للعائلات فقط

[nawal]

هذه العباره نسمعها كثيرا

عند ذهابنا الى المنتزهات او المطاعم وغيرهم

الا تجدون معي ان الشباب مظلومين من هذه الناحيه؟


النقاش هدفــــــــي

[فيرووووس بنـ؟ـات]

البعض مظلوم فقط ...

لأن في شباب يستحق ان يرى هالعباره في كل مكان تخطوووه اقدام عايله ...

لأن في بعض التصرفات من بعض الشباب .. للأسف صبيانيه ..

منها التحرش والمغازل بشكل مبالغ فيه ...

خلونا نترك اللي يشوفونه الشباب من ألبسه نسائيه تبهر العين ..

بس للأسف يتناسون او يتجاهلون الشباب ان هالنساء اغلبهم بنات عائلات محترمات ..!!

واللي أتمناااه ان نجد اماكن عامه للشباب فقط فيها نفس .. الموجودات في المجمعات الاخرى

وشرط ماراح نلقى .. فيها شباب لأن اللي يبونه العائلات فقط ..

متناسين هالشباب .. ان لديهم عائلات وقد يمسهم مايمسه هو من تلك العائلات ..

متجاهلين مقوله ... كما تدين تدان ...

للأسف .. بعض الشباب يستحقون ... لتلك العبارات .. ان تكتب في الاماكن العامه ..

[!! ع ـآدي !!]

ايي عدل كلام فيروس
واللي كنت بقولهـ قـآله :)

يعطيج العـافيه ..

[ندو الجريئه]

يعطيج العافيه خيتو على الموضوع
وكذالك اخونا فيروس بنات كفى ووفى بالرد
ام انا بالنسبه لي مااشوف في هذي الكلمة اي ظلم للشباب وطبعا اخوي فيروس قال كل اللي ابي اقوله

[ســهـالااااات]

بصراحه من الي اشوفه بعيوني هالوقت

زين يسوون فيهم

لكن ما يصير نجزم ان الكل سئيين بس اغلبهم


كانوا سبب في وجود هالعبارة وبكثير من الاماكن


والخير يخص والشر يعم وانا اخوج


والشباب مو مقصرين بعد حتى بحزة العوائل موجودين


ماشالله عليهم شاقين القاع وطالعين >>شكله بيتوحدون فيني اليوم


بعدين بعض الاماكن في ايام مخصصه لكل الفئات كل فئه يوم ما


واكثر الاماكن يتواجد فيها الكل كمجمعات وغيره من مرافق


يعني في مظلوميه لكن ما هي المظلوميه الكبرى


تبقى وجهة نظر


تحيات من سهالات

[غـزلآن]

تسلميين يالغلا على هالموضووع

مآشوف فيهاا ظلم لآن فى شبااب يستحقوون

آنهم ماايدخلوون لآن البعض منهم دآآخليين بس لـلآزعااج

بس مو كلهم كـذآ بس الشر يعم

وآنـآ كلآمى مثل كلام آخوى فيرروس

ومشكوورهـ ياالغلا على هالطررح لآهنتِ

[إسلـوب نـادر]

امممم
المشكله انهم يعالجون الخطأ بخطأ
يعني انا شاب احتاج إلى اماكن ازورها اماكن راقيه يعني
ولو صار كل شي عوائل راح اضطر إني اروح إلى مكان دون المستوى المأمول وهذا ظلم
كان ممكن بكل بساطه يخلون نفس المكان اللي للعوائل لو فيه مستلزمات رجاليه تكون معزوله وللرجال فقط او للعوائل المهم ما يمنعون الرجال عنها
ونفس الكـلام بالنسبه للمدن الترفيهيه وغيره
ولا ننسى ايضا ان الاخطاء تقع من الشباب والبنات ايضا
لو شاب زار احد الاماكن وشاف بنت تلبس لبس ضيق + مكياج + تضحك وتستعبط في مكان عام
يعني يشوف فيها صيده وانها جايه تدور هالسوالف ولو كانت بنت عايله محترمه كان احتشمت وسترت نفسها
يعني الخطا كبير جدا ولازم نعرف مصدره
بصراحه لو كانوا الاهل اجبروا بناتهم يحتشمون ويلبسون لبس سنع وراقبوهم في الاماكن العامه ولا خلوهم يلفون ويدورون
انا متأكد انه ما بيجي شاب الا ما ندر ويتحرش ويغازل وغيره ولو حصل بيكون في رجال امن مسؤولين عن طرد هذه الفئة دون تمييز

[،، سهم الغلا ،،]

موضوع حلوو بصراحه تشكرين عليه
اختي ... نوال ...

هذي العباره نعم موجوده
لكن ماتطبق وللاسف
الا بالمطاعم لا وتصير فيه استثناءات كثيره اذا كان زحمه يعني مااستفدنا شئ..


