استروا ماواجهتوا أنا ماشي

[سعود نت]

السلام عليك ورحمة الله وبركاتة

صارت سهله كلمة انا ماشي هاليموين ،، اسف على كتابة العنوان بهالطريقه ،، بس حبيت اعيشكم الجو قبل أبدأ بموضوعي ،، وانا عشقت منتديات كويت777 واهلها وان شاء الله موجود ومافبالي خروج للحظه هذي .

اخواني خواتي حبيت اطرح موضوع ابي فيه مصلحة المنتدى ،، يعني مصلحتنا ،، وانا ماني الوحيد اللي يقدر يكتب ،،، لا ،، فيه اللي ابرك مني واكفئ مني ولكن كلن حسب فكرته وخياله ونظرته مثل ماقال محمد بن فطيس :

احد(ن) خياله حر واحد(ن) وكري
واحد(ن) خياله كوبجن بقطابه

وانا خيالي كل ماهديته
حول على الوادي وصاد عقابه

بحكم خبرتي البسيطة تواضعاً لله في المنتديات ، عرفت اني اذا وصلت لمراحل معينه معناتها انا بديت امِل وماعاد استفيد شي من دخولي للمنتدى ومشاركتي فيه ، والمراحل منها واهمها :

اذا بديت أنشئ موضوع جديد وأكمله احياناً واحيانا ما أكمله ، وفجاه أسكر الموضوع قبل أعتمده وأرجع أتفرج على المنتدى (اعرف بالحاله هذي اني بديت امل ).

موضوع للنقاش ماهو للاستجداء وتحنين القلوب وشحذ التواصل وصلة الرحم بما انكم علمتونا اننا في المنتدى اسره واحده ، يعني جد انا بهالموضوع ما اترجى احد يرجع وبنفس الوقت اتمنى انهم يرجعون ، بس ابي منهم بحكم العشره اللي بينكم تفيدونا ، اقول بحكم العشره اللي بينكم لاني اجدد واحد فيكم تقريباً وللحين ماحد يتشفق على وجودي او يحس بغيابي وهذا شي مايزعلني اكيد لاني صريح واعرف اني بمشاركاتي البسيطه ماوصلت لشخص قديم ومشاركاته كثيره وكبيره ، وابكون صريح بهالموضوع أكثر ،، انا ابي الاعضاء اللي يدخلون بالمنتدى وهم اعضاء مشاركاتهم كبيره ،، بحكم الايام الماضية وحق العشره يفيدوننا بالاجوبه التاليه مثل ليش مايشاركون معانا وليش وقفوا عن المشاركه ، والاجوبه اتمنى تكون بصراحه وامانه واعتقد مافيه أعظم من الامانه ،، اتمنى يجاوبوني على الاساله التالية ويعطوننا من وقتهم 10 دقايق بس :

س : أمانتاً فيه شخص بالاداره او عضو كان سبب من اسباب خروجك ؟

س : أمانتاً فيه عيب بالمنتدى من مثل تصميم او محتوى او محضورات او قوانين هي سبب غيابك ؟

السؤال الجاي واللي اعتذر في البداية اني بطرحه ، واتمنى من اللي يجاوبون مايفهموني غلط فيه او اني ناوي احراج لا يشهد الله اني اعمل لمصلحة المنتدى والاعضاء فقط .

س : ليش تركت المنتدى (اذا مافيه مانع تجاوب يعني ماتتحفظ على التصريح اتمنى تجاوبنا بامانه)؟

س : ليش تتصفح المنتدى وماتشارك وياريت تساعدنا بهالنقطه على شان نحاول نصلح هالوضع لاننا نبيـــــــــــــــــــــــــــــك ؟

طلب بحكم الاخوه : قدم اقتراحين تحس انها في مصلحة المنتدى حالياً :

1-

2-

طلب بحكم الاخوه : عطني سلبيتين تؤثر على المنتدى وماحد غيرها :

1-

2-

ارجع الحين للي بقوله انا :

ليش انا مليت من الكتابه واشوف ان فيه مواضيع براسي ولما اجي ابدا بكتابتها الغيها ...!

جد ياجماعه وبدون حلف انا للحين مخلص موضوع والغيته والثاني بعد الغيته قبل اكمله .! ليش.!

