سؤال للشباب .. بس اللي عصبي لايدخل على الموضوع بليز

[~..دمــووع..~]

رد: سؤال للشباب .. بس اللي عصبي لايدخل على الموضوع بليز

[align=center][align=center][table1="width:80%;"][cell="filter:;"][align=center]والله انا لو لو ( كنت ولد ) ...
صراحه كنت بسمع صاحبي ..
وبشوف اخر كلامه .. واذا قالي اني احب اختك .. وابي اتزوجها ..
بالعكس أنا برحب فيه وبيزيد حبي له .. لان نهايت حبه رسمها على الزواج ..
موبس يحبها ويلعب عليها ويتركها ..
اما اذا قال لي والله احبها بس ما ابي اتزوجها ولا مو قادر اتزوجها ..
ذيك الساعه بحط قلاص القهوه بحلجه .. وبقوله عشان ثاني مره كلام ما تقدر تكمله .. سد حلجك وابلع لسانك ولا تقوله خير شر
تسلمين خيتو على المناقشه ..
تقبلي مروووري
دموووع[/align][/cell][/table1][/align][/align]

[wooolfman73]

رد: سؤال للشباب .. بس اللي عصبي لايدخل على الموضوع بليز

اولا مشكورة اختي غالية على هالموضوع .. وان كان الطرح للمزاح والضحك ، الا انه موضوع حساس ويحتاج الى نقاش على مستوى واسع ..
ثانيا كل الشكر للجميع على طرحهم ووجهات نظرهم ، وهناك وجهات عقلانية ، وهناك وجهات نظر واقعية تحدث في حياتنا اليومية ولا يمكن استبعادها ...
ووجهة نظر سبقتني بها الاخت دموع ، ولكن ليس كل ما قالت .. فانا ساكون متفهم وواقعي ، واضع نفسي مكان صديقي .. كيف اريد التعامل معي في هذا الموضوع .. وكيف افضل ان تكون ردة فعل صديقي عندما اعرض عليه حبي لأخته
واعتقد ان الصديق عندما يعرض لي حبه لاختي ، ساكون متاكد مليون بالمئة من انه صادق في حبه لها
لانه صديقي ،، وانا اكثر الناس معرفة فيه ، وباخلاقياته وسلوكياته ،، وما اذا كان سيتلاعب باختي ام لا .. انا الذي احكم على هذا الحب .. وانا الذي استطيع ان اقرر بعد الله استمرارية هذا الحب من عدمه ..
فليس عيبا او جرما او حرام ان يحب صديقي اختي ، والعكس صحيح .. ولكن التلاعب والمغامرات الغرامية التي تحدث في ايامنا هذه .. لا تكون من صديق قريب منك جدا .
وثالثا .. اود ان اسأل الجميع البنات وخصوصا المتزوجات ، لو علمتي من صديقة عمرك والتي عشتي معها سنوات عمرك بالحلوة والمرة ، ولا يمكن ان تخفون عن بعض اي موضوع ..
جاءت هذه الصديقة في يوم وقالت انها تحب زوجك أو ابيك وانها تفكر بالزواج منه ،، ماذا تفعلين ؟؟؟؟
خصوصا اذا علمتي ان هناك تبادل بالمشاعر فيما بينهم ،، وتهديدك لهم سواء بالطلاق او غيره لن يردعهم عن الزواج
او لم يكن هناك اي مشاعر متبادلة بينهم ، فقط حب من قبل صديقتك لزوجك او ابيك

اتمنى الاجابة وبكل صررررررااااااااااااااااااااااااااااااااااااااااااا ااااااااااااااااااااااااااااااااااااحة

[~..دمــووع..~]

رد: سؤال للشباب .. بس اللي عصبي لايدخل على الموضوع بليز

[align=center][align=center][table1="width:80%;"][cell="filter:;"][align=center]والله شوف ياخوي : ردا على سوالك اللي طرحته ..
اناا رااح اجاوبك بصرأحه ..
ماكو مرأه ما تغار على زوجها .. صح انا مو متزوجه بس بنت وبحط نفسي مكان وحده متزوجه وبعيش الجو شوي لووووول
بس بصراحه لو صديقت عمري واقولها كل اسرااري .. ودايم اهيه معاي على الحلوه والمره ..
بالعكس والله انا اللي بخطبها حق زوجي .. صج بغار ..
بس راح تخفي الاخوه والعلاقاه القويه اللي بيني وبينها انها زوجت زوجي :)
لانها بتم رفيجتي وما عاش ريال يغير بيني وبين رفيجتي ..
لان السموحه لكل الريايل .. بس ما اشوف ان في ريال يستاهل ان الواحد يزعل عشانه والله ..
لان دايم يقوولوون حق الريال .. ما يملي عينه إلأ التراب هههههههه
يعني ما فرقت معاي ..
وبالعكس انا عادي بكون كسبت رفيجتي ..
وبنفس الوقت ما تطلقت عشان الناس ما تسولف علي ...
وذيك الساعه اهوه اللي خسران لان بيصرف علي غصبن عليه ههههههههههههه
ومعاشي بجيبي والحمدالله ما ابي منه شي ..
تقبل مرووري خيوو
دموووع[/align][/cell][/table1][/align][/align]

