" !!"لماذا أصبحت الفتاة الخليجية سهلة المنال"!! "

[GZAL]

السلام عليكم ورحمه الله وبركاته

كلام في الممنوع هي مساحة للحرية والتعبير عن الراي ... أتناول من خلالها ظاهرة معينة تحدث في مجتمعاتنا المحلية وكل من لديه رأي مضاد أو يوافقني الراي ممكن يعبر عن وجهة نظره بكل حرية وشجاعة دون حذف ودون رقابة ....

والحلقة الاولى اخترت لها عنوان " لماذا أصبحت الفتاة الخليجية سهلة المنال "
شي يدعووو للاشمئزاز ....

الموضة اليديدة حق الفتاة الكويتية هالموسم هي " طلعي بطنج " وتحرّري من الحر !!!
آخر صرعة منتشرة بين فئة المراهقات في هذا الوقت وهي آخر صرعات الموضة المجنونة !!!
والغريب انها انتشرت فعلا بالمجعات والاماكن العامة صارت دارجة !!!
وين الحشمة يا عرب ؟ وين أخلاقكم يا مسلمين ؟!
كل هذا علشان تبين تصيرين مثل شاكيرا وبريتني سبيرز وهالفئة المنحلّة بالمجتمع !!؟
اليوم البطن باجر أكيد شي ثاني !!
والغريب بأن الفتاة الكويتية لما تشوفها بعد التجميل وتغيير لون الشعر ما تقدر تفرق بينها وبين الفتاة الغربية
حتى ملامحنا الشرقية الجميلة يحاولون طمسها ونسيانها !!
حتى الحجاب شوّهوا صورته !!
بالاول كنّا نشوف وحدة متحجبة ومنزلة القذلة الشّقرا طالعة من الحجاب على عيونها وكنا نستنكر هالشي
لكن الحين مو بس جذي !!
صار الجسد شبه عاري والراس عليه حجاب !!

شهالتناقض الغريب وشنو الحكمة عيل من الحجاب ؟!
بس يمكن هالشي يخلينا فعلا نقول بأن علامات الساعة قد ظهرت فعلا وبوضوح شديد ... خاصة بأن الرسول عليه الصلاة والسلام قال بأن هناك نساء كاسيات عاريات ستظهر ويأتي زمانهم وهن المحرومات من رائحة الجنة!

وطبعا انا مو قاعد أهاجم البنات وأترك الشباب واقول انهم ملتزمين بكل شي ...
مو مقصرين بعد بقصات الشعر الغريبة والملابس الشاذة واللي تدل على الفراغ والخواء العقلي ...
آنا أبي أفهم شلون راح تكونون قدوة لأبنائكم بالمستقبل !!!

هذا طبعا كله على صعيد المظهر العام .. تعالوا انّاقش التصرفات السلوكية والتي تبدر منهم
صارت الفتاة سهلة المنااال وممكن تتجاوب مع أي نظرة ومطاردة من شاب .. لا مو بس جذي الحين الموضة الدارجة هي مطاردة البنت للشاب !!! شوفو الانحلال الاخلاقي لي وين وصل !
والمعاكسات اللي تصير في شارع الخليج وعند الاشارات وأحيانا ينسون روحهم و تفتح الاشارة وهم واقفين !! لووووول شارع أبوكم !!

والمكالمات الهاتفية حدّث ولا حرج وأحاديث نص الليل وأسارير الحب والغرام الوهمي ...

وطبعا هذا شي والمواعد بالمطاعم والمقاهي شي ثاني ...
خاصة بالمقاهي اللي فيها نظام الكباين تقعد انت بامان الله وتسمع الضحكات الماجنة تنبعث من ذلك الوكر الموبوء .... لا ولاّ البنت قاعدة و الزقارة بيدها وأخونا الحلو لازق بالطاولة اللي يمها يعني بينهم نص متر بس وهي تنفخ عليه وهو ينفخ عليها .... تناغم سنفوني ماشالله لووووول ...
وطبعا انتو عارفين لمّا الامر يتطور بين الفئة هذي المنحرفة من البنات والشباب وين ممكن يوصل !!
والغريب بالأمر بأنهم عارفين في قرارة نفسهم بأن هذي السلوكيات منحرفة ومناقضة لأطر وعادات وتقاليد مجتمعاتنا المسلمة المحافظة ...