فيه مرحلتين ممكن تمدد لي وقت كبير اقدر اتدارك فيه نفسي قبل لا اكون (على المدرج واتفرج) وهي اني لما اقوم الصبح من النوم ، ولما ارجع من الاستراحه الساعه 12 بالليل ،، اكون متلهف لاني اشوف المنتدى ، واكون مشتاااااق اشوف بعض الردود والمواضيع ، ولما اوصل واشغل الكمبيوتر اكون مستانس وانا افتح المنتدى لدرجة اني اتضايق لما يتاخر .

(((من القلب للقلب)))

اخواني الاعضاء اللي حالياً تشاركون بالمنتدى ،، اذا المنتدى جماد فانتم روحه ،، لو كلكم جيتوا قعدتوا على المدرج ،، ترا بتاخذون روح منتدى كويت777 ، اخواني خواتي اذا انتوا حالياً راضين بالوضع وعاجبكم المنتدى وحابينه فوالله العظيم بتحبونه اكثر لو رجعوا اخواننا اللي على المدرج ،، لان روح المنتدى بتكبر وبتكون اقوى وبنجذب الكثير من الاعضاء الجدد وبنخلي الكل يطمح لانه يسجل معانا ويثبت نفسه ،، بيجونا اقوى الكتاب من منتدياتهم وبيسجلون بكل حرص وبيجهز عضويته وتوقيعه وصورته ولونه وخطه المفضل ،، ماراح نكون منتدى للي ماله منتدى .

سؤالي :

ثلاث اقتراحات تتمنى توفرهم لنجاح المنتدى :

1-

2-

3-

ثلاث سلبيات تشوفها بالمنتدى ومأثره عليه :

1-

2-

3-

أوعدكم اني بشارك بدون خجل بالاجوبه ،، بس بعد ماتجاوبون انتوا ،، انتوا موجودين قبلي وانتوا اسستوا او اشتركتوا بتاسيس هالكيان وانا مالي شهر ونص .

الاعضاء الحالين اللي يشاركون بفعالية حاب اسالكم شوية اساله وادري طولتها بس استحملوني :

س : هل تؤيد عدم تمكين العضو من تغيير مسماه و تثبيت لقب العضو على حسب مشاركاته بحيث يكون مثلاً عضو جديد ، نشيط ، ماسي ، فعال ، ...... الخ ؟ ولماذا ؟

س : هل تؤيد الزام المشرف بتغيير مسماه الى (مشرف القسم الفلاني) او (مشرفة قسم كذا كذا) ؟ ولماذا ان أمكن ؟

س : هل ترى أن تكثيف متابعة المشرفين وعدم المجامله في اتخاذ القرارات سيعطي نتائج طيبه ؟

اتمنى مايمر هالموضوع مرور الكرام.

اتمنى هالموضوع يترك بصمه طيبه بالايام الجايه ونلاحظ تغيرات كبيره.

اتمنى من الاداره العليا التي تنفّذ التغيرات عدم المشاركه حالياً على شان لا نتشتت .

أتمنـــــــــــــــــــــــــــــــــــــــى من كل قلبي التفاعل .

وضعنا الحمدلله ماهو سيئ بس احنا عيننا للسما ونبي الافضل .

أعتذر اذا اني تدخلت بشي ماهو من صلاحياتي .

تقبلوا فائق الاحترام والتقدير

سعود نت

[Demon of Dark]

رد: استروا ماواجهتوا أنا ماشي

السلام عليكم
يعطيك العافيه اخوي سعود
موضوع بالصميم
بانتظارهم ربما نجد جواب لتلك الاسئله
..
تقبل تواجدي المتواضع لك مني الاحترام
..

[نوايف]

رد: استروا ماواجهتوا أنا ماشي

[align=center]

س : أمانتاً فيه شخص بالاداره او عضو كان سبب من اسباب خروجك ؟
قل دخولي للمنتدى لكن لسى ماخرجت منه (:

س : أمانتاً فيه عيب بالمنتدى من مثل تصميم او محتوى او محضورات او قوانين هي سبب غيابك ؟
حقيقه ولاشي من اللي قلته

السؤال الجاي واللي اعتذر في البداية اني بطرحه ،
واتمنى من اللي يجاوبون مايفهموني غلط فيه
او اني ناوي احراج لا يشهد الله اني اعمل لمصلحة المنتدى والاعضاء فقط .

س : ليش تركت المنتدى
(اذا مافيه مانع تجاوب يعني ماتتحفظ على التصريح اتمنى تجاوبنا بامانه)؟
لسى ماتركته ..