[غاليه بعيون مغليها]

رد: سؤال للشباب .. بس اللي عصبي لايدخل على الموضوع بليز

اول شي منو يرضي على نفسه ياخذ واحد متزوج وزوجته صديقتها ثاني شي هذي خيانه لو انا ورفيجتي تاخذ زوجي والله اقتلها واقتله وتعتبر موتهم حلال عندي

[راحل بعيد]

رد: سؤال للشباب .. بس اللي عصبي لايدخل على الموضوع بليز

[align=center][align=center][table1="width:80%;"][cell="filter:;"][align=center]والله شوف ياخوي : ردا على سوالك اللي طرحته ..
اناا رااح اجاوبك بصرأحه ..
ماكو مرأه ما تغار على زوجها .. صح انا مو متزوجه بس بنت وبحط نفسي مكان وحده متزوجه وبعيش الجو شوي لووووول
بس بصراحه لو صديقت عمري واقولها كل اسرااري .. ودايم اهيه معاي على الحلوه والمره ..
بالعكس والله انا اللي بخطبها حق زوجي .. صج بغار ..
بس راح تخفي الاخوه والعلاقاه القويه اللي بيني وبينها انها زوجت زوجي :)
لانها بتم رفيجتي وما عاش ريال يغير بيني وبين رفيجتي ..
لان السموحه لكل الريايل .. بس ما اشوف ان في ريال يستاهل ان الواحد يزعل عشانه والله ..
لان دايم يقوولوون حق الريال .. ما يملي عينه إلأ التراب هههههههه
يعني ما فرقت معاي ..
وبالعكس انا عادي بكون كسبت رفيجتي ..
وبنفس الوقت ما تطلقت عشان الناس ما تسولف علي ...
وذيك الساعه اهوه اللي خسران لان بيصرف علي غصبن عليه ههههههههههههه
ومعاشي بجيبي والحمدالله ما ابي منه شي ..
تقبل مرووري خيوو
دموووع[/align][/cell][/table1][/align][/align]

أختي دموع ,, شكرا على المشاركة الرائعة ..

و لكن لنتكلم بواقعية .. اتركي سالفة تخطبينها له و ما عاش رجال يفرق بينكم ,,

هذا إن صح القول . كلام مبالغ فيه لدرجة غير واقعية .. و ربما ( العزوبية ) حالتنا كلنا ,, ما تخلينا نحكم على الموقف بالشكل المثالي ,,

وهذا ربما أثر على ردك


شكرننننن

[مطر المطيري]

رد: سؤال للشباب .. بس اللي عصبي لايدخل على الموضوع بليز

والله اذا كان كبير يعيني فوق ال 24
اشوفه هي البنت تبيه اذا كانت مو موافقه او ما تحبه
واشاور اهلي اذا موافقين حيااا اذا لا اطقه

[~..دمــووع..~]

رد: سؤال للشباب .. بس اللي عصبي لايدخل على الموضوع بليز

[align=center][align=center][table1="width:80%;background-image:url('http://vb.kuwait777.com/mwaextraedit2/backgrounds/20.gif');border:4px outset deeppink;"][cell="filter:;"][align=center]أنا برد رد سريع على كلأمك أخ رأأحل ..
أنا قاعده اتكلم بصرأحه ..
انا لو مكان هالبنت ..
كنت ادور الستر ومافيها شي لو رفيجتي زينه وما طلع منها شي ..
واخلاقها تمام التمام اكيد ما بقول له لاء ولا شي ..
وذا اهم من الاساس يحبون بعض وبينهم علاقه ليش اخسر زوجي ..!
واخسرها ..
بعدين الطلأق .. ذكر يكون في اعسر الظروف بين الزوجين !
وانا ما اشوف هالشي غلط اذا الشرع حلل له اربع ..
واهوه حبها ويبيها بالحلال .. يعني يتزوجها ولا يرووح يغلط معاها من وراااي ؟
ايهو احسن ..
وبالعكس انا ما ابالغ ولاشي بس تفكيري صحيح ..
ابغض الحلال عند الله الطلاق ..
وسورى وجهت نظر بس ..
تحياااتي
دموووع[/align][/cell][/table1][/align][/align]

[خشوووش]

رد: سؤال للشباب .. بس اللي عصبي لايدخل على الموضوع بليز

[align=center][align=center][table1="width:80%;"][cell="filter:;"][align=center]والله شوف ياخوي : ردا على سوالك اللي طرحته .. [/align][align=center]
لان السموحه لكل الريايل .. بس ما اشوف ان في ريال يستاهل ان الواحد يزعل عشانه والله ..
لان دايم يقوولوون حق الريال .. ما يملي عينه إلأ التراب هههههههه
تقبل مرووري خيوو
دموووع[/align][/cell][/table1][/align][/align]

