هل يحق للأخ يتدخل في أخته إذا كان الأب موجود ؟؟!

[*TanTosHa*]

الصراحه تصرف الأول غلط لانه مو من حقه انه يطقها ينصحها اي غير جذيه لا وثانيا اهيه ما سوت شي غلط كانت عند صديقتها بس يمكن لانها تأخرت يقولها لا تتأخرين مره ثانيه وبس ..
يعني من حق الأخ يدخل في أخته بس بطريقه صحيحه مو بالتصرف الخاطئ
وبالنسبه للموقف الثاني هم غلط المفروض يكون هناك مساواة بين الاخ وأخته ودام انه مايبي أخته تسوي شي غلط عيل ليش اهو يسوي ...ويعطيك العافيه على الموضوع ومشور
TanTosha

[كافي صدمات]

الله يعافيج اختي

مشكوره على المرور

[غرور]

ثانكيوؤوؤووؤ عالموووضوووع...

وانا حبيت اشاارككم بـعد..
البنت شرف والبنت شرف البنت سمعه و البنت سمعه...كلنا ندري بهالشي..بس ليش الشباب دايما يتهربون عن سؤالي و ينخشوون ورا هالشي...........مالفرق بين البنت و الصبي؟؟؟

انا معاكم فعلا البنت سمعه وشرف واي شي يمسها يمس العايله كلهاا و المجتمع مايرحم...بس هم الكبت و الضرب مو حل جذي الواحد يصلح الغلطه بغلطــه..والبنت عاد مو خاشينها بقفص ..والكبت يؤدي الى الأنفجااااار..تلقاها بأي وقت تلهى و تنساها بروحها..تطلع كل مافيها وبعدين عاد تعالوو و قوولوو سمعه وشرف....انا اخووي اكبر مني بس بسنه بس ولا مره مد اييده علي..ولا حتى ابووي..لانه اكو اسلوب ثاني للتفاهم والتربيه...واللي يعتمد على اييده بالتفاهم انسان متخلـــــــــف.. وهاذي اجوبتي على اسألتك..

شو تعليقكم على ماسبق ؟

البنت و الصبي سواسيه عند اللـــه...يعني البنت بشــر..مهما سوت ماتوصل لي اني اكفخها انومها بالمستشفى..بالتفاهم اهيي نفسها راح تحس بالغلــط و تستحي على ويهها و ماكو مجال تفكر بالغلط لانها على طول راح تفكر بأهلها و الثقه اللي عطوها لها بعد تربيــه تعبووا عليها و مايهونون عليها عكس اللي تتعرض للكبت و الحرمان على طول من تلقى اي فرصه للغلط ماراح يردها شي ابــد..



هل صحيح قول (( اكسر للبنت ضلع يطلع لها 24 ضلع )) ؟؟

لا مو صحيـــح لانه مثل مايقولونــه ولا يأيدونــه الا النــاس الجهــله المتخلفــه اللي ماتفهــم بشي..اللي مادري شلون عايشــه..والسبــب...مثل ماقلــت فوق...صج البنت شرف بس اذا تربت صح ظمنوا انه الشرف محد يقدر يمــسه..وتظل وييهوكم ناصعه البياض :p





2- هل صحيح إن الولد غير البنت في الخطأ ؟؟

لا مو غير الاثنين سواسيه و العذاب واحد و الغلط غلط




3- هل صحيح إن لايحق للأخ يتدخل في أخته إذا كان الأب موجود ؟؟
اي اذا كان الابو موجود ماله حق الاخوو شي اكيد هاذا اذا كان الابوو قادر عليها و البنت سهله بالتفاهم خلااص الاخوو يشيل ايده ..وحاله من حالها بعد شنو

وبالأخيـــر شاكرتلـــك موضوعــــك..:) ويعطيك الف عــافيــه






غــرور

[كافي صدمات]

العفوووووووووووووو اختي غرور

مشكوره ع المرور

[ma6la3-el-shams]

شو تعليقكم على ماسبق ؟



مو من حقه يضربه واللوم على الاب والام يعني حتى لو غلطت وتاخرت مو من حقه يضربه

هل صحيح قول (( اكسر للبنت ضلع يطلع لها 24 ضلع )) ؟؟



لا طبعا

فى بنات كثيييرين الظغط اللي ينشاف معهم يتجهون الى طريق الغلط

2- هل صحيح إن الولد غير البنت في الخطأ ؟؟

نفس الشئ البنت والولد مافي شئ يختلف بينهم

3- هل صحيح إن لايحق للأخ يتدخل في أخته إذا كان الأب موجود



اكيد طبعا خلاص الاب موجود مو من حق الابن يتدخل الاب اب البنت والولد وهو الحاكم عليهم مو الولد


