تسوي هالشي
:
:
:
:
شنو هذا اذا أنت ماتبي هالشي أحنا نبيه
:
:
:
:
شنو هذا ترا موضوعك يعني موذاك الزود شنو يعني كاتب الفكره الفلانيه
اذا الفكره موعاجبتك تراها عاجبتنا
:
:
:
:
تصدق علبالي عندك سالفه وموضوعك طلع موشي



بييييييييييييه شدعوه ترد على صاحب الموضوع بهذي الطريقه

أنزين ياأخي مدام أن موعاجبك الموضوع مافي داعي ترد بنفسيه خايسه
خل ردك البايخ لنفسك ياأخي

خل نفسيتك حقك

مافي داعي أنك ترد بشكل غريب وتعصب وكأنك مغصوب بأنك ترد

وبعدين على فكره في معاهد بالكويت تقوم بتعليم الطلبه على الأتيكيت بالرد والأسلوب الراقي
والأحترام

وبعدين أنت يالي راد على الموضوع ومعصب ومنفس وكأنك مغصوب أنك ترد لاتحط في بالك أن الموضوع مكتوب علشان أنت بالذات تقراه
الموضوع مكتوب علشان كل أعضاء المنتدى يقرونه وهم أهما اذا ماعجبهم الموضوع فعلى راحتهم مايبون يردون لايردون

[وحـش]

هدي هدي ترا مو من كل با المنتدى معصب ومادرى شنو يعطيج العافيه على الموضوع :)

[بــئـا تــسذا..]

حاسك ماسك خيزرانه ومتحلف فينا


اخوي القدساوي


بعض المواضيع بالمنتدى..للاسف وصلت مرحله متقدمه من السخافه


واغلب المواضيع هذي تنحط بأقسام غير مناسبه لها


والامثله كثير ..وبالذات في القسم هذا..يعني يحط موضوع تافهه ويبي الناس تناقش فيه


انا امي اليوم مو مسويه مجبوس دجاج..شسوي...تعالوا نتناقش


^

مثال من مخي يقارب مايحدث في الواقع(( :icon_biggrin:))



كان بامكان الاعضاء هذول يتجنبون السن النقاد بوضعه بقسم مثل الترفيه او غيره



بالنسبه للنقاد
اذا انت حاط موضوع وماتبي احد ينتقدك أجل ليه حاط موضوع



الهدف من النقد هو الاستفاده..من الاخطاء..وليس الاستهززاء...ولما يجي فلان يضحك بالموضوع..فأعرف ان
موضوعك مثل كوع اللي جنبك...!<<مجرد تشبيه



عالعموم...انا وانت وغيرنا ماهو مجبور يرد..وماهو مجبور ينعجب في الموضوع..واولا واخيرا مايكتب يعبر عن الشخص
نفسه وعن وجهات نظره..وكل شخص حر..لاتحرق روحك على اسباب تافهه..وعيش مع ماونتن ديو:icon_wink:

[ميلاني]

اخوي قدساوي

كل واحد بالمنتدى له شخصه وكلامه
اذا كان الرد يجرح حيل اكو مشرف يشيله
واذا بصلب الموضوع
فهاذا رايه الشخصي
محد له حق التدخل بشخصيات الاعضاء
لا انت ولا انا ولا غيرنا
واللي يكتب موضوع يتحمل الردود


وعساك عالقوه فديت قلبك

[ام بدر]

الاناء ينضح بما فيه ، وكل شخص على اخلاقة وتربيته وعقليته والاكيد مستواه التفكيري الناتج عن حصيلة اما علمية او عملية
والاثنين يظهرون في تعاملك وكتاباتك مع الاخرين لتعطي انطباع معين عن شخصيتك واخلاقك

احترام الاخرين دليل احترام الذات والاختلاف في الرأي لا يفسد في الود قضية ، اطباع الناس لا تتشابه واذواقهم
لا تتحد ولكل منا عقله وتفكيره ليفكر به ولينتقى كلامة ومفرداته قبل التلفظ بها او كتابتها . ولا مانع من تقبل الرأي الاخر
والانتقاد بانواعه بناء وهدام بشرط الا يتعدى حدود الذوق واللياقة والاحترام .
والاجمل هو الصبر على ما يتلقاه الانسان وان يرتقي بتفكيره واخلاقة ويترفع عن الرد بالسوء او النزول لدون المستوى .
دمتم بحب

[الـزين يفرض نفسه]

السلام عليكم ورحمه الله وبركاته ..

بالفعل .. وانا لمست هالشي بنفسي ..

لكـن .. !!

لازم تعرف ان الناس تختلف بطريقه اسلوبهم وطبايعهم ..

لازم نكون لبقين معاهم مهما ساؤ لنا ..

يعني بذوقنا واخلاقنا نقدر نحرجهم ..

واذا الامر على النقد مثل ماقال اخوي .. مافيها شي ..


بالعكس هذا الشي يفيد الكاتب مايضره ..

وحنا اهني للمناقشه وابداء الراي ..

بعيدا عن قله الذوق ..

يعطيــك ربي العافيه .. وقــ،،،،ــووواك الله :)

[chongzi35]

what gate valve constructed from

Gate valve normally has flanged ends which are drilled according to pipeline compatible flange dimensional standards. Gate valve is typically constructed from cast iron, ductile iron, cast carbon steel, gun metal, stainless steel, alloy steels, and forged steels.