~ { هــوس حـــوآء بالـــتــسوق } ~

[جمعان بوند]

السلآم عليكم





ممكن اعرف


شنو سبب ان الوحده لابغت تروح السوق تصير اقوا من الخيل ولاقلتها ابي الشي الفلاني صارت سلحفاة ؟؟؟


كـل وحدة هنـي عندنا بالمنتدى مدمنـة تسوق تدش وتقول انا مدمنــة تسوق ،،

[just:)smile]

الحمدلله بريئه من هذا الإدمان

لأن و انا لي الحين ما اعرف اتسوق

امي تشتريلي :) كل حآجه :)

[فيرووووس بنـ؟ـات]

مدمنــــــــــات السوق والعياذ بالله منهن ومن شرهن ومن رفجتهن بالتسوق ...

انا لاتزوجت وحده بزيد مهرها من عندي بدون لاتقول لي عشان تشتري كل شي ودها فيه

خلال العشر السنين الاولى من زواجنا ...

يا اخي البنات رفجتهن بالسوق والله تجيب العله ... ضغط .. سكري .. شلل .. ديسك

وترى ماتاخذك معاها الا عشان تشيلك اغراضها .. موخوف من المغازلجيه ...

شوووف ... الحرمه لا راحت السوق اول شي تاخذ لها جولة بالسوق فراره

ماتشوف البضايع بس تشوف اللي حولها من البنات شنو لابسات عشان تعرف الموضه

ثانيا .. لا قررت تشتري ... هم تاخذ لها جوله بالسوق فراره عشان تتعبك لو انت معاها قول ليش؟

عشان لاتمللها وتقول لها خلصتي ولا لا .. يعني تبي تطفرك لين ما انت تخليها وتروح عنها شوي

ثالث شي ... هم تاخذ لها جوله وتفتر على شي من الاشياء اللي ناويه تشتريها فتفر

السوق كله عشان تلقاه بالسعر المناسب وبعد ماتلقاه تقول لك اشوه خلصت من اول شي بشتريه

يعني تفقد الامل انها تخلص اليوم..

رابعا تاخذ استراحه هي وتقعد بمطعم تشتري لها عصير وماي وبعدها ترجع تشتري اللي تبيه

خامسا ... لا فلست تسوي روحها متضايقه ومادري من وين تجيب الدمعه اللي بالعين وتقول

ابي اشتري اخر شغله ومابقى عندي شي عطني عشاني او امانه .. وانت برقه قلبك تعطيها

وهي ماتصدق وترجع تفر السوق من جديد ...

سادسا الله يعين الحذاء (تكرمون) بس هي حاسبه حسابها لأنها شرت غيره اكيد

وسامحونا يالبنات عالقصور ... وانا مومن مدمني السوق

[just:)smile]

مدمنــــــــــات السوق والعياذ بالله منهن ومن شرهن ومن رفجتهن بالتسوق ...

انا لاتزوجت وحده بزيد مهرها من عندي بدون لاتقول لي عشان تشتري كل شي ودها فيه

خلال العشر السنين الاولى من زواجنا ...

يا اخي البنات رفجتهن بالسوق والله تجيب العله ... ضغط .. سكري .. شلل .. ديسك

وترى ماتاخذك معاها الا عشان تشيلك اغراضها .. موخوف من المغازلجيه ...

شوووف ... الحرمه لا راحت السوق اول شي تاخذ لها جولة بالسوق فراره

ماتشوف البضايع بس تشوف اللي حولها من البنات شنو لابسات عشان تعرف الموضه

ثانيا .. لا قررت تشتري ... هم تاخذ لها جوله بالسوق فراره عشان تتعبك لو انت معاها قول ليش؟

عشان لاتمللها وتقول لها خلصتي ولا لا .. يعني تبي تطفرك لين ما انت تخليها وتروح عنها شوي

ثالث شي ... هم تاخذ لها جوله وتفتر على شي من الاشياء اللي ناويه تشتريها فتفر

السوق كله عشان تلقاه بالسعر المناسب وبعد ماتلقاه تقول لك اشوه خلصت من اول شي بشتريه

يعني تفقد الامل انها تخلص اليوم..