لكن لو تسال البنت ليش تسوّين جذي تقول لك انتو يالشباب تبونا نكون جذي علشان نعجبكم !!!
تبونا مثل عارضات الازياء ومذيعات التلفزيون والمطربات ...
ولو ماسوّينا جذي راح تتجهون لفتيات البلاد الأخرى وتنسون بنت ديرتكم ويمكن نظل عوانس طول حياتنا !!

وطبعا هالفكرة مغلوطة تماما لأن اللي يفكر يتزوج لايمكن ياخذ وحدة ملفتة للنظر وتحوم عليها الشبهات لدرجة ان الشاب لما يحب يسوي معرفة ببنات وصداقات يفكر بالدرجة الاولى انها تكون بهالمواصفات القياسية المغرية اللي ممكن تشبع عينه وغريزته يعني نظرة غريزية حيوانية بحته !!

لكن لما يتزوج راح يفكر بوحدة عادية غير متفتحة بهالصورة البشعة واكيد علشان تحافظ على سمعته وتصون كرامته !

الكلام بهالموضوع ما ينتهي وهذا جزء بسيط من الحاصل بالفعل وعلى أرض الواقع ....
وبالنهاية طبعا تجدر الاشارة والقول بأن هذه الظاهرة اجتاحت نسبة كبيرة من البنات والشباب للاسف ...

وطبعا هذا مو بس بالكويت في كل دول الخليج

وكانت هذي وجهة نظري وكل واحد حر برايه...
تشكراتي,,,

انتظر ردودكم

[ام البيبيات]

الله يعطيك العافيه واناماابي اناقش اواقول راي بس بسأل هذيلي البنات والشباب ليمااطلعو من بيوتهم اهلهم وين كانو ماشافوهم يسلم ايدينك غزال

[أمــوووت بالحريبي]

عدل والله كلامك كله صح ..

بس لي ملاحظه على موضوعك اذا تسمح ؟؟

----------

انتا قلت لماذا البنت الخليجيه اصبحت سهلة المنال ؟؟ !!!


هذا سؤال صحيح ..ويحتاج لإجابة ... بس ما سألت نفسك ان الفتاة هذي من تكون ؟

ممكن تكون اختك .. او زوجتك .. او بنتك بالمستقبل ..عدل ؟؟

يعني مايصير يا اخوي تجمع وتقول ان جمييييييييييع البنات يمشون ورا الموضه وان جميييع البنات بايعين دينهم وشرفهم واخلاقهم ..

- - - - كلامك عدل .. وعلى عيني وراسي .. وكل كلمه قلتها صحيحه .. بس الغلط بموضوعك اهوا العنوان ..

يمكن انتا تشوف الفئة المنحطة من مجتمعنا للأسف ..

بس صدقني ياخوي ترا واااااااااايد من البنات منسترين ببيوتهم .. ومستحيل يبيعون شرفهم برخيص ولا ينسون دينهم عشان يقلدون فلانه وعلانه ..

وصدقني اخوي .. هذا كلامي مو معارضه لكلامك بالعكس .. تقدر تقول تكمله للكلام اللي قلته .. وانشالله

ماتكون فهمتني غلط وصدقني آنا مو قصدي اقول ان رايك خطأ .. بالعكس كل كلمه قلتها والله صحيحه

وللأسف قاعدين نشوف هالمناظر بمجتمعاتنا .. والله يستر على بناتنا وشبابنا من هالفتن ..

--------------------------------------

والف شكر لك اخوي ع الموضوع الرووعه

وتسلم ايدينك

ويعطيك الف عافيه

:)

وسوري ع الاطاله

[مذهــــــــله]

اول شى فيك الخير يا خوى على استنكارك لهالمناظر وهالسلوكيات المقرفه لبعض البنات والشباب

وفيك الخير بعد على غيرتك على بنات ديرتك ورغبتك بمجتمع نظيف خالى من هالأشكـــــــال ,.

ثانى شى يا " اموت بالحريبى " الاخ ماقال كل البنات و لا كل الشباب ,. الاخ قال بنهاية كلامه نسبه

كبيره من الشباب والبنات وهو صاج الاغلبيه جذى ,. يعنى ماعم ,. بس الظاهر ماقريتى كل كلامه واستعجلتى بالرد ,.

عالعموم بجاوب على سؤالك ,.قلت لماذا اصبحت الفتاه الخليجيه سهلت المنال ؟.

