تويت
السياحة في الكويت >> أرجو من الكل الدخول
سلاامون عليهم
شلونكم شباب وبنات؟؟ عساكم بخير؟
اليوم عندي موضوع للنقاش وأنا أراه وايد مهم لمصلحة كويتنا.. فاحنا كلنا نعرف إن الكويت دولة نامية نظرا لأنها تعتمد على مصدر واحد وهو النفط وهو قابل للنفاد.. أي أن مستقبلنا في خطر والكويت تحاول بكل الطرق أنها تحول اعتمادها على مصدر ثاني دائم.. فحاولت في الصناعة والزراعة وغيرهم.. وكلنا ملاحظين الشغل اللي تسويه الحكومة لتعديل المظهر الخارجي للكويت وتشجيع السياحة.. فالكويت لازالت بعماراتها القصيرة والغير حضارية واللي متكونة من دورين.. وقد قامت حكومتنا بالتخلص من معظم هذي العمارات.. وزادت السياحة في الكويت هذي السنة.. وبقول لكم شي يمكن يفرحكم وهو وجود حملات تأتي من دول الخليج بالباصات مخصوصا للتسوق في الكويت.. وما أدراكم ما القعدة الباص 8 ساعات أو أكثر؟؟.. أكيد انتو تتسائلون ليش ما راحو الإمارات فهي متطورة أكثر وأحلى وتستاهل .. السبب اللي يخلي السواح ايون لنا هو البضاعة الحلوة ورخص الاسواق والفنادق .. أما الإمارات فهي تحتوي على كل ما يتمناه السواح إلا إنها شوي غالية.. انزين بما أن الحكومة قاعدة تناضل من أجل تعمير الكويت وتحسين المظهر الخارجي فلماذا لا نتعاون مع الحكومة في التعمير وبناء مصدر دخل آخر وهو السياحة.. آنا ما أقصد إن كل واحد اييب طابوق واسميت ويبني .. أنا أقصد تعمير المظهر الداخلي..
أول شي بقول لكم قصة صارت لي وانا في بريطانيا.. رحنا آنا والأهل للسياحة في بريطانيا و رحنا وحدة من المناطق السياحية هناك فقد كانت مجهزة تجهيز مو طبيعي للسواح واحنا ماشيين ضعنا بالمنطقة.. ما مدانا نطلع الخريطة وإلا يانا شايب انجليزي ويسأل أخوي إذا احنا مضيعين وانه راح يدلينا أي شي نحتاجه.. استغرب اخوي وسأله بفلوس؟؟ ضحك الشايب باستغراب وجاوب بالنفي ودلانا وجهتنا ولما رحنا مطعم طلبنا أكل وتأخر الأكل وكان في واحد اسكوتلندي يمنا مع عايلته تعرف علينا وعطانا رقمه اذا نبي أي شي وعزمنا عنده ببيته في اسكوتلندا << شفتو الكرم ..
هذا اللي يحبب السواح بالبلد ويخليهم يفكرون بزيارتها مرة ثانية.. ليش احنا ما نصير أحسن من الانجليز فالإسلام حثنا على اكرام الضيف ومساعدة الغريب عن البلد .. يا شباب ليش ما نساعد السواح اللي ايون؟؟ .. وليش اذا شفنا سواح وخصوصا اذا بنات بروحهم نأذيهم؟؟ ليش ما نكون مثل هذاك الشايب؟؟ مو إلا كل ما نشوف سائح نعزمه عندنا!! ليش ما نبتسم بوجه الآخرين بدال ما كل ما نشوف واحد يطالعنا نغسل شراعه؟؟ فابتسامتك في وجه أخيك حسنة.. << عاد يا شباب مو تدورون البنات وتبتسمون بويوههم!! ترا غلط :P
يا بنات ليش ما نتواضع ونساعد السواح بدال نظرات الاستغراب من أذواق السواح؟؟ ليش وليش؟ ليش ما نوفي شوي من حق الكويت علينا؟؟ ليش ما نخلي السواح يمدحون الكويت وأهلها مو الكويت وبضاعتها؟؟؟
هذي نصيحتي لكم يا شباب ويا بنات وانشالله تكون وصلت القلوب واذا الموضوع أثر فيكم أرجو نشره في باقي المنتديات لعل وعسى يكون هالموضوع سبب من أسباب نهضة السياحة في الكويت من جديد.. قولو آمين
ودمتم سالمين