وبعدين خلوناا نكون صريحين مع بعض شوي ..
الشباب بكل مكان موجودين وداشين داشين
يعني مالها داعي هالافتات اللي ماتقدم ولا اتأخر
وعلى قولت اختي اوراد ..
اللي محترم نفسه مايحوشه الشرار
والبنت المحتشمه والملتزمه باحترامهاا
ماجيهاا الكلام ولا احد بيتحرش فيهاا اكيد
اماا اللي تتبرج واللبس حدث ولا حرج
لاوالله الا حيلكم فيهااا يا الشباب ..


انا مو مع التحرش لا لكن اللي مايستحي ومومحترم نفسه لايطلب ويرجي من الغير يحترمه ويستحي منه او من اهله ..



وشكرا .

[برشلوني 10]

بسم الله الرحمن الرحيم

اول شي اقوله مشكوره اختي نوال على الموضوع الروعه


وثاني شي صراحه في شباب فعلن مفروض مايدخلون السوق


طبعن مو كلهم البعض منهم وانا صراحه مااحب اروح للسوق الى اذا لي


شغل بالسوق وبعدين انا اشوف ان حتى البنات يتحرشون بالشباب بعد


البعض منهم مو كلهم طبعن


وتقبلي مروري طويلت العمر

[شمريه مزيونه]

بعضهم مظلومين مو كلهم لان في وايد من الشباب ما يخلون البنت بحالها


يكرهونها بعيشتا والايام الي يكون فيها للعائلات فقط تكون ايام لوه ما فيها مشاكل بعكس لامن يكون ايام للشباب كله مشاكل


موفق بإذن الله ... لك مني أجمل تحية .

[nawal]

أشكر كل من تفضل وشارك وأبدى رأيه في هذا الموضوع

البعض إتفق ان لاظلم على الشباب

والبعض الآخر وضع اللوم على الفتاة


أنا أقول

أن هناك ظلم للشباب في هذه العباره .. لماذا؟

لأن العائلات يكون بها رجل+ إمرأه وأطفال إن وجد

طيّب هذا الرجل اليس شاب وينظر الى باقي النساء؟

اذا لما نمنع الشباب من الدخول ؟!

حقيقة لا أجد معنى لوجود هذه العباره (( للعائلات فقط ))

لأنها ستجعل بعض الشباب يتجاوزون الممنوع ويحدثون شغب ومشاكل

واذا كان الهدف منع الشباب من الدخول الى هذه الأماكن

أيضا لابد من منع الفتيات أيضاا !!

يعني لايجوز منع الشباب من الدخول والسماح للفتاة ان تدخل مع صديقاتها مثلا


الستم معي في هذا الأمر ؟

[mshtaga]

لا والله مافيها ظلم ولاشي

بالعكس اللي نشوفه من الشباب هالايام وبخاصه اماكن العايلات شي مو طبيعي

يعني في اماكن واجد يروحون لها بالله انا بفهم الشباب الكبار شكوا يدشون المدينه الترفيهيه والا المنتزهات لوووول

بالعكس اشوف كل مكان يوحون له

وهم شنو يبيون اكثر من الديوانيه

[CR9]

[align=center]يسلموو خيتو على النقاش الرائع

وهذي تعتبر اول مشاركه بالمنتدى

لنقاش يدور بمضوع مميز جدا

وحنا " الشـباب " صراحتا نعاني من هل موضوع بشكل رهيب
وترى بهل نظام ظلموا الفئه الأكبر من الشباب

لكن رغم انه قانون يظلمنا ، لكن تطبيقه له اهميه كبيرا جدا

يحمي البنات والعاوائل من تصرفات الطايشه اللي يسوونها الأقليه من الشباب

اللي انا مو منهم

بس انا اعتبر من الموؤيدين لـ هذا القرار لما فيه من ظلم للفئه الأكبر من الشباب

يعطيج العافيه خيتو على الحوار والنقاش الحلووو[/align]

[nawal]

نعم هناك ظلم كبير على بعض الشباب

ومازلت اقول

لابد من منع الفتيات ايضا من الدخول



كل الشكر لمن شارك وابدى رايه

[ســهـالااااات]

اي اي صح خيتي نوال عجبني تعقيبج


يعني انا شذنبي ياربي نسيت ورحت الصبح المهلب ببدل نظارة شريتها

ويقولي ممنوع دخول الشباب >>بعدين عرف سيستم المهلب


تصدقين رحت يبت اختي اخر العنقود من البيت ورديت حولي المهلب مرة ثانيه

جان يدخلني >>خخخخخخ عباله بنتي

<<<يقولج من يومها ما قام يطلع الا مع اخته الصغيره لوووووووول


تحيات