فصخت النقاب ولحجاب والعباية ...

[قيه]

قصه سمعتها

وحبيت انقلها لكم بس بطريقه مختصره

وبعدين نتناقش فيها





وحده الله يستر عليها

تدرس بمعهد التجاري والبنت منقبه وعباية راس

ولكن للاسف

هالشي كان جدام اهلها ... ومجرد ما ابوها

يوصلها الكليه واهو أمأمن عليها ... تخون ثقة اهلها

وتقط العبايه والنقاب وتقعد بالملهلب ضحك وصراخ

ومصخره ويا ارفيجاتها ...

وعلى هالحال يوميا ... وعبايتها طبعا مقطوطه بالحمام

عزكم الله ... ويا باجي الملابس

لين ماصار اليوم اللي الله بغى يفضحها

جدام اهلها ... يت عاملة النظافه مالت الحمام

وشالت الجيس الي فيه عبايه وملابس

وقطته بالزباله عزكم الله مره ثانيه

واهني صارت الصفعه بويه البنت وباجي ارفيجاتها اللي

على نفس النمونه ... اغراضهم كلها انقطت وتعالو شوفو

البجي ومناحه بالمهلب ...

اشلون ابوها بيي ياخذها ... ؟؟؟

واشلون بيشوفها بهاللبس لا عبايه ولا حجاب

ولا عمات عين ... ؟؟؟

الصراحه مادري شصار بالبنت بعدين ...

هل راحت شرت ملابس ... ولا اهلها

ذبحوها ... ؟؟؟




المهم ...

هاذي حاله واقعيه تصير بجميع الكليات والمعاهد بالكويت ...

ولكن عقب الفضيحه الي انكتبت بالجرايد ...

احتل التجاري المركز الاول بالسمعه السيئه ...

وطبعا ظلم نسبه كبيره من البنات المحترمات

الي يدرسون اهناك ... ماعلينا




شنو تعليقكم على القصه اللي كتبتها لكم ... ؟؟؟

هل صادفتو قصه مشابهه بحياتكم ... ؟؟؟



شنو الاسباب الي تخلي البنات يسوون

هالحركات من ورى اهلهم ...؟؟؟

وليش توصل لي درجة فصخ الحجاب والتفصخ

جدام الناس ... ؟؟؟




اخر شي تعليقكم على الموضوع بشكل عام واذا عندكم

اضافاات او نقد او نصيحه لهالبنات ...

فحياكم ...


منقووووووووووووووووول

وشكرا

قيووووووووووووووووونه

اذكروني

[just:)smile]

انا اشوف ان الموضوع مكانه في النقاش الجاد

و هذي الحاله وااجد نصادفها

اذكر مع رفيجاتي وحده بالباص

فري و عادي و مكياج اوفر

بس تقرب لبيتهم تمسح المكياج و تلبس الغطوه



انا اشوف ان هذي الافعال سببها تكون البنت مغصوبه على الحجاب او العباه او النقاب


الشي ما يجي غصب

الشي يجي بقناعه

المفروض تقتنع البنت بالنقاب او الحجاب او العباه عشان من ورا اهلها ما تقطه

تكون ملتزمه فيه

لابسته باقتناع من ناحيه دينيه مو من ناحيه عادات و تقاليد

الاغلب ياخذها من ناحيه عادات و تقاليد عندهم اهم للأسف من الدين

و لذلك يجب اقناع البنت من الناحيه الدينيه

و ليس اجبارها

[همـس]

[align=center]والله تستاهل الحرق بعد .. !!

الي تسوي في ابوها جذي ..

اما لـ / شفت يمرون حوالي ..

لكن ملقتهم قفـاي .. اخر من ارافقهن

والاشكال هذي كثرت ..

والله لا يوريني رفقه من نمونتهم.. !!

اما عن الاسباب ..

اتفق مع جست بكل الي قالته

ضغوطات من العائله

وفرض الحجاب .. كلها توصيله لـ / طريق الانحراف

اما تجي بطيبها .. ولا بحريقه !!

واخيراً التربيه .. [/align]

[Women~ّ~From~TheSun]

[glow=ffcc00]
قيه المحترمه يعطيك العافيه وهذه المساله أيضا حدثت ب كلية التربيه الأساسيه ولان طبيعتي متفائله

وتتعب نفسيتي الامور السلبيه لهذا لا اقترب من قراءة المجلات المتخصصه ب الإجرام لشدة حساسيتي

وان العالم بخير وحلو لو إنها كانت العكس ونا اب أعرض عكس الصورة اللي عرضتيها بنت بالتاسعه من عمرها اشتكت لي انها ترغب وتعشق الحجاب وأهلها رافضين فديت قلبها مشّت كلمتها عليهم وتحجبت الله يثبتها على يقينها ويثبتنا ويهدينا آمين رب العالمين شكرا لج من القلب وتقبلي مروري
[/glow]

[THE UNDERTAKER]

شكرا لا تحرمينا من ابداعاتج

[قيه]

ردو الزياره يا حلووووووين الطبايع ...

