قـــل رأيك بـشجـاعة وطنية بعيدا عن المـجاملات و المهاترات ...

[راحل بعيد]

لا أريـــــــــــــد أن يطول الحديــــــــث



شوفوا هالفيديو ... و أتمنى من كل واحد يـــشوفه يشوفه للأخير ,, لأنه موضوع مترابط وما ينفع تشوف نـصه .. و في نـهاية الفيديو الألم و الحسرة ..




http://www.youtube.com/watch?v=5g6gPGRiADk




شوفوه ..


أتمنى كل واحد يعطينا رايه ,, عشان نثبت للكل ان الكويت لم تكن هكذا ,, و لن نرضى أن تستمر هكذا ..


شكـرا ...

[راحل بعيد]

رد: قـــل رأيك بـشجـاعة وطنية بعيدا عن المـجاملات و المهاترات ...

عـــــذرا أبنـــــاء الدول الأخــــــرى في أنحاء العالم .

أنــــا من هـــنا ( المنتدى الأول في الكويت ) أتكلم لوحدي يبدو لي .لا يوجد أي مساندة من إخواني هنـا. و لكن صدقوني يا شعوب العالم ,, الكويت لم تكن هكذا و لن تستمر بإذن الله هكذا ,,

هؤلاء الذين يعذبون بهذه الطريقة البشعة يعذبون بالتخفي و ليس أمام الناس ,, لا أحد يعلم بأمرهم سوى رب العزة جل جلاله . ولكن انفضحوا اليــوم .. و علمنا بأمرهم .. ولن تسكت الجهات المسؤولة على هذا الأمـــر ..

و لـن تستمر الكويت هكذا بإذن واحد أحد .. أزمة و تعدي ..

ولا تأخذوا فكرة سيئة عن الكويت ,, الوعد قدام إن شاء الله ..


شـكرا

[وصايف q8]

رد: قـــل رأيك بـشجـاعة وطنية بعيدا عن المـجاملات و المهاترات ...

لا حول ولا قوه الا بالله

انا عن نفسي ارى في هذا التصريح مبااالغه .. < وقد اكون مخطئه بالحكم لكننا نتكلم هنا عن ديره الخير اللي اهلها فيهم خير وبركه باذن الله..

يعني المعروف ان الكويتي مستحيل احد يمس له على طرف لان حقوقه المدنيه تضمن له حياه كريمه وكرامه مرفوعه ..
يعني حتى الشرطه او المباحث ما يتجرأوون كل هالجرأه .. يعني قصه ابو عبد العزيز خياليه للغايه ( شلون يجيبونه وياه زوجته وعياله ويهددونه ؟؟؟) شي لا يدخل العقل !!

وبالنهاايه هذا اعلااام وهذا المجال مجال تشهير وتلفيق وتزوير الحقائق ..

يعني بالعربي مجال الاعلام = خذ وخل


اهنيك اخ راحل على هالطرح المميز ،، وانشالله ان ديرتنا ديرة خير وهذا وان صح ماقاله عضو مجلس الامه مسلم البراك فهو لا يمثل الا فئه معينه من وزاره الداخليه ،وكل ديره تلقى فيها الشين والزين ومافي ديره اهلها كلهم زينين ولا في ديره كل اهلها سيئين ..

تحيـاــاتي..

[راحل بعيد]

رد: قـــل رأيك بـشجـاعة وطنية بعيدا عن المـجاملات و المهاترات ...

منورة أخت وصايف .. و لكن حبيت اعقب على بعض ما قلتيه

لا حول ولا قوه الا بالله

انا عن نفسي ارى في هذا التصريح مبااالغه .. < وقد اكون مخطئه بالحكم لكننا نتكلم هنا عن ديره الخير اللي اهلها فيهم خير وبركه باذن الله..

ما ألومــج تقـولين مبالغه ,, لأنه شي ما يدش العقل ,, و أتمنى فعلا إنـه يـكون مبالغه

يعني المعروف ان الكويتي مستحيل احد يمس له على طرف لان حقوقه المدنيه تضمن له حياه كريمه وكرامه مرفوعه ..

