مـــســاحــــــــــــه حــــــــواريه .. حـــــــــرهـ

[nawal]

السلام عليكم ورحمة الله وبركاته

اخييي صعلوك


استبدل التبن بالجرجير


انه متوفر في جميع محلات الخضره والجمعيات التعاونيه > الحراميه



ومفيد للصحه :)

[صـُعـلـوك مـُتـمرد]

أخيتي نوال

الجرجيــر .. لا يصلح لنا

نحن معشر العزابيه .. البؤساء بـ الأرض

والذيـن نعاني الأمريـن ..

حتى لا يحصل ما لا يحـمد ُ عقباه .. !!


: )

[nawal]

اخييي صعلوك

مازلت اعزب ؟؟!!!

اذا ابتعد عن الجرجير واستبدله > علج بوسهم


تبي اكلم لك ام عادل الخطابه ؟

[صريح..!!]

السلام عليكم ورحمة الله وبركاته

اخي صريح


للصبر فؤائد لاتعد ولاتحصى

ان الله مع الصابرين اذا صبرو

للصبر طعم جميل لايحس به الا من انتظر طويلا ثم يقطف ثمرته

لكن هناك الكثير ممن لايطيقونه

يتمللون منه


كما قال ابوخالد (( للصبر آخر خلاص .. عافك الخاطر خلاص ))

وعليكم السلام ورحمة الله وبركاته


اهم شي اخر شيء

الناس تستشهد ببيت من الشعر

او حديث او اية

والمشكلة اختيار غير موفق بعد

يعني لو تتكلم على الصبح بشكل عام افضل

هذي فيها عافك


اخاف انج عفتينا انا وصعلوك

ومسوين لج زحمة بالقسم الظاهر

اقول محمد

البنت تبي تخطب لك

يرحم امك وافق

علشان تزيد الطين بله

هههههههههههههههههههههههه


واشوفك باجر تفتر بالشوارع سعابيلك تارسه دشداشتك

من الدين و الفلس




نوال لا تاخذين اثم بزواج الاخ

ما يصلح للزواج

شخص متقلب

يعني ممكن يقوم من النوم يقول انتي طالق

يرد ينام يقعد يقول انتي زوجتي وانا ماطلقتج كنت اضحك

يعني متقلب عادي

[nawal]

هاهاهاهاهاهاهاهاهاهاها

الله يغربل بليسك يا مطوعنا

ترى موانا اللي بتزوجه لاني ماتزوج صعاليك متقلبين

فديته محمد عادي يطلق ويرجع > كيفه


بس ان لاتخطب له وتنشب له تبي اختها

فديتك صريح وربي ضحكت من قلبي فديت قلبك النظيف

يعني انا ودي الطف الجو ولا اقدر استشهد بآيه قرانيه

[صريح..!!]

هاهاهاهاهاهاهاهاهاهاها

الله يغربل بليسك يا مطوعنا

ترى موانا اللي بتزوجه لاني ماتزوج صعاليك متقلبين

فديته محمد عادي يطلق ويرجع > كيفه


بس ان لاتخطب له وتنشب له تبي اختها

فديتك صريح وربي ضحكت من قلبي فديت قلبك النظيف

يعني انا ودي الطف الجو ولا اقدر استشهد بآيه قرانيه

دوم يا رب الضحك




بخاطري اتهاوش ويه محمد

بس اخاف منه الصعلوك هذا

صماخه كبير ما تنفع وياه






افكر اني اقول له تعال وياي مسبح نادي او البحر

علشان اشربه ماي لي يقول بس

احس مايعرف يسبح الصعلوك هذا





محكمة

تم الصدار البرائة للاخ عبث من عشق الخيال

وتم سجن الاخ اريش العين بسجن العابثين بالحب

وتم الابعاد للاخ هنيالك عن الساحة الفكرية الى الساحة الرأس مالية

وتم غسل عقل صعلوك ولم تتوفق الشركة بالتغسيل والسبب الشوائب المترسبة

وتم الموافقة على زواج الاخ لنا عمر بلياك ... بالصيف سنة 2030

وتم اصدار كتابة يحمل معنا الحب الاخاء للغالي علينا الأخ البحر الهادي

وتم تسليف الاخت نوال دراعتين من اللي كانت لابستهم خالتي غماشة :)

وتم ترقية الاخت جست سمايل الى ان حصلت على مسما مدرسة ما تدري شنو تدرس

وتم اعطاء بيب بيب سيارة (( وانيت )) قمارة ونص اللون اسود فئة نيسان موديل 1984

وتم طرد جميع اعضاء منتدى كويت 777

واغلاق المنتدى للصيانة

وتم اغلاق محلات الكمبيوترات كلها

ومن ثم الشركة الرئيسية

وتم رجوع البشر الى الحياة في الجاهلية

والسبب تم نفاذ البترول

شكراً شكراُ

للذينا وافقو على بيع الكويت

وما هي الكويت .؟ ومن الكويت ..؟

سؤال يطرح نفسة

[صـُعـلـوك مـُتـمرد]

يـا الربـع من يعرف له مشـعوذ

عـنده جني يمشي لنا قرض من الوطني :/



نــوال

خـطابة .. !!