رابعا تاخذ استراحه هي وتقعد بمطعم تشتري لها عصير وماي وبعدها ترجع تشتري اللي تبيه

خامسا ... لا فلست تسوي روحها متضايقه ومادري من وين تجيب الدمعه اللي بالعين وتقول

ابي اشتري اخر شغله ومابقى عندي شي عطني عشاني او امانه .. وانت برقه قلبك تعطيها

وهي ماتصدق وترجع تفر السوق من جديد ...

سادسا الله يعين الحذاء (تكرمون) بس هي حاسبه حسابها لأنها شرت غيره اكيد

وسامحونا يالبنات عالقصور ... وانا مومن مدمني السوق

الله االله االله


فيروووووووس

قلبك مترووووسه


كل هذا مسوين فيك :)

[ScReAmQwEeN]

خوووش موضوع جمعان ..

انا والحمدالله ماني مدمنة سوووق ..
يعني موكل يوم فرارهـ بالسوق حتى لو ماعندي شي
بالعكس اتملل .. انا اطب سوووق اذا محتاجه شي بس
يادوب اخذ الي ابيه واطلع .. وبعدين انا بالسوق مزاجي يتعكررر يعني النفسيه وواصله للخشم ليش ؟؟
الان مزاجي صعععب مووووت ..
ازعل واتضايق واايد لو مالقيت الي بالي ومثل ماابيه
عشااان هيييييييك اهلي يوم اروح السوووق مايحجوني
ويخلوني على راحتـــي ومايضيقوني لووووووووووووووولز ..



تشكرااااااااااااااااات ..

[فيرووووس بنـ؟ـات]

حقد ... وقلب متروسه ... لاتعليق بصراحه ....

بس قولوا اللي قلته جذبـــ ........ بعد



هذي تاليتها ... لاتعليق

[جمعان بوند]

اسمحو لي يا بنات


فيروس طلع اللي بقلبي كله وكل اللي ببالي قاله

ولا في زود والله


يعني نروح الحين السوق مثلا ويا رفيجاتها تفرقو بالسوق

واشترو ردو يحرون بعض

الحين فلانه عندها هذا وانا ماعندي تعال ياالريال ودنا السوق نشتري < توكم رادين


<< الله واكبر عليكم { إن كيدهن لـعظيم }



< مدمن فـراره بس ما اشتري :p

[Glamour girl]

ههههههههههههههههههههه
موضوع يضربـ ع الوتر الحسآس
>> جذبني العنـوآنــ ^_
بس أنا الحمــد لله مو مدمنــهـ تسوق
و لكــن الطلعــهـ الوحدهـ بالشهــر تكفي عن الطلعآتـ كلهآ :p
أما بالنسبــهـ لسؤالكـ و ايش السبب ورىآ الأدمآن
اتوقــ‘ع لآن البنتـ بطبعهآ تحب اللبس و الموضآتـ و إلخ مثل ماقالتـ آورآد
و مثل مااحنآ مدنين تسوق ع قولتكم
أنا بعــد الاحظ ان الشباب هالفترهـ مدنين فرارهـ بالمجمعآتـ
>> ممكن تقول لي ليش :$
..
كــل الشكر لكـ جمعآن
و ماتقصــر
..

[شمريه مزيونه]

اكيد لان البنت لازم تهتم بملابسها واناقتها

[nawal]

السلام عليكم رحمة الله وبركاته


يمعان

منور القسم


الله يهداك سويتنا مهوّسات تسوّق؟؟

اذا السوق 3/4 كله رجال

الرجال اكثر من الحريم في السوق

صايرين منافسين لنا ,, عسى ماندخل مجمع ولا محل الا مقابيلنا !

يشترون هـ الماركات بس اغلبهم مايعرفون اسم الماركه !