س : ليش تتصفح المنتدى وماتشارك وياريت تساعدنا بهالنقطه على شان نحاول نصلح هالوضع لاننا نبيـــــــــــــــــــــــــــــك ؟
لانو اكثر المواضيع ماتستحق المشاركه .
يا انه تكون قديمه او تافهه

طلب بحكم الاخوه : قدم اقتراحين تحس انها في مصلحة المنتدى حالياً :
1- الانصاف بحق الاعضاء المجتهدين.

طلب بحكم الاخوه : عطني سلبيتين تؤثر على المنتدى وماحد غيرها :

1- اعطاء مساحه اكثر من اللازم للعضو بحيث انه ينزل اكثر من موضوع
في القسم نفسه خلال يوم واحد



ثلاث اقتراحات تتمنى توفرهم لنجاح المنتدى :
1- اعطاء كل عضو حقه بعيد عن المجاملات.
2- حذف المواضيع القديمه.
3- اجتهاد بعض المشرفين.

ثلاث سلبيات تشوفها بالمنتدى ومأثره عليه :
1- اهتمام الاعضاء بالرد على مواضيع البنات اكثر من الاولاد ذا يؤثر ع المنتدى



يعطيك العافيه

[/align]

[سعود نت]

رد: استروا ماواجهتوا أنا ماشي

س : أمانتاً فيه شخص بالاداره او عضو كان سبب من اسباب خروجك ؟
قل دخولي للمنتدى لكن لسى ماخرجت منه (:

لسى ماخرجتي منه وانتي جالسه تردين على الفقره والاساله الخاصه باللي تركوا المنتدى وانا اخوك

س : ليش تتصفح المنتدى وماتشارك وياريت تساعدنا بهالنقطه على شان نحاول نصلح هالوضع لاننا نبيـــــــــــــــــــــــــــــك ؟
لانو اكثر المواضيع ماتستحق المشاركه .
يا انه تكون قديمه او تافهه

يعني قل مشاركاتك اخت نوايف سببه تكرار مواضيع قديمه أو تفاهة المواضيع ..!!؟

طلب بحكم الاخوه : قدم اقتراحين تحس انها في مصلحة المنتدى حالياً :
1- الانصاف بحق الاعضاء المجتهدين.





طلب بحكم الاخوه : عطني سلبيتين تؤثر على المنتدى وماحد غيرها :
1- اعطاء مساحه اكثر من اللازم للعضو بحيث انه ينزل اكثر من موضوع
في القسم نفسه خلال يوم واحد

كلام جميل نوايف

ثلاث اقتراحات تتمنى توفرهم لنجاح المنتدى :
1- اعطاء كل عضو حقه بعيد عن المجاملات.
2- حذف المواضيع القديمه.
3- اجتهاد بعض المشرفين.

اختي كيف يحذفون المواضيع القديمه ،، احنا نحاول نخلي من منتدى كويت777 موسوعه اجوبة للي يسالون في قوقل او ف المنتدى نفسه .

ثلاث سلبيات تشوفها بالمنتدى ومأثره عليه :
1- اهتمام الاعضاء بالرد على مواضيع البنات اكثر من الاولاد ذا يؤثر ع المنتدى

والعكس صحيح اختي نوايف وانا اعتمد كلامك واشهد عليه بهالنقطه تحديداً

نوايف مادري احس وانتي تكتبين ردك هنا ،، اما انك كنتي تركضين على سير

او انك كنتي لابسه عباتك بتطلعين ، لانك مره مستعجله

احس اني ماخذيت منك الاسباب الحقيقية ،، كنت اتمنى تساعدينا لانك من ضمن اللي قلت مشاركاتهم بشكل ملحوظ وودنا نعرف اسباب مقنعه .

الله يعافيك نوايف مشكوره وماقصرتي

سعود نت

[وصايف q8]

رد: استروا ماواجهتوا أنا ماشي

اعتقد اسالتك لا تخص من ترك المنتدى فقط بل هي لكل من خف نشاطه بالمنتدى بعد ان كان صاحب نشاط واضح وفعال بالمنتدى ..

كعادتك يا سعود مواضيعيك غايه بلاهميه ولا يستهان بها .. واتمنى باقي الاعضاء المشاركه في هذا الموضوع الذي يعالج كثير من السلبيات بالمنتدى ..

اسمحلي اجاوب على بعض الاسئله ..

