كواسكو

[LoVeLiYa]

السلام عليكم

حياكم الله بسوق الحمام (قسم الحوارات )

اي شفيكم مستغربين هذا اسم قسم المناقشات اليديد
اخترته لانه الكواسكو فيه كثرانين هالفتره
مادري شنو الي قاعد يصير بس جد ملاحظه شغله غريبه !!
يدشون الموضوع يشارك اول واحد ويقول رايه
والي بعده كلهم يدشون ويقولون نفس الحجي الي قاله بس بصياغه ثانيه !!
(عشان لانظلم احد نقول 70% مو الكل )

اعطيكم مثال

واحد منزل تصميم الكل يدش يقول الله حلو عجيب ..الخ الخ
اي واحد ويلاحظ شغله مو حلوه بالتصميم وينبه صاحبه عليها
الي بعده كلهم ايون ويعلقون على نفس النقطه !! ويهدون باجي لتصميم
يعني مشاركه وحده غيرت مسار الموضوع كله والكل مشى عليها وسار على خطاها

يعني مادري هل الكاسكو دش وماقرى لموضوع بس قرى المشاركات وقلدها
ولا اهوا ماعنده راي خاص فيه ويحب يقلد حجي الناس
ولا عنده راي بس خايف يخالف (الجماعه)

احس اني مفروض ايب جيس حب شمسي عود واوزعه عليهم بدال ماقولهم
شكرا عالمشاركه

المهم انا عندي وايد كواسكو (الحمد لله) وحابه ابيع جم واحد منهم (لاتخافون سعرهم رخيص)

اعرفكم على انواع الكواسكو الي عندي

الكاسكو الاحمر

مواصفاته: يحب يدش الموضوع ويشتط بالمشاركه المنسوخه ويدقر صاحب الموضوع
بس احذر من مواجهته لانه راح يقب ويطير (يتوهق)

الكاسكو الاخضر

مواصفاته :هالنوع مسالم ينسخ المشاركه بس يصيغها بطريقه المسالمه ويختمها بانا ماقريت لموضوع
او الصراحه ماعندي تعليق من بعد قرقه دامت مدتها 3 ساعات

الكاسكو الاصفر

المواصفات :الاصفر غبي شوي ينسخ المشاركه بس مو فاهمها ويصيغها بطريقه غلط وبالنهايه يفشل روحه

ها شرايكم ؟؟ احد يشتري ؟؟ <-طايحين بجبدها

السعر يبدي ب100

فلــــــــس

اي صج نسيت والله اني ماستحي على ويهي
(حق الكواسكو بس )

تفضلو كل واحد يخمطله 4 حبات

ميريكووو

سفوو

[فيرووووس بنـ؟ـات]

مسألة الردود .. والتكرار فيها او الإكتفاء بالشكر .. ياما تكلمنا عنها ,,

بس المشكله .. هناك مبتدئين لايفقهون ..بالمنتديات الا القليل فيحاولون الاقتداء ..

بس المشكله مو فيهم .. في من يكتب الموضوع .. لان يرد على هؤلاء بطريقه ..

يمدحهم فيها ويعطيهم اكثر من حقهم .. والمشكله الثانيه ان هناك مجموعه تحاول ..

الاكتفاء بالشكر لكي يزيد من مشاركاته فيرتفع اسمه بالمنتدى ..

الحل هو بيد المشرفين .. لو يحذفون اجابات من يكتفون بالشكر .. ويرسلون له رساله خاصه

تنبيهيه او انتقاد صدقني راح يحاول التغيير من نفسه ...

مهما اتكلم من الصعب ان اخلص يسلموووو لك

[عبـاس بن فرنـاس]

يسلمووو ع الموضووع

لوفليا

مبدعه والله

ههههههههاااي

انزين مافي كتاكيت p:

ما اقول غير الله يهداهم بس .....

يعني الواحد متعب نفسه و كاتب موضووع

على الاقل رد بسيط

بس كلامج صح من اول حرف ليه اخر حرف

اللي ينسخ يا ويله لووول

[kiwi]

معاج حق بكل كلمه قلتيها

بس عاد وين اللي يطبق


قواج الله يالغلآ:$خ1

[ســهـالااااات]

يعطيج العافيه خيتي

جميل ما ذكرت

كما نعرف ان هذا القسم يطلق عليه الحوار والنقاشات والجاده

اكثر ما اره هو وجود مواضيع بعيده كل البعد عن مبدا الحوار والنقاش

واغلب المواضيع تتطرق الى امور عاديه لا تسمن ولا تغني من جوع

اي مواضيع غير هادفه تبعد كل البعد عن النقاش

كثير ما تطرق الاخوان الى ما ذكرت لكن لا حياة لمن تنادي

كوني عاشق لهذا القسم فاعترف انه في السابق بدايات تواجدي كان

في غاية الروعه ومفعم بالحيويه والنشاط مملؤ بالمواضيع الحاده والنقاش الهادف

وشتان مابين الماضي ووقتنا الحالي

ما قصرتي خيتي

تقبلي مروري وارجو ان لم يخرج اي تجريح من عندي

تحيات من سهالات