وحده بدون تحب تعبر عن نفسها بصراحه

[جمعان بوند]

يلا ابدأ الكلام الي قلته طبعا منقوول :

--------------------------------------------------------------------------------

السلام عليكم ..


أنا بدون ( غير محددين الجنسية ) و ظروفي سيئة جدا جدا جدا ، مخلص الثانوية بنسبة 88 علمي وحاليا انا الحمدالله اشتتغل في كافية انترنت لكن رتبي 70 دينار وانتي اتعرفين طول شهر كامل 70 ماتسوي شئ صح وله انا غلطان ، غير اجار بيتناا 130 دينار ،و أنا و أخوي لي نصرف عالبيت ، غير هذا ممنوع علينا قيادة السيارة وممنوع علينا التعليم وممنوع عليناا وظايف حلوة في راتب حلو ،فوق هذا يا أختي ضغوطات نفسية عليناا مالها حدود ونظرة الناس لنا انه احنا بدون ، والله يا أختي يوم من الايام فكرت انه ارتاح من الدنيا هذي واموت وافتك من عندهاا ، لكن خفت من الله سبحانه وتعالى .. و احنا (هالجيل ) شنو ذنبنا نتعذب و احنا بعمر الزهور ؟


والله اقعد من الساعة 5 الفجر واروح دوامي على باص موصلات وانطر متى يوصل الباص ونص راتبي لي 70 طاير على الباص خلال شهر كامل ، ليش انه ماعندي حق سيارة وبلاساس عندنا بالكويت ممنوع البدون يسوق سيارة مادري ليش القرارات هذي التعجيزية عليناا ..


أختي والله الحين حتى الزواج يمنعون البدون من الزواج لي هو شرع الله ممنوع نطلع لك عقد زواج بوزارة العدل او غير هذا شنو يا أختي مو حرام الزواج لي هو نص الدين وشرع الله يا أختي

سامحيني أختي من القهر قاعد أبجي ..


والله قهر .. نسبتي بالثانوية 88% و هذي آخرتها ..


وعن علاقاتي الاجتماعية ..علاقتي مع الناس زينة و في كم شخص ما يحبوني أو بالأساس ما يحبون البدون .. و


يوم من الأيام فكرت أغسل سيارة طلبة الجامعة .. والله يا أختي فكرت بس قلت لا و ألف لا النفس عزيزة ..


كنت مفكر أخلي الكافيه .. بس صراحة ما قدرت .. وفي مسئول مصري ما يحب البدون .... وراتبه أعلى من راتبي ..



و عن حياة الشباب اللي عايشها .. ديونايتنا عبارة عن عندنااا قعد يم الفريج كلهم طبعا بدون والله لي يشتغلون فيهم يعني يسامل راتب اخر الشهر ثلاث انا واخوي وواحد من ربعي والباجي كلم بطالية لانه مافي وضايف وله مكمل دراستهم .. شوفي تقريباا فيني 20 شخص او 15 والله بس ثلاث .. مع إنهم شباب عشرين و خمس و عشرين الشيب تارس راسهم ..


هذي قصتي .. و ترا بقول إني أحب الكويت وروحي فدى الكويت ..


والمشكلة اللي أبي أناقشها : اهيا البدون وليش جذي الناس يعاملونا ؟ وليش هذي القوانين القاسية ..؟



وشكرا ..

++++++++++++++++
8
8
8
8
8
8

هذه المشكله والقصه لأحد من الأعضاء حب يناقشها معاكم أخوانه و خواته...

فـ يتمنى تساعدونه بمشكلته ووتعطونه الحل ..

ناطر ردودكم وحلكم

منقوووول ياليت تقولون شرايكم ؟؟؟

[جمعان بوند]

عفوا وحده مدري واحد ؟؟؟

[عاشقــ تويتي ـة]

هـــــــلآ وغــــلآ جمعـــآن

آنآ للآمـــآنة مـآقريت آلموضوع كله بس

لي رجــعة آنشــــآلله

وينقل لمنتدى آلمنآقشآت آلجآدة

تحيآتي آلطفوولية
آختكم آلصغنونة
تويتية^^متوتة

[!!كويتي!!]