س : ليش تتصفح المنتدى وماتشارك وياريت تساعدنا بهالنقطه على شان نحاول نصلح هالوضع لاننا نبيـــــــــــــــــــــــــــــك ؟
لان وللاسف شاركت في كذا موضوع ولم القى اي رد من صاحب الموضوع نفسه .. يعني العضو اللي يكتب موضوع ثم يهمله وما يدري شصار عليه او حتى يقرى وجهات النظر التي شاركته فكرته المهمله .. هنا لا اتعب نفسي مواضيع القيت فقط لمجرد المشاركه لا اكثر ..
يعني في احد الاعضاء حاط موضوع وتمت المشاركه فيه والاخ مو داري والحين مر على موضوعه 15 يوم وهو ولا هنا ..

س : هل تؤيد عدم تمكين العضو من تغيير مسماه و تثبيت لقب العضو على حسب مشاركاته بحيث يكون مثلاً عضو جديد ، نشيط ، ماسي ، فعال ، ...... الخ ؟ ولماذا ؟
نعم أأيد .. ولكن اتمنى عدم اهمال هالمساله واعطاء كل ذي حقٍ حقه ..

س : هل تؤيد الزام المشرف بتغيير مسماه الى (مشرف القسم الفلاني) او (مشرفة قسم كذا كذا) ؟ ولماذا ان أمكن ؟

ليش لا دام الاشراف جا من تعبه وكجهوده من حقه ان يغير المسمى ..

س : هل ترى أن تكثيف متابعة المشرفين وعدم المجامله في اتخاذ القرارات سيعطي نتائج طيبه ؟
اكيد راح يعطي نتائج طيبه .. لان المجامله ستؤدي بالاخير لصعود اعضاء لمناصب عاليه بالمنتدى هم لا يستحقونها وارد واقول اعطوا كل ذي حقٍ حقه ..

اتمنى مايمر هالموضوع مرور الكرام.

من جدك انت ؟؟ كل مواضيعك هادفه وتستحق الايشاد فيها .. وهذا يعتبر دره من درر مناقشات منتدى كويت 777

اتمنى هالموضوع يترك بصمه طيبه بالايام الجايه ونلاحظ تغيرات كبيره.
انشاءالله

اتمنى من الاداره العليا التي تنفّذ التغيرات عدم المشاركه حالياً على شان لا نتشتت .
املين ذلك ..

أتمنـــــــــــــــــــــــــــــــــــــــى من كل قلبي التفاعل .
بانتظار بقيه الاعضاء ..

أعتذر اذا اني تدخلت بشي ماهو من صلاحياتي .
بالعكس هذا من حرصك على الارتقاء بالمنتدى الى الامام ..

اتمنى اني جاوبت اجابه وافيه على ما استطعت عليه من الاسئله ,,

سعود نت مافيك حيله ، مافيك حيله ، مافيك حيله ..


تحياتي ..

[سعود نت]

رد: استروا ماواجهتوا أنا ماشي

الاخت demon of dark

في الحقيقه انا اعتذر مالاحظت ردك بالبدايه ،، مشكوره على المشاركه واتمنى اشوف انا وغيري رايك .

[سعود نت]

رد: استروا ماواجهتوا أنا ماشي

وصايفq8

اعتقد اسالتك لا تخص من ترك المنتدى فقط بل هي لكل من خف نشاطه بالمنتدى بعد ان كان صاحب نشاط واضح وفعال بالمنتدى ..

كعادتك يا سعود مواضيعيك غايه بلاهميه ولا يستهان بها .. واتمنى باقي الاعضاء المشاركه في هذا الموضوع الذي يعالج كثير من السلبيات بالمنتدى ..

اسمحلي اجاوب على بعض الاسئله ..

هي فعلاً تخص كل من خف نشاطه واسمحوا لي على هالكلمه كل من (قصّر) واتمنى من الجميع يشارك ،، مشكوره وصايف على مطالبة الاعضاء بالمشاركه وبالاخير باذن الله بنستفيد اذا الله كاتب لنا ،، واكيد انتي بتجاوبين ، اصلاً انتي من الناس اللي مايكمل الموضوع اذا ماشاركتي فيه .

س : ليش تتصفح المنتدى وماتشارك وياريت تساعدنا بهالنقطه على شان نحاول نصلح هالوضع لاننا نبيـــــــــــــــــــــــــــــك ؟
لان وللاسف شاركت في كذا موضوع ولم القى اي رد من صاحب الموضوع نفسه .. يعني العضو اللي يكتب موضوع ثم يهمله وما يدري شصار عليه او حتى يقرى وجهات النظر التي شاركته فكرته المهمله .. هنا لا اتعب نفسي مواضيع القيت فقط لمجرد المشاركه لا اكثر ..
يعني في احد الاعضاء حاط موضوع وتمت المشاركه فيه والاخ مو داري والحين مر على موضوعه 15 يوم وهو ولا هنا ..

