لماذا ينظر الاهل والمجتمع للأنترنت نظره سلبيه ؟؟؟

[بنت فضل]

[frame="6 80"][align=center]السلام عليكم ورحمة الله وبركاته

اعزائي

عطوني شوي من وقتكم وخلونا نتكلم بموضوع نعيشه بحياتنا اليوميه الا وهو:

** ليش ينظر الأهل والمجتمع للأنترنت نظره سلبيه ؟؟
** من المسؤول عن هالنظره السلبيه أحنا ولا الانترنت نفسه؟؟
** من يأثر فالثاني أكثر أحنا ولا الأنترنت ؟؟
** ليش نخلي علاقة الجنسين بالنت سلبيه ليش ما تكون علاقه ايجابيه صريحه؟؟

ما اعتقد اننا بالوقت الحالي نقدر ننكر ان لنا صداقات عن طريق النت
وخصوصاُ اللي صار لهم على النت فترة طويلة..
النت بالرغم من الافكار الإيجابيه والسلبيه اللي بالمجتمع عنه
يظل وسيله احنا لنا الحريه فاختيار ايجابياتها وسلبياتها
" الانسان مخير مو مسير "
والعلاقه بين الجنسين بالنت شي لابد منه لازم يكون فيه كلام
او حديث عابر بالمنتدى ولا الشات ((ولو اني ضد الشات بس مانقدر ننكر تأثيرة))ولا المسنجر اوغيره....لحد ينكر وجودها
لانه يكذب على نفسه
وترى أحنا نأثر فالنت مب العكس .. لان استخدامنا الايجابي راح ينتج عنه
سمعه طيبه واستخدامنا السلبي راح يطلع سمعه سيئه عن النت
والسلبيات والايجابيات موجوده فحياتنا مب فالنت بس

وأنتوا اشرايكم بالموضوع ؟؟

سلاااااااااااااااااامي

*،*بنت فضل*،*










[/align][/frame]

[حوراء_1980]

[grade="FF1493 2E8B57 FF1493 2E8B57"]يعطيــــــــــج العافيـــــــــه


بنت فضـل

عالموضوع المتميز وتسلم ايـــــــــدج
=======================================

** ليش ينظر الأهل والمجتمع للأنترنت نظره سلبيه ؟؟
_ لأنه اغلبية الناس تتكلم عنه دايما بالسلبيه والأهل يسمعون هالشي وخصوصا انه وايد ناس انفضحوا من ورا الانترنت وغيره علشان جذي الاهل والمجتمع ينظرون للأنترنت نظره سلبيه

** من المسؤول عن هالنظره السلبيه أحنا ولا الانترنت نفسه؟؟
_ بصراحه احنا المسؤولين عن هالشي لأنه مثل ماقلت من قبل وايد ناس انفضحوا من ورا الانترنت ويما بيوت انهدمت بسبب انه شخص ماعنده شغل حط صورة بنيه صورها بدون ماتدري ولعب بالصوره وزعها بالأنترنت ومن واحد لين واحد لين توصل العالم كله واهيا ولاتدري عن شي تلاقينها متزوجه وتتطلق بسبب هالشي او بنيه واحد من اخوانها يذبحها فالمسؤول احنا مو الانترنت

** من يأثر فالثاني أكثر أحنا ولا الأنترنت ؟؟
_ الأنترنت لأنه الانترنت مفتوح كل شي تبيه تلاقيه موجود بس يعتمد على الانسان إلي يستخدمه صح وفي شركات ماتقصر اي مواقع موزينه تصكرها ، فالتأثير من الأنترنت مو منا لأنه مثل البحر ماله اي حدود


** ليش نخلي علاقة الجنسين بالنت سلبيه ليش ما تكون علاقه ايجابيه صريحه؟؟
_ للاسف الزمن الي عايشين فيه يخلي اي علاقه بين الجنسين سلبيه ، لنه الصبي ماعمره يثق بوحده كلمها بالنت دايما بنظره انها مادام دشت النت اهيا مو زينه ويستحيل انه تكون علاقتهم على حب او زواج
ونادر انج تلاقين اثنين اعرفو بعض عن طريق النت وتزوجوا .



