Ipad ؟ Ipod touch ؟ I phone ؟

[(Q_Q) pew pew]

السلام عليكم

شلونكم شخباركم


ّّّّّّّّّّّّّ

ندش بالموضوع .. دار حوار بيني و بين صدقين على جهاز الـــ Ipad

سألني صديقي شنو رايي بالIpad لأن ناوي ياخله واحد .. قلتله ليش تبي تشريه ؟ و شنو بتسوي فيه ؟

قالي بنزل ابلكيشنات و العاب .. قلتله من صجك ؟ و بعد شنو راح تستفيد منه يعني
قالي اقدر اشبك وين ما اروح .. قلتله انزين وبعد
قالي راح اقدر العب و اشبك وين ما اروح ...

فا سألته جم سؤال وقلتله جم شغله ... بقولكم اجوبته ...و ارجو من الي عنده Ipad بعد يجاوبني
" الصراحه ابي اشوف الناس شلون تفكر "

سألت صديقي : زين ليش تاخذ Ipad اذا تبي تلعب ليش ما تاخذ لاب توب احسن .. اذا بتقط هالمبلغ على جهاز عشان تلعب فيه ليش ما تشتري لاب توب و هم اللاب توب العابه احلى
و ليش تقيد روحك بالـ " APp store " ليش تشتري جهاز ما تقدر تزل منه اشياء إلا من هالمكان و تقيد روحك معاهم
لو تاخذ لاب توب يديد او شي ذاكره اكثر من الـ Ipad بوايد و البرامج و الالعاب اكثر و احلى من الي تشتريهم من ال App store بوايد


شوفو العذر الحلو : لا بس الويندوز كلا فايروسات و جذي و Ipad من ماك ماكو فيروسات فيه

قلتله خلاص اخذلك لاب توب ماك

صديقي : بس الـ Ipad اخف و اصغر

انا : و منو قالك ان لاب توبات ماك اثقال يعني ولا وزن كل واحد 100 كيلو ماكو فرق وايد و اذا على الحجي اخذلك لاب توب صغير جم سانتي متر ما راح تفقر


جان اقوله انت تبيه ليش بالضبط .؟

يقولي شكله حلو و الكل عنه و في العاب حلوه

++++++++


الصراحه صدمني

ابي رايكم بهالشي ؟


اقول رايي بصراحه اشوف جهاز ال Ipad جهاز ماله داعي .. و لو تشوفونه كأنه Ipod touch حطو الدزاين ماله بالكمبيوتر و كبروه

مشالله عليهم تعبو بالتصميم


قولولي شنو الفرق بين ال ipod touch و الـ Ipad

غير الحجم ... ولا شي

و ذاك اليوم اشوف واحد معاي بالدوانيه عنه Ipod touch عشان يسمع اغاني
و Ipad عشان يلعب و Iphone ما رحنا بعيد لأن نفسهم بالضبط بس ان تقدر تتصل فيه



شفيهم الناس ؟ ما قامو يفكرون ولا شنو ؟





اسف على الاطاله

شكرا على المرور

[وصايف q8]

رد: Ipad ؟ Ipod touch ؟ I phone ؟

مشكلتنا اننا ديره تحب تستحوذ على كل ما هو جديد بالسوق ..واهل (هبه)..

يعني اذا ما شرى هالسلعه وقعد عند الناس وشافوه ما يدري اي شي عن هالسلعه قالوا له ( حدك قديييم )

وانا عن نفسي اشوف انها مجرد تسليه لا اكثر حاله حال هبتنا قبل بالبليستيشن والاجيال اللي نزلت بعدها لين بليستيشن 3
لكن انا اشوف الـ ipod لعبه مسليه للصغار وبعد للكبار << مستهلكه ipod اخوانها هههههههه
اما الـ ipad للحين ما جربته .. بس ما اظنه يفرق عن الـ ipod نفس الشي بس هذا اكبر اتوقع..

تقبل مروري ..

