لمن أبوح بسري .. موضوع يستاهل النقاش

[المتكتك]

لمن تبوح الفتاه باسرارها؟ لمن يبوح الشاب بأسراره ؟

لمن تفتح الفتاه قلبها وتبوح باسرارها؟ وهل بوحها هذا يمتد لكل

اسرارها ام انها تحتفظ ببعض,اوبكثير, من اسرارها الخاصه جدا في

حقيبه اسرارها التي لاتطلع عليها احدا مهما كان؟ نفس السؤال للشباب ؟

هذه بعض من الاسئله الكثيره التي تدور حول فتيات وشباب اليوم, خاصه في

ظل التفكك الاسري الذي يزداد عمقا كلما مر الوقت.... فهل مازال

الأب والأم سر أبنائهم كما كان في الماضي ؟؟؟؟؟ أم ماذا؟؟؟؟؟؟؟؟؟

فلنناقش هذا الموضوع بكل مصداقيه فتفضلوووووووووووووا


مع تحيات ................... المتكتك

[ma6la3-el-shams]

يسلمووو على الموضوع


من ناحيتي انا مع اختي

ومو حميع الاسرار لابد لانسان يحفط بعض الشئ لنفسه

والف شكر لطرحك للموضووع


تحيااتي

[غرور]

ثانكيوؤؤوؤ خـيوؤ عالمــوضوع..فعلا يستحق المناقشـــه..

بالنسبــه لي آنـا..فما ابوح بأسراري الا لأختـــى..و مو كل الأسرار مثل ماقالت الأخت مطلع الشمس..بس انا بعد حابه افتح نافذه اخرى اذا سمحت يعني

اذا البنت ماتبوح لأسرارها الا لأختها و ماتستشير الا اختها بكل شي..وكانت اختها قاضيه بالعربي يعني فاسده..شراح يصيرر:)

انا الحمدلله اختي عاقله و ناضجه و تفكر بعقل..بس اعرف وحده اختربت و السبه اختها !!.. مادري اكو جذي خوات؟
و اهي بنفس عمر اختي بس لوول ينوخذ منها دبلوم صياعه و قلة ادب..شرايكم بالموضوع؟

و اكثر البنات الحين مايرتاحون للبوح لأمهاتهم لانها مثل ماقلت كل شي تغير..تلقين الأم ماتصلح للمناقشات و تحاسبج على كل شي..

مادري انتو شرايكم؟


اشكرك على موضوعك ويعطيك الف عافيـــه :)



غــــــــــــــــرور

[بقايا أثر]

اشكرك لهذا الموضوع

اممممممم

براييي محد يستاهل

وشكرا

[المتكتك]

مشكورين على المشاركة وتصدقون انه كل سر وله شخص معين يعين فيه اسرار تنقال للاهل وفيه اسرار تنقال للاصدقاء وفيه اسرار ما تنقال ......................... وشكرا

[I'm-Not-A-Groupie]

انا اسراري مابوح عنها..

[المتكتك]

مشكورة em fan على المشاركة بس لازم يكون لج أحد تفضفضين معاه عشان ما تتعبين نفسيا وتاخذين نصيحته ولازم يكون الشخص هذا فاهم وعاقل عشان يفيدج ويكون قريب عليج حيل يعني من أهلج ........... وشكرا

[ŋαŋ]

انا أقول اسراري لأختي بس كل الأسرار احتفظ بشيء لنفسي

و مشكور اخوي المتكتك ع الموضوع ولا تحرمنا من ابداعتك الروعه


:)

[محبــوب القلـوب]

مشكور اخوي على هالموضوع الجميل بصراحة بهالزمن مافي اانسان فاضي يستمع لك وهالزمن وايد اشياء تغيرت فيه بس انا مااقول الا الشكوى لغير الله مذلة ومشكور يالغالي

اما بالنسبة لي انا بصراحة اشتكي لنفسي لأن هالسر يهمني انا مايهم الأنسان الي اقوله سري

[محبــوب القلـوب]

واسف انا دشيت بالموضوع غلط ===========> مريض اليوم

شكو الشكوى بالسر خخخخخخ

اي السر بصراحة احتفظ فيه لنفسي علشان يهمني اكثر مايهم اللي اقوله سري

[المتكتك]

مشكورة بنت الكويت على المشاركة واخوي محبوب لازم يكون فيه شخص ترتاح لمى تتكلم معاه وتفضفض عن اللي بداخلك ونفس ما قلت من اول مو كل شي ينقال وشكرا لمرورك ........................ وشكرا

[ارجع للشوق]

انا كل اسراري اقولها حق اختي لاني ماحب اخش شي بقلبي

يسلمووووووووو على الموضوع

[we7da]

في البدايه اشكرك عالموضوع
انا من وجهه نظري
محد يستاهل اقول اسراري
الا الاخت
لانها الانسان الوحيد اللي مراح يتشمت فيني
وطبعا موكل شي ينقال
انا عن نفسي
اسراري احب احتفظ فيها لنفسي
لان الشكوا لغير الله مذله
واذا قلت لاي انسان
مراح استفيد شي
الا بيزيد الطين بله
ويمكن فيوم اتهاوش مع اللي قتله او قتلها اسراري
وتقعد تتشمت فيني
شستفدت
الا انضريت
اخليها بقلبي احسن
هذي وجهه نظري
وثانكيو مره ثانيه عالموضوع

[أمــوووت بالحريبي]

اول شي ثانكس ع الموضوع الحلو

وثاني شي .. آنا عن نفسي اقول كل اسراري حق الوالده الله يطول بعمرها لأني اعتبرها صديقتي مو امي ..

: )

وثانكس مرة ثانيه ع الموضوع الرووعه

[][ ///ـا@ـر ][]

هلا وغلا

المتكتك

موضوعك مميز

:)

أنا لا أبوح بأسراري لأحد إلا ما ندر ، وإن بحت فيكون لصديقي

العزيز ،، ومؤمن بمقولة أن السر إذا جاوز الاثنين شاع

واسمح لي أن اسهب قليلا في هذا الموضوع فأقول

البوح بالأسرار يختلف حسب المراحل العمرية للإنسان فالمراهق يختلف في

اختياره عن الناضج والناضج يختلف عن من هو أكبر منه سنًا

وأريد أن أتكلم عن المراهق لاعتقادي بأن غالبية مرتادي المنتديات من هذه الفئة

أظن أن غالبية المراهقين لا يبوحون بأسرارهم لوالديهم ؛ فالواقع يقول إن الوالدين

نادراً ما يمنحان التقدير الكافي لقدرات أبنائهما المراهقين ، ودعوني أقل إن الآباء

ينسون في معظم الأحيان كيف كانوا يشعرون هم أنفسهم أيام الشباب

شكرًا على موضوعك

وآسف على الإطالة

دمت مظللا بالسعادة

ســـــاهـــــر