سؤال يحيرني..هل ذكر اسم الوالده او الشقيقه ... عيب !!!

[عيـــ™ــون الغـ×××ــلا]

السلام عليكم ورحمة الله وبركاته


هذا الموضوع يتردد على بالي من فتره وحبيت انكم تشاركوني باراءكم ..



في ظاهره غريبه منتشره بشكل كبير وخاصه في مجتمعاتنا الخليجه ..

وهي ان الريال لازم مايذكر اسم اخته او بنته او زوجته سواء اذا عند احد
من ربعه او عيال عمه او ....الخ ويعتبر ذكر اساميهم عيب او منكر ..



وحتى في الجوال .. تلاقونه يحفظ اسم زوجته بــ أم العيال او الاهل خوف من ان احد يقرا اسماءهم وينحط الريال في موقف محرج..

وحتى مره وحده تسولف عن اخوها تقول انه يخلي ارقامهم بدون اسم

خوف ان احد من ربعه يقراهم .....


الي مستغربه منه ليش هالاعتقاد يسود عندنا ... مع ان الرسول صلى الله عليه وسلم ما كان يعتبره عيب .. وكان يذكر اسامي زوجاته وبناته رضي الله عنهن ... والحال مثله عند باقي الصحابه رضوان الله عليهم ..



اتمنى تشاركوني في الموضوع وتعطوني وجهات نظركم ..



اختكم

عيون الغلا

[AL7LOO]

صرااحه انا اعتقد الي يسوي جذي مو صاحي لوووووووووول

مشكوره يا الغلا على الموضوع وما قصرتي

[عيـــ™ــون الغـ×××ــلا]

الحلـــــو هلا فيـــــك اخوي

يعطيك العافيـــــــــه لمرورك : )

[][ ///ـا@ـر ][]

هلا وغلا

عيـــ™ــون الغـ×××ــلا

موضوعك مهم بالفعل

وتعدى كونه فعل لفئة معينة فأصبح ظاهرة

في مجتمعاتنا الخليجية على وجه الخصوص

لا أدري ما الحرج في معرفة الناس عمومًا وليس الأقارب

لاسم والدة فلان أو أخت فلان

والمتتبع لتاريخنا العربي والإسلامي يجد أن أسماء النساء

كانت معروفة حتى قبل الإسلام وعند مجيء الإسلام خلد التاريخ

أسماء زوجات النبي صلى الله عليه وسلم وبناته وهو أشرف الخلق

كما كان معروف أسماء الصحابيات وزوجات الصحابة وبناتهم

وحتى وقت قريب كان العربي يفتخر باسم والدته وأخته

فينتخي بها ويقول ( أنا أخو فلانة ) فكانت مجال فخر

لكن يبدو أن هذا المفهوم تغير مع الوقت مثل تغير باقي المفاهيم

أعود وأقول أنه ليس من العيب أبدًا إظهار اسم والدة أو أخت

فهذا أمر كان ومن المفترض أن يبقى شيء طبيعي

شكرًا عيـــ™ــون الغـ×××ــلا على موضوعك الجميل

دمتي مظللة بالسعادة

ســـــاهـــــر

[خوسيه انطونيو]

ليش مو صاحي


موضووع حلووو حيل

احنا بمكان و وضع جغراافي وتاريخ يخلينا غصب عنا نسوي الشي هذا

مع انه مو عيب ولا حراام
ومثل ما تفضل الاهو ساهر انه النساء ايام الاسلام قبل كان معروف اسمائهم للكل

بس الحين احنا بمنطقة الخليج العربي
والمنطقه هذي يغلب عليها طابع البداووه

ومن الصعب على اي شخص يقول اسم زوجته او امه لشخص غريب ما اعرفه

ممكن ولد عمي ولد خالي اي بس واحد ما اعرفه يقول اسم زوجتي قدامه
ما يصير

وبعدين خل نكون صريحين

اهني بمجتمعنا الناس تبي تسوولف بالاعراض
والله شفت مرت فلان اسمها فلانه

اي هذي كنت اعرفها قبل

ومن هالحجي خل نكون صريجحين ونقول الشي هذا يصير صح

لان الناس من فرااغتهم قاموا يسوولفوون باعرااض الناس وعيب عليهم بس الواحد شنو يقول هذول عندهم نقص

