الضبط والاحضار .. الى متى؟؟؟

[nawal]

السلام عليكم ورحمة الله وبركاته

شكرا لكل من ابدى رايه بالموضوع

وبالنسبه لوجهة نظري لمن يهمه الامر

اتمنى من حكومتنا الموقره ان ترفع الضبط والاحضار عن النساء الحاضنات

وكذلك عن جميع الكويتين وتكتفي فقط بوجود الدين

وتساعدهم في السداد لطالما هي تساعد الدول المجاوره بالمليارات

فليس من الصعب عليها ان تفك دين مواطنيها


اتمنى صوتي يوصل مع اني ماتوقع :(

[لبآ لبآ]

الله لايَهًينُكـْـ.. على هيكــ..
موضوعـــ..
لاهنت يـآإلغـآإلي....

ويعطيــــــك ـآإلعـآإفيــــــــــه ....

وتسلم يمنـآإكـ ....
تقبل مروووووري ....

[د:احمد]

و عليكم السلام و رحمة الله و بركاته

ان الانسان اذا عاش على قدر دخله و عود نفسه على نمط معين

من الحياة البسيطة انه سيعيش معيشة حلال سهله اما ارتكاب اثم الربا

في سبيل الترف و الدلع و السفر فن هذا الطريق سيؤدي الى الضبط و احضار و اكثر من ذلك

شكرن على الموضوع القيم لا تحرمينا من هالمواضيع اقصد مواضيعج

[امير بكلمتي]

القانون بالكويت لا يحمل مغفلين
والشاب او الشابه او الشايب واين كان
المفروض الواحد ما يسوي اي شي الا بالتفكير العميق
يعني مثل واحد طلب من عندي توكيل انا علي طول اسويله توكيل ما يصير
لازم اعرف منو اهوه ومنو يكون وشنو نيته
وطبعا مو اي احد انك تسويله توكيل لازم تكون ضامنه
وللأسف بهل ايام ما في احد يضمن حق الثاني

شاكرلج ع طرحج المميز

[ســهـالااااات]

وعليكم السلام والرحمه


ما ودي اناشبج نوال شبعت مناشب وياج

امممممم

والله يبتها مني طلع وياهم حق يبتها مناك يخوج

شيسون هذي جهة مسؤله ولازم يطلعون المتهم

او الي عليه ضبط واحضار والا شلون بيطبق القانون


الظاهر ان فلان متهم ..لكن الباطن هو ليس متهم

انما قريب له ..اخ اخت ..زوج هو من يستحق الاتهام

لكن كل ذا والسبب قفلة وثقة الغير !


حتى لو بنقول هذا مو متهم حرام

الي يستحق فلان اهم يبون اوراق وثبوتيات

يا ترا بتكون موجوده بالنهاية بيردون عليج ويقولون لج

القانون لا يحمي المقفلين الا اذا عاد صار في قانون



لنسعى نحو ايجاد قانون للمتعاطفين !



ما اعتقد



قواج الله خيتي

وربج اهو الحامي واهو الساتر

وما يضيع حق احد وحق المظلوم خصوصا




تسلمين وما قصرتي

[rashoood]

ماادري عن شنو الموضووع يسلمووو

[Q8 kber]

[align=center]ثمة قضايا مازالت تؤرق الشباب بالذات وتلقي على كاهلهم أعباء ثقيلة، فقد تبدو في مراحلها الأولى محفوفة بالزهور الفاتنة والمغريات المثيرة التي يظهر بريقها يشعشع أمام ناظرهم، ومن هذه القضايا قضية القروض الشخصية فما أن يقع الشباب في مستنقع هذه القروض الآسنة، والديون المقيدة لأعمالهم المنتجة وأفكارهم المبدعة، إلا وتدرك نفوسهم خطورة قراراتهم العشوائية الارتجالية. إنها قضية تسهيل القروض للشاب قضية مؤلمة، تحتاج إلى معرفة خطورتها، خاصة إذا أدركنا أنها قد تسبب العجز عند بعض الشباب، وتحتاج إلى نظرة سريعة إلى سلبياتها وآثارها السيئة على شبابنا الأبرياء الذين لم يتلقوا التوجيهات النافعة حول آثارها الخطيرة وكيفية التعامل مع هذه القضية بنظرة يقظة وفكرة ثاقبة ونفس مقتنعة راضية.
لقد تباينت الآراء حول أسباب نمو ظاهرة القروض الشخصية في المجتمع، ما بين إلقاء المسئولية على الشباب (المقترض) بدعوى أنه لم يُضرب على كفيه للذهاب إلى البنك وطلب القرض، وبين من يؤكد أن حجم الإغراءات التي تقدمها البنوك والتسهيلات يجعل منها المتهم الأول
القروض الشخصية رمال متحركة تبتلع المتوغلين فيها
واقصد بالقروض الشخصية اي نوع من الدين سواء شخصي او لشراء اي شي من
مستلزماات الحياة عن طريق التعامل مع البنوك او غيرهاا .
موضووع جميل ياأختي العزيزة ويستحق الاشادة
والحلوول كثيره انشالله لكن عليناا ان لا نهمل الامر كي لا تصبح كرة ثلج تتدحرج
وتبتلع كل ما في طريقهاا .
والحكوومة بصراحه مااقصرت بداية بصندوق المعسرين ولا انه لا يفي بالقرض
لكن على قولة المثل (( كحل بالعين ولا العمى ))
وعلى الشخص المدين قدر المستطاع الالتزام بديوونه لانهاا بالخير تتعبر دين
وهو مواجه بهاا يوم القيامه عند ربه[/align]

