انتي يالحلوه يلي تحطين اصورج اب piczo ..... إلخ

[الآمبراطوره]

قوه
شلونكم شخباركم ؟!

طبعا اليوم بتكلم عن موضوع هابين فيه بعض البنات
اوك الصبيان عادي لانه صبي

اكيد عرفتو الموضوع
البنات إلي يحطون اصورهم بpiczo - tagged - hi 5 - netlog

طبعا هل مواقع مشهوره عند المراهقين << لاحظو كلمة مراهقين لوول

و البنات الحلوات صايرين لي مصخره
إلي تصور شعرها و إلي تصور لي جسمها و لي تصور لي عينها ولا شفايفها !!
حلوه ترا ندري انج حلوه مو بس انتي حلوه
حلاتج خليه حقج و حق اهلج
المشكله ان هل بنات لما تشوفون الفرندز ملوتها ولا كل شباب

وماله داعي اقول شنو الكومنتس إلي يحطونه ع الاصور !!

يا بنت خافي ع نفسج ما تخافين ع سمعتج !!
اذا مو سمعتج سمعت خواتج !!
سمعت امج و ابوج !!

يا بنات فهمو انتو ورقه بيضه اذا صار عليه شخطه سوده ما تنمحي هل شخطه !!

ما تخافين اهلج يشوفن الاصور شبقولون عفيه ع بنتنا !!
ولا بصفقون لج !!

اوك انا عندي facebook و حاطه فيه اصوري
عادي لاني قافلته
اوكو بنات يشتركون بالfacebook و يدشون قروبات مسابقات احلى بنات و شباب الكويت و مادري شنو
همن اب piczo المسابقات إلي تصيير

انتو شفيكم ما تخافون ع نفسكم ع سمعتكم
خلاص لي هل درجه بعتو نفسكم
!!!

والله حرام إلي قاعد يصير
انتي تدرين شنو مصيرج اّخر شي بطيحين بإييد واحد ماراح يرحمج ببوق اصورج و يهددج !!
واّخر شي شنو الحل ابيج تيين وياي شنو يصير فيج انتو ادرى شراح يصير فيها
من بعدها خلاص انتي انتهيتي انتي ولا شي !!

و طبعا اشكر وزاره الموصلات انها سكرته اكثر موقعين مصخره بالكويت اهما tagged - hi 5
و انشالله عقبال الــpiczo

بدون الــfacebook لان مافيه مصخره

اسئلتي لكم :
- شرايكم بهل فئه ؟
- هل ممكن في شي يمنع هل بنات بإن يزيدون بهل مصخره ؟
-لي متى بضلون جذي ؟
- شنو السبب خله بعض البنات يصولون لي درجه يبيعون نفسهم بنفسهم ؟!!
- رايكم بالموضوع

و ارد اقول انا اتكلم عن فئه مو عن الكل
و تسلمون حبايبي

للامانه منقوول

[ســهـالااااات]

همن انا قلت معقوله امبراطوره تقول هالكلام لوووووووووول

اثاري الموضوع منقول هههههه


بصراحه شئ مخزي

ومحزن جدا


يعني شوف وين وصلت الامور


عيزنا واحنا نقول ونتكلم لكن ماكو فايده


تصدقين في بعض البنات من تكلمينها ترد عليج عادي ويهي مو باين


بس عيني والا شعري او جزء ما يكشف صورتي >>وقاحه صج يعني


اوكي خنقول محد بيعرفها نرد عالبلوه العظمى الي مره وحده فصخت الحيا


على قولتهم الي ما يشتري يتفرج يعني وربي قهر


انحطاط ودرجات سفلى حظيظ في حظيظ


كله بدواعي الحرية الشخصيه والانفتاح والتطور الناس تطور بالعلم بالمعرفه


هالاشكال ما يتطورون الا وهم مفاصيخ والا فاضحين روحهم



والله يا خيتي الاسباب كثيرة الي تدفع البنت تسوي جذي


وعلى رااسهم البئيه الي تربت فيها الجو الي عاشته


الاسرة والرقابة الاسريه



ايضا قلة الوازع الديني ويمكن يرجع هالسبب ايضا للرقابة الاسريه


لانه من واجبهم ترسيخ هالشي بافراد عائلتهم



نعم هناك رفاق سوء لديهم القدرة على زرع الافكار الشيطانيه


لكن هم بامكان الشخص يرفض هالشي ويتصدى له

فبالنهاية من وجهة نظري يرجع الشئ للرقابة الاسريه وكيفية ترسيخ


الوازع الديني والايماني بعقول افرادهم



تحيات من سهالات

[الآمبراطوره]