يعطيك العاافيه على الموضوع


لاتحرمنا جديدك



تحيااتي

[كافي صدمات]

الله يعافيج اختي مطلع

مشكوره ع المرور

[ام البيبيات]

انا اقول ان يحق للاخ التدخل وبشده ولو اضطر انه يطقها لان والله ليما تفكر عدل راح تعرف انه من مصلحتها تدخل الاخ اماسالفة اكسر ضلع فهذا مثل عامي ولايمكن نااخذه بعين الاعتبار واتمنا محد يتضايق وتااكدواني قاعده اعلم بيبياتي البنات انهم يخافون ويحترمون اخوهم ويعتبرونه صديق لهم والاحظ انهم ساعات يلجون له اكثر مني ومن والدهم ودمتم اصدقائي


والله يعطيكم العافيه علي الموضوع

[فواز؟]

هذا تطاول على الاب

ولا ينبغي منة التدخل في وجود الاب

[كافي صدمات]

الله يعافيج اختي ام البيبيات

مشكوره ع المرور

[كافي صدمات]

احم احم فواز

مشكور ع المرور

[عجب]

اخي الفاضل سيد الخواتيم

لاشك ان الاخ الكبير مثل الاب بالبيت اذا كان مؤهل

لذلك، بمعنى ان تكون لدية القدرة على ادارة البيت

في غياب والده ، حرصه على من حوله اخواته ...

اخوانه الصغار ، معرفة الدائمة بحاجة البيت

لدية اساليب في معالجة القضايا ، ماهو كل

ما حتك عود عن عود (طق) لا ، لأن اخر العلاج

الكي.

أما القصة الاولى فالواجب على البنت أنها تخبر اهلها أنها تتأخر

وكان على أخوها لما شاف اخته تأخرت ذهب الى رفيجتها ، او

كلمها للتأكد من وجودها حرصا عليها .

القصة الثانية
الولد مثل البنت أكيد لا لا لا ، وليس هذا تحيز ابدا لكن الله

خلق كل جنس ووضع له الخصائص اللي تميزه عن غيره

فمثلا لو تعرضت لا سمح الفتاه لحادث او معاكسه

هل تستطيع مثلا ان تدافع عن نفسها مثل الريال اكيد

فيه فرق فطبيعتها الناعمه وجبلتها الحساسة تجعل

منها ضعيفة، لكن مو معنى هذا ان الريال يكلم ويجلس

على النت ويغازل ونقول الولد غير لا لالا اكيد يجب أن

...

بالتوفيق

[كافي صدمات]

اي صح كلامك اخوي عجب

مشكور ع المرور

[CRiMiNAL]

أولا أخوي حبيت أشكرك على الموضوع الرااائع والذي يستحق النقاش...


في بعض الآباء مدللين بناتهم أكثر من اللازم.. هالبنات >>> طبعا رأيي الشخصي
يستاهلون التكفخ اذا تأخرو مثلا أكثر من اللازم ... ومثل ما قلنا سلفاً .. إن كان الأب مو مهتم ذاك الاهتمام
فمعاه الحق وذلك حفظا لكرامة الاسرة والعائلة .. لأن ممكن ان هذي البنت تنزل كرامة العايلة في الارض
فاعتقد ان هذا جواب للسؤال الأول والثالث

أما السؤال الثاني .. فمافي فرق بينهم .. لأنه اذا كان الاب ما يدري وين رايح ابنه او وين راد .. فالأخ الأكبر منه أو الأخت يحق لهم أي شي


وهذا رأيي الشخصي وانشالله يعجبكم

تحياتي > CRiMiNAL

[كافي صدمات]

العفوووووووو اخوي

صح كلامك على هذا الموضوع


مشكور ع المرور

[CHOCOLATE]

شكراا اخوي عالموضوع

وانا اقول الضرب مو حل لمشكله ممكن ان البنت تعاند زياده
يعني الضرب يكون هدام مو بناء

واقول مادام الاب موجود فان الاخ ماله حق انه يتدخل
الا اذا شاف منها شي غلط ممكن انه يقول للأب
والأب يتفاهم معاها