صمـت الفتـاة عند معاكسـتها !!! ماذا يعني ؟

[سعُود المطيُري]

الـُيوم موضوع حساس يخص شريحه كبيره من فتياتنا
صمت الفتاة عند أبداء المعاكســـــــــه بها , ماذا يعني ؟!
: "لماذا تصمت الفتاة عند ماكستها بها ؟ ,( الغـُـزل )

سؤال يحتاج الى اجابة .. قصص كثيرة , توضح صحة هذا
الامر , ومهما كان نوع المعاكسه فان الصمت يكون سيد
الموقف . هل هو خـُوف ام ضعـُف ام رضــُا ؟!
××
.
واخرى تاتيها مكالمات ورسائل من شخص لا تعرفه , فرفضت
اخبار احد بالامر , وفتاة تعرضت للاغتصاب ولم تخبر احد فضاع
مستقبلها وضاعت حياتها , ولجات الى ايذاء نفسها .. وسؤالي
هنا .. ما الذي يدفع الفتاة الى الصمت عند معاكستها ؟
هل هو الخوف ؟
هل هو الضعف ؟
ام هو الرضا ؟

شاركوا بالاراء حول هذا الموضوع الذي وللاسف الشديد منتشر
في مجتمعنــُآ

[اوراد]

صبآح الخير ،،

في أشكآل مآ تمشي إلآ بالـ حقرآآن
و في أشكآل بصرآحة في قممممممة قلة الادب الي ما يهد البنت الا لمآ تعطيه تكرم بالجوتي على راسه : )

بالنسبة لي الصمت أو الحقران إهـو الخيآر الاول .. لكن اذا شفت تمآدي و شفت إن الصمت مآ يآب نتيجة في طرق ثآآنية لـ حل الموضوع ،،
^^ هذا بالنسبة للغزل العآدي الي صرنآ نشوفه كلللل يوم ،،

لكن سآلفة إنهآ تتعرض للإغتصآب الله يكآفينآ الشر و تسكت !
لآ هذا اكبر غلط !!

صدقني السكوت قد يكون ضعف قد يكون خوف لكنـه مستحيل يكون رضآ ،،
لآن الي ترضآ بالوضع تبين من حركآتها من نظرآت عيونها من ضحكآتهآ الـ .... : )


يعطيك العآفية

[حور الكويت]

تسلم ايدك ع الموضوع والصراحة احنا يبيلنا نفس هالمواضيع عشان نناقشها :(
اممممممممم الصراحة انا وايد شفت هالمواقف بكل سوق اروح له
وبعض المرات اتعرض لها بنفسي مع اني صغيرة :(
-------- قلة ادب --------
وسكوتي ما يعني إلا الحقران واتوقع من ان كل البنات جذي مواقفهم
لأن ممكن تردين عليه ويتهاوش معاج او يتمادى أكثر فأختار السكوت للخوف .....
وانا مع كلام اوراد بكل كلمة كتبتها :)

[بيتهوفن]

شكرا على الموضوع ..

وجهـة نظري .. :

1 . ما تحرش الولد ولا قز ف البنت .. الا وشاف منها مبادله

2 . لا كانت البنت حاشمه روحهاا ومالها شغل ف أحد محد تجرأ وكلمها

3 . البنات هم يعطون دافع لان الشباب يتمادون من اللبس الفاضح . والمشيه الغير شكل . . والنظرات أو المكياج ..

4 . والبنت تحس انها تجذب الانظار اذا كثرة النظرات لها .. حتى لو هاوشت وصرخت . من داخل بتفكر ان فيها ميزات خلت النظرات صوبها ..

5 . لانه مكان عام البنت بتاخذ موقف تكون ( متصنعه فيه ) لو انها بروحها . طبعا ماكان ذا ردها ..

كلامي عن البنات . الي مو حاشمات انفسهم لا ف اللبس ولا ف وضعها ف شكل عام ..

