البـنـآت و الفـرآرهـ ( القـز ) و رآيكـم .. !! من وآقع ـنـآ

[عهوده]

شإكره لك غلآتي

بصرإحه إنـآ مو من ألنوع إلقز إو إلفرإره إلمهم وإلآهـم هالشي يعتمد على إلآهل بس اللي اشوفـه اذا تبين تغيريين جو مو كل إهو مو حللآآو يآبآبـآتي إنتي إطلع ويـآ آلآهل إبـرك لي وإللي قآعده اجووفه إنـهم حييل يكونووون بسوقـه ويفرون ويقزون ويعيبون على هآذي وهآذي بس شنسوي

[مجنونة حب]

السلآم عليكم ..~


" الـــمـــرأة "

حكآية أثرية تـُروى على لـِــسآن "الرجل" منذ الأزل

>> لـ ماذآ تــُــحاسب المرأة على أعمآل سببهآ رجل

..

ذكرت يآ أخي الكريم في نهآية حديثكـ

بـ أنكـ مع أن تخرج المرأة و تـُــرفه عن نفسها

لكن بـ شرط أن تخرج مع الأهل ..

و على وزن المنطق الذي تحدثت عنه

فـ نحن أيضـًــا "معشر النسآء"

نـُــطالب بـ أن يخرج الشبآب مع أهلهم

..

أنا لا أرى ما المآنع بـ أن تخرج الفتاة

مع صديقاتهآ لـ تـُــرفه عن نفسها

على أن تكون ضمن حدود الاحترام و الأدب

و كذلكـ الشبآب تـُــفرض عليهم ذات الحدود


..


((sul6an))

أشكركـ على تميز طرحكـ ..ْ

>> أما عن اختلآف الرأي .. فـ هو لآ يـُــ فسد للود قضية

..

[درر لولو]

[align=center]يعطيكـ العافية;

صح إللي صاير هالأيام بزود;
يعني حتى أستغرب بنات صغار طالعين بدون أهاليهم;
آنا أهلي ما سمحولي أطلع ويا صديقاتي إلا لما وصلت نص مرحلتي الجامعية;
وتحت شروط وضمن قيود;
يعني مو هدد الموضوع!

وبعدين طلعة البنت وايد من بيت أهلها شغلة مو حلوة;
الغريب الحين إن عادي البنت تسحب سويتش السيارة وتطلع بدون ما تاخذ إذن أهلها! :/
ولما تطلع وتشبع من طلعتها يتذكرونها أهلها ويدورونها ويسئلون! :/

وبعدين يمعة البنات بالطلعة مو شغلة زينة;
يعني كحد أقصى آنا أشوف إن 3 بنات ويا بعض أوكي; وهم يتعرضون لمواقف بايخة;
وآنا لاحظت هالشي لما جربت وطلعت ويا عدد كبير من صديقاتي;
ما كانت الطلعة مريحة ..
بعكس لما الوحده تطلع ويا أهلها أو مع خوانها تكون طلعتها محكومة بقوانينها وآدابها .. مو معرضة
لتأثير بنات تربيتهم من الممكن إن تكون مختلفة عن تربيتها إهي ..

موضوع "القز" و "الفرارة" << ما أحب هالكلمتين :/
شنو الهدف منه ؟ ولا شي ..
زين ليش ؟ ليش الواحد يضيع وقته على ولا شي!؟
عشان وناسة ؟ ترى الموضوع ما يونس أبد! إنما يعرض البنت لمشاكل إهي في غنى عنها!
وبعدين ترى مسوين زحمة وايد!
أتمنى يخفون :) عشان الناس اللي لها أغراض تقضيها تخلص شغلها في أمان الله .. [/align]

[الـــريـــح]

يعطيك العافية على الموضوووع الحلو
جميل أن الشخص يطرح قضية ويتناقش فيها

الأجمل الحرية بالرأي بالتعقيب
من ناحية الفرارة بالنسبة للبنت

ما أخفي أن للوقت هذا أشعر بأن الآية انقلبت عدل
صار الولد يحمل الحياء والبنت الجراءة
صار الولد حنون لدرجة التحول الغريب واللي نشوفه والبنت قاسية تحمل التعامل الرجولي
صار الولد مؤدب والبنت لسانها طويل ماتمشي بوزارة
أوبقطاع عمل إلا وتشوف هذه اللي تتهاوش وهذه اللي تتلفظ بألفاظ بالطبع تليق بمقامها
بشكل عام أشووف العكس قاعد يصير