ذكرتيني بالشاعر اللي يقول :

زمـــــان أول أحس إنـــه زمانٍ فيه صدق شعـــور ,,,
نـحب و نخلص النـــيـــة و تــجمـــعنا محـــبـتنا ,,,

وصايف .. والله العظيم ما ودي أتكلم ودي أسكت .. بس موضوع الحقوق المدنية و محد يمس له بطرف هذا قبل مو الحيـن ...

ندوة الصليبيخات .. مداهمات الصباحـيـة .. الدكتور عبيد الوسمي .. خلاص بسكت لأن صج ماله داعي أكمل .


يعني حتى الشرطه او المباحث ما يتجرأوون كل هالجرأه .. يعني قصه ابو عبد العزيز خياليه للغايه ( شلون يجيبونه وياه زوجته وعياله ويهددونه ؟؟؟) شي لا يدخل العقل !!

الله المستعان .. حسبنا الله و نعم الوكيـــــل

يا وصايــــف اللي يبي الدنيـا و السيــطرة فـيها راح يلقـاها و راح يسيطر و يسوي اللي يبيه مثل رجال الشرطة اللي عبالهم انه هم الكل بالكل و هجموا على الرجال . .

لكن والله ثم والله ثم والله ان الله سيعطي كل ذي حقٍ حقـه .. ولا راح يظلم احد سبحانه و تعالى ..

يمكن بعضهم يعتقد ان لو اللي يسويه غلط جان الله عاقبه من الحين .. و حاط هالمبرر عذر ان اللي يسويه صح ..

لـــكـــن صدق الله حينما قال : " وَلاَ تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ "

خلوهم يسرحون و يمرحون و يعذبون ,,وراهم يوم تشخص فيه أبصارهم و عاد خل تفيدهم كذباتهم ( عفوا أقصد أعذراهم ) أمام رب العزة سبحانه .. ربي فوق .. و ان يشأ يبيدهم إبادة .. و لكن الله يمهل ولا يهمل ..

وبالنهاايه هذا اعلااام وهذا المجال مجال تشهير وتلفيق وتزوير الحقائق ..

يعني بالعربي مجال الاعلام = خذ وخل

والله كلامـج صح .. الإعلام ما قمنا ناخذ منهم كلام ,, بس ترا مسلم البراك مو من صالحه أبدا إنه يطلع و يقول شي مو متأكد ميه بالميه ,, لأن اعداءه و اللي يدورون الزلة عليه واااااااااااااااجد . .

ثاني شغله .. تعودنا على هذا الرجل الصدق ( نحسبه والله حسيبه ) ما عمري سمعته يسولف عن قضية إلا وهي فعلا صايرة ..


اهنيك اخ راحل على هالطرح المميز ،، وانشالله ان ديرتنا ديرة خير وهذا وان صح ماقاله عضو مجلس الامه مسلم البراك فهو لا يمثل الا فئه معينه من وزاره الداخليه ،وكل ديره تلقى فيها الشين والزين ومافي ديره اهلها كلهم زينين ولا في ديره كل اهلها سيئين ..

عسى الله يحفظ الكويت من شر العابثين .

تحيـاــاتي..

[ســهـالااااات]

رد: قـــل رأيك بـشجـاعة وطنية بعيدا عن المـجاملات و المهاترات ...

الداخليه راحت والا تمت !

ما عندها شي يحفظ ماي ويها

هذا اذا ظل ماي بالويه عشان يحافظون عليه


<< اخوي راحل الظاهر راح نشهد وقائع بوليسيه

لم نراها حتى بالافلام الهنديه


وللاسف للاسف للاسف

كل هذا بالكويت ......

تذكرت عهد مضى وولى واتمنى ما يتكرر !؟

لان ان حدث وصار صدقني قول على الكويت السلام



ما ابي اتعمق اكثر لان الحرقه الي فيني

وبها اللحظه بتخليني اكتب بعفويه !