والي ماشيه سيدا . محد بيقرب صوبها : )

والمشكله : في نوع من البنات لا تكلمو في هالموضوع . قالو كلام متناقض عن الي يسوونه لا صار هالموقف وياهم .. أكرر نوع من البنات : )

:\

[B0B0xoxo]

والي ماشيه سيدا . محد بيقرب صوبها : )
اسمحلي بيتهوفن اعترض على كلامك بشدة
أعتقد انتوا شايفين شباب هالوقت وبعضهم شلون جنهم مو شايفين خير
البنت تسكت لانها خايفه ان لو ردت عليه او جعمته بيتمادى بالذات انهم
ما يستحون بصراحه واعيد الاغلبيه مو الكل واحسن شي البنت تسويه
تحقرهم اما بحالات الاغتصاب وجي ما اعتقد ان بهالوقت احد يسكت عنها
والحين الناس تفتحت بان هالمواضيع ممكن تصير مو نفس قبل

ويعطيك العافيه ..

[بيتهوفن]

وجهات نظر ..

أحترمها ..

بس الكلام الي قلته شي واقعي .. : )

:\

[قيه]

من جم اسبوع اختي

قاعدة تمشي بالشارع كافه خيرها وشرها

شوي والي سياره من صوب اللفه تطلع

ومن جم جهه احاوطون السياره الي جدامها كان جيب ازرق

وفيه بنت مو متحجبه ...

وماتركو لها مجال ونزلو من السياره

اختي شافت الوضع جذي اخترعت حطت ايدها ع الموبايل

وكانو اراقبون بعد اختي ... خافت من نظراتهم كانت بدق ع الشرطه

وسكتت وكملت طريجها وطالعت بالمنظره

ولا سياره وراها ... صبي دق ع الشرطه

شكلها البنت عندها سالفه ما اتوقع سالفة تحرش شكلها

القصه اكبر من جذي

لانهم مضبطين الوقت ومراقبينها

وبنفس الاسبوع ولا اليوم الي وراه بالضبط

تقول اختي بترد البيت خلاص خلص دوامها ولا شنو

صبيان ومقفين سيارتهم بوسط الشارع

وقفت اختي وطقت هرن ( حركاو وتاشر بيدها يالله حركو )