طيب يا مشرفتنا بسالك سؤالين بخصوص هالنقطه

س1 - هل تشوفين إن مثل هالعضو لازم يتوجه له انذار بسبب عدم متابعته لموضوعه واستقبال المشاركين والرد عليهم ؟

س2- مرتبط بالاول ، هل تشوفين اننا ظلمنا او ممكن نكون ثقلنا عليك كمشرفه انك تتابعين المواضيع اللي اصحابها مايتابعونها على شان توجهينهم او تنذرينهم او تعلمينهم ؟؟

لان المجامله ستؤدي بالاخير لصعود اعضاء لمناصب عاليه بالمنتدى هم لا يستحقونها وارد واقول اعطوا كل ذي حقٍ حقه

صح لسانك ،، جد يا جماعه اذا كانت الاداره تجامل ..! ماراح يمشي المنتدى طول العمر ، المجامله سبحان الله كنها من العوامل الرسميه للفشل مع انها احياناً مطلب الا انها ماتصلح في ادارة المنتديات نهائياً .

اتمنى مايمر هالموضوع مرور الكرام.

من جدك انت ؟؟ كل مواضيعك هادفه وتستحق الايشاد فيها .. وهذا يعتبر دره من درر مناقشات منتدى كويت 777

الله يرفع شانك وصايف ،، جد جد وكثير يأيدني على هالكلام ، انتي درة المنتدى .

اتمنى اني جاوبت اجابه وافيه على ما استطعت عليه من الاسئله ,,

عزالله ماقصرتي يابنت الاجواد بس للحين فيه اساله ثانيه لك :) ياريت تجاوبين عليها

سعود نت مافيك حيله ، مافيك حيله ، مافيك حيله ..

ياسلام لما تجي الثلاث مره وحده منك تطلع خطيره ولها وقع كبير في رفع معنوياتي :)

(وصايفq8 - ريانة العود )

الله يكثر من امثالك بالمنتدى

فالك الرقابه العامه لانك خير من يمثلنا :)

تقبلي احترامي

سعود نت

[حرامي^^^شباصات]

رد: استروا ماواجهتوا أنا ماشي

السلام عليكم

اخوي سعود كل كلامك صحيح ونتمنى من الجميع المشاركه فيه

وراح اجاوب لاني تركت المنتدى ورديت له ثاني مره

س : أمانتاً فيه شخص بالاداره او عضو كان سبب من اسباب خروجك ؟

اي والله الاداره السابقه كانت هي سبب خروجي وكانت تجامل شهادة حق ماعدا الاخ هويتك يوم تسجيلي بالمنتدى كنت احسبه ثقيل وشايف نفسه ويجامل والعكس طلع صحيح شخص مهذب وسباق للخير

س : أمانتاً فيه عيب بالمنتدى من مثل تصميم او محتوى او محضورات او قوانين هي سبب غيابك ؟

لا مافيه عيب العيب فينا اخوي سعود والعيب بالاداره طبعا اشيل اداري واحد الاخ هويتك الي الان احمله المسئوليه

السؤال الجاي واللي اعتذر في البداية اني بطرحه ، واتمنى من اللي يجاوبون مايفهموني غلط فيه او اني ناوي احراج لا يشهد الله اني اعمل لمصلحة المنتدى والاعضاء فقط .

اخوي سعود الي يشوف فيه غلط هذا ما يهمه نهوض المنتدى الى الفضل

س : ليش تركت المنتدى (اذا مافيه مانع تجاوب يعني ماتتحفظ على التصريح اتمنى تجاوبنا بامانه)؟

تركته عشان المجاملات والله ياخوي يهمني المنتدى وابصراحه فرحت يوم عرفت انها الاداره السابقه تم تنزيلها

س : ليش تتصفح المنتدى وماتشارك وياريت تساعدنا بهالنقطه على شان نحاول نصلح هالوضع لاننا نبيـــــــــــــــــــــــــــــك ؟

ليش اتصفحه بعد مو يقولون المنتدى فيه افاده وان شاءالله راح ارد بنفس قوتي الاولى نتامل انه يتصلح الشي هذا

طلب بحكم الاخوه : قدم اقتراحين تحس انها في مصلحة المنتدى حالياً :


