تتزوجهـأ آم لأ .....؟

[تاركان شمر]

السلام عليكم ورحمة الله وبركاته ,,

شلونكم شخباركـم ,,



في مجتمعنـا الكويتي البعض يقول اتزوج والبعض يقول لا تزوج ( هل تقبل بتزوج بنت تعرفت عليهـأ بالتلفون او النت او الخ )


لو انهـا محترمـه , واهلهـأ ناس طيبيـن , وتعرف اخلأقهـا , وبنـت ماتكـلم غيركـ , وتحبهـا وتحبـك
هل تقبلهـا كزوجـه لـك ..؟ او لأ ,, وماسبب ...


البعض يقول خـآنت اهلهـأ كيف تبغـآهـآ تصونـك ...!!

والبعض يقول مو من اصـلي ولأ فصـلي ..!!

البعض يقول شيعيـه وانا سنـي والعكـس صحيـح ..!!

او حضريـه وانا بـدوي والعكس صحيـح ..!!

والبعـض يقول يفـتح بآب الشـك لدي ولأ تستمـر العلأقــة الزوجـه ..!

يعني مثلأ كـنت اشوفهـآ بالجمعيـة اذا راحـت الجمعيـة اقول آكيــد موآعده مثـل مآكـآنت توآعدنـي
والشيطــأن شـآطر .

والبعـض يقول ربعي يعرفونهــأ اهو قايلهم يـعنـي





آبي رآيـك وردك ,,



تقبلو تحيـآتي ,,

[ام بدر]

بصراحة موضوع شيق وانا في انتظار ردود اخوانا الشباب ونشوف الاستطلاع لين وين يوصل
وشنو ردة فعل كل واحد منهم .


تحياتي متابعة

[تاركان شمر]

بصراحة موضوع شيق وانا في انتظار ردود اخوانا الشباب ونشوف الاستطلاع لين وين يوصل
وشنو ردة فعل كل واحد منهم .


تحياتي متابعة

تسلمين وماقصررتي على المرور , وانشاء الله يردون علينا الشباب والبنات ويصوتوون

[khalid - alm6iry]

والله حسبُ وجهه نظر آلآنسآنُ آذآ كآن مقتنعُ .. ودآرس آلآمر عدل !
آمآ كلآم للنآس لآ بيئدم ولآ بيآخر < ع قولتَ بو وديع ..
يعني الي بيسمعُ كلآم الناس بيتعبُ ..
والواحد .. اذا شايف الشي بعينه صح ما عليهٍ من غيرهُ ..
وبآلآخر يبقىٍ كل شخص له وجهه نظر خاصهُ ..
ماتقصَر ع الموضوعُ ..!

[مجهوووووووووول]

بأختصار لو انها محترمه ماتكلم شباب لا انت ولا غيرك فـ شلون اتزوجها
مشكووور وماقصرت

[تاركان شمر]

مشكور اخوي وماقصرت , تسلم وجهة نظرك واحترمهـا

مشكور مجهول تسلم بس مافهمتك عدل

[عهوده]

إلموضوع بـ كإمل الروعـــــه
تقبل مروـري

[إسلـوب نـادر]

ما بني على باطل فهو باطل

والشي هذا لو تم بيكون فتح لباب شك كبير والموضوع زواج ما يستحق انك تغامر وتقبل فيه بالتهور هذا وتعتقد انك ممكن تغلق باب الشك هذا مستقبلك ومستقبل عيالك اللي هم امانه في عنقك تسال عنها يوم القيامه

[النحيسة]

مشكوور ع ـ الطرح

[راحل بعيد]

لا والله ما اتزوجها

[العم لـــغـــم]

يعطيك العافيه .. انا برد على بعض أخواني الي سبقوني بكم سؤال . . على كل رد وبعدين برد انآ .. اوكي ..

::

::

بأختصار لو انها محترمه ماتكلم شباب لا انت ولا غيرك فـ شلون اتزوجها
مشكووور وماقصرت

بسألك لا هنت .. [[ تقبل ان تصبح مغفل و تنصدم ؟ ]]
هذآ كلامك يقول جذي .. بانك تبي تتزو زواج تقليدي ام تعرفهآ ولا انت مختارهآ بنت فلان و تطلع بنت فلان منتهيه ..