بعض فتيات الخليج وصلوا لهالدرجه لعدة اسباب منها ,.

ضعف او انعدام الرقابه الأسريه والتوجيه والارشاد ,.

عدم تربيتهم على تعاليم الدين الاسلامى وعدم تعويدهم على الاٍلتزام بعادات وتقاليد المجتمع ,.

القدوه السيئه من الأهل ,. " كأن تكون الأم من جنسيه غير كويتيه او من دين غير الدين الاسلامى "

نجاح مؤامرات وخطط أعداء الاسلام ,. اول شى شالوا الحجاب عن راس المرأه بعدين طلعوها من مملكتها بحجة

الحريه والاستقلال عن الرجل من خلال الوظيفه بعدين اشغلوا البعض بالموضه واخبار الفنانين والبعض الاخر

بسالفة المساواه مع الرجل وبعدين جت الام البديله واللى هى الخدامه ففقد الطفل والطفله اللى هم شباب وبنات

اليوم الحنان والامان وغابت القدوه السليمه عنهم ..

التقليد الاعمى للمشاهير ,. و التقليد الاعمى لبعضهم البعض ,. البنات يقلدون البنات والشباب يقلدون الشباب ,.

وبالعاميه ,. شباب وبنات فاضين ماكو شغل ,. ماكو هدف ماكو طموح ,. اقصاهم ابوو وظيفه وابوو جامعه و

بس ماعندهم شى يشغل بالهم غير هالسخافات ,. مستحيل تلاقى من ظمن هالاشكال من يفكر بقضية فلسطين

او من يفكر يدرس تخصص نادر او يحاول على قدر استطاعته يغير من واقع الامه ,.


الكلام يطوول بهالموضوع بس الواحد شيسوى مابيده غير انه يقول الله يهداهم ولا حول ولا قوه الا بالله ,.

فيك الخير والله يا Gzal وباٍنتظار باجى حلقاتك ,.

[تمنيت الموت]

مكا خليتوو شي الا وقلتوووه يعني ما بوسعي الا ان اقوووووول <===يا زيني بالفصحى

ما ابي اقول الا << واااااااااااااا على الدنيا السلام >> عاشوووو

صح كلام اختي اموت بالحريبي بس

الخير يخص والشر يعم

حنا الحين بمتاهات كثيره ما ندري وين نهايتها

ويا اخوي اذا انت خايف من الاجيال القادمه لا يبه لا تخاف بيطلعون مثلنا تدري ليش لان الاباء والامهات اللي خلووو بناتهم وعيالهم جذي كانووو مثلهم قبل بس يعني تغير الوقت موضه وبس

انتي ياللي لابسه عيب <=== لووووول حلوه لابسه عيب
لا تعذبين الشباب
وانتم يالشباب لا تبلسون بنطلونات ورديه يلعن يومكم شخليتوو حق البنات
يا صبي اذا انت تطالع لهالبنيه في ناس بيطالعون لاختك وترى هذا بعد مثل اختك
ويا من شراله من حلاله عله <=== شكووو مدري لوووووووووووووووول
كما تدين تدان يا قلبوو وانتي يا بنيه استري على نفسج والشباب كلهم نصابين نصابين واذا بيقول راح اتزوجج جذب ما راح يتزوج وحده تكلم بالتلفون وياه باعتقاده انه راح تكلم غيره
وتحياتي للجميع ولاخوي غزال مشكورين وانا اسف على الاطاله
مع تحيات المشرف الاجتماعي تمنيت الموت :)

[eL_7n6aWei]

يسلمووو غزال على الموضوع


طبعا ماخلولي شي اقوله :)


كل الكلام قالوه


وبقول كل واحد وكيفه وحر بنفسه



ثانكيوووووووو :)

[EmBaWe]

مشكور غزال على موضوعك الجرئ

وانا راي من رايك يا اموت بالحريبي

وارسل تحياتي لاموت بالحريبي لرايه الجميل والصريح والقوي كالسهم

والسلام خير ختام

[GZAL]

[grade="00008B FF6347 008000 4B0082"]لكم ألف ألف ألف شكررر ويعطيكم ألف عاافيه يالغالين على مروركم الجميل