1- ترك الملفات الشخصيه للاعضاء والرسايل الخاصه وترك المجاملات هذا العضو يرد على مواضيعي وبس ارد على مواضيعه المواضيع الجديده يجب على كل الاعضاء المشاركه فيها وقسم الترحيب يجب الترحيب باخوانا الاعضاء الجدد


2- المشرفين والمراقبين يجب عليهم تنشيط اقسامهم مو لون زينه يجب عليهم تفعيل اقسامهم بالمسابقات والفعاليات


طلب بحكم الاخوه : عطني سلبيتين تؤثر على المنتدى وماحد غيرها :


1- الرسايل الخاصه ، الملفات الشخصيه الشغلتين تاثر لانه فيه اعضاء من يدخلون المنتدى على طول بالشغلتين الي قلتها المفروض اول مايدخل على طول بقسم التراحيب ويرحب فيهم وبعدين بالمواضيع التي لم يتم الرد عليها وبعدين المشاركات الجديده


2- للحين اشوف المجاملات لو يتركون المجاملات كان كويت 777 من افضل المنتديات

ثلاث اقتراحات تتمنى توفرهم لنجاح المنتدى :

1- تقليل اقسام المنتدى لانه فيه اقسام مالها داعي
2- وضع اوسمه وختام للمواضيع وتزويد الاقسام بالمسابقات
3- المشرفين يشاركون بالمواضيع الجديده مو شرط تكون باقسامهم


ثلاث سلبيات تشوفها بالمنتدى ومأثره عليه :

1- المجامله اخ بس لو يتركونها
2- الرسايل الخاصه فهمين المنتدى بالخاصيه هذي تعارف فقط

3- الملفات الشخصيه يدورون السوالف

همسه للاخ هويتك تعرف ياخوي هويتك انا احترمك واقدرك وانا اعرف انك ماتزعل من كلمة الحق انت تسمع كلام اصحاب الموقع وتطبق كلامهم وعندك افكار حلوه ياليت اطبقها ولا تسمع كلام اصحاب الموقع لاني عرفت انه اصحاب الموقع اهتمامهم الاول والاخير هي المحادثات وانا احملك ياخوي هويتك المسئوليه الكبرى في فشل المنتدى ولاتزعل مني

[وصايف q8]

رد: استروا ماواجهتوا أنا ماشي

طيب يا مشرفتنا بسالك سؤالين بخصوص هالنقطه

س1 - هل تشوفين إن مثل هالعضو لازم يتوجه له انذار بسبب عدم متابعته لموضوعه واستقبال المشاركين والرد عليهم ؟
اي اكيد لازم يتوجه له انذار او تنبيه وبعدها ان ما رد لازم ينحذف الموضوع وذلك لاهمال صاحب الموضوع .. لكن المشكله اذا كان صاحب الموضوع هو من اصحاب الاداره !! واهمل موضوعه .. لاناهني الواحد ما يعرف شلون يتصرف .. وانشالله يجيب الله مطر وتتعدل هالنقطه ..

س2- مرتبط بالاول ، هل تشوفين اننا ظلمنا او ممكن نكون ثقلنا عليك كمشرفه انك تتابعين المواضيع اللي اصحابها مايتابعونها على شان توجهينهم او تنذرينهم او تعلمينهم ؟؟

لا بالعكس انا استمتع بتصفح مواضيع قسم المناقشات ولكن يؤسفني عندما يـأتي عضو بموضوع جميل وهادف ويتركه هكذا دون ان يتابعه .. لانه هنا ينتزع جمال الطرح ..

الله يرفع شانك وصايف ،، جد جد وكثير يأيدني على هالكلام ، انتي درة المنتدى .
وياك يارب ،، وكثير ايدوا انك تشاركني هالمهمه وتساندني فيها
لانك كفو للاشراف على مواضيع قسم المناقشات ..فمواضيعك هنا تشغل الحيز الاهم بالقسم ..

موفق يارب وعسى ربي يبارك لك دايما ..

[حرامي^^^شباصات]

رد: استروا ماواجهتوا أنا ماشي

الاخت وصايف

والله مصيبه واداري بعد ههههههههههه هذا بالله شلون يعطون انذار بس منو هل اداري عشان ننذره بموضوع الاخ سعود

[Demon of Dark]

رد: استروا ماواجهتوا أنا ماشي

الاخت demon of dark

في الحقيقه انا اعتذر مالاحظت ردك بالبدايه ،، مشكوره على المشاركه واتمنى اشوف انا وغيري رايك .