ولو تطرقنا لسبب هذه المشكلة ممكن تشووف لها وايد أسباب
أولها__ لا تنسى عنصر النساااء أكثر من الرجال
ثانيها __ نوع المرأة محبة التجول والتسوق ولو حتى بدون نقود تحملها
ثالثها __ ذهاب الرقابة في الأسرة مافي وعي تشووف بنات رادين البيت الساعة 12 بالليل مافي أي مشكلة
رابعها __ التربية الخاطئة وخصوصا في سن المراهقة
خامسها __ الحرية الزائدة والدلع الخاطيء
أتحدث من هذا المنطلق أني ما أعمم عشان البنات لا يحقدون علي
أتكلم أن صح يا بنات اللي قاعدين نشووفه استهتار
مواقف يدنى لها الجبين

وحتى لو ما نظلمهم بعد للشباب نصيب
ممكن سؤال ينهي كل هالحوار

لو البنات كلهم اللي بالديرة مايطلعون إلا لحاجتهم ما شفتوا الشباب طلعوا من غير حاجه
هذه الصراحه الشاب المستهتر ماطلع إلا ومتأكد أنه راح يلاقي مقابل
أتمنــــــى ما أطلت بالسرد والنقاش
أشكرك عزيزي لمثل هذه القضايا
وقد تم تسجيلي لمحبتي بإدلاء رأيي نابع من حريتي
يعطيك العافية
مع تحياااااتي
الريــــــــــــــــح

[الـزين يفرض نفسه]

صباح النور والنوير ..

في البدايه حبيت اشكرك على الموضوع ،،

وانا من فتره طويله جداً جداً ماناقشت بهالقسم ،،

وحبيت اعطيك رآيي من وجهه نظري ..

سالفت البنات اللي شفتهم ويتحرشون باختصـآر شديد وبكلمة وحده ،، مومتربين ع الاحترام والسنع .

ثاني شغله ..

أكيد الحرية حلوة ومطلوبه ،،

لكـن ..!!

مافي شي اسمه حرية مطلقة بل حرية مقيدة

حتى دينا الاسلامي اعطى للانسان حريتة ويقر بـ هالمبدأ لكن !! مقيد .

والله شوف البنت على تربيتها واخلاقها ..

يعني في الزين والشين ،، يعني البنات مو كلهم مثل مثل .

التربية تلعب دور كبير :)

اتمنى وصلت رايي ..

قـواك الله ،، وتسلم ايدك على هالموضوع :)

[Jro0o7_el.9amt]

اولا يسلمو عالموضوع .. اللي صج يستاهل النقاش

ثانياً انا اتفق معاك اخوي سلطان لانه المجمعات انحطت لهدف معين يعني تشتري او تاكل او تشوف فلم واللي ما عنده شغل يتوكل بيتهم ... وقصة انه البنت تطلع مع رفيجاتها بدون اهلها كلش ما اايدها .. ( الحمدلله عندي اهل يخافون علي)

بس البنات ماشاءالله عليهم وايد شاطين اعمارهم ذابحتهم الكشخه والتفلسف يعني احنا فري .. خلاص يبا قلنا فري بس مو جذي فشلتونا وخليتو كل الناس والشباب ياخذون فكره علينا كلنا مو زينه ( يعني الخير يخص والشر يعم ) حتى اللي محترمه ما سلمت

وغيرو جو باحترام مع اهلكم وقعدة البيت حلوه تعودج عالثقل

وانا اختلف بالراي مع اخوي ( قدساوي كول ؟) انه احيانا بعض الشباب ينجبرون انه يكلمون البنات اللي جذي بالعكس ماكو شي بالدنيا اسمه اجبار لو اهوه ما يبي .. بس اللي يبي يبي

وسوري طولت عليكم .. وسامحوني اذا كان اسلوبي شوي هجومي .( بس صراحه انبطت جبدي ) لووول

تقبل مروري :)

[برشلوني 10]

ابي ارد على الموضوع بس دخت من صورة حمود وهبي

انا ادوخ لاشفت هيفاء وهبي

نرجع لمحور حديثنا انا مره صارلي موقف في السوق وانا قاعد امشي معني اكره السوق

بس رحت اتغرض وفجاء ولاء بنت جتني وجه بوجه دعمتني حاولت الف بس قلت الحين تدعمني سيارة ثانيه

قصدي بنت ثانيه فا دشيت فيه وطايحت عقالي واغراضي لوووووول فا صراحه الحين البنات يقزون اكثر من

الشباب لان مافي لارقيب ولاحسيب صراحه الحق على الأهل ويعطيك العافيه اخوي

[SuL6aN]

تســـلمون ع التواصل و عساكم ع القوهـ

نورتوا الموضوع بردودكم ..