هل يحق للفتاة أن تكشف وجهها لـ (( إبن عمها )) 00 موضوع نقاش

[عازف السيمفونية]

[list]
[glow=99FFFF]°ˆ~*¤®§(*§*)§®¤*~ˆ°بسم الله الرحمن الرحيم°ˆ~*¤®§(*§*)§®¤*~ˆ°


: أنا حبيت أستفسر عن شي 00 وأنا لاحظته بمجتمعنا أنه أمر متناقض 00


:::::::: ألا وهو ::::::::::

أن البنت يجوز لها بالشرع أنها تكشف وجهها لإبن عمها 00 مع إن الله حرم في كتابه أن المرآه تكشف وجهها لغير محارمها 00



وبِما أن إبن العم ليس محرم لبنت عمه هذا يعني أنها مايجوز أنها تكشف قدامه 00


الصراحه هالســــــــؤال عجزت ألقى له جواب ؟



على فكرة في بنات عندهم الأمر (( فري )) يعني تكشف قدام الناس برى البيت وشلون ماتكشف قدام ولد عمها 00


أنا فاهم هالأمر 00 لاكن أبي كل واحد يعطيني رآيه بكل صراحه حتى لو كان عليه 00

يعني مثلاًُ أنا أحب البنت اللي إذا كانت كاشفه برى البيت بالسوق أو غيره00

وتقول لا مايصير أنها تكشف لولد عمها 00 هي تدري أنها على خطأ بس تعترف 00


أني أبي الصراحه والموضوعيه بالرد عشان تبين لنا كل شي00




ومشكورين مقدماً 00[/glow][/list]

[roony]

مشكووووووووووووور

[roony]

لا ما تكشف نفساها امام ولد عمها

[BiShOw]

>>>> مستغربه من الموضوع



بس احنا كاشفين ويهنا عادي ما فيها شي @@

[miss-love]

آنا احترم وجهة نضرك اخوي ونفس ماقالت اختي بيشووو احنا اساسا كاشفين فيعني عادي اذا شافني ولد عمي وعن سالفت الشرع اعتقد عادي يعني اذا اي واحد ايي يخطب بنت لازم يشوفها فعندي عادي ولد عمها يشوفها او تكشف جدامه

[d3doo3]

سؤال محير واتوقع ان وصلنا لمرحلة تطور غير عن قبل وانا بصراحة مو بنت بس شيء عادي يعني تكشف الويه على ولد عمها ولا الناس وشكرا لك على هالموضوووع

[تمنيت الموت]

تسلم اخوي على الموضوع الرائع وانا رايي انها ما تكشف جدامه وهذا رايي مع تحياتي اخوك تمنيت ...........انتهى.............

[حوراء_1980]

يعطيـــــــــــــــك العافيـــــــــه

عـــــــــازف

عالموضوع بس من وجهة نظري مافيها شي البنيه إذا كانت متغطيه انها تكشف الغطا عن ولد عمها طبعا إذا كان متقدملها هالشي عادي لاعيب ولاحرام والدين نفسه ماحرم هالشي ، بس بصراحه احنا عندنا بالكويت شي عادي ومافيه شي لدرجة انه فيه ناس مثل ماقلت فري عندهم لدرجة انها تغط حجابها عن عيال عمها وعيال خالتها بحجة انه عادي وانهم اهل طبعا مو الكل اتكلم عن فئه قليله من الناس وبصراحه من وجهة نظري عادي ومافيها شي وخصوصا انه عندنا بالكويت عادي

[_&_&_لجيـن_&_&_]

كويتيه و زقرتيه

مشكوور اخوي ع الموضوع
انا اقول انه عادي تكشفت ويها جدام ولد عمها اذا البنت كاشفه ويها بالسوق و المجمعات و الخ
اشلون ما تكشف ويها حق و لد عمها و في ناس ما يكشفون حتى ليله الملجه ما يكشفون ويهم حق المعرس





يـــالي علـــى البــال تطــري و انــت و مــا تــدري وش ذنبــه اللــي يحبــك و انــت خليــته
وش دمعــا علــى طــاريـك هليــته

[تمنيت الموت]

يا بنات فهموو الرجال شكوو تكشفين بالسوق ولا برى البيت احنا نكلم البنات اللي متحجبه دايم يعني ولا جات عند بيتهم وولد عمها موجود تكشف جدامه عادي ولا لا ما علينا من انها تكشف برى يعني خلاص تكشف عند ولد عمها اكيد اهيا كاشفه دووم يعني شلون ما دش عقلي كلامكم بنات ومع تحياتي انا اسف اخ عازف ملقووف شسوي .. امون عليك صح لووووووووووووول .....انتهى .....

[عازف السيمفونية]

مشكورين كلكم على مروركم العسل00


على فكره أنا ماوصلت للشيئ اللي أبيه00


تمنيت شدعوه انا وأنت واحد ؟


أنا ياجماعة حبيت ألفت وجهت نظركم وتعجبوني وربي انكم ريحتوا بالي بإجاباتكم الصريحه00


أول شي إذا كشفت برى البيت يعني حلال على ولد عمها 00 هذا أعظم طبعاً 00 وبالشرع البنت إذا كشفت وجهها لغير المحرم00

سواء بالبيت أو خارج البيت فهو أمر محرم والنصوص والأدله الشرعيه كثيره على هالأمر00


تبون الجد أنا بنات عمي من صار عمرهم 15 سنه وأنا ماشفتهم يعني من تبلغ البنت عندنا تتغطى عن ولد عمها00

لاتقولون لي عوايد ولاّ تقاليد 00 بالعكس هذا أمر الله والحمدالله أنّنا نمتثل أمره00

بس هذا مايعني أني ماأوافق البنت على أنها تكشف وجهها بالعكس 00 يمكن تكون البنت الكاشفه وجهها بالسوق وبأي مكان 00


أكثر عفه واكثر شرف من المتغطيه ومثل ماقالوا (( ياما تحت السواهي دواهي )) يعني أنا وجهة نظري ماعندي مانع من أن البنت تكشف وجهها00

أهم شي العفه والشرف ويمكن هالشي ألاقيه عند بنات واجد كاشفين وجيههم ويمكن ماألاقيه عند البنت المتغطيه00


وشأكر لكم كلكم على مروركم الحلوو00 الله لايحرمني من هالتواصل الحلوو00

[تمنيت الموت]

درر درر درر وربي درر انا قايل من اول انك ذيب مشكور يا قلبي وكلامك عسل وربي

[عازف السيمفونية]

لوووووووولىىى تسلم ياقلبي أنت درة المنتدى والله تمنيت


تسلم ياقلبي على كلأمك الحلوو00 ولايحرمني من تواصلك يارب

[ماريا شارابوفا]

مشكووور اخوي ع الموضوع

بس احنا نكشفه في البيت وبرا البيت احنا عندنا عادي

[عازف السيمفونية]

مشكورة على مرورج العسل ماريا شارابوفا 00