صدمه قويه لي ان اشوف منك هالرد

كنت متوقع انك بنت عاقله و مثقفه

اعتقد ان عندك عقده من الرجال او مريتي بمواقف من اشباه الرجال

خلتك تشوفين كل الرجال بالنظره هذي

كلمه اخيره ودي اوصلها لك

( اصابع يدك مو سوا )

اخوك / محمد / خشوووش

[wooolfman73]

رد: سؤال للشباب .. بس اللي عصبي لايدخل على الموضوع بليز

لكل قاعدة شواذ ...

واعتقد يا اخت دموع ما قلتيه يعتبر من الشواذ .. وليس من المستحيل ،، وقد يكون هناك من يؤمن بما تعتقدين وبما تفكرين ،، ولكن الطبيعة التي جبلت عليها المرأة أنها لا تقبل شريكا بزوجها مهما كانت الظروف ومهما كانت الزوجة الأخرى ، واعتقد احب اسباب تحريم الجمع بين المحارم كزوجات هو الغيرة فيما بينهم ن فلو افترضنا ان هناك زوج تزوج امرأتين خوات او بنت وخالتها او عمتها أو البنت وامها في آن واحد ، ماذا سيكون .... طاطوط طاطوط طاطوط [b].. البيت نار[/b] .

فلذلك مهما تحاول المراة ان تكون متفهمة ومؤمنه بان الشرع احل للرجل اربع ، الا انها لاتقبل بالشريك في زوجها

واذا شعرت بأنها ستكون مجبرة على قبول ذلك وضعت امام الرجل خيارين ....

ذا فيرست ( يعني اولا ) : الطلاق ومن بعده الطوفان

ذا ساكند ( يعني ثانيا ) : الصرف على البيت ليس بما يستطيع .. نو نو نو ..تبي الصرف بما تريد وعلى الشكل الذي تريد وتبدا الطلبات .. ابي فيلا على طلبي قسم غربي وقسم عربي وأبي سيارة وي صبي وابي اتعلمني جم باليوم ربحك كاش .

اعتقد هذا تفكير اغلب ان لم يكن كل النساء ...... والله اعلم


مع خالص تحياتي

[~..دمــووع..~]

رد: سؤال للشباب .. بس اللي عصبي لايدخل على الموضوع بليز

[align=center][align=center][table1="width:85%;background-image:url('http://vb.kuwait777.com/mwaextraedit2/backgrounds/20.gif');border:4px outset purple;"][cell="filter:;"][align=center]رديت على سوالك مره ثانيه ..
وقريته عدل عدل ..
صراحه ما ادري شنو اقولك انصدمت في جم جمله يمكن ما ركزت فيها :|
وصرااحه انا حطيت الرد وانا كنت من الاساااس ابي انام يعني حدي نعسانه ..
واللحين اطالع السوال .. في شي غلط !!

لو علمتي من صديقة عمرك والتي عشتي معها سنوات عمرك بالحلوة والمرة ، ولا يمكن ان تخفون عن بعض اي موضوع ..

امممممم ...

جاءت هذه الصديقة في يوم وقالت انها تحب زوجك أو ابيك وانها تفكر بالزواج منه ،، ماذا تفعلين ؟؟؟؟

بعد تحب ابوووي :| ما ركزت والله سوري !!
يعني طلعت منها اهيه !!
مو من زوجي @@

او لم يكن هناك اي مشاعر متبادلة بينهم ، فقط حب من قبل صديقتك لزوجك او ابيك

اوووف يعني اللحين زوجي ماله شغل بالموضوع @@

اهني صار رد ثاني !!

اللحين انا اشاركها كل اسرااري واسرااري عن بيتي وريلي !
يعني اعرفت اسراري واسرار ريلي وشنو يحب وين نطلع وين نروح !! واخر شي تحبه وتبي تاخذه !!
يعني هذي مرافجتني عشان ريلي @@
عشان تكون قريبه من ريلي !!
وحتى زيارتها بتكون مو عشااني عشان ريلي !!
يعني هذي خاااينه !
وبعدين شلون اوافق عليها .. واهيه تبيه .. يعني جذي باجر لو خذته غصب طيب راح يطلقني عشانها ..
راح تلعب لعب على راسه ..

خلاص غيرت وجهت نظري بالموضوع !!
حرام الريال ماله شغل ..
الغلط من البنت .. وقتلها والله حلال !!

سوري ماكنت بوعييي لما رديت .. لاني كنت شاربه لبن ..
وشكلي قريت السوال بالمقلووب لوووووووول
بالسنه حسنه اشرب لبن وشكلي فهيت بالموضوع وااااايد [/align][/cell][/table1][/align][/align]