يسلموووووووووووووو ويعطيج العافيه[/grade]

[Caramel]

أختي بنت الفضل ..
شكــــــرا على الموضوع المتميز و الصراحة كلامج صحيح .. وهذي اجاباتي على الأسئله .

** ليش ينظر الأهل والمجتمع للأنترنت نظره سلبيه ؟؟

بكل صراحة مو كل الأهل و المجتمعات .. لكن النظره السلبية لهذه الفئه نتيجة ما يسمعون عن الإنترنت .. من مشاكل و أشياء لا تصدق تصير !! ... فينظرون إلى سلبية هذه الشبكه !! .. دون النظر إلى إيجابيتها .. و طبعا كل واحد أو وحده تستخدم النت حسب تربيتها ... و تعرف السيئ من الإيجابي .. في الإنترنت

** من المسؤول عن هالنظره السلبيه أحنا ولا الانترنت نفسه؟؟

طبعـــــــــا أحنا .. أقصد المستخدمين له !!!

** من يأثر فالثاني أكثر أحنا ولا الأنترنت ؟؟

أحنا نأثر على الإنترنت !! الأن استخداماتنا له .. تبين سلبيته و إيجابيته ..

** ليش نخلي علاقة الجنسين بالنت سلبيه ليش ما تكون علاقه ايجابيه صريحه؟؟

لأن البعض يسغل الفرصة !! و الصراحة القليل اللي يكون صريح وراء الشاشه !!!


و اللي فعلا يريد الصداقة لابد انها تكون قائمة على الإحترام المتبادل .. و الصراحة ..و محد ينكر الشات أو المنتديات أو المسنجر !! .. بس المفروض المسنجر يكون للصداقة اللي تعرفين حقيقتها .. يعني صديقات المدرسة النادي و بس !!! اما الشات .. فأنا ضده و معاج .. و المنتديات .. علاقاتنا قائمة على الأحترام المتبادل و التقدير للجهود اللي تبذل للجهود .. و تبادل المعلومات و النقاش في المواضيع !! .. و طبعا .. الإيجابية في الإستخدام .. ينتج عنها السمعه الطيبة و اختلاف نظره الناس للإنترنت !!! ..

[بنت فضل]

الاعزاء


*،*حوراء 1980*،*


*،*كارميلا*،*

الف شكر لكم على المشاركة


ويعطيكم الف عافية


تحياتي


*،*بنت فضل*،*

[احمدالجبوري]

السلام عليكم
لانه دائما الشباب يتكلمون بالسلبية لا نريد ان نشمل كل اللشباب ولكن البعض منهم كي يكون الكلام اصح
ودائما يقولون انا تعرفت على بنت من فلان دولة وانا تعرفت على بنت هكذا تكلمت معي وهذا ما يسمعونه الاهل فلا تلومهم هم لا يعرفون في بعض لا يستحي وليس الكل وفي بعض يستحي
والمفروض من الشاب العاقل المثقف
اذا تعرف على انسانة ان لا ياتي باسمها مع اي بشر لان هذا شرف البنت لانه ياخذون بان البنت دخلت الى النت وتكلمت مع الشاب فانها ليس متحشمة انا طبعا اقول البعض وليس الكل
فلا بد ان تكون العلاقة مع البنت ومع الشاب سرية
اي ما يرضي رب العزة وعندما تتكلم البنت في النت مع الشاب ولكن لابد من الشباب لا يتكلمون على النت بالشيء القبيح امام الاصدقاء او الاهل
عسى ان يكون كلامي جيد ومفهوم
شكرا لكم

[d3doo3]

** ليش ينظر الأهل والمجتمع للأنترنت نظره سلبيه ؟؟

موكل اهل ينظرون هالنظره ولكن هناك اسباب وهي بداية الانترنت كان هناك مواقع وكان هناك اخلاقيات انعدمت واشياء تحرم على البنت مشاهدتها وتشاهدها واصبح هذا التفكير يكبر ويكبر الا ان وصل لنا هذا التفكير
لكن هناك اهل يروون اهل يرون ان الانترنت مجال واسع كالحياة يوجد بها المفيد والغير مفيد وبعدين الحين الكل صار عنده كمبيوتر ومثل ماقلنا صار تعارف بالنت وهل الاشياء غيرةً وخوفا من الاهل يبتعدون عنها


