ممكن تساعدوني مع أختي الصغيره؟

[FasoOoL]

ممكن تساعدوني على حل مشكلتي مع أختي الصغيره

أختي عمرها 7 سنوات و هي لازم تسوي كبيره يعني جت للأبتداءي تبي

تصير كبيره يعني بالعطله الصيفيه تسهر، أيام المدرسه تذاكر بنفسها،

تبي تغيب على كيفها و أنا صراحه ما أعرف أتعامل معاها

مثلا هي السهرت و أنا أقولها روحي نامي تقولي ما أبي أصلا مهب على كيفك

أنا صراحه أشب أنا أختها الكبيره وتقولي مهب على كيفك!!!!!

أنا الظاهر ما صرت أختها الكبيره صرت أختها الصغيره و أنا ما أدري

بعدين عاد أنا أنفجر يوووووه بجي أطقها تهرب مني و تقولي هههههههههه

ما تقدرين تمسكيني مسكينه و إذا مسكتها تقولي أنا أختك الصغيره ليش تطقيني ؟

أنا ما يصير عندي جواب فأخليها وتعيد نفس الشي و إذا قلت لأمي قالت يعني هي تبي

تسوي كبرت و أنها خلصت التمهيدي و هي ألحين رايحه ثاني إبتدائي

أنا صراحه أقول في نفسي حتى أمي تصير مع الغلطانه؟؟؟؟

و أنا عاد أقوم أنقهر زياد و أطقها إلين تصيح بس ما في فايده

أقولها ترى بكره ما في سهر تقولي عادي

و أنا أكره ما عندي كلمت عادي أبغضها بغض

و يلا سامحوني إذا طولت عليكم و لوسمحتو ساعدوني

[][ ///ـا@ـر ][]

هلا وغلا

رورو

أنا شايف أن المشكلة هي مشكلة عناد أختك

والحل الأمثل يبدو لي

توقيع العقاب المناسب على أختك من تبدأ في عنادك وبعد كذا

لازم تصبرين ولا تيأسين وتستسلمين لعنادها لأنك إذا

استسلمتي لعنادها بتتعلم هالشيء وتصير تعاند أكثر

وحتى بعد ما تعاقبينها مثل ما قلتي وتبكي لازم تجلسين

معها وتتكلمين وتحاولين تقنعينها أنه عنادها ما يجيب

نتيجة بالعكس لازم تتكلم وتقول وش السبب في

سهرها مثلا أو عدم سماعها لكلامك

هذي محاولة مني لمساعدتك وإن شاء الله تنجح

:)

دمتي مظللة بالسعادة

[BiShOw]

ممممـ انا اقول سايريها و اهيه اخر شي راح تمل



و قوليلها مثلا اذا الحين نمتي باجر راح اوديج محل الالعاب و من هالكلام .....

[تمنيت الموت]

ويك ويك ويك احلى اخت بالدنيا اذا ما تبينها جذي شلون تبينها والله حاصل لج اخت كبرها فديت اختي الله يرحمها كانت مثلها بس على العموم بقولج طريقه وان شاء الله تستفيدين منها اول شي لا تعصبين عليها لانها اذا شافتج معصبه راح تعاند وعلى ما اعتقد ان العناد عندها هوايه ههههه يحليلها المهم لا تلدين لها بال وكل ما تقولج ابي اسوي جذي قولي لها انا شكو< وش دخلني> بالسعودي انا ترى سعودي بس احب اتكلم كويتي مو مشكله نرد لموضوعنا ايه ويعني لا تعطينها وجه واهي راح تجيج وتقط وجهها عليج وتقدرين تتحكمين فيها مثلا يعني لا جاتج وانتي تحطين مكياج يعني وناسه لوووول تقولج حطي لي قولي لها انتي ما تسمعين كلامي وانتي تعانديني وانتي وانتي جذي يعني واهي راح تسوي اللي تبين وصدقيني ما راح ينفع معاها العناد والعصبيه بالعكس راح تزيد واسف على الاطاله وشووووكرن .... فديت اختي ..... انتهى

[عازف السيمفونية]