همن انا قلت معقوله امبراطوره تقول هالكلام لوووووووووول

اثاري الموضوع منقول هههههه << شتقصد هاا شتقصد ؟؟




نوووووووووووووووووووووورت الصفحه بمروووووووووووورك لا تحرمنا من هالطله

[برشلوني 10]

بالنسبه للشباب عادي لو يحطون صورهم

وانا حاط صوري وكيفي امبراطوره هههههههههههه

واللي يبي ينشر صوري عادي بس ترى بفلوس هههههه

اما بالنسبه للبنات مايجوز مايجوز مايجوز

[nawal]

الله يهدي البنات جميعا


بعضهن للاسف يعلمن انه خطأ ومع ذلك يرسلن صورهن !


كثير من المآسي حدثت والمشاكل

وصل بعضها الى القتل بسبب ان اخ فلانه او ابن عمها اوجارها .. الخ

شاهد صورها في هذه المواقع المشبوهـ !


اسأل الله العفووالعافيه والستر لجميع بنات المسلمين في الدنيا والآخره



كل الشكر عزيزتي على هذا الموضوع

[إلسليمآني]

بتحطين صورج جدام العالم ؟ أوكي حطي بكيفج



حطيتيها وشافوها وانعجبوا فيها وطيرتي عقولهم بصورّج ، وبعدها شنو ؟



أنتي جميله وحلوه ، السؤال ليش حطيتي صورّج ؟



يمكن عندج نقص مثلاً أو فاقده شيء بشخصيتج أو مريضه خصوصا إذا كنتي تعرفين العادات والتقاليد وتفرقين بين الصح والغلط !



أقول : أنتبهي لنفسج لا يجيج يوم يمكن تكرهين نفسج ويضيع نصيبج والسبـّه طيش منـّج




موضوع مضبوط ومشكوره




الله يستر على البنات

[طلآل ~]

ثآآنكس آمبرآطورهـ ,, علي هيـك موضوع

- شرايكم بهل فئه ؟

فـئه فآشله .,~

- هل ممكن في شي يمنع هل بنات بإن يزيدون بهل مصخره ؟

نعـم ,, آهيئ مصخره بمصـخرهـ ,,
-لي متى بضلون جذي ؟

آلي مآيعقـلون ,, ويصحـون من آلظـلآم إلي آهم فيه ..

- شنو السبب خله بعض البنات يصولون لي درجه يبيعون نفسهم بنفسهم ؟

بيشـوفون رآي النآس فيهآ ,, حلوه ولآ جيـكره :]


تقبـلي مـرووووووري

[السندريلا]

بصراحه هالموضوع فعلا انا منزمان بخاطري ان اعلق عليه

انا بصراحه منصدمه بشكل محد يتصوره شلون وحده تسترخص عمرها وتسوي جذي

يعني مودري

ماله داعي وحركات ابيخ الي بالصوره

وان دلت انا ماراح اقول التربيه لان حرام في اهل يربون لكن يدخل عامل الاصدقاء الي يماشونهم

البيئه الي تأثر فيهم اكثر من عامل من غير لا ندخل التربيه لان شي اكيييد الاهل مايدون ع هالمهزله!!!

انا برايي الشخصي ان هالشي ضعف بالشخصيه والي تحط صورها ماكو ثقه بنفسها

اوكه انتي برايج ان الله معطيج جمال ماعطى غيرج اوكه صونيه !! ليش تحطين صورج ولقاطت بايخه

انا برايي ان البنيه دره مصونه الله والاسلام انعموا علينا بهالنعمه وان هالدره للازم تحافظ على نفسها

ومايشوفها الي يستحقها وبالطريقه الحلال اكيد طبعا قصدي الزواج

لكن الحين بهالمواقع البنيه وللاسف صايره سبيل لاي كان

والمشكله ان ماكو اي فايده من ورا هالشي !!!