فا الواحد يتجنب الشي هذا يصير


يعني مثلا مره صار موقف قدامي وبصرااحه

انه
كنا ماشين انا و3 من ربعي وكنا بالسووق
فا اجى اخو واحد من ربعنا معاه مرته
والشباب الاثنين الباقين ما يعرون ان الشخص هذا اللي مع مرته اخو صاحبنا الثاالث

ظلوا يطالعون لمرته ويقوولن شووف عيوننها شلون الكحل حاطته

اطالع بصاحبي لقيته مفوور نااار

رحت وكلمت ربعي البااقين وتهاوشت وياهم لان عيب يصير الش ي هذا سواء رفيجنا او ما نعرفه


فا بالتالي اذا صار الشي هذا

اكيد انه صعب الواحد يقول اسم اخته لان الناس فااضيه وبس تبي تتكلم بأي شي

وهذا الشي اضنه صعب على اي واحد

واتحدى اي واحد يقولي ان كلامي غلط

واذا قال انه غلط اقووله تفضل واذكر اسما ء اهلك

وادري انه ما راح يقول لانه هذا العرض واحنا اهل الخليج عداتنا غير عن غيرنا


واعذروني

ويسلموووو على المووضع

[عنوسه ^_~ ماتهاب]

اعتقد ان هالشي تحفظ

واغلب الشباب او الرجال يسون هالشي
واذا في احد ما يسويه قله....؟

وهالاسلوب يتبعونه منذ مبطي علي قولتهم

زياده حرص ما يبي احد يعرف اسمه اهله مثلا
او يمكن ما ادري
انا احس ان كلا يراي الناس بعين طبعه
يعني لو اهو عرف اسم اخت رفيجه او امه بيحس اناه عيب او مسك شي علي قولتهم
هم اهو يتحفط خوفا
احس ان هالشي مب سليم
ما فيها شي الاسم طبعاا

وشكرا علي الموضوع

[» STyLeyO «]

لا يبى مو عيب لو عيب جان الشرع حرمه بس عادات أهلنا و تقاليدهم

فهمتي شلون ؟؟

يعني قبل أهلنا كان عندهم ذكر أسامي الحريم عيب ومشت هالعاده

وصارت معانا عاده

فهمتي

والنبي عيسى اسم امه منو مايعرفه السيدة مريم عادي شنو يعني ؟؟

ويعطيج العافيه

على الموضوع وماتقصرين

ولاتحرمينا من يديدج

يلا

جااااااااااااااااااااااااااو

[عيـــ™ــون الغـ×××ــلا]

هلا وغلا فيــــــــــكم
جميــــــــع ردودكم روعــــــــــه .. وانه معاكم يمكن اكون هذا الشي تحفظ من قبل الشباب ..
او يمكن في هذا الزمن صار اس مالبنت فضيحه ...؟
يعني بسبب المشاكل الي حاصلـــــــــه ..
انه الي سمعته بعد وشي حدث في حياتي ان الشخص لين بيخطب الوحده مايذكر اسمها جدام ابوها الحريم اهمه
يتفقون على كل شي ويختارون البنت والابو اكون عنده خبر ..

بس شنقول غير الله يستر ..

