ولد العم لبنت العم

[آسير المحبه]

[align=center]هـذي الشـئ أيـآم قـبل و هذا الي ضيعنآ ،،

وثآآني شئ الديـن يسـير مو عسـر يعني مو اجبـآر انهـم يزوجون البنت او الولـد غصـب عليـهم ،،

وإن شآء لله تنحـل هـذي الظآآهـرهـ ،،

تقبـلي مـروري ،،[/align]

[،، سهم الغلا ،،]

الله الله الله الله
ليش كل هالهجووم على هذا الزواج
على الاقل هذا الزواج
افضل من زواج اللي عن علاقه

اذا ولد عمي ماينعاب وراعي علوم مرجله ليش ارفضه
ليش تاخذه الغريبه انا اولى فيه من غيري
هذا واحد

ثانياا
انا معاكم ان زواج العمومه يسبب امراض
لكن مواللي من الجيل الاول
بمعنى اوضح
اذا كان الولد امه وابوه عيال عم وجدانه عيال عم وجدان ابوه عيال عم
هني ممكن يسبب زواجه ببنت عمه امراض لعيالهم
وعلى قولت اختي
غدير العذب
راح يكون فيه تحاليل قبل الزواج لهم يعني سهاالاات
مع ان اللمملكه العربيه السعوديه مطبقه هالقرار منذو مبطي
وبعدين في كثير من المتزوجين مالهم صله قرابه ببعض وعيالهم فيهم امراض
يعني الله اللي رازق
بنت عمك والا مو بنت عمك



وعلى قولة القايل
(((خوالي من عماامي )))
يازينه زينااه

[النجمة]

الزواج بنت العم لود العم مرفوووووووووووووض

[nawal]

سهم الغلا

المسأله ماهو رفض من حيث المبدأ

لكن ان يفرض علي ان اتزوج ولد عمي وانا رافضه له او هو رافض لي !

اذا اين الحياة الاسريه السعيده ؟

صحيح ولد العم اولى من الغريب

لكن ان يكون هذا فرضاا واجبارااا لا عزيزتي

بدليل هناك مشاكل كثيره تحدث من خلال هذا الزواج الاجباري

الزواج بالرضا والاتفاق لانها بالنهايه حياة زوجيه لابد ان يكون بها التراضي من الطرفين

اما اذا كنت موافقه عليه وهو موافق علي فخير وبركه بالعكس

حياة جميله في ظل التفاهم والحب

[،، سهم الغلا ،،]

حبيبتي
ارد واقول ان مستحيل مستحيل ابوج او اخوج بيفرض عليج شي مو لمصلحتج ،،
فـ من وجهة نظري عااااادي
داااام الولد ماينعاب اتقبل هذا الزواج
ليش اعقد حيااتي في بدايتها واقتنع واتمسك برفضه وابكي واسوي هوليله
ولما يدخل علي اكون كارهته وكاره حيااتي معااه
ليش مااعطيه فرصه ببناء اسره صالحه واكون له شريكه متعاونه محبه له ولعيالي اللي منه ..

مثال لموقف حدث
لقريبه لي تقدم لهاا ولد عمهاا ورفضته وضلت متمسمكه برايها البنت ومعنده لهذا الزواج والسبب على قولتهاا بانه مو نفس مسواهاا الثقافي (يحمل شهادة رابع متوسط وبالجيش) وهي بكلية الطب
طبعاا
ابوهاا مارد عليهاا ولا اخوانهاا
وتمت الملكه وبعد كم شهر تم الزواج
تدرون شنو سوت البنت اللي رافضه لهذا الزواج
بليلة عرسهاا قالت له
انا مابيك وابوي واخوي فلان اجبروني عليك
ترضى تعاشر وحده رافضتك

تدرون شنو سوى :: قالها : ابشري بعزج يابنت العم بس اصبر عشان الناس ماتاكل فيج .بعد سنه مثل هاليوم. بطلقج
وهي بدورهاا رضت

خلال السنه كانوا يعيشون مثل الاخوان في بيت واحد
وهي خلال هالسنه حبته وتولعت فيه
وحاولت قد ماتقدر انهاا تكسر الحاجز اللي بنته بينهم
لكن مرت السنه
ولما جاهاا وقالهاا لمي ثيابج وبتروحين لهلج ..وبتجيج ورقتج ..
رفضت وتمسكت فيه وبكت وصاحت
وحاولت وحاولت انهاا تثنيه عن رايه لكن للاسف ماقدرت لانهاا جرحته في كرامته ورجولته