وأسف أذا قلت أن جميع البنات أصبحوو سهلة المنال

ولكم كل الشكرر الجزيل

ويعطيكم ألف عاافيه يالغالين


وشاااكرلكم على مروركم للموضوع [/grade]

[عجب]

شكرا على الغيرة والحرص عزال

وقفه :

انت تعحب في هذا الزمان من المفاهيم المنكوسة لدى بعض الشباب بجنسية فقد

صيرو الحق باطل والباطل حق .. كيف ذلك ؟؟؟؟؟

اقول لك اعتقد البعض منهم أن الحرية هي فعل ما يريد دون رقيب او حسيب وتوهم

البعض أن هذا هو مفتاح التطور فأصبح يضرب يمنة ويسره غير مبالي بدين او عقل

حيث تصورا أنهم اذا فعلوا ذلك امتلكوا قلوب الناس وشدوا انتباههم ونسي هؤلاء

ان الناس اذا شاهدوا مثل هذه المناظر اسمحلي اقول المقززه للنفس البشرية ذات

الفطر السليمة قالوا بالحرف الواحد ( اعوذ بالله من الشيطان الرجيم ) رغم أنهم

يرون أمامهم بشر ... ولكن تأبا نفوسهم العفيفه الطيبة مثل هذه الافعال .


ــــــــــــــــــــــــــــــــــــــــــــــــــ ـــــــــــــــ


لكن لو تسال البنت ليش تسوّين جذي تقول لك انتو يالشباب تبونا نكون جذي علشان نعجبكم !!!
تبونا مثل عارضات الازياء ومذيعات التلفزيون والمطربات ...

اعلمي أوخيتي أن من يقول مثل ذلك ليس لدية والله أدنى درجات المشاعر الانسانية متى كانت

شهوات البهائم تنطبق على المسلم الغيور على دينية واخواته ان الغرائز البهيمية هذه ليس لها وجود

في قلب شخص يعلم أن في بته ام وأخت وزوجه ويرضى بمثل ذلك ، حسب علمي ترفضه الفطر السليمة .

واسمحيلي اوخيتي هذا الشخص ( يتسلى فقط).



ولو ماسوّينا جذي راح تتجهون لفتيات البلاد الأخرى وتنسون بنت ديرتكم ويمكن نظل عوانس طول حياتنا !!

المقارنه مع الاخر ضعف والتشبه بالمنحرفات ضلال وصدقيني اوخيتي لا يتزوج الرجل المسلم من مرأة على هذه

الصفة الا أن يكون هو من ذلك الصنف ......وهنيئا لك اوخيتي أنك سلمتي منه . لأن الطيبات للطيبون نص قراني

عظيم يوضح لهؤلاء الخبثاء الذين يريدوا أن يعبثوا بشرف اخواتنا أنهن ولله الحمد محصنات من هذه الفتن رغم

محاولاتهم اقول ان شاء الله الفاشلة .

بالتوفيق

[GZAL]

اول شى فيك الخير يا خوى على استنكارك لهالمناظر وهالسلوكيات المقرفه لبعض البنات والشباب

وفيك الخير بعد على غيرتك على بنات ديرتك ورغبتك بمجتمع نظيف خالى من هالأشكـــــــال ,.

ثانى شى يا " اموت بالحريبى " الاخ ماقال كل البنات و لا كل الشباب ,. الاخ قال بنهاية كلامه نسبه

كبيره من الشباب والبنات وهو صاج الاغلبيه جذى ,. يعنى ماعم ,. بس الظاهر ماقريتى كل كلامه واستعجلتى بالرد ,.

عالعموم بجاوب على سؤالك ,.قلت لماذا اصبحت الفتاه الخليجيه سهلت المنال ؟.

بعض فتيات الخليج وصلوا لهالدرجه لعدة اسباب منها ,.

ضعف او انعدام الرقابه الأسريه والتوجيه والارشاد ,.

عدم تربيتهم على تعاليم الدين الاسلامى وعدم تعويدهم على الاٍلتزام بعادات وتقاليد المجتمع ,.

القدوه السيئه من الأهل ,. " كأن تكون الأم من جنسيه غير كويتيه او من دين غير الدين الاسلامى "

نجاح مؤامرات وخطط أعداء الاسلام ,. اول شى شالوا الحجاب عن راس المرأه بعدين طلعوها من مملكتها بحجة

الحريه والاستقلال عن الرجل من خلال الوظيفه بعدين اشغلوا البعض بالموضه واخبار الفنانين والبعض الاخر

بسالفة المساواه مع الرجل وبعدين جت الام البديله واللى هى الخدامه ففقد الطفل والطفله اللى هم شباب وبنات

اليوم الحنان والامان وغابت القدوه السليمه عنهم ..

