تدخل بعض الخالات ( مو الكل )

[المتكتك]

اولا اتمنى كل من يقرا هالموضوع يعطيني رايه وبصراحه.ثانيا شنو معنى خاله تتدخل في بنات اختها؟؟؟ اوخال يتدخل في بنات اخته؟؟؟بنتكلم عن الخاله ودورها الكبير في الاسره.مثلا في ناس التدخل مالهم يكون عن طريق التشييش هذي ظاهره موجودةفي مجتمع الخليج نشوف انه اكثر الخالات يكونون حقودين على بنات الاخت او ساعات تكون مجرد هوايه او حب انهم يقومون بخراب البيوت وخراب الثقه اللي تكون بين الام والبنت, واغلب الخالات يشيشون الاخت على بناتهه ويقولون لها لاتعطينهم موبايل لاتخلينهم يطلعون مع ربعهم لاتعطينهم مفتاح غرفتهم راقبي اتصالاتهم وحركاتهم والخ.................................. مما يكسر الحاجز بين الام وبناتها ويولد خلاف كبير ويمكن البنت تكره الخاله بعد ماكانت اتحبها وتعتبرها كامها الثانيه, والاكثر من ذالك انه ماراح اتزورهم, ممايسبب قطع الارحام وهاذا مانهانا عنه الله والرسول(صلى الله عليه وسلم)وراح يسبب الكراهيه والعداوه بين بعضهم البعض وراح تكبر وتكبر والله يعلم شنو نهايتها. اتمنى انه هالدمار يزول عن مجتمعات الخليج ويزول عن كل بيت وعلى كل واحد انه يهتم في عياله وبس ويهتم بعد في بنات الاخت من حيث النصيحه والارشاد والتوجيه السليم. وتمنياتي بالخير والحب للجميع.

ملاحظة ( محد يفهمني غلط ) وبالخصوص اللي في بالي ( خخخخخخخخخخ ) هم عارفين نفسهم

تحياتي .......................... المتكتك

[غرور]

ثانكيووؤوؤو عالموضوع..
كلامك كله صح و كلامك كله بحذافيره قاعده اواجه بس من عماتي..تلقاهم يخربون علاقاتنا ببنات عمامي يشيشونهم علينا ..

انا بصراحه اواجه تدخلات عماتي :s
عماتي كارثــه من كـــوارث الحـــياة
ورا كل مصيبه من مصايبهم خساره بأرواح بشريه:p
ماعندهم شغل يربطون عصاعص..يحطون دوبهم دوب يهال..ماني قادره اوصف الى اي مدى وصلت تدخلاتهم..
ماكو شي بالدنيا يلهيهم عنا و عن التدخل فشوؤنا..تلقى كل وحده فيهم تنطر الشاره عشان تصنع منها موضوع و تفتح ملف قضيه .. شنو الشي اللي يونسنا بالدنيا..قامووا و محوه..والله يستر اكو وحده سمعت عنها ذابحه بنت اخوها..سكتوا عاد اهما حتى نت يدشون ودكم عاد يقرون الموضوع و اكون الضيحه الثانيه:s
الله يستر بلاويهم لا تعد ولا تحصى..عد و خربط
شاكرتلك اعطائي هالفرصه عشان افضفض من اللي فيني من عماتي العاهات



عساك ع القوه



غــــــــــــــــــــرور

[ma6la3-el-shams]

مشكوور كل الشكر على الموضوع المميز


دووم مواضيعك حلوه

من راي على حسب العلاقه ادا كانت قويه ماراح احد يتضايق


اما ادا لا


فااكيد بيكون زعل


تحيااااتي

[حوراء_1980]

يعطيك العافيه المتكتك على هالموضوع الحلو

وانا بصراحه ما أيد تدخل الخالات نهائيا :p

ويسلمووووووووووووووووووووووووووووووو

[I'm-Not-A-Groupie]

والله انا عندي احسن خاله.. اللي في بالك
عالعموم.. ترا مو كل الخالات جذي

[بقايا أثر]

والله انا أأيد تدخل الخالات والعمات بشى مفيد لكن اذا لاحظت شى انصح والنصيحه حلوه

وانا بهالعمر احب اسمع من خالاتى وعماتى عادى عندى

ويعطيك العافيه لمواضيعك الحلوه والحساسه

واحرجتينى يا ام فان

[المتكتك]

مشكورين كلكم على المشاركة واتمنى المزيد من باقي الاعضاء ، اما بالنسبة لي فانا اؤيد تدخل الخالات بس يكون بالشي الزين مو بالتشيش وعمل المشاكل ولو تقدر الخالة انها تكون صديقة لبنات اختها يكون افضل واحسن عشان تكون النصيحة منها مقبولة اكثر .................................. وشكرا

[][ ///ـا@ـر ][]

هلا وغلا

المتكتك

ما حبيت نحصر الموضوع في الخالة

أي شخص سواء كان قريب كالخالة والعمة

أو صديق أو جار أو أين كان .. ماله الحق في التدخل

في شؤون الآخرين ،، والأولى هو قول الخير أو السكوت

والحمد لله ... المسألة ذي ما قد مرت علي

:)

شكرًا المتكتك

دمت مظللا بالسعادة

ســــاهـــــر

[المتكتك]

مشكور أخوي ساهر على المشاركة وهي مثل ماقلت عن اي شخص قريب مو شرط الخالة
بس دايما هم الخالات هم اللي يتدخلون في بنات الاخت ........................... وشكرا

[استاذة الوفى]

مشكور المتكتك على الموضوع

كلامك صحيح في ناس يدخلون ويحبون المشاكل مثل السوس الي ينخر بالضرس وهذيل مايقدرون الى على الضعيف بس الي يوقف بويهم مايقدرون عليه انا شخصيا الحمدلله عندي خالات اطيب منهم ماكو وعلى نياتهم بس عندي عمات الله لايوريك كانوا حاطين دوبهم ودوبنا كل هذا لان امي وانا طيبين ومانحب المشاكل لحد ماوصلت انا لمرحله الانفجار الحين محد يقدر علي الي ابيه اسويه وراسي يابس مااسمع الى كلام امي وابوي والي ابيه والكلام الي اقتنع فيه غيره جني ماسمعت طنش ولا اتعب نفسي مع ناس فاضيه وتبي تشغل نفسها فيني

ومشكور اخوي

[المتكتك]

مشكورة استاذة على المشاركة ومثل ما قلتي ناس فاضية وحقودة بعد