دخلت بيته ودمعتها على خدهاا وطلعت منه ودمعتها على خدهاا

يعني الانسان لايحكم على ظاهر الامورر ويبتعد عن الجوهر
انتي اكيد غاليه على ابوج واخوج
ومستحيل بيرخصونج لولد عم رديئ مهما كاان
وهم الرجال ابخص ببعض واعرف لبعض
صدقوني

[*نجمه بسما عالي]

صحيح كلامج سهم الغلا
اولا اشكر كل من ابدى رايه
ثانيا فعلا يمكن ولد عمج يكون كفوو رغم انه مخذاج غصب عنه الا ان بعضهم يعاملونج بالاحترام ويحاولون يكسرون الحواجز

بس ترى قلوبهم من داخل معاند انا ما بيك وهو يقول ما بيج وتظل حياتهم بارده بس علشان يرضوون الاهل

وعلى قصتة سهم الغلا
صحيح البنت اجرحته ما كان مفروض تقوله جذي
مهما يكون مستواه تعليمي بس اهو رجال ويمكن اهو احسن من المتعلمين
وغلط بعد من اهلها انهم يجبرونها على الزواج
الزواج شي الوحييد الي ما ينجبر فيه
لانه مو يوم او يومين الزواج يكون دهر وعشره
شاكره لكم

[،، سهم الغلا ،،]

حبيبتي
نجمه

فعلا كلامج صح
لكن هم ممكن انج تتزوجين واحد ومايحبج يعني تكونين بالنسبه له
زوجه وام عياله بس لكن موحبيبه له

يعني لانظلم ولد العم لمجرد انه مغصوب والا انتي مغصوبه

[mshtaga]

بسم الله الرحمن الرحيم

اول شي النوع هذا من الزواج ما فيه شي بالعكس

اذا البنت كانت تبي ولد عمها وهو يبيها ما فيها شي ليش كل هالهجوووم؟؟؟


بس اللي قاعد يصير ان البنت والولد بعد يظغطون عليهم اهلهم عشان ما يطلعون من العايله

ولا تقولون لا ما في بالعكس موجود وبكثره


بس بالنهايه البنت تقدر ترفض والولد بعد
لكن يترتب عليها اول شي العلاقه بين اهلهم راح تتغير لانهم ما خذوا من بعض

ثاني شي رايح يطلع كلام على البنت والولد وبذات البنت وتعرفون المجتمع ما يرحم

بيقولون اكيد هاذي رفضت ولد عمها لانها تبي واحد ثاني



ووووووووووووو.....



يعطيج العافيه

[عازفة الناي]

مشكوررررررررة اختي نجمة علي المشاركة الجميلة
الصراحة اول مر ة اسمع هذي الحجي الصررررررررررررررررررراحة استغرب في بعض من المشاركات منهم من يقول الاخو يحاسب اختة فين تروح فين تجي
ودحينة انت تقول علي حسب فهمي انا البنت تنجبر علي ولد عمها والولد ينجبر علي بنت عموةمن ناحيتي انا اصلآلآلآلآلآلآلآلآلآ ماعندي عيال عم ولا عيال خال ولا احد اعرفلهم
وكذي مستغربة بس اتوقع مافي احد يجبر احد الا برغبتو هذا من وجهتي نظري مادري غلطانة ولا صح
تقبلي تحياتي

[*نجمه بسما عالي]

انتي قلتيها يا مشتاقه اذا احد رفض راح تصير مشااكل
بنت ابوها احمدي ربج
غييرج مبتلي بعيال عم وقول ما نطلع برى العيله
تانكيووو للمرور حيايبي

[شمريه مزيونه]

القريب احسن من الغريب

والاقربون اوله بالمعروف

شـكــ وبارك الله فيك ـــرا لك ... لك مني أجمل تحية .

[رووح الانـوثهـ]

يمكن ايام قبل كان الرجال يتزوج بنت عمه او البنت تتزوج بنت عمها

الحين صارت عاديا حيل اهم شي يكون الحين انسان محترم وفاهم ودين

لكن رضاء الله من رضاء الوالدين

وموضوع جدا راقي ورعه

تقبلي مروري طويلت العمر

انا مع برشلووني في كلامهـ ..

اكتفي بهالرد ..!

:)

يسلموو عالطرح ..!