إعـــــــلان

**ŋαŋ** · 07-29-2005, 12:01 AM

هل..النقاب..يمثل..مطلباً..دينياً..قبل..كل..شئ..

اكيد شيء معروف

..وعلى..كل..فتاه..وسيده..متدينه..ان..تضعـه..؟؟..

ولله البنت اذا دشت سن المراهقه حطيته و في بعض البنات يحطونه قبل و في بعضهم ما يحطونه كلش و السيده طبعا لازم تحطه

..وهل..هو..أمر..يقرره..المجتمع..اولاً..؟؟..

اكيد

..هل..المحجبه..عرضه..اكثر..للمضايقه..في..الاماكن.. العامه..؟؟..
..((..اكثر..من..المنقبـه..؟؟..))..

انا بالنسبه لي النقاب اكثر عرضه لأن يلفت النظر اكثر من الحجاب

..سؤلي..للفتاه..المحجبــه..؟؟..
..هـل..تشعرين..بمساحه..من..الحريـه..تحققينها..من.. ارتداء..الحجاب..؟؟..

اكيد

..مالضروره..التي..ترينها..في..ارتداء..الحجاب..؟؟..

الحشمه و العفه

..هل..النقاب..يشكل..لـكِ..عائقاً..بأي..شكـل..من..ا لاشكـال..؟؟.

اي احس انا الغطوه احسن من النقاب .

..كيف..تنظرين..للفتاه..المنقبــه..؟؟..ماإنطباعك.. حينما..ترينها..؟؟..

انطباعي لها انطباع عادي

..هل..يتبادر..الى..نفسك..إحترامها..؟؟..ام..الشفقه. .عليها..؟؟.

بين و بين

مشكور فيروس عالموضوع الروعه
والمهم جدا في مجتمعنا صراحه وفقت بأختيار الموضوع
يعطيك العافيه وما قصرت يا الغلا

:)

***TanTosHa*** · 07-29-2005, 03:02 AM

هل..النقاب..يمثل..مطلباً..دينياً..قبل..كل..شئ..

لا مو مطلب ديني وانا عندي دليل

..وعلى..كل..فتاه..وسيده..متدينه..ان..تضعـه..؟؟..

لا مو لازم

..وهل..هو..أمر..يقرره..المجتمع..اولاً..؟؟..

لا
..هل..المحجبه..عرضه..اكثر..للمضايقه..في..الاماكن.. العامه..؟؟..

..((..اكثر..من..المنقبـه..؟؟..))..

الصراحه المنقبه تلفت النظر واهيه أكثر عرضه للمضايقه ..

..سؤلي..للفتاه..المحجبــه..؟؟..
..هـل..تشعرين..بمساحه..من..الحريـه..تحققينها..من.. ارتداء..الحجاب..؟؟..

ما فهمت السؤال لووول :)
..مالضروره..التي..ترينها..في..ارتداء..الحجاب..؟؟..

لانه واجب في الاسلام فلازم نلبسه
..هل..النقاب..يشكل..لـكِ..عائقاً..بأي..شكـل..من..ا لاشكـال..؟؟..
صراحتا اي وايد مادري شلون يلبسونه يخنق خنااق
..كيف..تنظرين..للفتاه..المنقبــه..؟؟..ماإنطباعك.. حينما..ترينها..؟؟..
نظرة عاديه بس فيي بعضهم نقاب وعبايه مخصرة ومكياج ترس الوي الي يقول رايحه عرس...الله يهديهم بس شحقا لابسه النقاب مادري ..
..هل..يتبادر..الى..نفسك..إحترامها..؟؟..ام..الشفقه. .عليها..؟؟.
مادري

..سؤالي..الاخير..

هـل..للغيــره..على..المحارم..دور..في..مفهــوم..الح جاب..والنقاب..؟؟
شدراني

مشكورة على الموضوع ويعطيج العافيه
تحياتي
TanTosha

**FasoOoL** · 07-29-2005, 06:46 AM

مشكوووور أخوي فايرز والله يعطيك ألف عافيه

لا تعليق

**BiShOw** · 07-29-2005, 07:22 AM

ثانكس اخوي عالموضوع و انا ضد النقاب و خاصه اللي يحطونه و العيون مكحله و العبايه مخصره و مادري شلون تمشي ؟؟

اي شي مو ؟؟

و بعدين لما يروحون الحج بفصخون النقاب صج ولا لا ؟؟

و الاسلام ما حرم انه الوحده تطلع ايدها و ويهها .. !!