واحب اقول حق كل الي حاطه صورها انتي ضعيفه نفس ومريضه لانج ادورين كلمات اطراء

من ناس مالهم اي هدف بالحياء ولا اهما شي اصلا

فصوني نفسج مثل ما الله صانج وحفظج

يعطيكم العافيه واسفه ع الاطالهـ

كل الشكر لج صاحبه الموضوع

موضوع يستحق الطرح

[الآمبراطوره]

برشلوني 10 : ههههههه حط صورك انا قلت البنات بس مو الشباب هههه وبجم ان شاءالله ننشرهم لا يكون 1000 هههههههه نورررت وعطرت الصفحه خيوو

نوال : الله يستر ع الجمييع معاج حق والله صارت فيها ذبح وقتل علشان سمعتهم نورتي الصفحه بردج حياتي

سليماني : نورت وعطرت الصفحه بردك والعفو خيوو

طلال : حياك الله نوررت وعفوا ^_^

السندريلا : الله يعافيج ويخليج نورتي

[،، سهم الغلا ،،]

الامبرطووره

مميزة مميزة مميزة

في اختياراتج للمواضيع



لي عودة غاليتي

[الآمبراطوره]

حياج الله حبيبتي نورتيي

[سنوات الضياع]

ابسراحه موضوع مهم جدا
لاكن المشكلة في نفوس البنات نفسهم
الحل سحب جميع الكمبيوترات بما فيهم انتي ههههههههه
طبعا هذا موحل لاكن صدقيني اختي المحترمه اذا الانسان ما عنده مبداء في الحياة خليه بكيف
على قولة المثل اذا لم تستحي ففعل ما تشتهي
يعطيج العافية على موضوعج

[jree7-al3een]

يا بنات فهمو انتو ورقه بيضه اذا صار عليه شخطه سوده ما تنمحي هل شخطه !! ,,(نصيحه قيمه)




أشكر أختي الأمبراطوره على الموضوع الذي يخص هذه الفئه , وأتمنى من الفئه ان يتفكرو قليلا في انفسهم .


لكي من كل الاحترام والتقدير ,,,

[،، سهم الغلا ،،]

عدنااا
:)




هذي المشكله منتشره حيل بين البنات
بشكل فضيع جدااا
وبداية المشكله من وجهة نظري
تصوير الموبايل
وبعدهاا
ووصلت للمسن
وتطورت عااد
ووصلت للمواقع المذكوره


صحيح ان للاهل
دور في الموضوع لكن انا اعتبره مو هو الدور الاساسي
يمكن البنت تصور نفسهاا عند اهلهاا واهلهاا يدرون و
وبالهم ان الصور للذكرى وللبنت نفسهاا وطبيعي ماراح تطلع
عشان جذي هم واثقين

لكن العيب وللاسف
في البنت اللي ماتحافظ على نفسهاا
واللي كل شي عندهاا عادي
وتقول ::
مو طلعه الا عيوني
مو طلعه الا شفتي
مو مطلع الاخدي
مو مطلعه الا رقبتي ، ايدي ،ساقي
والا مصوره نفسهاا و ضايفه فيهاا اضاءه والا ورده والا قلب بالفوتوشوب

اش صاير بدنيااا

طيب انتي ليش تسوين هذي السوالف ..؟؟
شنو الهدف من العرض هذا ..؟
وين بتوصلين بالضبط ..؟

للعلاقااات مع الشباب
طيب
لنفرض ان هذا غايتج
جذب اكبر عدد من الشبااب
وبعدين ..