العفو خيو
معذور وماتنلام اكيد من التعب والقهر من الوضع الحالي
...
لي عوده ان شاءالله
...

[سعود نت]

رد: استروا ماواجهتوا أنا ماشي

الاخ حرامي شباصات

وانا اخوك كنت تقدر تبين وجهة نظرك في قسم الاقتراحات والشكاوي صح ولالا ؟؟

انا بصراحه استغرب ان تكون عدد مشاركاتك 38 وانت تعاني من كل هذه الملاحظات هذا مع فائق احترامي لك والمقصد هو عدد المشاركات الخاص فيك هو عدد المشاركات لاي عضو يبي يجرب المنتدى ..! بالرغم من ان تاريخ تسجيلك وتواصلك عن طريق تصفح المنتدى يدل على انك من محبي المنتدى ،، اتمنى وانا اخوك ترجع تنور منتديات كويت777 على شاننا حنا اولاً وعلى شاني انا لحالي ثانياً :) و ثالثاً على شان هويتك اللي اشوفك اكثر من مره تمدحه وواضح انك حكمت عليه بالبدايه واكتشفت انه رجل أخلاق ويتشرف اي رجل بمعرفته :) طيب اعتبر هويتك قالك ارجع للمنتدى ،،

مجاملات ماعاد فيه صدقني لو اني ملاحظ مجاملات مؤثره في المنتدى ماجلست غير هاليوم ، حاول تغير هالنظره اوانا اخوك اليوم احنا مع اداره جديده ،، خلنا نأسس المنتدى من جديد حتى لو كان مؤسس ،، كويت777 انا اعتبره طياره تتجهز على شان تطلع للسما ،، خلنا نطلع معها وانا اخوك ،، ونطلع غيرنا معانا .

1- ترك الملفات الشخصيه للاعضاء والرسايل الخاصه وترك المجاملات هذا العضو يرد على مواضيعي وبس ارد على مواضيعه المواضيع الجديده يجب على كل الاعضاء المشاركه فيها وقسم الترحيب يجب الترحيب باخوانا الاعضاء الجدد

2- المشرفين والمراقبين يجب عليهم تنشيط اقسامهم مو لون زينه يجب عليهم تفعيل اقسامهم بالمسابقات والفعاليات

شوف وانا اخوك الملفات الشخصية والرسائل الخاصه حاجه خاصه مانقدر نتدخل فيها ،، اما ان الاداره توقف هالخدمه اذا الجميع اثنى على انها سلبيه او نترك هالنقطه ،، وانا شخصياً اشوف ان الملفات الشخصيه والرسايل الخاصه مامنها ضرر ،، وبخصوص مجاملات الردود على المواضيع بحيث انه فلان يرد علي لازم ارد عليه والباقين لا ،، فانا اهنيك على هالكلمه وفعلاً هذي النظريه ماتخدمنا نهائياً .

وبخصوص المشرفين واظهار اقسامهم ،، فانا اتمنى من الاداره ان تشعل روح الحماس والتحدي الاخوي بين المشرفين وان يكوون هناك اوسمه للمشرف المميز بناء على عدة امور ،، نتسطيع تحديد هذه الامور ذا طلب ذلك الاخ هويتك .

- تقليل اقسام المنتدى لانه فيه اقسام مالها داعي

انا ارشح هالنقطه وياريت الاداره تبحث فيها ، ترا الكثره تحير ،، والله اعلم ولاتاخذون بكلامي وبكلام حرامي شباصات الا بعد ماتسوون استبيان اذا ودكم طبعاً .

2- وضع اوسمه وختام للمواضيع وتزويد الاقسام بالمسابقات

هذا الاخ هويتك مو مقصر واليوم نزل اوسمة التميز او شهادات التميز ،، واتمنى يحط اوسمه تكون شروطها صعبه تضاف تحت بيانات العضو مثلاً اذا كان مبدع بالمناقشات يحطون له وسام المناقشات (ماهو تلميح ياجماعه لاحد يفهمني غلط ) واذا ابدع في قسم الرياضه مثلاً يضاف له وسام ثاني خاص بتميز القسم الرياضي ،، وهكذا .

3- المشرفين يشاركون بالمواضيع الجديده مو شرط تكون باقسامهم

والله انا شابف المشرفين حالياً مو مقصرين (بعضهم) بس انا واحد من الاعضاء اللي اتواجد بس بالمناقشات وهذا غلط وبحاول افعّل نشاطي اكثر باذن الله .