ثانكس عالموضوع مره ثانيه :)

**فيرووووس بنـ؟ـات** · 07-29-2005, 08:30 AM

تحيااااتي بنت 2005

يسلمو على مرورج ويعطيج العافيه

وشاكر لج على الرد

تشكرااااات

**فيرووووس بنـ؟ـات** · 07-29-2005, 08:34 AM

تحياتي تنتوشه

يسلمو على مرورج ويعطيج العافيه

وشاكر لج على الرد

بس انا ولد مو بنت

تشكرااااااات

**فيرووووس بنـ؟ـات** · 07-29-2005, 08:46 AM

تحياتي سويت رورو

يسلمو على مرورج للموضوع ويكفيني شكرج

تشكراااااات

**فيرووووس بنـ؟ـات** · 07-29-2005, 08:50 AM

تحياااتي بيشو

يسلمو على مرورج ويعطيج العافيه

وتعليق على ردج الاسلام ماحرم صح اليد والوجه

ويمكن النقاب بعد فتنه جماليه

وكل واحد وحريه رايه وانا شخصيا ما اعتبر النقاب

موضع ستر لان للاسف بدى يكون ستر على بنات؟؟؟؟

وعلى كلمتج ان بالحج يظهرون الوجه والكفين

ترى هناك غير منو فاضي يطالع على ويغازل

بس بالمجمعات والاماكن العامه غير

وتشكرااااات خيتو وعدتج بموضوع قوي وهذا واحد منهم

**غرور** · 07-29-2005, 09:14 AM

فايرووووس وآآآآآآآآي انته..مواضيعـــك تونس دايما..وموضوعك هالمرررره صج يحتاج للتفكير في شغلات غفلووو عنها بعض البنات :> .....وانا حبيت اشاركم بمناقشتكم :$.....اللــه فرض علينــا احنـا يالبنات البالغات الحجاب للستر اكيييد و مافرض النقاب .. الا على البنت اللي جمالهاا اسسسسكت يخليك ترتكب جريمه بحقها بغير وعي منك.....وايـد بنات يعتبرون الحجااب الحين مجرد غطاء يغطي شعرها لا اكثــر..واكيد يحسدون البنت الغير محجيه لانها متحرره بنظرهم بلبسهااا و بشعرها..وماكو بنت متحجبه تنكر هالشي...انا كنت منهم و مازلت منهم:p..بس لما افكر اقول الحجاب ليش انفرض علينا؟؟؟..مو عشان يحمينا؟؟..لانه اكثر مايلفت بالمره اهوو شعرها اكيـــد...واللي يقطونه برره فيهم نقص الحمدلله والشكر و تخلف ...انت خل اللي بره اكو بنات هني بالكويت يقطونه جدام الهنود واذا سألتيها :والله عاد هندي مو ريال جبي...مدام تييبين منه عيال يعني غصبا عليج تتحجبين جدامه ...بس التخلف تخلف شتفهم....ولا اللي تمشي بالسوق لابستلي الحجاب جنه فوطه هالكبره على راسها و الجينز اللي محدد معالم جسمها وتقوولك لاااااا انا متحجبه هاذي شي ثانيي...الحجاب مايصير حجاب الا اذا كنتي نفسج راضيه عنه مو مغصوبه والملابس تكون ملابس متحجبه .....ماني مطوله عليكم بالنقاش لاني مصيبه انا ماسكت بسهوله :p و كاهي اجوبتي على اسألتك...

هل..النقاب..يمثل..مطلباً..دينياً..قبل..كل..شئ..
اكييد لاء لانه الحجاب اهو الفرض ..اما النقاب فهو فرض على البنت الفائقه الجمال مثل ماقلت ..واكيد موجوده البراهيين والأدله...واكو بنات متنقبات لابستلي هالنقاب اللي هالطول مادري على شنو و الكحل و العين راسمتها رسم قوس قزح لول مو عين و الرموش تركييب و لمعه ومادري شنو لا واسكت جيك عالعبايه مخصره تخصرررر و المشيه اعوذ بالله و اسمع ضحكتها ضحكت رقاصه وتقوول لاء رجاء انا متدينه ..والزبده من الحجي..انه النقاب نقاب لا نقعد نلف وندور والحجاب حجاب

وعلى..كل..فتاه..وسيده..متدينه..ان..تضعـه..؟؟..
لاء لا متدينه ولا شي ترى النقاب ما عاد رمز للتدين؟...صاروا 90%من اللي يلبسووونه مسوين بلاوي اللهم ياكافي و منحاشين من سواد ويهم و منخشيين ورررراه محد يعرفهم بعد شنو...