قالو لها السياره خربانه

قالت دزوها

قالو لها رجعي لي وره

عصبت اختي جان تقول امشي رونق سايد طول الطريج يعني

اشوه ولا منو وراها ابو مع بنته

ويشخلهم شخال يالله تحركو

ما ادري شفيهم بعض لصبيان قاضين

موقف ثاني

رفيجت امي كانت بمواقف الجمعية فجاه تسمع صوت بنت تصرخ

ولا شنو صبي لامها ولا راضي اهدها

واقولها كلمات حب ... ولبنيه تصرخ وخر يا مينون

واهيا حامل وتقوله انا متزوجه

ما يندرى شقصتهم ... ؟؟؟

بس الغريب بالموضوع الناس بس اتطمش

ولا احد ساعدها وتحرك

صارت الناس تخاف تساعد الخوف

انهم يدبسون بالموضوع

بايام الثنويه صار هالشي بمدرسة اختي

جمانه... ثنوية الضاحية

بالهده ... كانت بنت وواقفه والظاهر

ماكان في وايد بنات ولا همر اسود مغيم

ابوقونها مع انها حرام بنت مؤدبة ولابسه عباية اسلامية

الي شاف الموقف اتصل ع الشرطه اهوه اوردي في شرطة

بمدرستهم بس الجهة الثانيه يي البلاغ حقهم واطيرون وراهم

وقفهوم بس شصار بالبنت صج ما مداهم اسون شي

بس البنت خلاص استخفت وما قامت اداوم بالمدرسه

قامت اتعالج بمستشفى الطب النفسي

بسبت هالخنازير

انا اقول يا الخمه دام انتو جذي حيوانات

وفيكم شهوه ادلون طريج الخراب

تعرفون الاماكن الي بالكويت وحتى بره

ليش تسون بنات الناس ... جذي ليش

مره كنت بالافنيوز

كانت اخر ايام برمضان ومابقى شي ع العيد يوم او يومين

ما اذكر ... المهم كان زحمه زحمه حيل

وانا امشي واطالع سيده شوي الي واحد طال بويهي

واقول عذاب دماااااار ... انا انحولت

عارف شعور انك ماشي فجاه شي اطل بويهك

وللحين مو مستوعبه الصورة

مره كنت همن بالافنيور

وصوب ماكدونلدز ناطره امي تاخذ الطلب

شوي والا امريكان من الجيش شكلهم

المهم وايي واحد ولصق فيني حيل وانا اطالع سيده

واهوا اطل بويهي واقل كلمات وانا من الموقف ما ادري شقاعد اقول

احس شعره بس بيني وبينه

قلت بقلبي يا الغبي ... عبالك انت بامريكا

قاعد وتغازل وتحرش ... شفي هذا

قاعده واتحلطم ...

وهوه وربعه اطالعوني بنظرات

وصخه عكفت الحواجب وماده البرطم وقمت اتحلطم

شفيهم هذيله شيبون شنو كل من تكشخ

يعني تعالو غازلوني كيفي اتكشخ حق روحي

مو عشانك انت وياه هالخمه ... اصلا تبين البنت

السنعه من ... جكيت بروحي سالت

فيني شي غلط شكلي قليلت ادب

قالت اختي لا قلت عيل شفيهم والله جككوني بعمري

هذا اغرب موقفين مرو علي ...

بس لا ماراح اسكت لو صار شي

يتعدا لحدود ... شكو اصلا البنات يسكتون

والله لفضحه ... واخليه بيزه ما يسوى

عندك شي عاجبتك اخطبني

لا تلف وادور عندي

ماني فاضيه حق هالحركات

لازالت الدنيا بخير

مثل مافي خمه ... في ناس سنعه

وتستحي منها

من فترة كنت بمجمع الفنار

كانت امي يمي

واحنا بالسلم المتحرك نازلين

ورانا مجموعة شباب من صوب السينما

المهم نزلنا منه ومشيت جم خطوه التفت وين

امي ... ولا عباتها تعلقت بالسلم والشباب

ملتفين ... وايرون عباتها واساعدونها

انا تنحت بمكاني مفتشله وقمت الوم نفسي

شلون ما حسيت بامي

مومستوعبه الي صار ...

كانو صج ناس اخلاق راقين حيل

موقف ثاني

اختي كانت بالدوار والاولويه حق منو ... ؟؟؟

المهم حقا جان تطلع والمشكله هذاك موقف يوم طلعت

اختي كفخها وصعدها

بسور بيت الناس .. وقب ونحاش

طبعا سيارتها راحت فيها دعمها من النص

والتواير يعني حاله تيمعو الناس بعد فتره صبي يالها

وقالها انا لحقت الولد

وخذيت رقمه ونوع السياره وباجي التفاصيل

وقالها سامحيني ع لقصور

وراي محاضرة ...

بهالمواقف اقول الحمدالله لازالت الدنيا بخير

وقراسيس ...

سنيور سعود

تسلم وتسلم هذي اليد

وشكرا

قيوووووووووووووووووووووووونه

اذكروني

[اوراد]

شكرا على الموضوع ..

وجهـة نظري .. :

1 . ما تحرش الولد ولا قز ف البنت .. الا وشاف منها مبادله

2 . لا كانت البنت حاشمه روحهاا ومالها شغل ف أحد محد تجرأ وكلمها

3 . البنات هم يعطون دافع لان الشباب يتمادون من اللبس الفاضح . والمشيه الغير شكل . . والنظرات أو المكياج ..