شكرا لك بحجم السماء

[Q8 kber]

رد: قـــل رأيك بـشجـاعة وطنية بعيدا عن المـجاملات و المهاترات ...

الله واكبر

وحسبي الله ونعم الوكيل


كل الشكر اخوي راحل على هذا الطرح
==================================

التعليق



للاسف ان اكثر الدول العربيه تستخدم جهاز المباحث للكشف عن الجرائم مما خول لبعض

الاشخااص بل اكثرهم حتى الافراد العاديين بان يمارسووا كل الصلاحياات بدون رقيب او حسيب

وقضية المطيري وابو عبدالعزيز مااهي الا نقطه في بحر اعمال هذا الجهاز الفااسد

يااخوان في جهاز اسمه الادله الجنائيه وهذا الجهاز مهمش دوره نهائي لانه لا يعمل

وفق الانظمة والادله اللي يجمعهاا من خلال رفع البصمات والدماء وغيرهاا من ادله

تجمع لتوجيه التهم واثباتهاا على المتهم لكنهم اهملوو هالجهااز لان فترة عمله طويله

واخذوا بهالجهاز الفااسد اللي يعتمد على تعذيب المواطنين عشان ينتزعون منهم الاعتراف

[وصايف q8]

رد: قـــل رأيك بـشجـاعة وطنية بعيدا عن المـجاملات و المهاترات ...

اوصلت بنا الاوضاع بالكويت الى هذا الحال ؟؟

اللهم احفظ الكويت وشعبها من كل مكروه يارب ..

[وصايف q8]

رد: قـــل رأيك بـشجـاعة وطنية بعيدا عن المـجاملات و المهاترات ...

اقتباس من رد راحل بعيد:
والله كلامـج صح .. الإعلام ما قمنا ناخذ منهم كلام ,, بس ترا مسلم البراك مو من صالحه أبدا إنه يطلع و يقول شي مو متأكد ميه بالميه ,, لأن اعداءه و اللي يدورون الزلة عليه واااااااااااااااجد . .



صحيح يا اخ راحل بعيد وانا اعرف تماما ان مسلم المبارك عضو نزيه ويقول الحق لو على رقبته وهو من الاشخااص المتعميق في مصلحه الشعب الكويتي ،، ولكن اعتقد انه ربما وصلت له معلوماات غير صحيحه خصوصا في قضيه ابو عبد العزيز !! لان مسلم البراك ما قام الا بواجبه تجاه هالمواطن ابو عبد العزيز بالدفاع عن ما اصابه من رجال الداخليه .. وقد يكون هناك زياده او انقاص في روايه تلك القصه من قبل من وصلها لمسلم البراك والله اعلم


الاحتماالات كثيره ومتشعبه ونحن ننتظر رؤيه الحقيقه بصورتها المجرده !! ..

[راحل بعيد]

رد: قـــل رأيك بـشجـاعة وطنية بعيدا عن المـجاملات و المهاترات ...

سهالات ..

عليك بالدعاء ان الله يصلح هذا البلد و يجلعه آمنا مطمئنا و يرزق أهله من الخير و الثمرات ..




لا حول ولا قوة الا بالله

[راحل بعيد]

رد: قـــل رأيك بـشجـاعة وطنية بعيدا عن المـجاملات و المهاترات ...

كويتي كبير ,,,


لا هنت يالغالي على مرورك ,,

وبصراحة أسعدني تواجد ,, لروعة قلمك و حرضي على حضوره

لا هنت

[راحل بعيد]

رد: قـــل رأيك بـشجـاعة وطنية بعيدا عن المـجاملات و المهاترات ...

اهلا و سهلا مرة أخرى على هذا المرور العطر

اقتباس من رد راحل بعيد:
والله كلامـج صح .. الإعلام ما قمنا ناخذ منهم كلام ,, بس ترا مسلم البراك مو من صالحه أبدا إنه يطلع و يقول شي مو متأكد ميه بالميه ,, لأن اعداءه و اللي يدورون الزلة عليه واااااااااااااااجد . .