وهل..هو..أمر..يقرره..المجتمع..اولاً..؟؟..

والله عاد شووفوو النقاب و الحجاب الأثنين محد يقدر يقررهم على البنت لانه اكيد راجع لها و اهو حريه شخصيه للبنت متى ما عقلت وركب راسها تلبسه

هل..المحجبه..عرضه..اكثر..للمضايقه..في..الاماكن.. العامه..؟؟
والله عاد شووفوو لا المنقبه ولا المحجبه ولا الياهل اللي حتى توها مابلغت وحتى الجيكره ماسلمت من مضايقات الشباب.....بس انا بنظري البنت العنيده اللي موبسهوله تخضع لهم ولا حتى بنظره هاذي تكون اكثر عرضه للمضايقات ..تلقاهم يتراهنون بينهم بين بعض يعني منو اييب راسها الأرض ...فراغه

هـل..تشعرين..بمساحه..من..الحريـه..تحققينها..من.. ارتداء..الحجاب..؟؟..
الحريه موجوده ولا يمكن تكون قطعة خام صغيره تمنع بليس من القيام بدوره:p وعاد متحجبه عن متحجبه تفرق بالنسبه لي انا اكيد لاء مو زانطني اهوو ولا شي اسوي اللي يعجبني بحدود مع احترامي لنفسي اللي مستحيل استصغرها بأي فعل مو اوكي جدام الناس...لانها ماتهون علي..بس هاذي مو قاعده الكل ياخذ فيها لأنه الحجاب بالنسبه للبعض استغلال وعاد مالي خلق اشرح لكم شلون :p

مالضروره..التي..ترينها..في..ارتداء..الحجاب..؟؟..
اكيد شي ضروري فرض على كل بنت تبلغ لانها راح تتحاسب بعد هالشي على كل شي ولازم تحط فكرة الحجاب فبالها..وماتسوى عليها تصلي و تصووم وشي هالكبره عاجزه عنه..واحنا عندنا فبيتنا نلبسه بكامل قناعتنا بعد مانبلغ من غير تدخل من اي احد بس عشان ما اكون جذابه انا لبسته بعد فتره يعني لما كملت 14

هل..النقاب..يشكل..لـكِ..عائقاً..بأي..شكـل..من..ا لاشكـال..؟؟..
انا اشوه مو متنقبه ولا يمكن افكر فيوم من الأيام اصلا نوووو ويييي نقاببب..لانه اللي تبي تدين تدين لله مو للناس وهاذي كلها مظاهر جذابه ماعادت تطوف على الناس..اي والله لوؤوؤوؤوؤوؤووؤلاتى مادري شلون يلبسونه مايسعبلون واهما يتكلمون:pلوؤوؤوؤوؤولى قصدي مايختنقون؟...لا ولا اذا يت بتاااكل..يييييييييييع..انواع لوعة الجبد......كييكيكيككيكيي..الصمونه بحلجها و تغمز لك:p الله يشفي هالنوع من البنات
اي شي

كيف..تنظرين..للفتاه..المنقبــه..؟؟..ماإنطباعك.. حينما..ترينها..؟؟..

منقبه عن منقبه تفرق..اكو منقبات على عيني وراسي اوقف يمها و انزل راسي بعددد..واكو اللهم ياكافي..تخزز خزز والعيون جنها مقطه لا وعدسات يع شخباري عدسات و تقعد تتضحكلج و رافعه الحاجب بعد يعني الأخت مو عاجبها..بلا نقاااااااااب بلا بطيييخ كلهم مغصوبين عليه لايقصون عليكم:p تقولك انا جمالي خارق مادري عاد نزله تلقى الضروس طابور خباز و الخشم هالكبره لا وحاطه خزامه على شنو مالت..وشم ريحة العطر تتسم اي قلنا تعطروا بس مو جذي.....

هل..يتبادر..الى..نفسك..إحترامها..؟؟..ام..الشفقه. .عليها..؟؟
والله عاد اكو بعضهم مايستاهلون الأحترام مايستاهلون حتى توقفين يمهم...اصلا ماتهونين على نفسج تتنزلين و توقفين يمهم...لا وبنفس الوقت اشفق عليهااا شلون جذي ياربي بايعه نفسهاا متقلقصه بهالعبايه و تتمشى مادري شلون الحمدلله والشكر..وتتضحك لك تقوول بايعه عمرها ب5 فلوس لا و وايد بعد..لا واذا قالتلج:في شي.......................سلمي على روحج قوليلها بيباي

