بالأمس عضو نشيط .. واليوم مشرف متميز .. وغدا يسلم عليك طفشان من المنتدى ..!!

[الآمبراطوره]

بالأمس عضو نشيط..واليوم مشرف متميز واداري ..وغداً يسلم عليكم طفشـاااان من المنـتدى..!!!!

هذا هو الحال في كثير من المنتديات
وهذا هو ما نسميه بالمرض العضال والمتفشي حالياً في ارجاء المكان
ندخل في الموضوع على طول....!
وأعذروني ان """ عبرت بلغتي العامية """" شوي وبالفصحى شوي..


اخواني الاعزاء


الموضوع ومـا فيـه أن افي الآونة الأخيرة بدأ يتفشى في المنتدى موضة جديدة اسمها
"" زعلت بترك المنتدى"""
ياترى ما هو السبب؟؟؟؟؟
يعنـي أمـس كــان العضو نشيط ومتفاعل ومن قسم الا آخر وماشاء الله عليه مشاركات مميزة ومواضيع رائعـة وطرح جيد...
مما كان سبب لترشيحه من قبل الادارة للإشراف أو سبب في اختياره متميز..
المهم
الجميع اليوم يبارك له بالاشراف ويدعي له بالتوفيق..
استلم المشرف أحد الملتقيات واجتهد واخلص في عملـة وكـان له نشاط ملمووس ...
هــاه وصلنـا عند مربـط الفرس..
وش اللي صــار؟؟؟
وش اللي تغيــر؟؟
العضـو ------->مسيـر على الاقتراحات او الشكاوي أو قسم الترحيب
وكـاتب بالخـط العريض ((مــع السلامــة))...
طيب ليــش؟؟
طبعـاً أنا استثني من هالموضوع الأعضـاء اللي غـادرو المنتدى لظروف قـاهرة أما لمواصلـة دراسـة ولا لسفـر ولا لغيرهاا من الاسبـاب والظرووف..
لو رحـت للعضو اللي أعلن الرحيل وسـألتـه...
ياأخ عضوو/هـ:


وش السبب ؟؟
ليش تبي تنسحب من المنتدى؟؟
بيجـاوبك على طول ويقول بصراحة الادارة..!!
أو
من الأسباب اللي فعلا استعجب منها
قول البعض.. فلان مايرد على مواضيعي --->


او فلان قاعد لي قعدة.....!!!!!!
----->



بالله كم عمرنا حنا...؟؟


وإلى متى نبقى في دائرة الجهل وقلة الادراك
يعني بالعربي بيلقي الحمل على ظهر الادارة ويحملهم سبب رحيلـة..
او اي عضو في المنتدى مارد على موضوع له او رد عليه"""



بس الرد ما عجبه""""

المهم بيوصل التظلم إلى الادارة

والأكثر من كذا وراح يمتلي ظهر الادارة سكـاكيـن..!!




انا لا اعني عضو بعينه ولا مشرف بعينه ولا اي مخلوق بعينه انا اتكلم عن واقع ملموس
حاصل
وجاري
وواقع بيننا
فلم الانكار والتهرب دون مواجهة الاسباب الحقيقية لهذه الظاهرة
والمشكلة ان الاعضاء صاروا يستخدمون هالطريقة كحركة لاثبات "غلاهم" او مكانتهم عند
الآخرين اي نجدهم اليوم مودعين، تاركين وبعد كم اسبوع """" عائدين """"" وبقوة بعد
يعني بالله اين المصداقية هنا ..
وكيف للأعضاء ان ينظروا لهذه الشخصية بثقة او احترام
الموضوع برمــته رسـالة للي غـادروو واللي في راسهم مشرووع مغادره أقول لهم اقضبو أرضكم واذكروا الله..
ممكن يكون نقطـة حوار نتباحث حوله عن اسباب رحيل الاعضاء عن المنتدى ..
واللي وده يوجـه رسالة للأعضاء الزعلانين ياليت يتكرم علينا فيهـا..
داري طولت في الموضوع بس ودي يفهم بعقلانيـة شووي ويدرك المقصد منـه ...
((الاختلاف بالرأي لايفسد للود قضيـة))..
اعتذر للإطاله ... ولكن القضية تستحق النقاش.....!
فائق احترامي للادراه والمشرفين والاعضاء


للامانه منقوووووول

[برشلوني 10]

السلام عليكم

طبعن اللي عنده ضروف مثل الدراسه هذا ماعليه مالما

وفي ناس عنده ضروف غير الدراسه طبعن الى الخ

لكن ابي اعرف ليش يعني بعض الاعضاء يزعلون اذا مارديت عليه

او ناقشته نقاش عادي وزعل ليش ليش

الزعل واذا مارديت على موضوعك خير ياطير

ليش تزعل ترى الدنيا بخير وماتسوى الزعل

طبعن قاعد اتفلسف انا الحين ههههههه

واذا في احد رزعلان مني او شي انا براضيه

طبعن مافي احد زعلان لاني ماسويت شي لعضو او عضوه

واذا اخطيت على عضو او عضوه فقوله سامحني

ماابي اطول عليكم بس ابيكم ماتزعلون من بعض

ليش مارديت على الخاطره الامبراطوره ها انا زعلان هههههههههه

تقبلي مروري اختي العزيزه واذا في بدليات طوفي

[الآمبراطوره]