بتقول :: بس جذي اتسلى ..؟؟

طيب لنفرض انج تعرفتي على واحد من هالشباب
ورتبطتي فيه
وحبيتيه وحبج
وعرف عنج كل شي وعرفتي عنه كل شي
ووضعكم اوكي

تعتقدين انه بيحترمج
شلون يحترمج وانتي عارضه نفسج على الكل ..؟
شلون تضمنين انه ماله نيه ثانيه ..؟(بياخذ حاجته ويمشي )
شلون تقدرين تخلصين له ويخلص لج.. وانتي بعين كل واحد ..؟؟
وهم شلون تضمنين انه لو حصل بينج وبينه شي
مايفضحج
بس يدز رابط صفحتج
المثيره

لـ بوج ، اخوج ، زوج المستقبل ، خالج ، عمج
اي كان من اهلج

ماتخاافين ؟؟؟


والا شتفكرين فيه مصوره نفسج ونزلتيهاا بالموقع اوو بالمسن
وخليتي العرض شغال الكل يتفرج ..
شلون تثقين باحترام الناس لج ..
تعتقدين ان انتي لج قدر وقيمه عندهم
واذا ظنتي هالشي وشفتي الكل يسولف معاج والا يطلب صداقتج

اعرفي وثقي ان مو لسواد عيونج
لا ياحبيبتي
للفرجه بس والشاطر اللي يحصل اكثر من كذاا

اللي مايحترم نفسه ويصونهاا
ماحد بيحترمهاا ويصونهاا لج

موقف صار وياي

وحده من البنات عجبتني ردودهاا وحسيتهاا عفويه وحببوبه
ولما ضفتهاا بالمسن انصدمت انهاا حااطه صورهاا وتعرضها بثقه
صراحه ماقدرت احترمهاا ولا عرفت اتعامل معاهاا
مع اني ما طولت معاهااا ولله الحمد
سوت لي بلووك ودليت وطلعت منهاا ولله الحمد وافتكيت منهاا
مع انهم انصحوني منهاا لكن انا ما اسمع



هذا وانا بنت اخذت هالموقف منهاا
فماا بالج بالشااب


الله يرفع عنهم


انا ماقول الا الله يهدى بناتناا ويصلح حالهن
ويبعدهن عيال الحرام


والبنت اللي عندهاا كلمت عاادي مثل شربت المااي
ترا بيجيهاا يوم وبتقووول
حسااااااافه

واتوقع ان البنات اللي طايحين بهالسوالف المرهقات الغبياات
اللي ماجااه كف من الزمن يعلمهاا معنى الحياة

على قولتهم
(ان لم تكن ذئبا اكلت الذئااب)

وهي ذيبه بسم الله عليهاا
بس عارضه عمرهاا على فلان وعلان







واسمحلو طولت عليكم

[عـازف النـاي *!]

يعطيج العافيه اخت امبراطوره ع الطرح الحلو والموضوع الجميل .. بس انا لاحظت مع كثرلاة نصايحج ما شفت شي اسمه حرام يعني انتي تقولين والله عيب ما تخافين على سمعتج وسمعة اهلج بـ غض النظر عن هذا كله اول شي البنت لازم تخاف من ربها قبل لا تحط صورتها ..
ثانيآ مثل ما قلتي ان الموضوع كله مصخرة في مصخرة لان البنت الي تحط صورها شي طبيعي انها ما تستحي وتمصخر نفسها اكثر في وضع الصور الي انتي قلتي عنه ..
انا حاب اعرف اكثر عن الـ facebook عشان نحكم عنه ان كان ط مصخرة او لا ..؟
وشكرآ ..

- شرايكم بهل فئه ؟
مثل ما قال اخوي طلال فئة فاشلة وانا اتمنى انقراضها من مجتمعنا ..
- هل ممكن في شي يمنع هل بنات بإن يزيدون بهل مصخره ؟
التذكير بـ الله وعذاب الآخرة .. قد يمنع ..
-لي متى بضلون جذي ؟
الى ان يجدوو من الاهل من يمنعهم عن هذي الـ " مصخرة "
- شنو السبب خله بعض البنات يصولون لي درجه يبيعون نفسهم بنفسهم ؟!!
البعد عن الدين وعدم مراقبه الاهل لهم .. إلخ إلخ ..
- رايكم بالموضوع
مو حلو .. :P

تقبلي مروري ..