[أسيرالاحاسيس]

صراحه خيتي اذا جيتي تبين الصدق الحكومه مالها ذنب الذنب .. ذنب الشخص نفسه او اللي ظلمه او قص عليه

اذا الحكومه ماسوت هالقوانين اغلب الناس راح تسوي هالأشياء وبتصير بعد مشكلات يمكن توصل للقتل ....

انا اشوف الحل انه الحكومه تدفع للمتدين حتى لودفعات شهريه ولايغرك بعض الشياب اللعن من الشباب بمليون مره ماحترم شيبته ومافي عسكري يكلبش شايب الا عشان مسوي شي ... وهاللي كفل الشخص اهو اللي غلطان ويتحمل غلطته صراحه


مشكوووووووووره خيتي خوش موضوع

[نرجسيييييه]

تحياتي لج عزيزتي على الموضوع والله عطنا عقل نفكر فيه قبل لانخطي اي خطوه نظيع فيها نفسنا ولابد اللي يقدم على امر يكون قد الامر ويعرف شنو عواقبه والانسان لايحمل نفسه فوق طاقتها وبالتالي يقول ليت اللي جرى ماكان مااعتقد الحين في مراه او رجل مغفل الكل اصبح على مقدار وافي من العلم والمعرفه ووزن الامور فلانضحك على نفسنا ونقول الى متى الانسان بيده يوصل نفسه للمرحله هذي والله يفك ضيقه كل انسان

[الـزين يفرض نفسه]

مساء الخير ..

تأخـرت ،،

لكـن ..!

حبيت اشـآرك =)

في البدايه اختي نوال ،، هذي اجراءات قانونيه لازم تتاخذ

والقانون يطبق على الكل ..

حتى لو كان معرس :p ..

بس مهمـآ كان القانون ماقال ان الضبط والاحضار يكون بقسوه وعنف ،،

حتى المتهم له حقووق مايتعرض للعنف والقسوه ... الخ

يعني باختصار المتهم القانون حافظ له حقووقه :)

(( المتهم بريء حتى تثبت إدانته ))

امـآ هل صار لنـآ هالمواقف لا والله الحمدالله ..

وحبيت اشكرج على هالموضوع =)

[،، سهم الغلا ،،]

مع وضد

لان في نااس تطبق عليهم
ونااس لا ... الوااسطه معهم
تمشي




والله كريم

[nawal]

كلامكم على عيني وراسي

لكن تبقى هناك فئه مظلومه ويجب مساعدتها

لازم الحكومه تضع حد لذلك

صرنا شماته للعرب

[بلاك مان]

رد: الضبط والاحضار .. الى متى؟؟؟

مع ان ردى متاخر اشوى بس الواحد لازم يكون حذر بكل خطوه يتخذها من شاب او شايب او بنت لان بعض من اهل العقول السقيمه يستمتع اذا وضع زميله او احد اصحابه في مشكله واغلب هالوقت الناس عايشه زيف بزيف وعسى ربي ماايبلا واحد يعز عليكم بالموقف هذا ويفرج عن كل واحد طااح بالمشكله هااذى ويعطيج العافيه على الطرح المميز

[جنرال خر خر]

رد: الضبط والاحضار .. الى متى؟؟؟

السلام عليكم انا معاكم بالموضوع بسسس عندى اعترااض ياجماعة الخير الحين الضبط والحضار بس محد طق على ايدى وقال اخذ من البنوك او الشركات وطوف

[nawal]

رد: الضبط والاحضار .. الى متى؟؟؟

رغم ان الموضوع قديم جدا

لا اعلم لماذا لغاية الان يطرح في القسم




اين انتم يا مشرفين :)

ارجو حذفه او اغلاقه لانتهاء مدته الافتراضيه

مع خالص الشكر لكل من شارك