[سعود نت]

رد: Ipad ؟ Ipod touch ؟ I phone ؟

السلام عليكم ورحمة الله وبركاته

والله ياخوك انا اشوف مافيها شي دام الرجال يبي يشتري ip pad لانه وده يمتلكه وحاب هالجهاز

وين المشكله دام الخير واجد مافيها شي

ترا i pad له مزايا كثيره وتقريبا زيه زيه اللاب توب ، انت تقوله خذ لاب توب apple وهو اغلى من i pad

انت ظالم app store ترا فيها العاب وبرامج تغني عن اي شي ثاني دامك مسجل بكريديت

انا واحد من الناس خذيت الـ iphone والـ ipad بوقت واحد واستفدت منهم ثنينهم فايده كبيره

الوزن ترا يلعب دور كبير ،، اللي يحضرون اجتماعات يجربون ياخذون ipad بدل المسودات والنوتات والدفاتر

انت تبي تنصح خويك مافيها شي وبيض الله وجهك

انت حبيت تضرب مثال ،، بس ليتك ضربت المثال على شي كايد

لاني مالوم اللي يبي يشتري حاجه لانها بنفسه

سعود نت

[خشوووش]

رد: Ipad ؟ Ipod touch ؟ I phone ؟

مع فائق احترامي و تقديري لك و لخويك

خويك ما عنده سالفه اذا شاري اي باد عشان العاب ؟؟؟؟؟

الاي باد مو بس للالعاب هو لاب توب مصغر و سهل الاستخدام و عن طريق اللمس

بامكانك التصفح بالانترنت عن طريق الواي فاي او عن طريق الثري جي

و هناك برامج كثيره مثل الماسنجر و الفيس بوك و التويتر و و و و ....

باختصار هو لاب توب لكن بطريقة ابل

ثاني شي الاي فون مثله لكنه اصغر

و الاي بود توتش ايضا مثله و نفس حجم الاي فون

و لا يوجد فرق بين الثلاثه الا في الحجم الاي باد اكبر من الاي فون و الاي بود توتش

[ســهـالااااات]

رد: Ipad ؟ Ipod touch ؟ I phone ؟

يا حلاة ابو تريك .. متعدد الاستخدامات

وفيه قضايا وامور ما تتواجد لا بالاي باد

ولا بالاي بود ما ادري اي واي الي اهو ....



وانا اخوك هبات الديره وفوق هذا

خصوصا بالكويت البيزات ما تم نحب نطيرها

انا واحد من الناس قمت ما اخلي فلوسي عندي

الا بكثر ما احتاج ... والا لو يصيرون بيميني .. يا خراااابي


عندنا عيب شرعي الي هو خلل بنظام التحكم بالبيزات

فوق هذا الديره اغلب الي فيها عندهم هوس مو طبيعي

لكل شي ينزل او مثلا حمود عنده اي بود انا بعد

فلان بيده بي بي ... انا ابيه بعد


يعني شقولك الدعوه صايره سهالااااات لابعد الحدود


اعجبتني النصيحه منك

تصدق لو ماخذ لابتوب ابرك

بس شقولك هههه الاي بود او غيره

صار باليد ... وبالدوانيه والا برا البيت

<< هذي تفرق عند الكثبر >> للاسف



بارك الله فيك وبيور فريند


شكرا

[Women~ّ~From~TheSun]

رد: Ipad ؟ Ipod touch ؟ I phone ؟

[glow=ffff00]
انا شخصيا مالي ابهاللجه كلها لكن بالنسبة للاي بود من خلال ملاحظتي ل اولدي لاحظت ماشاء الله من يوم استخدمه جد ارتفاع بنسبة الذاكره لديه يعني الولد صار نسبة الحفظ لديه اعلى ال بي بي شراه واحذفه عقب اسبوع اللابتوب استفاد منه كثير بالدخول لمواقع مفيده لكن ارد واقول من بين اكثر الاجهزة الاي بود اكثر افادة له فيما كانت العاب البلايستيشن تسبب له حالة نرفزه واعصاب وشد وتوتر انا شخصيا انصح للطفل ب الاي بود


ان كانت البيزات بتروح اب هبات مفيده تبني الشخصية فالبيزات لاشي امام بناء قدراتنا

شكرا لكم جميعا على ارائكم المحترمه
[/glow]