ما رأيك بدخول المرأه الكويتيه السلك العسكري؟!

[..~..* قمه الأنوثه -]

السلام عليكم ورحمة الله وبركاته
حبيت تشاركوني هالموضوع (ما رأيك بدخول المرأه الكويتيه السلك العسكري) ؟!
طبعا في وايد ناس ما تأيد هالشغله لان تقول سمعه بس انا من وجهة نظري ما اشوف فيها شي واي مكان راح تتوظف المرأه راح تصادف ريايل , بس سؤال ليش اغلب الريايل عنده الي تدش هالوظيفه ماراح تتزوج , وطبعا ماراح توقف البنت بالشوارع وتفتيش ولا دوريات لان اهما محتاجينهم حق نواحي امنيه
مثلا بالمطار انت بترضى ريال يفتش اختك - مرتك - امك - اهلك اكيد لا ...
بس يمكن لانها تجربه اول مره تصير في الكويت فناس وايد رافضه هالشي
بس راح اطرح عليكم جم سؤال عشان نعرف وجهة نظركم بهالموضوع لان وجهة نظركم يهمني
جم سؤال :
أيها الرجل هل توافق بأن أختك أو زوجتك أو عمتك أو خالتك الى أخر ..تدخل في الشرطة ؟؟؟
موافق
أرفض ؟ ولماذا ؟
أيتها المرآه هل توافقين بأن تكوني شرطية ؟وماهي الأيجابيات والسلبيات من وجهة نظرك ؟
ماهي ردة فعل الأهلي من دخول بناتهم بالشرطة سواء كانوا من الحضر أو القبائل ؟؟
هل الرجل يرفض دخول المراه في هذا المجال خوفا من أنها ستتفوق عليه أما خوفا عليها ؟؟ اما ماذا ؟
اتمنى اشوف ارأكم
كلـ الحبـ

[نرجسيييييه]

تحياتي لج عزيزتي انا من اشد المحبين للسلك العسكري وحلمي اني اكون عسكريه لكن للاسف ماتحقق الحلم صحيح لانها فكرها جديده بالنسبه لنا في المجتمع الكويتي لكن الدول الاخرى اسبقتنا بالشي هذا في عقليات مازلت ترفض دخول المراه اي مجال موبس العسكريه لكن هالامور بتتغير مع الزمن وفي اماكن نحتاج تتواجد فيها المراه مثل المطارات او الكليات وهذي فيها خدمه وطن ومواطن تقبلي احترامي

[nayef66]

السلام عليكم ورحمة الله وبركاته
ج1 من ناحتي ماابي اي وحده من افراد العائلة تدخل
لاسباب كل الاتي
لان عمل الشرطة في تعب وفيه سهر وكل شي
والظلم بوزارة الداخلية وايد
وشي موحلو بنت مخلصه دوامه ساعات متاخره من الليل

[نوايف]

/

/

/


قلت الوظايف الا ذي ههههههههه
نهائي ما أيد ذا الفكره (:


تسلمي قمة الانوثه
موضوع رااائع . . .

[جنون }]

صراحه في أماكن وأجد نحتااج للمرأه الشرطيه
عندكم الصألونات
محد يدري شنو فيها ما فيها
ومثل ماذكرتي التفتيش بعد
وطبعا لو في نساء بهذا النظام
راح يساهمون واجد من هالناحيه
وأهما ما فكرو بهذا الشي
الا لما انتشرت سالفه
الاسيوين اليي يشتغلون بصالونات
بس على ابو انهم نسااء
وبالاخير اكتشفو العكس
واتوقع سمعتو بهسالفه
وقواج الله ع الطرح أختي

[عازفة الناي]

تسلمي حبيبتي علي الموضوع المهم والله خاصة مع مشاكل النساء هالايام الصراحة
اما بنسبة لسئلتك؟

أيتها المرآه هل توافقين بأن تكوني شرطية ؟وماهي الأيجابيات والسلبيات من وجهة نظرك ؟
حبيبتي انا من ناحيتي مع دخول المرأة مجال العسكر وخاصة قطاع المباحث والله لانة الصراحة كثرة مشاكل اللي تحصل من النساء خاصة في الاماكن اللي تتواجد فيها النساء فقط شوفي انا اجلس مع اختي وتحكيني عن مجالها لانها تشتغل مباحث في الحرم الشريف والله تحكيني حكاوي
الله لا يحوكم بشوفتها حتي اللي يعملون ها المشكل مو مقدرين ولا محترمين حرمة الحرم
كلكم زرتم الحرم وشوفتي البنات اللي يشتغلون في الحرم نصهم مرقابات ونصهم مشرفات ونصهم مباحث واختي من ضمن فرقة المباحث
حدث في شهر رمضان هذا السنة
انة وحدة من الجنسية الاسلامية كانت عندها طفلة عمرة تقربيآ 2 والله يهدي امها ملبستها ذهب من راسها الي اخمص قدميها ولما قامت الصلاة وصلوة النساء ولما رفعت من السجود ما لقت بنتها قدمها وجلست تصرخ واجتمعوا المرقابات عليها وجلسو يهدوها وبعدين قاموا المرقابات وتصلو علي المباحث النسائية الحرم وخذو الخبر وتوزعوا والحمد الله قبضو عليها يعني لولا الله ثم ها البنات المباحث كانت البنية الصغيرة بقرب زبالة مقتولة ومسروق ذهبها(الله يكرم المشاهد)وما خفي اعظم من حكاوي الحرم واماكن تجمع النساء وعلي قولة احد الاخوات الصالونات
وبقولك حاجة وهي الاهم ان ماتكون مخالفة للشرعية الاسلامية ينعي تكون بحجابة الشرعي ماشاءالله اللي اشوفهم حجاب كامل يعني مو بس عبائة لا تقولي سواد يمشي مش باين منها اي حاجة الله يعطيهم العافية
اما سلبياتة: هو بس من ناحية الدوام بعض الاحيان يطلبونها الساعة 3 الفجر وانصح اللي تدخل هذا المجال تبعد فكرة الزواج لانه بعض الازواج ما يرضو علي زوجاتهم يخرجو بنصاص الليالي الا من رحمة الله وفي بعض الاخر عادي لاني خالتي متزوجة ماشاءالله زوجها راضي علي عملها احتمال انهم بنفس المجال مدري الله العالم
ماهي ردة فعل الأهلي من دخول بناتهم بالشرطة سواء كانوا من الحضر أو القبائل ؟؟
عااااااااااااااااااااااادي يا قلبي انا قبلية ومن قبيلة معروفة وماشاءالله كل الاهل هناك علي قولة الضابط كل بنات الخوال متجمعة في المجال ابقولج شي علشان تكون الصفحة بيضة مع العلم ان ماما مش قبلية احتمال هذا الشي فتحنا المجال لدخولة هذا رائي بكل صراحة وان شاءالله افدتكم حبايبي
وتقبلي مني اجمل تحية