يعطيج العافيه اوراد نورتي فدييتج

برشلوني انا قلتلك اي خاطره اللي تتكلم عنها ومارديت واذا تبيني ارد من عنوني دزلي الرابط ولا تزعل

حيااكم الله حبايبي نورتواا

[ســهـالااااات]

ايييييييييييه ولا دايم غير وجهه


سبحانه ربي



تحيات يا امبراطوره


يعطيج الف عافيه

[nawal]

الامبراطوره

منوره القسم حبيبتي

موضوع جميل جدا وفعلا حاصل في منتدانا ومنتديات كثيره للأاسف


معظم الأسباب التي ذكرتيها بنقلك الموفق للموضوع .. موجودهـ

ولكن

لودامت لغيرك .. ماوصلت اليك

هناك من يتمسك في المنتدى وهناك من يجد العذر لنفسه !

في كل الأحوال

أهلا بمن غادر وعاد الينا

وبالسلامه من غادر بلا عودهـ

المنتدى موجود بإذن الله .. ساحته تسع الجميع


والزعل مرفوع




جزاك الله خير على النقل الموفق

[الآمبراطوره]

الله يعافيكم النو نورج حياتي نورتوووووو

[إلسليمآني]

في أعضاء يمشون عن المنتدى ، أوكــــي !



بس بأسباب معقوله ، أمـّـا إداره وما إداره أعتقد الإداره حالها حال الأعضاء يكتب مواضيع ويردون عليه ، وياخذ ويعطي مع الأعضاء وما يرد لهم طلب إذا قدر ، وبالعكس إذا كانوا الأعضاء متفاعلين بالمنتدى هذا يدل على تفاعل الإداره


<= جديد على المنتدى بس سالفة العضو اللي يزعل ويمشي هذي مو داشه !


شكرا على الموضوع

[الآمبراطوره]

الله يعافيكم نورتوااا الصفحه

[jree7-al3een]

السلام عليكم ورحمة الله وبركاته

أنا لا أعرف ما الضرر اللي راح ينتج في رحيل العضو (المشرف الاداري) أو ماشابه, ولكن أتمنى أن تكون هناك ضوابط العضوية الاداريه(كعضوية الأشراف أو التمييز..ألخ) لكي تكون هناك نقاط للتوقف عندها في بعض التساؤلات عند طلب رحيل أي عضو .

وأتمنى الأستمرار لكي عضو مبدع والأبداع في هذا المنتدى ...


مع أطيب التمنيات لكم ....

[الآمبراطوره]

يعطييك الف عافيه خيو نورررت

[،، سهم الغلا ،،]

من وجة نظري

ان لكل شي سبب
ممم
وانسحابه بيكون له سبب اكيد

وله عذره مهما كاان

[الآمبراطوره]

حيااج حياااتي نوررتي

[عـازف النـاي *!]

انا ارى البعد عن المنتدى من مشاكله
انا ودي اقول الصراحة ..
لان في بعض الشباب يدخلون للمنتدى بـ هدف " البنات " وبعد ما يتعرف على بنت ويحولون ع المسن ويحس انه حصل على البنت يترك المنتدى ..

هذا الواقع ..

وبعض الاعضاء بعد ما حصل تغير في الادارة وفتح منتدى جديد اتركوو المنتدى يعني اعتقد ان كل هذا تفاهه .. وفي بعض الاعضاء يحس انه اكتفى او الظروف اجبرته على ترك المنتدى .. يمكن دراسه او شغل او زواج فـ لازم يترك المنتدى .. ع العموم الانسان لازم يترك خلفه انطباع جيد ممن حوله قبل ان يترك المنتدى ..

يسلموو ع الطرح .. تقبلي مروري ..

[الآمبراطوره]

الله يسلمك نوررت

[فيرووووس بنـ؟ـات]

الإداره بشكل عام هي المسؤولة عن هالجانب قبل جميع الاعضاء

لان في اعضاء تعبوا وفي مشرفين تعبوا اكثر بس مالقوا

من يكيل عليهم بالمدح والشكر وبعدين لازم كل مشرف يكون حر في قسمه

يعني يضبط زواره يهتم فيهم وبدعم اداري عشان المنتدى يكسب اللي فيه من مشرفين

واعضاء ولاينقطع حبل الترابط بينهم و(الألفه) <== حلوة هالكلمه

وهذا كل شي عندي