بس لان رفيجه فلان شراها او شاف دعايتها راح السوق وأشترى


بعدين الظاهرلك معاناة واخونا فايروس طلّع كل اللي في قلبك

قال تعالى (الرجال قوامون على النساء بما فضل الله ) سورة النساء

لازم تودون الحريم السوق وتدفعون لهم وتنطرونهم في السياره اذا مالكم خلق تتسوقون معاها

سواء هالمرأه كانت أم / أخت/ بنت / زوجه بس اما غيرها لا مانصحكم

الأقربون أولى بالمعروف



يمعان


تكلم قول اللي بقلبك لاتحاتي محنا مخلينك تودينا السوق :)

[جمعان بوند]

شكرا لمروركم


قلآمور

انا الحمدلله السوق اقولج متا افتر فيه اذا مثلا رحت السينما الفلم باقي له 4 او 5 ساعات تبيني اقعد لا بروح ادوج واظحك على الناس اللي يسوون سبايكي هذول

نوال

بس لان رفيجه فلان شراها او شاف دعايتها راح السوق وأشترى

الله واكبر حطيتي عيبكم فينا حنا :p


لا لازم نسوي حمله ضدكم انقلاب نقفل السوق وماكو نفس قبل وحده تفتر معاها خام وانتو تخيطون لا ونرفع السعر بعد ونصير انا وسهالات التجار عليكم < انا اشهد بتخرب الديره

المهم

ولآزم

المراه لا بغت تروح السوق تآخ لها ربع ساعه بس ونقول زحمه الكاشير نص ساعه

لاتزيد


يعني ماهي حاله نوديكم الساعه 2 الظهر نردكم 11 بالليل واخير شي ماوياكم الا كيسين شنو هذا

لا ولابغيتو تجهزون عروس يابووووووووووووووي << يطق ع راسه

اقل شي يبيلكم 50 مره رايحين رادين الله واكبر عليكم كل هذا وتقولين حنا بريئات لا يبه


لآ سوق بعد اليوم





< هي انتي وياه اللي بتتكلم بييها كف يفر ويهها < غشمره :p

[mshtaga]

جمعان


لا حرام عليك هو مو هوس


يعني بالنسبه لي ما احب افتر ادوج وما اشتري شي


لا لازم اروح اذا ابي لي حاجه


بس والله تبي الصج الصج في قله قليله يحبون الفراره


يعني فروق بين البنات



ذكرتني بموقف مره


رحت انا وخواتي السوق

اختي الكبيره بالمحل اللي جمبنا قلتلها انا واختي الثانيه بنروح المحل الثاني

المهم دخلنا وشفنا بدله تولوووع الجبد خخخخخخ قلنا له نبيها ونقعد نكاسره ونكاسره لين وصلنا سعرها 30 من 40 والهندي يتحلطم بعدين وافق


جان نقوله لا لا لا شكلها مو حلو


خخخخخخخخخخخخخخ



يعطيك العافيه

[إلسليمآني]

روح للسوق ... أكثر مكان تشوف فيه حريم بالسوق ... عند المطاعم :D

ولا لا ... دش المحلات محل محل ... كل أرباح العمال وأصحاب المحلات من الحريم

يعني شيء يعجز المخ بصراحه

واحد من الربع شوي وينجن المسكين ... ليش ...؟ والله زوجتي تبي ساعه بألف دينار ... وزعلانه علي والحين نايمه بـ بيت أهلها ... أنظري إلى هذا المسكين يا مدمنة الكشخه والتسوق والتفرفر بالأسواق





شكرا على الموضوع الطيب ... مو مدمن

[جمعان بوند]

ههههههههههههههههه



الحريم مايعرف لهم الا بني جنسهم واللي خلقهم

[nawal]

السلام عليكم ورحمة الله وبركاته

يمعان

صل على النبي سيد المرسلين اول شي


يا اخي


يعني ربنا سبحانه وتعالى جعلكم قوامون على النساء بما فضل الله

بمعنى آخر

حنا مالنا غيركم

يعني منو يودينا السوق ويصرف علينا ويتحملنا غيركم

في المقابل

لازم تعترف ان حنا صنفين ذكر/ أنثى

انا معاك ان في حريم يموتون على شي اسمه سوق ولومعاهم 10 دنانير لازم تروح السوق وتصرفهم

بس هم انت ظلمت فئه كبيره ماتحب التسوق مثلي

يعني لبغيت اروح السوق اروح للضروره مافتر مثل غيري من محل لي محل

والعروس لازم يجهزونها بالنهايه هي تجهز حق منو؟ حق معرسها وهو رجل

يعني كل هالفراره بالسوق علشان تعجب الرجل بالنهايه


موضوعك وايد حلو وشكلك تعبان من الفراره بالسوق ويبيلك عصير تمر مثلج علشان تبرد على قلبك :)