صحيح يا اخ راحل بعيد وانا اعرف تماما ان مسلم المبارك عضو نزيه ويقول الحق لو على رقبته وهو من الاشخااص المتعميق في مصلحه الشعب الكويتي ،، ولكن اعتقد انه ربما وصلت له معلوماات غير صحيحه خصوصا في قضيه ابو عبد العزيز !! لان مسلم البراك ما قام الا بواجبه تجاه هالمواطن ابو عبد العزيز بالدفاع عن ما اصابه من رجال الداخليه .. وقد يكون هناك زياده او انقاص في روايه تلك القصه من قبل من وصلها لمسلم البراك والله اعلم


الاحتماالات كثيره ومتشعبه ونحن ننتظر رؤيه الحقيقه بصورتها المجرده !! ..


أنتي تقولين ربما ان المعلومات لم تصله صحيحة ..

هل رأيتي ذلك الشخص الجالس بجانب مسلم البراك ؟!

انظري في الفيديو .. هناك رجل بجانب مسلم البراك ملتحي ,, يجلس على كرسي المعاقين ( نسأل الله له الشفاء و العافية )

هذا الرجـل هو نفسه ( أبو عبدالعزيز ) .. الشخص الذي وقعت له الحادثة ,,,

هو بنفسه أتــى لمسلم البراك و أخبره بالقصة كلها .. لم يأخذها مسلم من الإعلام ,, بل أخذها من صاحبها شخصيا و وجها لوجه ..

[nawal]

رد: قـــل رأيك بـشجـاعة وطنية بعيدا عن المـجاملات و المهاترات ...

السلام عليكم ورحمة الله وبركاته

اخي راحل بعيد

موضوع في غاية الأهمية

الداخليه = رجال سلطة = تنفيذ للقانون حسب رغباتهم = قمع وسجن ابرياء والموت احيانا !
لاحل ولا قوة الا بالله العلي العظيم

ماذكرته هنا قليل يا اخي
البعض لم تتطرق اليه وسائل الاعلام بهذا الحجم
البعض زج في السجون دون ذنب او ان يلتفت لهم احد
البعض متهم لغاية الان في تهمه لصقت له رغما عنه
البعض له سوابق ومع ذلك خرج من السجن على السراط المستقيم ومع ذلك اتهم من قبلهم وعاد الى السجن
السجن
التعذيب
القمع
كبت الحريات
الظلم
اشياء كثيره كنا سابقا نسمع عنها ولانصدقها
الان
مع وجود مسلم البراك وغيره
علت اصواتهم
يطالبون بالحق
واي حق هذا؟

الكلام كثير كثير كثير
مثل هذا الفيديو وغيره
لكن


لاعزاء لهم
لاعزاء





شكراا

[راحل بعيد]

رد: قـــل رأيك بـشجـاعة وطنية بعيدا عن المـجاملات و المهاترات ...

أختي نوال


شـكرا على هذه الكلمات المهمة و شكرا لقول رأيك ..


شكرا على المرور

[وصايف q8]

رد: قـــل رأيك بـشجـاعة وطنية بعيدا عن المـجاملات و المهاترات ...

اسمحولي يا اخوان

ولكن الاعضااء زودووووووهاا ومصخوووهاا..

ومن يضمن ان ابو عبد العزيز روى لنا قصه من الواقع ؟؟ بالنظر لوقائعها طبعاا !! ( جابو زوجته وهددوه بالاعتداء عليها اذا ما وقع !!! وين قاعدين بالله عليكم
اخذوا كل اهل ابو عبد العزيز 3 ايام من بيتعم وعذبوهم !! طيب محد فقدهم ؟؟ محد دورهم ولا ماعندهم اهل هالناس !!

قد يكون ابو عبد العزيز مرشواا لكي يقول تلك القصه !! وما احطها بذمتي ولكن قصته خياليه للغايه .. والله اعلم طبعاا ..

تقبل مروري مره ثاالثه : )

[راحل بعيد]

رد: قـــل رأيك بـشجـاعة وطنية بعيدا عن المـجاملات و المهاترات ...