[عاشق الحزين]

تسلمين على الطرح المميز الراقي

يعطيج العافيه

[lolli-pop]

وييييييع اي شي ؟

هذي الصراحه مال يقومونها بطق وينومونها بطق

وييييييع اشكال وصخه


الصراحه ينرفزووومي هالبنات مرة كنت رايحه المهلب الظهر واااااااي لا تشوفون والله عقبها ما طبيته الا خمس دقايق كنت مظطرة اي اروحله

وييييع والله اشكال الله يشافيهم فيهم مرض نفسي


الله يكافينا ويكافيكم شرهم

[أوراق منسية]

الله يهديهن ويصلح حالهن...القناعة لازم تكون داخلية حتى يلتزمن بالحجاب...وكل شي يلعب دور...التربية والمجتمع والصحبة....والأهم من هدا كله الخوف من رب العالمين...عليكن بالدعاء والنصيحة يأخواتي هي خير علاج لهدا الابتلاء لبنات جيلنا

[A7la 7enj]

.


لآ حول و لا قوة الا بالله :/ !
كنت اشوووف بـ كثره خصوصا البويات في الثأنوية
كآنوآ عأدي جدآم أهلهم يلبسون حجآب عدل و جنهم بنات عاديين
لكن مجرد أنهم يدخلون باب المدرسه .. يفصخون الحجآب
حتى جدآم الحآرس و يتحولون الى جنس رآبع
و العياااذ بالله .. الله يبعدنآ ويآكمـ عن هالآشكال .. :| !

انا اقوول آغلب المرات يصير الـ سبب من جهتين ..
الجهه الأولى / البنت .. :
الي طقت ثقه اهلها بالطوفه و اتبعت رفآق السووء الي زآدوهآ تمرد و سجعوهآ
على هالشي .. و الي يكون بالغالب / وآزع الدين ممحي عندهآ
الجهه الثأنيه / الأهل .. :
آغلب المرات لمآ نسآل البنت الي تسوي هالـ سوالف ؟
نقولها ليش تتصرفين جذي من ورا أهلج .. تقول .. أنه اهلها ضآغطين عليها
و مو مخلينهآ تطلع تشمـ هوآ و لا و لا و لا و لا .......... الخ !
فـ الضغط الزآيد على الـ بنات خصوصا أكثر من الشباب من قبل الأهل
يولد هالـ ظوآهر الغريبه الي قمنآ نشوفها بـ كثره في الـ مجتمع ..


يعطيج العافيه حبيبتي ..
مآ قصرتي .. =)

[@أميرة نفسي@]

أول شي

واهم شي..
لازم تقتنع البنت بالعبايه والحجاب

وثاني شي لازم تعرف هي ليش لابستهم


والف شكر لج

[$خالد$]

التربيه لها دور و الوازع الديني ..

[ســهـالااااات]

الشريفه والعفيفه تحافظ على نفسها لو كانت بين الف بنت تدعي الشرف والعفه


والعكس كذلك



هذا أهمال أسري وتربوي

ناهيج عن صحبة السؤ لكن كله ينصب

في قاع واحده .... !


والله يستر على بنات ديرتنا ويحفظهم


الف شكر

[:q زبدة ~ و ~ عسل p:]

ماكو سبب مقنع لاي بنت تلبس الحجاب .. العبايه .. النقاب .. او اي شي وبعدين تقطه لان المفروض حتى لو مومقتنعه تكون تعودت بعد مده .. الله يستر علينا وعلى بناتنا وعلى بنات الناس كلهم

مع خالص احترامي لما يسميه البعض " حريه شخصيه " .. بس التفصخ مو من الحريه الشخصيه .. التفصخ من قلة الحياء

وشكراً جزيلاً على طرح هذا النوع من المواضيع

[Bnoota Mac Chicken]

مو كل شي على الاهل اهيا اتقول انه ترروح ويا ابوها تبون ابوها بعد ايكون سكرتير حته بالمحاضرات ايشوفها :)!!!
يعني اوكي التربيه اهما ربوها عالحجاب ... لكن لنه البنت ياحرام عندها انفصام وحابه تثبت نفسها وتلفت الانظار أو لأنه اتشوف رفيجاتها من غير حجاب وعبايه فحابه اتكون نفسهم ... يعني تصرف مضحك وبنفس الوقت استغفال للأهل !! اوكي مو مقتنعه بالحجاب بس ليش استغفال الاهل حرام :(
مع ذلك انا اعتبر ذلك حريه شخصيه (((((( خارج هذه القصه )))))) اعتقد مفهوم قصدي
وعلى فكرا بخصوص الحكم على الاشخاص من خلال المكان المتواجدين فيه والسمعه فهذا اكبر غلط على هالشغله راح انقول انه الانترنت ممكن مو زين لنه فيه جاتات و و و بالمقابل في محاضرات دينيه ومنتديات
اكبر غلط التعميم !!!! وانا ضد الي ايقولون الشر ايعم والخير ايخص !!!! : (

وثانكس عالموضوع