التقليد الاعمى للمشاهير ,. و التقليد الاعمى لبعضهم البعض ,. البنات يقلدون البنات والشباب يقلدون الشباب ,.

وبالعاميه ,. شباب وبنات فاضين ماكو شغل ,. ماكو هدف ماكو طموح ,. اقصاهم ابوو وظيفه وابوو جامعه و

بس ماعندهم شى يشغل بالهم غير هالسخافات ,. مستحيل تلاقى من ظمن هالاشكال من يفكر بقضية فلسطين

او من يفكر يدرس تخصص نادر او يحاول على قدر استطاعته يغير من واقع الامه ,.


الكلام يطوول بهالموضوع بس الواحد شيسوى مابيده غير انه يقول الله يهداهم ولا حول ولا قوه الا بالله ,.

فيك الخير والله يا Gzal وباٍنتظار باجى حلقاتك ,.

************************************************** ********************



[grade="00008B FF6347 008000 4B0082"]
أنا عجبني جوااب مذهله


وأهتميت فيه أكثرر و دققت عليه


لقيت أن اهي ألي جاوبت الأفضل و أشرحت أكثرر مني


أنا حبيت أشكر المذهله على أكمال الشررح


ويعطيج العاافيه يالغالي على توضيح الموضوع لاخواني الاعضاء و المشرفين


ولج كل الشكرر الجزيل

مع تحياتي لج بالتوفيق و النجااح [/grade]

[! الديـبـاج !]

اول شي شاكر لك على الموضوع


وثاني شي من وجهة نظري العتب مو على هالاشكال العتب على رجال البيت الموجودين معاها


سواء كان ابوها ولا اخوها ولا حتى ولد عمها


ماهو استحقار للبنت ولكن اذا كان تفكيرها غلط لازم يكون لها ولي امر يعدلها ويعدل تفكيرها


وشكراً لك على ماكتبت غزالو

[GZAL]

[grade="00008B FF6347 008000 4B0082"]شااكرلك اخوي على مرورك للموضوع

ويعطيك العافيه على جواابك الطيف

وألي النشاء الله يستفيدون منه أخواني الاعضاء

ولك كل الشكرر الجزيل [/grade]

[مذهــــــــله]

نسيت اقوول شغله ,. المصيبه والشى اللى يخوف انه هالأشكال هم امهات و أباء المستقبل

يعنى اذا هم بهالمستوى الاخلاقى عيالهم اشلون بيكونون

اذ كان رب البيت بالدف ضارب فشيمة اهل البيت الرقص

وعيالهم مستقبلا بيكونون رفقاء سوء لعيال ناس ثانين والصاحب ساحب

وهالعيال مستقبلا بيكونون اباء حق عيال ثانين وهلم جرا

والله شى يحزن والاسلام وقضاياه هى اللى ماكلتها

الله يستر ويكون بالعون

[سارونة 87]

[align=center]مشكور اخوي على الموضوع الحلووووو

ويعطيك العافيه وانا معاك مع كل كلمه قلتها بس طبعا مو كل البنات جذي

وانا ما الوووم البنت اذا اطلعت بهشكل انت شوف امها شلون صايرة وبعدين شوف البنت او التربيه اللي ما تدري وين بنتها بالبيت ولا طالعه ولا حتى مع منو طالعه ماتدري منو رفيجاتها إلخ ...

وهمن الشباب الله يهديهم ما قصروا هالايام على اللي يسونا حتى الشعر يشتشور عشنا وشفنا لوووووووووووول و الدشداشه نادر نشوفها بالمناسبات او العزى

ليش وين صرنا وين وصلنا ؟؟؟؟؟؟؟

ما اقول الا الله يستر علينا ويحفضنا من هالوقت الي كله فتن ولا يقولوون موضه لا والله مو موضه فوووووووووووووووووووضى


واسفه اذا طولت والله من حرتي على هالاشكال [/align]

[GZAL]

شااكرلكم على مروركم الي اسعدني و الي يسعد الجميع

ولكم كل الشكرر الجزيل يالغالين