إذا تبين رآئي 00


أنا أقول (( أكسبيها )) خوذيها بحضنج خليج أمها خوذيها بعطف وحنان 00


حسسيها أنج خايفه عليها 00 وتبين مصلحتها 00 أكيد أي أنسان سواء كبير ولا صغير لما يلقى الطرف الحنوون والجانب اللين راح يستسلم له 00


يعني مثلاً قولي حبيبتي لاتسهرين نامي ترى والله أنا أبي مصلحتج حسسيها ومن طريقة كلامج أنج تبين مصلحتها 00


معروف الجاهل إذا جيته بالعناد جآك أعند 00 الجاهل عقله صغير والصغير دايم أكثر عاطفه ودايممايستسلم للقلب الحنون 00


ومشكورة وأتمنى استفدتي مني أومن غير شئ يفيدج ؟

[ma6la3-el-shams]

سويت

انا راي من راي عازف


وان شااء الله يظبط معك



تحياااااتي

[قموورة]

اختي رورو والله حالتج مستعصية وعليه عليج ... اعرف هالحالة.. انا اخواني جذي... يا حبهم للعناد ... انزين سمعيني... قصدي اقري ههه,... المهم ... حاولي انج ما تعصبين جدامها ولا تعاندينها لما اهيا تعاندج وعلى قوله المثل... الطيب يغلب الطبيب..... اتخذي هالمثل منهجا للتعامل وياها... والله يهديها ان شاء الله

[بو يعقوب]

سويت والله يا اختي يبيلي ياها وانا علمج فيها

لوووووولز

لا لا رايي من راي عازف واذا عاندت عاقبيها

[FasoOoL]

مشكوووورين أخواني و أنشالله بسوي كل شيء قلتوووه لي

[ام البيبيات]

وانا بعد راي مثل الباجي والله معاج

[*~بنت الفريج~*]

امم

آنة رايي انج تتحكمين باعصابج

يعني اذا سوت شي يقهرج لاتعطينها ويه

لأنها اذا سوت الشي اللي يقهرج تبي تلفت انتباهج

<< سامعة هالكلام من برنامج :)

ف اذا كانت تبي شي واصرت عليه او قعدت تبجي انتي سوي نفسج ولا جنج تشوفينها

بعدين اهيا بنفسها بتسكت لأنها بتشوف ان اللي قاعدة تسويه ما منه فايدة

وبالنسبة للسهر

لما ايي موعد النوم لاتخلينها تقوم غصب

لا خليها بروحها تروح

يعني اذا ماشافت احد معاها بتخاف وبتروح تنام

والله يخليها لكم :)


:)

تحياتي / بنت الفريج

[d3doo3]

أول شيء بالعكس هذي امووور تحصل معانا احنا ياشباب الياهل يطول السانه والسبب بالبداية من الأهل اللي عودوا الطفل على انه يقول اي شيء بدون لا يعاقب وهذا طبعا من الاخطاء اللذين يقعون فيها اولياء الامور وبعدين اول شيء بالنسبة للسهر حاولي ماتعاندينها خليها تسهر لوحدها وانا اتوقع ان شايفه اختها ساهرانه والاطفال بهل سن ياخذون امور الكبار ويطبقونه على نفسهم وبعدين بالنسبة لطول اللسان صح الضرب لكن مع التوعية يعني من دون نهر قرصة اذن او الضرب على اليد او اللفم واتمنى اكون حليت جزء من مشكلج

[glow1=00CCCC][align=center]اخوج
[email protected] [/align][/glow1]

[الشكولاته]

اختي رورو والله حالتج مستعصية وعليه عليج ... اعرف هالحالة.. انا اخواني جذي... يا حبهم للعناد ... انزين سمعيني... قصدي اقري ههه,... المهم ... حاولي انج ما تعصبين جدامها ولا تعاندينها لما اهيا تعاندج وعلى قوله المثل... الطيب يغلب الطبيب..... اتخذي هالمثل منهجا للتعامل وياها... والله يهديها ان شاء الله

انا معها في كل اللي تقوله اختي .







اختكم الشكولاته

[FasoOoL]

الله يعطيكم ألف عافيه وما قصرتو