بخصوص ماذكرت عن اصحاب الموقع ،، فانا شخصياً واجهت احد الاداريين في الاقتراحات والشكاوي وكان متفاعل ،جداً ، اما اذا كانت ميوله للدردشه فما اعتقد فيها شي لان هم اصلاً مو متدخلين بالمنتدى ومهتمين بالدردشه اكثر وزي ماقال المثل وانا اخوك النفس وماتشتهي .

حياك الله اخوي حرامي شباصات وتشرفنا والله بعودتك ،، وعلى فكره انا تابعت بعض ردودك ولقيت عندك موهبة التصميم ماشاء الله عليك ياخي اتحفنا بتصاميمك نبي نشوف وش عند حرامي شباصات كأهداء لاخوانه وخواته في منتديات كويت777 .

تقبل احترامي

سعود نت

[سعود نت]

رد: استروا ماواجهتوا أنا ماشي

[align=center]
وصايفq8

وياك يارب ،، وكثير ايدوا انك تشاركني هالمهمه وتساندني فيها
لانك كفو للاشراف على مواضيع قسم المناقشات ..فمواضيعك هنا تشغل الحيز الاهم بالقسم ..

ماعاد اعرف اقرا عربي مادري وش فيني تصدقين ماعرفت اقرا النص المقتبس منك :)

تحيين وتدومين اختي وصايف مايحتاج انا بساندك وهذا شرف لي بس الاشراف لسى بدري ،، وبعدين انا بنشب لكم عليه .

تقبلي احترامي

سعود
[/align]

[سعود نت]

رد: استروا ماواجهتوا أنا ماشي

Demon of Dark

بانتظارك طال عمرك .

احترامي

سعود نت

[Demon of Dark]

رد: استروا ماواجهتوا أنا ماشي

اخواني الاعضاء اللي حالياً تشاركون بالمنتدى ،، اذا المنتدى جماد فانتم روحه ،، لو كلكم جيتوا قعدتوا على المدرج ،، ترا بتاخذون روح منتدى كويت777 ، اخواني خواتي اذا انتوا حالياً راضين بالوضع وعاجبكم المنتدى وحابينه فوالله العظيم بتحبونه اكثر لو رجعوا اخواننا اللي على المدرج ،، لان روح المنتدى بتكبر وبتكون اقوى وبنجذب الكثير من الاعضاء الجدد وبنخلي الكل يطمح لانه يسجل معانا ويثبت نفسه ،، بيجونا اقوى الكتاب من منتدياتهم وبيسجلون بكل حرص وبيجهز عضويته وتوقيعه وصورته ولونه وخطه المفضل ،، ماراح نكون منتدى للي ماله منتدى .

سؤالي :

ثلاث اقتراحات تتمنى توفرهم لنجاح المنتدى :

1- ياليت يكون في اهتمام اكثر باختيار المشرفين

2- عمل مسابقات دوريه للتشجيع

3- ترتيب الاقسام وهيكلتها

ثلاث سلبيات تشوفها بالمنتدى ومأثره عليه :

1- نوم المشرفين قبل الاعضاء

2- قلت المواضيع الهادفه

3- برجع واقول الاقسام ترتيبها بصراحه مو اوكي

أوعدكم اني بشارك بدون خجل بالاجوبه ،، بس بعد ماتجاوبون انتوا ،، انتوا موجودين قبلي وانتوا اسستوا او اشتركتوا بتاسيس هالكيان وانا مالي شهر ونص .
بانتظارك ولا تقول توك يديد
..

الاعضاء الحالين اللي يشاركون بفعالية حاب اسالكم شوية اساله وادري طولتها بس استحملوني :

س : هل تؤيد عدم تمكين العضو من تغيير مسماه و تثبيت لقب العضو على حسب مشاركاته بحيث يكون مثلاً عضو جديد ، نشيط ، ماسي ، فعال ، ...... الخ ؟ ولماذا ؟
عادي وترى من حق الشخص يختار لنفسه لقب

س : هل تؤيد الزام المشرف بتغيير مسماه الى (مشرف القسم الفلاني) او (مشرفة قسم كذا كذا) ؟ ولماذا ان أمكن ؟
لا لا خلينا جذي ابرك مع ان التوضيح بالقسم احسن

س : هل ترى أن تكثيف متابعة المشرفين وعدم المجامله في اتخاذ القرارات سيعطي نتائج طيبه ؟
شي اكيد المجامله مامنها فايده

....
اتمنى بان تكون اجاباتي السريعه وافيه
لكم مني الاحترام
...