[» STyLeyO «]

يعطيج العافيه

على الموضوع

وانا اوافقج من ناحيه المشاكل بس من ناحيه عيب لا

انا اعارض

يلا

جاااااااااااااااااااااااااااااااااااااو

[سوسه كووول]

بصراحه انا من رايي هذا شي عادي مافيه شي اذا احد قال اسم اهلا و بعدين كل هذا اسم يعني ماراح يدل على كنز لا شي ثمين

بس من ناحيه ثانيه يعني مثلا مو الواحد يمشي بشارع ويقول اسم امي جذي ولا اختي جذي ولا فلانه جذي

وفيه شي ثاني بعد انه الشباب هل يوميين صايريين ياخذون رقم وحده ويروحون عند ربعهم يقول انا رقمت هذي واسمها جذي وجذي وعمرها جذي واهي بهل منطقه ومايدري يمكن تكون اخت وحده من ربعه وهذا الشي صار جم مره والصور خو هذا شي ثاني بعد

وقصدي من هذا كله ان الانسان كان امراء او ريال لازم مايقول حق احد الى يكون واثق منه


بس الشي هذا مو عيب لاكن يأدي الى مشاكل فلازم مانقول عيب مثل ماذكرتوا ان ايام الرسل كان هذا الشي عادي


وشكرا على الموضوع الحلوووو

[طفله وغازلتني]

ليش مو صاحي


موضووع حلووو حيل

احنا بمكان و وضع جغراافي وتاريخ يخلينا غصب عنا نسوي الشي هذا

مع انه مو عيب ولا حراام
ومثل ما تفضل الاهو ساهر انه النساء ايام الاسلام قبل كان معروف اسمائهم للكل

بس الحين احنا بمنطقة الخليج العربي
والمنطقه هذي يغلب عليها طابع البداووه

ومن الصعب على اي شخص يقول اسم زوجته او امه لشخص غريب ما اعرفه

ممكن ولد عمي ولد خالي اي بس واحد ما اعرفه يقول اسم زوجتي قدامه
ما يصير

وبعدين خل نكون صريحين

اهني بمجتمعنا الناس تبي تسوولف بالاعراض
والله شفت مرت فلان اسمها فلانه

اي هذي كنت اعرفها قبل

ومن هالحجي خل نكون صريجحين ونقول الشي هذا يصير صح

لان الناس من فرااغتهم قاموا يسوولفوون باعرااض الناس وعيب عليهم بس الواحد شنو يقول هذول عندهم نقص

فا الواحد يتجنب الشي هذا يصير


يعني مثلا مره صار موقف قدامي وبصرااحه

انه
كنا ماشين انا و3 من ربعي وكنا بالسووق
فا اجى اخو واحد من ربعنا معاه مرته
والشباب الاثنين الباقين ما يعرون ان الشخص هذا اللي مع مرته اخو صاحبنا الثاالث

ظلوا يطالعون لمرته ويقوولن شووف عيوننها شلون الكحل حاطته

اطالع بصاحبي لقيته مفوور نااار

رحت وكلمت ربعي البااقين وتهاوشت وياهم لان عيب يصير الش ي هذا سواء رفيجنا او ما نعرفه


فا بالتالي اذا صار الشي هذا

اكيد انه صعب الواحد يقول اسم اخته لان الناس فااضيه وبس تبي تتكلم بأي شي

وهذا الشي اضنه صعب على اي واحد

واتحدى اي واحد يقولي ان كلامي غلط

واذا قال انه غلط اقووله تفضل واذكر اسما ء اهلك

وادري انه ما راح يقول لانه هذا العرض واحنا اهل الخليج عداتنا غير عن غيرنا


واعذروني

ويسلموووو على المووضع

[خوسيه انطونيو]

طفله وغازلتني كأنك ماخذ الرد مالي كوووبي
ههههههههههههههههه تمون يا الغااالي

[أسهر أعد النجوم]

يسلموووووووووووووو ع الموضوع

[الزعيـــــم7]

والله هذي مو ظاهرة بس تقدر تقول عادة قديمة
لكن. الحين ما اعتقد ان في عقول صغيرة بهالعصر


T H A N K S

[b.s.b]

الي يسوي جذي برايي سخيف بعدين انا الاحظ الحين مافي جذي.