يسلموووووووووووووووووووووو
جمعااان
والله قصه
تعوور القلب
والله حاله
بصراحه ميصير حذي
هذي حياتهم
المفرووض
ينفتح لهم باب بي معهد
لانه النسبه عاليه
حرااام والله
واصلا حرام عيشة البدوون كلهم
المفرووض يراعوونه
موو جذي يخلوونه
ويسلموو على الموضووع
:(

[*TanTosHa*]

المفروض يعطونه الجنسيه لانه لكويتين شويه وفليش ما يزودونهم انا عندي حل حلو ..قول انشالله اصير وزيرة الداخليه واعطيك الجنسيه وبعدين انته تصير كويتي هاهاه..:)
ومشكور جمعان بوند
TanTosha

[jkuwait]

والله الموضوع يحتاج وقفه عشان الناس تعرف شنو مصيرها يعني ياتعطيهم جنسيه او تخليهم يعيشون مثل الخلق الحين المصري والهندي احسن من الي عايش طول عمره في الكويت؟؟
الهندي والمصري والسوريه يقدر يطلع بطاقه ويقدر يشتري سياره وكل شي
بس الله كريم وان شاء الله تنحل المشكله عن قريب والصبر ان شاء الله مفتاح الفرج

[حوراء_1980]

[frame="9 80"][grade="FFA500 FF6347 008000 4B0082"]يعطيك العافيه


جمعان


وبصراحه ماقول غير لاحول ولا قوة إلا بالله ناس طول عمرهم من ايام اجدادهم واهما عايشين بالكويت

وكلنا كويتين ماكو فرق ونادر قبل ماتسمع عن بدون ، ومن دش صدام صارت الكويت اغلبيتها بدون وتفريق

انزين ليش شنو ذنبهم بهالشي انهم يعيشون اقل من غيرهم تلاقي عيال المصرين ياخذون احسن الأماكن

والمراكز بديرتنا وعيالنا يقطونهم بو ظيفه ماتخص الدراسه إلي تعب وسهر فيها عيال دريتنا يتسمون بدون

والمصري صار حاله حال الكويتي احسن سياره وعايلته كلها بالكويت وعياله مدارس خاصه واحسن لبس

والزواج يتزوجون ليـــــــــــــــــــــش ....؟؟؟ للعلم انا عندي ناس من اهلي معتبرينهم بدون لأنه يدهم

ماطلع الجنسيه وقتها واهما بالأساس من الحسا بس طول عمرهم بالكويت ومتزوجين من الكويت ودارسين

بالكويت ويوم قدموا على الجنسيه مارضوا بحجة انه ابوهم اصله سعودي من الحسا لما يأسوا من الجنسيه

الكويتيه خذوا الجنسيه السعوديه معنهم عيال الكويت امهم وابوهم مواليد الكويت . معني ملاحظه لو واحد يقد

بأمريكا سنه اتوقع على طول ياخذ الجنسيه الأمريكيه اهوا وعياله ولهم الحق يدرسون بمدارس امريكا واهني

بالكويت مصعبين على البدون كل شي جنهم مو بشر عالعموم ماقول إلا الله يصبرهم على بلاوهم وانشالله الكل

ياخذ الجنسيه الكويتيه .


ويسلمووووووووووووووووووووووووووووووو[/grade][/frame]

[JoRy]

قووووه

حبايبي ماكو شي اسمه بدون لو يروح ويدور على اصله والله يلقاله جنسيه يا ايرانيه ياعراقيه ومنو قالكم ان مايقدر ايسوق سياره يقدر ويقدر يشتري الي يبيه بس ليش لو تروح حق كلمة بدون شنو معناه طلع من نص الأرض انا صج اعطف عليهم ويكسرون الخاطر بس خل يروحون ايدورون على اصولهم وجناسيهم لان اغلبية البدون عندهم جوازات بس ايقولون ماعندنا طمعا بلجنسيه الكويتيه مو معقوله 50 الف واحد بدون بالكويت
انتو عبالكم الجنسيه سهله شوفو منو سوا الأرهاب بالكويت غير البدون منو سوا البلاوي غير البدون لو تفتح الجريده وتشوف الصفحه الأخير اكثر الي فيهم بدون اوكي صج اهم عاشوا وقعدوا بس روح دور على اصلك