[عاشق مهزوم]

لا أوافق لأسباب وآيد


والعادات والتقاليد ماتسمح بهـل شي

شكرا على الموضوع ..

[giggs11]

انا برايي طبعا انا ارفض انة المراة تدخل السلك العسكري

لعدةة اسباب ان السلك العسكري صعب على المراةخاصة الخليجية لانة الحريم هني مايقدرن على حمل السلاح والركض وغير ذلك

ثاني شي العادات والتقاليد مايصير اثنين يعني مراة ورجال في سيارة وحدة وهي ماتعرفة ويقومون باعمال مع بعض والشيطان موجود
مابي اطيل لانة في اشياء واجد بس اكتفي بجذي

ويسلمووووووووو على الموضوع وتقبلي مروري لاني عضو جديد

[ابو وحش الحبلانيk8]

السلام عليكم ورحمة الله وبركاته





بسم الله الرحمن الرحيم





الحمدلله والصلاة والسلام على رسول الله وعلى آله وصحبه أجمعين





يعطيج العافيه على الطرح





عني انا لا





والله لا يحرمنا من جديدج





تقبلي مروري بكل صدر رحب





مع تحياتي

[راحل بعيد]

أرفض بشكل نهائي

لأسباب كثيرة أهمها العادات و التقاليد




وإن كان لا حول ولا قوة هناك .. تدخل ولكن بقيووووووووووووووود

لبسها مدني راح يكون ( تحت العباية تظل ) .. دوامها رسمي ( من الصبح الى بعد الظهر ) .. مافي استلامات و حجوزات ... ما توقف لي على تفتيش شحلاة وجهها واقفة على تفتيش ..



و أرد و أقول انا عني شخصيا .. أرفض الفكرة و بشكل نهااااااااااااااااااااااااااااااائي


نو حريم ان ذا عسكرية
نو حريم ان ذا عسكرية
نو حريم ان ذا عسكرية


بالثلات





و شكرا

[ScReAmQwEeN]

امممممممم .. قبل كنت احب اتوضف هيك ..
بس الحين نوووو احس موشي ..
> الله نقاب وعبايه ورازه طولي افتش
أو اكلبج احدهم > متعوب عليها
( صراحه قمة السخافه )
المرأه مكانها غلط بسلك العسكري



تشكراااااااااااات

[خذآني الشـوق]

اول شي الاغلبيه راح يعارضون لانه شي يديد لمجتمعنا وما تعودنا عليه
وانا ارفض الفكره بعد موو حلوه :)ا

[Try Again ..]

أيتها المرآه هل توافقين بأن تكوني شرطية ؟وماهي الأيجابيات والسلبيات من وجهة نظرك ؟

اي .. بس ما ادري شالايجابيات و السلبيات :p

ماهي ردة فعل الأهلي من دخول بناتهم بالشرطة سواء كانوا من الحضر أو القبائل ؟؟

خو انا ابوي مو راضي :p << الي يقول صج

هل الرجل يرفض دخول المراه في هذا المجال خوفا من أنها ستتفوق عليه أما خوفا عليها ؟؟ اما ماذا ؟

لا خوفا عيها عشان في وايد مشاكل

[charming]

دخول المرأه السلك العسكري عباره عن خطأ استراتيجي

...

ما اتوقع انا قاعد اسوق السياره و تمرني سهم الغلا ... يالاخو انت مخالف ...

ا!!!!!!!!!!!!!!!!!!

ما اوافق طبعا لان الموضوع اي شي صراحه ...

ثانكس ع الموضوع

[【فـۈق مست?ۈاگ】]

آلآسلآم كرم آلمرآهـ من آختلآطهآ بالرجآل ..

ولو كآن عملهآ في الشرطه من صالحهآ .. لكآن الاسلام اول من يقف في عوون آلمرآهـ ..

عوآفي يالغلا ..

ــــــــــــــتقبلِ مروري ..