على فكره صارت بواحد اعرفه من فتره قصيره و حالين هي زوجتهـ ..!!


ما بني على باطل فهو باطل

والشي هذا لو تم بيكون فتح لباب شك كبير والموضوع زواج ما يستحق انك تغامر وتقبل فيه بالتهور هذا وتعتقد انك ممكن تغلق باب الشك هذا مستقبلك ومستقبل عيالك اللي هم امانه في عنقك تسال عنها يوم القيامه


طيب انت حالين دخلت الدين بسالفه على شان تعزز موقفك ووجهة نظرك ؟ انا برد عليك بنفس الطريقه بضبط ..

فتح باب شك لأنك عارف و تتمنى انك ما تكون عارف شي ؟ يعني مغمض عيونك و تعيش معاهآ سنين .. ؟
وحتى بالنقاش اتوقع تقول انا زوجج مو صديقج .؟
بالعكس المفروض نتفتح اكثر وليش قلت عيالك هم امانه في عنقك تقصد كل انسان فاسد فهو فاسد ؟ مافي توبه ؟ مافي رجعه ؟ معنى كلامك الزواج الغلط راح يبقى غلط ؟

انزين في دراسه نسبة 85% من نسبة الطلاق بالكويت تكون الساعه 5 العصر او 4 ؟ بتعرف ليش ؟
المرأه تريد التحدث و الرجل يكون تعبان تصير مشكله يحدث طلاق مباشر ..

طيب نرجع شوي للكلام الي قبله على شان اشرحلك .. اكثر لو في تفاهم قبل الزواج و ادراك و كيفية معايشة المرأه زوجهآ بيصير اصلن طلاق .؟ او تفهم هو جاي من الشغل او توه قاعد او او او او فا مابي اضايقه

و اهني مربط الفرش يا الغالي لازم الواحد يفهم البنت الي بيعيش معاهآ ما يصير خبط بلزق و يالله زواج ما يصيرررر في واحد من الناس المقربين لي تزوج مافي شهرين طلق تعرف ليش ؟ يقول تغلط على اامي

انزين شنو تتوقع الحل مع هذي بالله عليك

1- زواج تقليدي
2- مافي ادراك للبنت الي ماخذهآ لأنه الموضوع (( تشيير ))
3- مافي تفاهم ولا حتى احترام
4- يمكن في غصب بالزواج من الأسآس من قبل اهل البنت


على فكره حبيبتي كانت شبه مغصوبه على الزواج .. وهذآ سر ولكن لكي ابين للنآس بس ..
والله يوفقهآ ..!







::

::

الحين بقول وجهة نظري ..

نعم اتزوجهآ لو قعدت معاهآ فتره طويله وعرف عنهآ كل شي ..

اسبآب الموافقه بهذآ الشيء

1- متفاهمين لأبعد الحدود
2- تحترمني و تقدرني ولا ترفضلي كلمه
3- من يحترمني يحترم كل ما يخصني (( اقصد - امي - ابوي .. ))
4- من نظره يمكن تفهم شنو بداخلي من كلمه تفهم جمل من دون لا اتكلم ..
5- تسهر على راحتي
6- تعشقني بجنون وهذآ هو المطلوب
7- قبل ما نكون حبايب نحن اصدقاء يعني نتناقش بكل طلاقه ما تخش عن بعض شي
8- ما راح يصير في تطفل وضرب وسب لأني ما تزوجتهآ بعد العشره هذي الا انآ احترمهآ احترام شديد
9- جمال الوجه مع الزمن يذهب يبقى الجمال الداخلي ..

اسبآب لا تنعد ولا تنحصى ..

و خلني اعرف كل شي ولا اتزوج بنت لا اعرف شي عنهآ سوى بأنهآ بنت فلانه وفلان

هذآ شرح ببساطه ..



::

::

يسلموو والله يعطيك الف عافيه يا راعي الموضوع ..