** من المسؤول عن هالنظره السلبيه أحنا ولا الانترنت نفسه؟؟

اول شيء احنا كابشر استخدمناه استخدام خطأ من خلال دخول المواقع وايضا الشات اللذي اصبح السوالف فيها مجرد جمال وحب والمناقشة الجادة اصبحت من اخر الاوليات
ثانيا الإعلام الذي نوه العالم ولم ينوه العالم انه هناك فوائد كبيرة لذلك

** من يأثر فالثاني أكثر أحنا ولا الأنترنت ؟؟
النت حياة اخرى تصلك بكل الناس وارتباطنا فيها كا ارتباطنا بالحياة والحياة كل يوم تعلمنا وايضا النت اصبح كل يوم يعلمنا

** ليش نخلي علاقة الجنسين بالنت سلبيه ليش ما تكون علاقه ايجابيه صريحه؟؟

وهل وقفتي اختاه او وقف واحد منا ورآ انه ممكن ان يثق في فتاة او فتى تعرفتوا عليه ولكن انا ودي وسوري لو يكون السؤال ليــــش مانكــــون صريحـــين حتى لو كانت الصراحـــة سيئة لانه وقت الصراحة يعني عرفنا الغلط وهذا اهم شيء وماعلينا ان تقبل الشخص او لا بس المهم نكون صريحين .

والصداقة شيء جميل وحتى لو كانت بالنت او المنتدى وهل نتعارض ان هناك صداقة او حب بالهاتف وهذه نفس الشيء لكن هذي رسائل كتابية ام التلفون فرسائل صوتيه لكن اهم شيء يكون الصراحة والاحترام ثم تأتي بالباقي



ومشكوووره على هالمووووضوع واتمنى اكووون قد فدة اخواني واخواتي المطلعين على هالموضوع

[بنت فضل]

الغالي


*،*d3doo3*،*

الف شكر لك لابداء رايك

وجزاك الله الف خير


كفيت ووفيت


تحياتي


*،*بنت فضل*،*

[عازف السيمفونية]

مشكورة 00

*،*بنت فضل*،*


على الطرح الحلوو 00 والموضوع الجميل 00


أنا راح أقولج رآيي بإختصار شديد وبعبارة يمكن تكون كافيه 00


,*,*,*,* كل شي يغلب سيئه على خيره يكون سئ *,*,*,*,



فالأهل ينظرون للأنترنت نظرة سلبيه 00 لإنه أداة (( مو ضرورية )) يعني شي للتسليه والوناسه 00


وينتج عنها فضايح وتشهير لبنات وغيرهم 00


ومشكورة على الموضوع 00

[بنت فضل]

الغالي

*،*عازف السيفونية*،*

الف شكر لك على المشاركة

وعلى ابداء رايك


تحياتي لك

أختك

*،*بنت فضل*،*

[Bَrِo~nًZٍiْ-Q8]

لا تعليق

[عجب]

من المسؤول عن هالنظره السلبيه أحنا ولا الانترنت نفسه؟؟
** من يأثر في الثاني أكثر أحنا ولا الأنترنت ؟؟

اختي اخواني يقول الحق سبحانه " وهديناه النجدين" والنجدين هنا تعني
طريق الخير وطريق الشر.

اذا أي شئ في هذه الدنيا ذو حدين او ذو اتجاهين إما سلبي او ايجابي
لهذا تتحدد العلاقة من خلال الممارسة ، فاذا استخدم على سبيل المثال النت
في العمل الجيد فهو حسن ومقبول ، والعكس .
وهذا ما سبب النظرة السلبية وهي العكس فقد شاع بين الناس أنه وسيلة هدم
ضياع خطر على الاولاد والبنات وترسخت النظرة السلبية اكثر من النظرة الايجابية.

