هــل الخــدم والـسواق كـائنات بشـريه .. أم انهم حيوانات ناطـقه ؟! " استغفر الله "

[ميوعـه]

♫ Hii ♫

:::::::::::::::::::::::::::::::,’,{

❤ قـــد الـــتحــدي ❤


\

/


اعذروني على العنوان ..

لكن عنوان الموضوع بنظري يستحق ان نبحث له اجابه ..

لأن بالوقت الحاضر ..

كلنا قاعدين نلاحظ المعامله الي قاعدين يتعاملون فيها مع الخدم والسواق ..

من ضرب وتجريح واهانات ..

لمجرد ان شغلته خادم لهم ..!

وفي ساعات ينظرون للهندي او السلاني او الفلبيني ..

نظرة الغبي ..

الي يقعدون يستعبطون فوق روسهم .. ويمصخرونهم ..

على بو ان اهمه بوضع الضعاف الي مو قادرين لا يسوون شي ولا يردون ..

لأن لو تحجوا ولا دافعوا عن حقهم .. ممكن هالي قاعد يتهاوش معاه يوديه بداهيه ..

ويقطع رزقه عنه ..

ووالله اهمه لو ما العازه جان ما ذلوا روحهم بس علشان يعيشون ..

دايما تنبط جبدي من الشباب الي يقعدون يكفخون الهندي ..

ويستقوون عليه .. يعني احنا رياييل !! تسمي هاذي رجوله بذمتك ..

انك تمد ايدك على هندي فقير ..

الرحمه من الصفات الي حث عليها ديننا الاسلامي ..

والي طبقها رسولنا الكريم في خادمه انس .. لدرجة ان كان ياكل معاه بنفس السفره ..

ويعامله كأنه صديقه مو خادم عنده ..





يكسرون خاطري عمال التنظيف ..

يقعدون ينظفون شوارع الكويت كلها .. من بعد العيد الوطني ..

والمسيرات ..

وغيرها من وصاخه الاوادم يحذفونها عالطاير من الدريشه ..

ومعاشهم ما ياخذونه الا بالحسره .. يعني مساكين مادري من وين يلاقونها ..

ولما سوو اضراب سفروهم ..

وحتى معاشهم ما عطوهم اياه ..

مستكثرين عليهم هال30 دينار .. ماكو احساس ولا رحمه لهالفقاره ..


الله يكون بعونهم ..

},’,:::::::::::::::::::::::::::::::

[اقوش]

الموضوع يفرض نفسة لنقاش

اري فية تحرك قوي علي شركات التنظيف ومكاتب العمالة في الاونة الاخيرة

وبالنسبة للخدم كل بيئة لها تعاملها الخاص مع هذي الفئة

بحسب اخلاقها وثقافتها

ولكن من وجهة نظري الان اصبحت نوعا ما افضل

ياالله كم هو رائع

ان تتكلم عن فئة وتطالب بحقوقها ولاتوجد مصلحة لك بها

ان طرحك لهذا الموضوع يدل علي انسانيتك

قتقبلي رايي المتواضع ولنا عودة