وعساك على القوه يآرب

::

::

أخوكم : صلاح العنزي

[just:)smile]

[align=center]
هو الموضوع من اول للشباب مو للبنات

بس احب اضيف رد :)


المرأه مخلوق حساس

و عاااطفي جدااا

ممكن بسهوله تمنح قلبها للرجل



هي في حين انها كلمته فهي حبته

ومن باب الثقه كلمته

انا ما اتكلم على البنات اللي يعرفون عشره

هذي غير هذي حاله خاصه

ماخذه المسأله مجرد لهو نفس الشباب اللي يكلم عشره



يقال ( لو انها محترمه ما كلمت شباب )

انت يوم حبيتها و عرفتها ما عرفت نوعيه اخلاقها ؟؟

ما عرفت انها محترمه او غير محترمه ؟؟



و يقال ( روح احفر وراها و بتلقى بلاوي )


و اذا مالقيت شي ؟؟؟

و هل هي ملاك معصوم من الخطأ


هل الرجل فقط من نتغاضى عن اخطآآءه


هل لانه مجرد ذكر لذلك لا يمكنه ان يحمل مثل ما يقال شرف العائله


الشرف يملكه كل من الرجل و المرأه على حد سواء

لا يحدده مجرد غشاء







عموما الرجال ( بعضهم ) انانيين

يقولون احبها نعم اتزوجها لا

لماااذا

على اساس قاعده كلمتني فراح تكلم غيري


انزين ليش البنات ما عندهم هذي القاعده




و الا يعني اللي يسوي شي راح يشوف الناس كلها تسوي نفسه



او هل انت لا تملك ثقه بنفسك انك تحكمها و تمتلك كل مشاعرها



لأن المرأه اذا احبت شخص لا ترى غيره :)


هل هي جريمه لأنها حبتك و سلمتك قلبها؟؟


هل هي جريمه اذا انت تزوجتها لانها تحبك ؟؟؟




عموما انا مو مع او ضد الزواج التقليدي


بالعكس


انا أؤيد الزواج التقليدي

لأني باختصار لا أؤمن بالحب


و الرجل يحب لمجرد الحب

اما الفتاه تحب لتتزوج



:>


و انا مو ضد او مع الآراء السابقه

فلكلٍ رأيه :)

سوري عالاطاله او اذا خرجت شوي من الموضوع :)
[/align]

[الـزين يفرض نفسه]

متـآبعه ..

واحييك اخوي العم لغم رد متزن :)

قــواكم الله :)

[راحل بعيد]

يا جماعه ترى أغلبنا يكلم بنات

و اغلب البنات يكلمون شباب .

أنا أقدر اكتب هني كلام يوافق الغلط اللي قاعد اسويه و يبرره . ... بس هذا عيب ..

لازم نقول الشي صح .. حتى لو اننا مو قاعد نسويه ..

الشي الصح هو و بإختصار :
البنت الشريفة العفيفة لن ترضى ان تكلم شخص ليس محرم لها .. لو مهما كان ..
وكذلك الرجل الشريف العفيف لن يرضى ان يلعب بشرف بنت .. ولا جا وقت الجد قالها انتي حبيبتي اي بس زوجتي لأ ..


ملاحظة هامة :

وجهة النظر اللي كتبتها ترا بغض النظر عن أنا شنو أسوي أو أنت شنو تسوي أو فلانة شنو تسوي .. هذي وجهة النظر الصادقه تجاه الموضوع ..




أختي جست سمايل :
لا تندفعين عاطفيا و تتكلمين تحت سيطرة العاطفه ...

تكلمي تحت سيطرة العقل .. لو كلنا نبي نحكم على أساس العواطف .. ولا واحد فينا راح يقول هذا الشي غلط ..



شكرا لكم

[just:)smile]

راحل

انا ماقلت انه موغلط


هو غلط و غلط و غلط


انا معاك انه غلط


بس فوق وجهه نظر بعيده عن العاطفه

و انا قلت فوق انا مع الزواج التقليدي

بس هم الزواج عن حب مافيه شي انا اشوف اللي حولي شكثر عندنا متزوجين عن حب

ماقالو لا شلون اتزوجها هذي كلمتني تكلم عشره

بالعكس قالوا هذي حبتني و كلموا اهلهم و خطبوهم لهم و تم الزواج و الحين ماشالله عندهم عيال


كذا شخص عندنا بالعايله مو 1 او 2



:)