وكالعادة نحن ابناء الشرق الاوسط أي جهاز نأخذ الجانب السيء ونصر عليه بكثرة
والله ليست نظره تشائمية ولكن هذا الواقع المرير . الستالايت اكبر دليل...

الخلاصة : النت ظلم ونحن السبب ،،، فحسناته كثيرة.

[*TanTosHa*]

النت عالم كبير فيه سلبيات وايجابيات ...يمكن الكثير من الناس يستخدم النت بصورة غير جيدة
وباعتقادي أن الاهل ينظرون للنت نظرة شيئه لسماعهم عن الأخبار او الاسياء الي تصير فيه
من مشاكل وغيرها وأتمنى أنه مستخدمين النت يستخدمون بصورة أحسن ويبتعدون عن الاشياء المو زينه الي فيه وطبعا احنا المسوؤلين عن النظرة السلبيه لانه احنا الي قاعدين نستخدمه غلط.

ويعطيج العافيه على موضوعج الرائع
ومشكورة
تحياتي لج
TanTosha

[ma6la3-el-shams]

ليش ينظر الأهل والمجتمع للأنترنت نظره سلبيه ؟؟


مو كل الاهل ولايتعمم للاشخااص كلهم

** من المسؤول عن هالنظره السلبيه أحنا ولا الانترنت نفسه؟؟


الاثنين مسئولين
** من يأثر فالثاني أكثر أحنا ولا الأنترنت ؟؟

الانترنت


** ليش نخلي علاقة الجنسين بالنت سلبيه ليش ما تكون علاقه ايجابيه صريحه؟؟



لانه مايتماشى معنا ومع مجتمعنا

وكل شئ ممنوع مرغوب


يعطيكي العاافيه على الموضوع


لاتحرميناا جديدك


تحياااتي

[مذهــــــــله]

النت شبكه فيها الزين والشين ,. شبكه جامده ماتجبرنه على اختيار شى معين ,. احنا بواسطة الماوس اللى

نختار ,. وكلن على حسب اخلاقه وتربيته ,. فيه اللى يتخذها وسيله لزيادة معلومات واطلاع وتسليه وحتى

تعارف حلووو ,. وفيه اللى يتخذها وسيله تضره وتضر غيره ,. مو صح باٍعتقادى اللى قالوه بعض الاخوان عن

البنت اللى تستخدم النت او عن العلاقات اللى تنشأ عن طريق النت ,. النت وسيلة اتصال وتعارف لا اكثر ولا اقل

ومافيها شى اذا اثنين تعرفوا على بعض عن طريق هالوسيله ,. فيه تعارف يقود حق اشياء مو زينه وفى

تعارف يكلل بالزواج خصوصا اذا كانت هالبنت كفوا بنت ناس ومتربيه يعنى على حسب البنت والولد وشنو اللى

يبونه من هالتعارف ,. يعنى حلال العلاقات عن طريق الترقيم او الاتصال" المضيع " يعنى الخاطىء وحرام عن

طريق النت لا هاذا مو انصاف ,.


يمكن انا شطيت اشوى عن الموظوع بس هاذا تعليقى على بعض الردود ,. بالنسبه لسؤالج ليش ينظر الاهل

والمجتمع للانترنت نظره سليبه ,. اعتقد انه هاالنظره موجوده خصوصا فيه مجتمعنه ليش لانه احنا كعرب

مانستخدم اى تكنولوجيا الا بطريقه سلبيه ,. و موبس النت حتى البلوتوث وقيسى على هالشى الكثير ,. العيب

فينا كمستخدمين مو بالشبكه نفسها وحرام هالنظره ,. يعنى اللى ماكو على راسه بطحه يحسس عليها ممكن

يجيب كرسى ويحطه يم كرسيه اللى يقعد عليه وينادى امه او ابوه ويراويهم المواقع الحلوه المفيده واهو

اشلون يستخدم النت عشان تتلاشى هالنظره .. ولا تبـــــــــــــوووق لا تــــــــــــخاف ’,,

[بنت فضل]

الاعضاء الاعزاء


الف شكر لكم على المرور


تحياتي لكم


*،*بنت فضل*،*