اسمحولي يا اخوان

ولكن الاعضااء زودووووووهاا ومصخوووهاا..

ومن يضمن ان ابو عبد العزيز روى لنا قصه من الواقع ؟؟ بالنظر لوقائعها طبعاا !! ( جابو زوجته وهددوه بالاعتداء عليها اذا ما وقع !!! وين قاعدين بالله عليكم
اخذوا كل اهل ابو عبد العزيز 3 ايام من بيتعم وعذبوهم !! طيب محد فقدهم ؟؟ محد دورهم ولا ماعندهم اهل هالناس !!

قد يكون ابو عبد العزيز مرشواا لكي يقول تلك القصه !! وما احطها بذمتي ولكن قصته خياليه للغايه .. والله اعلم طبعاا ..

تقبل مروري مره ثاالثه : )

وين وين وين ...

عسى ما شر ,, ليش كل هذا ,,,

وصايف .. مع كل الإحترام يبدوا لي انج لست ذات نظرة متعمقة بالسياسة ..

لا يمكن ان يتكلم احد بقضية مزورة و يقول ان لديه مستندات ..

ثانيا : قضية ابو عبدالعزيز و اتهامه بقتل خادمة و مش عارف ايش موثقة بالمحاكم الكويتية .. مو اي واحد يجي و يألف قضية على كيفيه مثل ما تظنين ...

ثالثا : الرجل معوق و مطوع ,, يعني عيب ترا لما تقولين مرتشي ,,, الواحد يحسن الظن .. انتي مو داشة بقلوب الناس عشان تألفين عليه .. الواحد يحكم من اللي يشوفه والأدله الظاهرة امامه ..

رابعا : مسلم البراك ( صوت الأمة ) تحدث و قال القضية بشكل عام .. وذكر من خلالها المستندات و اسم المنطقة و سبب الإعتداء ... و ركزي على سالفة ( مخفر شرق ) ... و ما اتوقع ان من صالح اي واحد يألف سالفة بالعالم انه يقول تفاصيلها .. لأنه راح ينصاد بسرعه :)

خامسا : بذمتج انتي تتحجين من صجج ؟؟؟ و لا بس ودج تعارضين عشان يطول النقاش ..


يعني قتل المطيري الي قبل مدة شنو كان .. كان دليل على انه في قذراة تدير ذلك المكان .. و اللي يدخل عصاية عزكم الله بـ مؤخرة الرجال عشان يعترف .. مو غريب عليه يسوي اي شي ثاني ..


سادسا : انتي اساسا مو راضية تستوعبين السالفه لانها مصيبه ,, ومن قوتها ما تدش العقل الكويتي .. لان العقل الكويتي ما تعود على هالاشياء ..
انتي لو انج تطلعين على ملفات ادارة المباحث بالتعامل مع بعض القضايا راح تعرفين بلاوي ..


سابعا : ادارة المباحث يا طويلة العمر .. أحيان يكونون بصدد كشف قضية .. لكن ما عندهم دليل .. فـ يروحون يمسكون اي واحد مشتبه فيه و يلعنون ابو خامس ابو اللي جاب ابوه عشان يقول اي شي او يعترف .. لان الطرق تسكرت بوجيهم عشان يلقون دليل ,, ما لقوا الا انهم يطقون .. و كثير من المشبته بهم ابرياء و مالهم شغل ..

عقب ما يطقونهم و يلعنون ابو خيرهم .. و تثبت براءتهم .. يقوم المسؤول و يقول للي انطق ,, احنا آسفين وحقك علينا .. و انتهت القضية .. و المسكين يكون عنده احلى مكافأة انهم بس يهدونه ما يبي تعويض ما يبي شي .. بس يبي يهدونه هذي احلى هدية عنده من زود الطق اللي ياكله و انواع العذاب ..




وصايف ... مع كل الاحترام ( ولا تزعلين ) ,, انتي نايمة و ما تدرين عن شي ..



شكرا