والله وتالله وبالله أن تقـطعني ( رفعه )

إربا ً أربا .. وأكل ضربا ً حتى ( ما يبنش لي صاحب )

وكأني حرامي ( جزم بـ جامع ) .. !!

ولكن إن كـُنت ِ مـُصره فلا بأس

فلا يهـم الجمال .

.. ولا الأخلاق .. ولا تظفر يداي بـ الدين

ولا أريدها على قدر من الأخلاق

فلا بأس إن كانت ( مستعمله إستعمال مدرى )

إسمحلي صريح

فقط أريد أن يكون بـ حسابها خمسه مليون دينار كويتي

وليس عـندي ما أقدمه مهـرا ً لها

إلا قمل هـدومي .. وليس عندي مركبه لإتنقل بها

لـ ذالك يجب أن أشارطها مركبتها .. !!


ويا حبذا لو كانت تسكن في { عبدالله السالم }

أو بـ ِ { شيوخ ألف السكنيه }

لأني لا أملك بيت يصلح لـ سكن شرعي

فـ أنا ساكن في سكن عزابي بـ { الجليب }

بـ غرفه أتقاسمها مع ( عبدو ) الصعيدي

و ( جاريش ) البنقالي .. ودورة مياه جماعيه .. !!


ترى ماني داخل على طمع : )


صريح

هاهاهاهاهاها

وفقـت بـ نشرة الأخبار لـ { الشلة الداشرة }

لـ أول مره أوافقك الرأي .. !! : )

صريح ..

كـُل ما أذهب لـ المصبغه وأقول لها

( شماغ غسيل كوي مستعجل وسوه سبعه )

ويرد علي كومار بـ غضب

( بابا سنو هذا أنتي سوي سبعه سبعه سوي كشخه

دور بوونيه وانت مافي فلوس خمسه شهر يدفع مشان أنا )

وأخرج منه وأنا أجر من خلفي أذيال الهزيمه

فـ حقا ً أن الدنيا إسم ُ ُ مصغر من الدنائه

تبا ً لها سبع مرات إحداهن بـ التراب

فـ حتى كومار ( المصبغجي ) أصبح

متعلقا ً بـ حب الدنيا والماده .. !!

: (

[nawal]

السلام عليكم ورحمة الله وبركاته

صريح اخوي

انا اقول لوتودي السيد الصعلوك الى لجنة العثمان قسم الزواج وتكسب اجر فيه

لطالما عنده حالة التقشف ورفعه الله يسلمها ماسكة له العصا


يا صعلوك انت قل لي من يملك في حسابه مليون حسنه وانا اتزوجه :)

[nawal]

امممممم


المساحه تشكي من الصمت


عمار ياكويت يا اغلى بلد

[صـُعـلـوك مـُتـمرد]

نوال

لـم تتـرك مـوضوع في المنتدى

إلا وقامــت بـ/ الرد عليه .. !!

وكل هذا في الفجــر !


{ يا شين الفراغه }


:/

[nawal]

ابودوسه

مليت من الطباعه والدراما

قلت افتر بالمنتدى وارد على البشر في الفجريه

انت وش مسهرك ومتابع ؟

عن نفسي ماعندي فراغ عندي انتراس < فسرها براحتك


يبدو ان مطوعنا صريح بعد محاكمته للنخبة المختاره < اللي ولا واحد فيهم رد عليه مدري ليه

قد اعتزل واصبح ..... ؟

[nawal]

السلام عليكم ورحمة الله وبركاته

المشاهدات كثيره


المشاركات قليله


المتابعه .. تتعب البصر وترويه



يا مشغل التفكير .. صوره بخيالي


هل فعلا من يشغل تفكيرنا .. يكون في الغالب صوره من الخيال ؟؟

[nawal]

يطلبون الحريه وهم مقيدون بقيد من ....!

هذه مساحه حره وتبدو كـ الصحراء لا اسمع بها الا صدى صوت الرياح !!

[دبلوماسـي]

Ok

OK



قود لك

[nawal]

دبلوماسي

وش اللي ok ?