وسوووووووووري على الطواله بس انا قاعده اقول الصح

[كويتان]

انا بصراحه مع كلام اختي جوري

اذا كان اصلهم من العراق ليش ما يذلفون للعراق

و اذا كان اصلهم من ايران ليش ما يطسون لإيران

خلاص جنسيه لا تحلم فيها أنت تعرف يا البدون ان حلم ابليس فالجنه تاخذ الجنسيه الكويتيه

على فكره انا عطف على البدون بس ما يصير الواحد يتمنن و يحن على الحكومه و هو اصلا جذوره مو من الدوله

اي ابركله يروح يدور على اهله و ناسه و اصله من الدول الثانيه لازم ما يقعد على جبد دوله غير دولته

و آسف إذا كان كلامي فيه تجريح او شي مو زين

و يسلموووووووووو عالموضوع

[زينه]

بصراحه انا ماتوقعت انك ياكويتاوي وانتي ياجوري تكونون تفكرون بهالطريقه
اول شي انا والله حاسه بمعاناتهم وادري انهم مايقدرون يسوقون السيارات لأن مايقدرون يطلعون ليسن(رخصه) وعلى فكره هاذي من ابسط حقوقهم وبعدين من ناحية الزواج مايقدرون يتزوجون بس هاذي سنة الحياه قتلقونهم يملجون ملجة عرب طبعا الكل يعرف شنو يعني ملجة عرب وبعدين إذا حملت زوجته وكانت بتولد لازم يرفع الرجال قضيه على نفسه بارتكاب الزنا وإلا فإنهم سيحبسون زوجته شنو تتوقعون راح تكون حياته اكيد كلها جحيم×جحيم وخلوني اقولكم قصه وحده من رفيجاتي بدون احنا ندرس بالمعهد التجاري فقالت ماعندي احد يوديني قتلها انا امرج قالت لا انا ادبر نفسي وجابها اخوها للمعهد وعلى حظهم كان في تفتيش فوقفه الشرطي وقاله الإجازه والدفتر طبعا هذا بدون من وين يجيب الإجازه فقاله انا بدون مارحم حاله ومشاه لأن بصراحه عندنا بالكويت اغلبية الشرطه عيال حلال ويساعدون الناس المحتاجين بس هذا تتوقعون شنو قال للشاب قاله طبعا عقب المخالفه قاله مولازم تركب السياره قال الشاب ومنو يخلص اشغال اهلي قاله الشرطي موشغلي وعلى فكره هالشرطي هذا إيراني منو برايكم احق هالإيراني والاهالشاب بالجنسيه؟؟؟
وماتصدقون لواقولكم ان جد البنت هاذي قبل كانوا يجون عشان الجنسيه كان يطردهم ويقول إحنا بهالديره ماعلينا خوف تحت راية بن صباح ولوإن ماطرد هالناس لكان اخذ الجنسيه وقعد معزز مكرم بهالديره بس للأسف اللي ماله حظ وصدقوني هاذي نقطه ببحر قصص البدون المؤلمه ولوان البنت امها موكويتيه كان قعدت بالبيت واشتغلت وماكملت دراستها
انا آسفه على الإطاله بس والله من حر مافيني لأنهم والله مظلومين وعلى فكره الدفعه مالت اسامي الجنسيه اللي طافت اللي فيها429 اسم كان في بينهم اسم واحد هندي اسمه كومار
ومشكورين واعذروني

[مملوح كوول]