أخوكم
فيه كويتي؟؟
سلاامون عليهم
شلونكم شباب وبنات؟؟ عساكم بخير؟
اليوم عندي موضوع للنقاش وأنا أراه وايد مهم لمصلحة كويتنا.. فاحنا كلنا نعرف إن الكويت دولة نامية نظرا لأنها تعتمد على مصدر واحد وهو النفط وهو قابل للنفاد.. أي أن مستقبلنا في خطر والكويت تحاول بكل الطرق أنها تحول اعتمادها على مصدر ثاني دائم.. فحاولت في الصناعة والزراعة وغيرهم.. وكلنا ملاحظين الشغل اللي تسويه الحكومة لتعديل المظهر الخارجي للكويت وتشجيع السياحة.. فالكويت لازالت بعماراتها القصيرة والغير حضارية واللي متكونة من دورين.. وقد قامت حكومتنا بالتخلص من معظم هذي العمارات.. وزادت السياحة في الكويت هذي السنة.. وبقول لكم شي يمكن يفرحكم وهو وجود حملات تأتي من دول الخليج بالباصات مخصوصا للتسوق في الكويت.. وما أدراكم ما القعدة الباص 8 ساعات أو أكثر؟؟.. أكيد انتو تتسائلون ليش ما راحو الإمارات فهي متطورة أكثر وأحلى وتستاهل .. السبب اللي يخلي السواح ايون لنا هو البضاعة الحلوة ورخص الاسواق والفنادق .. أما الإمارات فهي تحتوي على كل ما يتمناه السواح إلا إنها شوي غالية.. انزين بما أن الحكومة قاعدة تناضل من أجل تعمير الكويت وتحسين المظهر الخارجي فلماذا لا نتعاون مع الحكومة في التعمير وبناء مصدر دخل آخر وهو السياحة.. آنا ما أقصد إن كل واحد اييب طابوق واسميت ويبني .. أنا أقصد تعمير المظهر الداخلي..
أول شي بقول لكم قصة صارت لي وانا في بريطانيا.. رحنا آنا والأهل للسياحة في بريطانيا و رحنا وحدة من المناطق السياحية هناك فقد كانت مجهزة تجهيز مو طبيعي للسواح واحنا ماشيين ضعنا بالمنطقة.. ما مدانا نطلع الخريطة وإلا يانا شايب انجليزي ويسأل أخوي إذا احنا مضيعين وانه راح يدلينا أي شي نحتاجه.. استغرب اخوي وسأله بفلوس؟؟ ضحك الشايب باستغراب وجاوب بالنفي ودلانا وجهتنا ولما رحنا مطعم طلبنا أكل وتأخر الأكل وكان في واحد اسكوتلندي يمنا مع عايلته تعرف علينا وعطانا رقمه اذا نبي أي شي وعزمنا عنده ببيته في اسكوتلندا << شفتو الكرم ..
هذا اللي يحبب السواح بالبلد ويخليهم يفكرون بزيارتها مرة ثانية.. ليش احنا ما نصير أحسن من الانجليز فالإسلام حثنا على اكرام الضيف ومساعدة الغريب عن البلد .. يا شباب ليش ما نساعد السواح اللي ايون؟؟ .. وليش اذا شفنا سواح وخصوصا اذا بنات بروحهم نأذيهم؟؟ ليش ما نكون مثل هذاك الشايب؟؟ مو إلا كل ما نشوف سائح نعزمه عندنا!! ليش ما نبتسم بوجه الآخرين بدال ما كل ما نشوف واحد يطالعنا نغسل شراعه؟؟ فابتسامتك في وجه أخيك حسنة.. << عاد يا شباب مو تدورون البنات وتبتسمون بويوههم!! ترا غلط :P
يا بنات ليش ما نتواضع ونساعد السواح بدال نظرات الاستغراب من أذواق السواح؟؟ ليش وليش؟ ليش ما نوفي شوي من حق الكويت علينا؟؟ ليش ما نخلي السواح يمدحون الكويت وأهلها مو الكويت وبضاعتها؟؟؟
هذي نصيحتي لكم يا شباب ويا بنات وانشالله تكون وصلت القلوب واذا الموضوع أثر فيكم أرجو نشره في باقي المنتديات لعل وعسى يكون هالموضوع سبب من أسباب نهضة السياحة في الكويت من جديد.. قولو آمين
ودمتم سالمين
أخوكم
فيه كويتي؟؟
تعليق