4 . والبنت تحس انها تجذب الانظار اذا كثرة النظرات لها .. حتى لو هاوشت وصرخت . من داخل بتفكر ان فيها ميزات خلت النظرات صوبها ..

5 . لانه مكان عام البنت بتاخذ موقف تكون ( متصنعه فيه ) لو انها بروحها . طبعا ماكان ذا ردها ..

كلامي عن البنات . الي مو حاشمات انفسهم لا ف اللبس ولا ف وضعها ف شكل عام ..

والي ماشيه سيدا . محد بيقرب صوبها : )

والمشكله : في نوع من البنات لا تكلمو في هالموضوع . قالو كلام متناقض عن الي يسوونه لا صار هالموقف وياهم .. أكرر نوع من البنات : )

:\

1.غلطآن ياخوي والله يآمآ بنات ماشين بحآلهم لآ و مع اهاليهم المصيبة لآ كانت مع ابوها ولا زوجهآ و يتحرشون !!! هذا حده بايعهآ بترآب ! ومرات تكون حامل والله وبطنها شكبره جدامهآ !!!
2.يآمآ بنآت عباية رآس " عشان لا تقول عباية جامعة و مخصرة " لآ عباية راس و نقاب كامل و مغطية حتى ايدينها و تمشي و واللللله ما تسلم من هالاشكآآآل
والمصيبة لآ كآنت مع عيالها بعد !
3.لاتلومهآ لو صارخت او هاووشت في ناس قلة أدب يمكن يكون مد ايده عليها و لمسها وانت ماتدري يعني انت يـيـت على اخر الموقف وشفتها تصرخ عليه بتقول مغازلها و زفته بس انت ماتدري يمكن مآد ايده ؟؟
انا وحدة عن نفسي مرة بـ شرق ! وصلت قلة الادب بـ واحد من اليهاالووو إني لما ماعطيته ويه وحقرته @@ حقد شلون تكسرين فيني جدام ربعي !
وكان يوم عيد وبعزززز الزحمة و بصالة السينما برا عند الالعاب يعني الكلللل يشوف يآي الاخ يبي يمد ايده ويطقني @@
تخيل ياي يطقني ليش مارضيت اخذ رقمه !؟ بذمتك هاذي اشكال ولا هاذي تربية !؟
انا ماشية مع اهلي كآفة خيري شري ماحس الا احد حاط ايده على جتفي ويلفني لي ورا انا تنحت من هالحمار الي تجرأ ومد ايده جان يدزني من جتفي يقولي انتي منو عشان ماتاخذين رقمي انا من الصدمة بغيت اهفه بالكعب بس حزتها صكيته بالجنطة على راسه والجنطة ثقييلة احسن عشان يتأدب و كان يبي يكمل يمد ايده لو مآ شباب كانو واقفين يو مسكوه ليما الامن تدخلو وسحبوه
و شتسوآ عليه دخلوه المكتب انطق طق اليهد وتمصخر جدام الناس قاله مسؤولهم هنآك قاله تبي ادخلها عليك الحين و اسكر الباب واخليها تطقك من هني لي باجر عشان تصير ريال ؟
قعد يبجي ويترجآ مثل البنية !! وانا سامحته و اكتفيت بـ تعهد وقعه عند الامن مو عشآنه بس عشآن امه المسكينة لا يحترق قلبها على ولدهآ بـ يوم العيد !!
فـ لا تاخذها قاعدة عامة ان البنات اهمة الي ايـيـبون لروحهم الحجي : )

[قيه]

[align=center]لانها دنيا دنية

بنشوف هالاشكااااااااااااااااال ...

وكلن حسب مرباه نفسه تدله

مو الكل عالي الساس ... ان كنت انت واهلك وجماعتك

معدنكم طيب ... وتخافون ع خواتكم ومشينهم ع الصراط المستقيم

تظل في فئه من الناس ماعندهم غاريه ع خواتهم ( ديوث ) شتقول عنه

وهالبنات شيطاطين بهيئة بشر ...

