تويت
.gif){kind=icon}
للبيـــــــــــع كلمـــــــــــه احـــــــــبـــــــــك
بالبدايه راح ابدأ موضوعي بحـــوار بين طرفــين .... (( هديل & خالد ))
هديل وخالد يعرفون بعض صارلهم اقل من شهر !! تابعو الحــوار والحكم لكم ...
--------------------------------------------------------
--------------------------------------------------------
هديل : صراحه انت دشيت قلبي من اول ما عرفتك
خالد : نفس الشعور صراحه انا حبيتج مو بس دشيتي قلبي !
هديل : 
خالد : احبــــج !!
هديل : انا بعد احبــــك !!
--------------------------------------------------------
بعد هاالحوار بين الحبايب قيس وليلى قصدي هديل وخالد ....
.... عندي سؤالين .....!!
سؤال 1 (( هل كلمة احبك رخصيه لدرجه اقولها حق كل من هب ودب ؟؟ ))
سؤال 2 (( هل 30 يوم تكفي اني احكم على انسان واعشقه واطيح بغرامه واحبه حب جنوني !! ))
!
اول شيء شنو يعني حب ؟؟؟ ليش نقول هالكلمه
مابي اقعد اتفلسف واعطيكم تعريف الحب
لكن اللي اعرفه انه التعبير عن المشاعر سواء حب او كره او غيره من المشاعر
ما يحس فيه الانسان الا بعد مواقف تصير له وبعد ما يجرب الطرف الاخر ويعرفه عدل !
يعني على سبيل المثال في ناس تشوفهم وتعرفهم بس سبحان الله ما يدشون قلبك
هل تقدر انك تروح وتقول يا فلان انا اكرهك ؟؟؟؟ طبعا لا واذا قلت بتكون انسان وقح وما عندك اسلوب في التعامل
بتقولون ليش وشكو .... لانه ما صار شيء بينك وبينه يمعنى اخر انه لكل شيء بهالدنيا سبب يعني
للحب سبب
و
للكره سبب
و
للكره سبب
هالشخص اللي انت تكره كرهك له بدون سبب يعني ما في مواقف ما في شيء يخليك تكرهه
عشان جذي ماله داعي انك تروح تقول يا فلان انا اكرهك لانه طبيعي بيقولك ليش تكرهني بهالحاله شنو بترد عليه 
:
شعلاقة هالكلام اللي قلته بالحب ...؟؟؟!
انا ذكرت انه الحب والكره من المشاعر وكل شعور نحس فيه لازم له سبب وتفسير
يعني صار بينك وبين الطرف الاخر (( مواقف + تجارب )) خلتك تحبه او تكرهه
نفس الشيء الحب لمن تشوف انسان ويعجبك شكله وتتعرف عليه وتعجبك شخصيه هل معناة هالشيء انك تمووووووت فيه ؟؟؟؟
لا طبعاا في مليون معنى غير كلمة (( حب )) اقدر اقول
في مليون معنى غير كلمة (( حب )) اقدر اقول (( معجبه فيك // ارتحت لك // في قبول بيني وبينك // انت انسان طيب او حبوب ))
في الفااظ كثيره غير كلمة (( احبــــك )) ....
:
:
اما الحين وصلت لنتيحه او استنتااج انه الناس فاهمه التعبير عن الحب بطريقه سلبيه
يعني التعبير عن الحب بالنسبه لهم انه الصبي يعرف البنت اسبوع يقولها (( يخرب بيتج شوووو حبيتج ! لوول ))
وانتي امي وابوي وانتي وانتي وانتي والنهايه معروفه ماله داعي اقولها .....!!
= بس باختصاار البنت اللي تصدق حب اسبوع وشهر وشهرين هذي
يسمونها بلغة الشباب (( صيده ))
يسمونها بلغة الشباب (( صيده ))
ليش صارت كلمة احبك سهله ليش صارت على طرف اللسان ؟؟؟ ليش صرنا نجذب فيها ؟؟؟
في احد يجذب بأحساسه ؟؟؟ وصلنا مرحلة النفاق والجذب حتى بالمشاعر ؟؟؟
تعليق