إعـــــــلان

**نوايف** · 09-17-2010, 07:40 AM

رد: اجمل الذكريات التي تركت اكبر الأثر في نفوسنا..

يسلمو وصايف موضوعك روعه زيك ..

اكثر حاجه استمتع بها وانا صغيره انو العب مع عيال جارنا فالشارع
كانت الامور مش زي الوقت ذا (؛

وكنت دايم احب اسوي حالي كبيره واتحكم فيهم .. واللي مايسمع كلامي
اعزمه للبيت ونجتمع عليه انا واخواني ونضربه ضرب (؛

وبسس ...

**وصايف q8** · 09-17-2010, 07:46 AM

رد: اجمل الذكريات التي تركت اكبر الأثر في نفوسنا..

الله يا ايام الطفوله.. ايام ما تتنسيش..
اذكر من مواقفي اللي دايم اموووت ضحك منها هي .. ان كان عندي ابله تدرسني اللغه العربيه بالصف الثالث ابتدائي وكنت احبها حيل.. انتهى العام الدراسي ونجحنا ورحت للصف الرابع ولا هذي بنت عمي بصفي .

.الله طرت من الوناسه.. وتونا اول يوم صافين انا وبنت عمي باول الطابور ولا منو اللي يدرسني العربي.. هذي الابله اللي احبها حيل اللي العام درستني..وتششق حلجي من الفرحه ولا هذه تمر علي ولا اقولها ابله ابله

قالت نعم.. قلت ابله هذي بنت عمي صارت بصفي.. ولا الصدمه... حطت ايدها على راسها وقااااالت..
لا لا لا لا لا لا بقرتين بصف واحد..

للاسف الحب ما كان متبادل..

بس كان هذا الموقف سبب وحافز لي للتفوق الدراسي.. خير انشالله..

احلا الالعاب اللي استمتعت فيها بطفولتي..
حي اللميت ، طاق طاقيه ، عظيم ساري سرابه.. حيله> (عجله) ، بيوت ، لعبه المطعم>> طبعا كنا نسوي اكلات شهيه مكونه من الطين والماي.. << حدي قــــــــديـــــــــــــــمـــــــهـ

**Q8 kber** · 09-17-2010, 02:50 PM

رد: اجمل الذكريات التي تركت اكبر الأثر في نفوسنا..

ههههههههههه وربي موضوع روعه اهم شي الايقونات اللي مجمعتهم

لا لا لا لا لا لا بقرتين بصف واحد.. للاسف الحب ما كان متبادل..

ههههههههههههه لا تعليق

بالنسبه لطفولتي والله الذاكره مشوشه

بس اذكر مره سكرت على رقبتي جام سيارة الوالد

وانا صغير ومطلع راسي

من الجام وحاط ارجولي عالدقم ( حالة صعبه

)بس ربكم ستر وهذا انا بينكم

بصراحه هالموقف لاينسى ايام الطفوله

**charming** · 09-17-2010, 04:25 PM

رد: اجمل الذكريات التي تركت اكبر الأثر في نفوسنا..

احلى ذكرياتي . . . مع البلاي ستاشن و السيغا و الأتاري . . . و كنا نلعب الفريج كله . . . تفافيخ و فيها ماي . . . و مسدسات ماي . . . و نرش علي بعض و نستانس . . . ايام . . .

ثانكس علي انعاش الذاكره :)

**بلاك مان** · 09-18-2010, 03:34 AM

رد: اجمل الذكريات التي تركت اكبر الأثر في نفوسنا..

يعطيج العافيه على هالموضوع الرووعه وربي انتى مو انسانه يالغلا انتى جوهره ويعطييج الف عافيه على هالموضوع الحلووو

**وصايف q8** · 09-18-2010, 04:57 PM

رد: اجمل الذكريات التي تركت اكبر الأثر في نفوسنا..

للكل مشـكــ وبارك الله فيكم ـــرورين ... لكم مني أجمل تحية .

بلاك مان تسلم فديتك واذا انا جوهره فأنت بريق الالماس الاصيل.. ما عليك زود لا عدمنا تواجدك الاكثر من رائع..

**راحل بعيد** · 09-20-2010, 03:02 AM

رد: اجمل الذكريات التي تركت اكبر الأثر في نفوسنا..

للأسف ما كان عندي طفولة ..

اذكر اني انولدت و كان عمري 14 ساعتها .. يعني منولد كبير و خالص ..

<<<<<<<< هدي هدي بابا وين رايح ...

كـانت من أجـمل ذكريات الطفولة اللي قضيتها مع عيال عمي و عيال شارعنا هي البلاوي اللي كنا نسويها مع بداية الليل .. ولا تنتهي الى طلوع الشمس من اليوم الآخر .. اتكلم عن العطلة طبعا و اتحفظ على البلاوي .. و بالايام العادية مؤدبين قاعدين بالبيت و نلعب ..

للامانة مادري شقول مادري شخلي .. بس بالمختصر كانت طفولة رائعه و شقية بنفس الوقت ..

كلمة قالها الزير سالم طرت على بالي الحين

" تـــلك أيـــــامٌ مــضــت و لـــن تـــعــــود " ...

**$خالد$** · 09-21-2010, 01:20 AM

رد: اجمل الذكريات التي تركت اكبر الأثر في نفوسنا..

موضوع جميل والطفوله دائما لها ذكريات جميله لاتنسى...
اذكر بالطفوله الاتاري رسوم متحركه بومبو عدنان ولينه رجل الاطفاءء وافتحم ياسمسم
بالمدرسه اذكر اني شيطان ودايما اتهاوش
المدرسين اذكر لحقت على فلسطيني وكان يدرسنا رياضيات عطاني طراق بو فلاش عجيب من يومها وانا متعقد بالرياضيات...معتقل مو صف كان التشوت ماشي الطراقات ...
موضوع مميز كل الشكر لج :)

**الشرير اللذيذ** · 09-21-2010, 06:29 PM

رد: اجمل الذكريات التي تركت اكبر الأثر في نفوسنا..

[align=center]أجمـل ذكريـات .. / ذكريـات واجـد واجـد .. شنـقول .. شنـخلي ,, نصـها كـانت فالبـران و الخـلاوي ..

أنـا و أخـواني السبـعة .. و شـوف المواقف , و شـوف الروايـات .. الله .[/align]

**سلكـ شائكـ** · 09-21-2010, 09:25 PM

رد: اجمل الذكريات التي تركت اكبر الأثر في نفوسنا..

يعطيج العافيه موضوعج واايد حلووو

لي عوده بذكرى الطفوله