هـل..للغيــره..على..المحارم..دور..في..مفهــوم..الح جاب..والنقاب..؟؟
اكييد للغيره دوور كبير هالكبرررررره على البنت او الزوجه او حتى الأم واللي مايحمل هالصفه على اهله بيكون ديوووث ماكو فايده منه ..........................وبالأخيررر شاكرتلك موضوعك والله يعطييك العافيه والله لا يحرمنا منك .. ومن مواضيعك...............نشف ريجي:s

غــرور

**فيرووووس بنـ؟ـات** · 07-30-2005, 02:00 AM

تحيااااتي غرور

يسلمو على تواصلج

ويعطيج العافيه

شاكر لج الرد الحلو واعتقد ان كثير من ارائج صابت

الهدف ونتمنى دوم التواصل

تشكرااااات

**BiShOw** · 07-30-2005, 02:20 AM

لوووووووول غرور كلامها كله صح !!

>>> دشت الموضوع بس لقافه بتشوف باجي الآراء

تسلم مره ثانيه اخوي على طرحك الموضوع و انشالله الكل يفهم معنى النقاب عدل و يحكم على الباجي شلون يلبسونه :)

**فيرووووس بنـ؟ـات** · 07-30-2005, 03:08 AM

تحياتي بيشو

لا افا عليج المكان مكانج ولو زحمه بس عادي نستحمل لووووول

وشاكر لج على الاهتمام بالموضوع

تشكرااااات

**حوراء_1980** · 07-30-2005, 11:39 AM

[grade="FF1493 DEB887 800080 2E8B57"]يعطيـــــــك العـــــــــــافيـه

فيـــــــــروس بنـــــات

عالموضوع المتميز وتســــــــــــلم ايـــــــــــــدك

**************************************************
************************************************** *********
*************************************************

بالنسبه حق ...

هـل..تشعرين..بمساحه..من..الحريـه..تحققينها..من.. ارتداء..الحجاب..؟؟..
** الحريه موجوده ولا يمكن تكون قطعة خام صغيره تمنع بليس من القيام بدوره << اقتباس من الأخت غرور

..مالضروره..التي..ترينها..في..ارتداء..الحجاب..؟؟..
** الشـرع والديـــــــــــن وهالشي انا راح اتحاسب عليه بالأخره .

..هل..النقاب..يشكل..لـكِ..عائقاً..بأي..شكـل..من..ا لاشكـال..؟؟..
** شي اكيــــــــــــــــد لأ بس انا مو متنقبه :)

..كيف..تنظرين..للفتاه..المنقبــه..؟؟..ماإنطباعك.. حينما..ترينها..؟؟..
** بصراحه وبدون زعل في الزينه وفي الشينه ، في المنقبه إلي تنحط على الراس وفي إلي ....
وكوني انا بنيه اشوف بلاوي من المنقبات بس مو الكل طبعا شي عجيب وخصوصا المعاهد والجامعات تلاقي وحده تقط النقاب جدام الحارس لما تسألها ترد برد بايخ عادي مصري
ولا بالمحاضره تنزل النقاب علشان تكلم رفيجاتها وجدام الأستاذ ولما يسألها فلانه انتي مو متنقبه تقوله عادي اكلم رفيجاتي وبعدين شنو الفايده إذا كانت متنقبه والشعر مايطلع والعبايه إلي لابستها موضحه جسمها بتقولون موضه يعني حتا اللبس الشرعي صارت فيه موضه ، المهم مثل ماقلت في الزين وفي الشين وانطباعي عنها عادي سواءا زينه او لأ مو انا الي راح اتحاسب اهيا

..هل..يتبادر..الى..نفسك..إحترامها..؟؟..ام..الشفقه. .عليها..؟؟.
** بصراحه الزينه تنجط على الراس والشينه مثل مايقولون ابعد عن الشر وغنيله
احترم الأنسانه إلي محترمه نفسها ومحافظه على عمرها ، بس وحده تقول هذا مصري عادي وهذا هندي عادي لي اهوا مو ريال ولا المصري والهندي حريم وانا مادري وحده مثل جذي بصراحه ماتستحق الأحترام

ويعطيـــــــــــــــك العـــــــــافيـــــــــه فيرووووس[/grade]

**فيرووووس بنـ؟ـات** · 07-31-2005, 04:16 AM

تحيااااتي حوراااء

يسلمو على مرور ويعطيج العافيه

وشاكر لج على الرد الحلو

تشكرااااات

إعـــــــلان

موضوع حساس شوي وقوي من فيروووس بنـ؟ـات

موضوع حساس شوي وقوي من فيروووس بنـ؟ـات

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق