الى الاعضاء والمشرفين والاداره

[خ ـالد]

السلام عليكم ورحمه الله وبركاته
شلونكم شخباركم

اول شي واول كلامي راح يكون للاعضاء

اخواني الاعضاء هذا الموضوع فتحته لكم للي عنده مشكله مع المشرفين او الاداره
واللي مو عاجبه اداري او مشرفين
اتمنى تجي هني وتقول لي منو اللي مو عاجبك وليش والاسباب.


وثاني شي راح يكون للمشرفين والاداره

مشرفينا مشرفاتنا الاداره الاعزاء
انا اشوف فيه عدد كبير من المشرفين والمشرفات على الفاضي تكمله عدد لاغير
تواجد من غير تفاعل ولا حتى مشاركه
على شنو ماخذ اشراف او اداره؟؟
كل مشرف وكل مشرفه وكل اداري يجي هني ويقولي سبب عدم النشاط
لان من اليوم لباجر اذا محد وصلني هني وقال العذر راح يرجع من اشراف الى عضو
ومن اداره الى عضو

( الكلام حتى لاعضاء الشرف والمميزين وغيرهم )

بنتظاركم جميعآ

اخوكم : خ ـالد

[سآرونه]

رد: الى الاعضاء والمشرفين والاداره

وعليكم السلام ..
يعطيك العافية..
انا سويت الي اقدر عليه لقسمي وهو (قسم مطبخ حواء )
واذا شايفين اني ماقدمت شي زين لقسمي سواء او للمنتدى
ماعندي اي مشكلة لو تردوني عضوة ..
وقوآك الله اخوي خالد
وان شاءالله نشوف المنتدى نشيط
وباين انك ماراح تقصر للمنتدى ..
تقبل مروري..!!

[bad cat]

رد: الى الاعضاء والمشرفين والاداره

قواك الله

[Q8 kber]

رد: الى الاعضاء والمشرفين والاداره

نفس ماقلت المشرفين اكثر من الاعضاء

بعدين الاعضاء 73000 والمشاركين 135

يعني الشغله يبيلها تفاعل لا اكثر

وما أعتقد ان في مشاكل بين الاعضاء

والمشرفيين

نحتاج ضخ دماء ( مواضيع جديده مفيده , الاهتمام بالاقسام , المصداقيه , تطبيق قوانين المنتدى بحذافيره , الغاء كل ماهو يسئ للموقع والي شخص معين )


اولا واخيرا المصداقيه

[Q8 kber]

رد: الى الاعضاء والمشرفين والاداره

الانشطه مفقوده ( مسابقات وفعاليات )

و لا يوجد اصحاب اقلام

لا توجد فعاليات خارجية

يفضل غلق مواضيعي بقسم البرامج وعدم اظهار الروابط الا بعد التسجيل بالمنتدى

اما باقي الاعضاء لهم حريتهم الشخصيه


الله يعينك ياخالد



وكل الشكر لك

[قيه]

رد: الى الاعضاء والمشرفين والاداره

خلك بعيد وارجع ساااااااااااااااااااااالم

[وصايف q8]

رد: الى الاعضاء والمشرفين والاداره

هذا اكبر دليل انك كفو تمسك الاداره .

بصراحه المنتدى نايم وهالشي كان لازم يصير من زمان وحتى الاعضاء اللي يشاركون بمواضيعهم لا يلقون المشاركات المرجوه .. هم كم عضوا ينعدون ع الاصابع اللي مهتمين لوضع المنتدى..

اتمنى لفت الانتباه لقسم همس القوافي بصراحه في كذا عضو قاعدين ينزلون اكثر من 4 و 5 قصايد بنفس اليوم الواحد وكلهم لعضو واحد.. يعني مسوين زحمه وهذا الشي يأثر ان العضو مو قادر يلحق يقرى القصايد ولا يمر عليها كلها. اتمنى تحديد عدد بالاسبوع لطرح القصايد بهذا القسم,,
وبعدين فيه قصايد مكرره لان بسبه الزحمه العضو ما يدري اذا القصيده اللي نزلها موجوده بالاساس بالقسم ..ولم يمضي عليها الكثير من الوقت كذلك.

قواك الله وانشالله هالمنتدى ينتعش بأدارته الجديده ..

[أحلى برنسيسة]

رد: الى الاعضاء والمشرفين والاداره

أخوي خالد أحس ان مو شي يجي عضو يتحكم ويقول انه مايبي اداري وانه موعاجبه وجذي وعااد الاعضاء مايبون الفتنه وهالشي يجي من طرف راعي الموقع وأحنا مالنا يد في هالشي وإذا هالشي تشوفه صح مفروض يرسلونه لك ع الخاص عشان مايصير هواش وكل واحد يحمل ع الثاني أخ هويتك دش ع بروفايله وتعرف السبب والأخت الدلع تقدر تسألها ع الخاص ماعتقد تقدر تجاوبك أهني
بس العله بالمشرفيــن بعضهم مايدشون اصلا وكله ع الظروف =)
بس فيه مشرفين ماعليهم كلام معطين المنتدى حقه ومو مقصرين ^^..

يعطيك ألف عافيه وهالإبداع مو غريب عليك // دمت متميز // تحياتي لك

[وصايف q8]

رد: الى الاعضاء والمشرفين والاداره

كلمه حق اقولها بحق بعض المشرفين..

في كذا عضو بصراحه اهتماهم واضح بالمنتدى وببث النشاط فيه

Q8 Kber وسارونه والشرير اللذيذ وديمون اوف ذا دارك.

لهم ابداع متواصل بكل الاقسام .. هذا اللي اشوفه بصراحه ويردون على اكثر المشاركات الموجوده بكل قسم ونشهد لهم ردودهم باستيعابهم لمحتوى المواضيع مو مثل غيرهم من الاعضاء اللي يشاركون ولاهم قاريين اصلا .. اكيد في شرواهم بس هذا اللي لاحظته انا شخصيا..

[سآرونه]

رد: الى الاعضاء والمشرفين والاداره

كلمه حق اقولها بحق بعض المشرفين..
في كذا عضو بصراحه اهتماهم واضح بالمنتدى وببث النشاط فيه
Q8 Kber وسارونه والشرير اللذيذ وديمون اوف ذا دارك.
لهم ابداع متواصل بكل الاقسام .. هذا اللي اشوفه بصراحه ويردون على اكثر المشاركات الموجوده بكل قسم ونشهد لهم ردودهم باستيعابهم لمحتوى المواضيع مو مثل غيرهم من الاعضاء اللي يشاركون ولاهم قاريين اصلا .. اكيد في شرواهم بس هذا اللي لاحظته انا شخصيا..

اختي وصايف شكراً على هالكلام ..
ومنتدى كويت 777 يستاهل وماسويت الا واجبي كمشرفة بهالمنتدى
واخوي خ ،ـــالد الله يعينك وان شاءالله ماتقصر واحنا مانقصر انا واخواني
واكرر شكري لج ..

[خ ـالد]

رد: الى الاعضاء والمشرفين والاداره

[align=center]
الله يعطيكم مليون عافيه على الردود
ومن ناحيه كلام احلى برنسيسه لما تقول تصير مشاكل
اللي يبي يسوي مشكله نعطيه ايقاف وينتهي موضوعه سواء كان مشرف ولا عضو ولا اداري
هني منتدى نبي نستفيد ونفيد ونبي نرفع منتدانا للاعلى مانبي نجامل وبالاخير نخسر المنتدى
المنتدى يوم عن يوم قاعد ينخفض حماسه ونشاطه


انا بصبر من هني لباجر وبشوف المشرفين اللي مايجي هني ويقولي سبب قلة المشاركه انزل عضويته من اشراف الى عضو

وفيه باجر ترقيات يديده لبعض اعضاء

وان شاء الله راح تشوفون تحسن من احسن الى احسن

تحياتي لكم

خ ـالد
[/align]

[الشرير اللذيذ]

رد: الى الاعضاء والمشرفين والاداره

[align=center]هنـاك مشرفين أثنيـن في قسـم همس القـوافي ,,


مـع كـامل أحتـرامي و تقـديري لـهم ألا أن أخـر مره شفـتهم شابكيـن , أول رمضـان ..


وكلامـي عليـه شهود ,,









شـُـكراً ع التـجاوب السمـَّي ..[/align]

[Demon of Dark]

رد: الى الاعضاء والمشرفين والاداره

السلام عليكم
كلامك فعلا صحيح
وانا ذكرت هذا الشي وقلته لك
ووضحت لك سبب قلت تواجدي بالمنتدى
لكن مع هذا مااقدر اشوف البيت الثاني لي ينهدم
وانا اقدر اقدم واغير حتى لو لاحظت اهمال البعض
وتاكد بان الايام اليايه راح تشوف شي حلو
وفي بعض الشغلات اكيد انت بتحرص عليها وتسويها واحنا بنكون وياك فيها
..
واشكر اختنا الحلوه لذكرها تواصلي بالمنتدى
...
لكم مني كل الاحترام
واتمنى نرتقي بالمنتدى
...

[الشرير اللذيذ]

رد: الى الاعضاء والمشرفين والاداره

[align=center]^



أسـلوب قـويَّ .. شنـو هـ القـلم .. ؟؟!!



























P:~[/align]

[ســهـالااااات]

رد: الى الاعضاء والمشرفين والاداره

قواك الله ابوي

وانشالله نشوف المنتدى نفس قبل واحلى

خصوصا اصحاب الاقلام الي دائما ما اشتاق لحروفهم

لكن شوفت عيونكم ... يوم عن يوم يزيد غيابهم

غير غياب الكثير وتواجد القليل من الاعضاء

مما يجعل للحرف والقلم مساحه شاسعه تحتاج من

يضيق الخناق عليها !

.
.

اتمنى التوفيق < خالد >

وانشالله نشوف الرقي من جديد

في هذا الصرح الكبير

دمت