بنسبه لك اهما دون المستوى واطين

وانت بالنسبة لهم ... معقد لانك صاين نفسك وحارم نفسك

من الدنيا ( الي اهيا بنسبة لهم كل ممنوع مرغوب ) ان كنت مدين وملتزم

هذي نظرت البنات ونظرتهم للملتزم البنات الصيع

ونفس الشي الشباب ...

سنيور لا اغر نقاب وعبايه

ياما بنات مستغلين هالنقطه ... حق روحتهم وييتهم

وهم اوصخ منهم مافي

سنيور بتهوفن

ترى في صبيان تعجبهم البنات الوصخه

ولا بعد يتزوجون منهم ...

وصخ وصخه لايقين ع بعض ينيازون

( والطيور ع اشكالها ... )[/align]

[اوراد]

[align=center]ترى في صبيان تعجبهم البنات الوصخه

ولا بعد يتزوجون منهم ...

وصخ وصخه لايقين ع بعض ينيازون

( والطيور ع اشكالها ... )[/align]

قآل تعآلى ..
(( الخبيثات للخبيثين والخبيثون للخبيثات والطيبات للطيبين والطيبون للطيبات ))
صدق الله العظيم

و قآل سبحآنه ..
((الزاني لا ينكح إلا زانية أو مشركة والزانية لا ينكحها إلا زان أو مشرك وحرم ذلك على المؤمنين ))
صدق الله العظيم ،،

[صـُعـلـوك مـُتـمرد]

حتى .. أكثر النساء ُ .. شرفا ً .. ونزاهـه

تفـرح بـِ داخلها .. حين .. تلتفت لها .. الأعناق

وتثار أنثوتها .. بـ حرف .. أو كلمة معاكسه ...

حتى وإن أبدت .. أشمئزازا ً .. !!


الـمُعاكسه .. وإعتراض طريق العذارى .. ومطاردتهـن

قبل أن تكون .. حـرام .. شرعا ً .. وقانونا ً

فـ/ ليست هي من شيم الرجال .. ولا من المروئه ...

ولا من موروث أكتسبناها أصالتا ً .. من عبق أجدادنا

الصمـت

قـُل حيله .. وإبتعادا ً عن الألسـنه .. وتحقير

لـ الشخوص .. وتصغير لـ المشاكل ..

وليس الصمت حكرا ً على النساء

حتى نحن نعشر ( المشوربين )

نسفهـه السفهاء .. وندير الظهور لـ سفائف الأمور

ولا نعطي .. قليل القدر .. فوق مقدار .. قدره

فـ الصمت أجابه بارعه .. لا يفهمها الكثيرون .. كما قيل

ولكـن !

بين الصمت .. والجبـن .. والتخاذل .. شعره

فـ الصمت في مواقف .. حكمه

وفي مواقف أخرى .. جـُبن

فليس كل شيء يصمت عليه

والعصى .. تمسك من .. المنتصف .. أحيانا ً

ونأدب بها .. الغير .. أحيانا ً ..

ونضرب بها نفسنا أحيان أخرى .. !!


أوراد

كم رقمك يا بعد ريحة أهلي ؟

[همـس]

[align=right]بالنسبه لـ / ـي

من يريد ان يطفئ لهيب ما حرم بـه من الاهانـه .. !!

ويصبح الذل احد مقومات حياته اليوميه ..

وينتظر حتى

اعيد به الذاكره

لـ / حيث ما نشأ وترعرع

فـ/ العراق بين عماته

البرتقاله و التفاحه ..

ليطبق لنـا ما تعلمه منهم

من

ردح وجوبـي ..

فل يتبعني ويظن إننـي سوف اصمـت .. ! !


شـ الجرآه تكفين ؟؟[/align]

[قيه]

اذا ابتسمت المراة للرجل جري خلفها

واذا ابتسم الرجل للمراة تمني ان يجري خلفها