والله الله يكون بعون البدون لا وضايف ولا لياسن ولا رواتب يقولن شيابنه الضيف اذا صارله 3
ايام قعد عند اهل البيت يصير منهم وفيهم فما بلكم الي عمره 50 والي همره 25 يعني من الديره وهله
وفوق هذا تعديل الوضع يا تعدل وضعك ولا تطلع من الجيش والي عدلو اوضاعن الله يعينهم رجال اصل وفصل خلوه يعدل ارتيري ولا صومالي ولا سوري وهو اصل وفصل وخرتها اقامات وظمان صحي تمنا انهم ينظرون لكل بدون عدل وظعه او ما عدل وظعه يعطيونهم الجنسيه ونشالله محد يزعل على الكلام هذا

[BIG^BOSS]

السلام عليكم ورحمه الله وبركاته

يعطيه العافيه كل من وقف مع البدون وكل مظلوم راح ياخذ حقه وذا ماخذه بلارض ياخذه بلاخره والرد على الاخت جوري واخوي كويتاوي الي الصراحه الصراحه زعلت منهم وايد وايد بس ميخالف هذول مهما يكونون اخواني واعيال ديره وحده وماراح انشالله اشيل بقلبي شي عنهم يا اختي جوري انتي جربتي حيات البدون يوم لو ساعه ما راح ترتاحين انا ما اقول كلهم يستاهلون انا اقول في ناس عاشت بلكويت من زمان والي عنده احصاء 1965 مايستاهل والي دافعو بلكويت خدمات جليله والي راحو شهداء كل هذول مايستاهلون ؟؟؟
والي يقول البدون مرتاحين خلي يسأل اول عن عيشتهم بعدين يتكلم والر على الاخت جوري وكويتاوي خلي كل واحد يطلع جنسيته ويروح ازين تقدر تقولي اصلكم من وين ؟ لو كل واحد بلكويت طلع جنسيته الاصليه جان مابقا احد بلكويت شذنب الناس البدون الي كانو اجدادهم قبل ماخذو الجنسيه ؟ وانا الصراحه زعلت جدا جدا على الكلام الي سمعته منكم اخواني كويتاوي وجوري وخاصتن كويتاوي يوم يقول يذلفون ويطسون هذول ارواح بشر انا ادافع عن البدون لان عندي روح وقلب ويعطيكم العافيه اختي حوراء_1980 واخوي كويتي وتنتوشه وعاشقه تويتي وجمعان وكمارو على الكلام الطيب الي قلتوه بحق البدون ونشالله تكون في ميزان حسناتكم .

[Dмọэ AỊğявн]

جوري وكويتاوي >> اثنين ماعندهم سالفه

الله يعين البدون كلهم وربي قضيه من جد انسانيه
انا لي ربع بالكويت بدون وربي حالهم زفت كل هذا ليش شنو ذنبهم هم ؟؟
شمعنأ كل دول الخليج جنست البدون الا الكويت .. بس بصراحه اكثر شي يقهر
ان الشعب الكويتي يحتقر البدون اكثر مايحتقر اليهودي البدون بالكويت يتعذب والامريكي اليهودي مايتسبح الا بماي صحه وربي حرام عليكم تحتقرون عيال ديرتكم >> طبعاً كلامي موجهه للي مثل الكويتين الاصلين اللي يسبون البدون هم اصليين والبدون ولا واحد اصلي :(
شمعنأ بدول الخليج كلها مايحتقرون البدون مثل الكويت..وربي كل ماجئ الكويت يضيق خلقي لمن اشوف حال البدوون وربي حال الحيوانات تحس بحالهم وللاسف فيه ناس تحتقرهم
:( مابي اكمل اخاف اقلبها هواش
الف شكر خيووه

[FasoOoL]

أنا والله ما أعرف عن هذي الأشيا لأني توني صغيره

و ما أعرف عن الكويت

و يعطيك العافيه

[» STyLeyO «]

السلام عليكم . . .

اول شي احب اقوله يعطيك العافيه

على الموضوع

اللي بصراحه يكسر القلب

وانا اقول هذا الله يعينه وفي منه وايد عايشين بالكويت والله يعينهم

وانقولهم الا الله وياكم

وما تقصر

ولاتحرمنا من يديدك

يلا

جاااااااااااااااااااااااااااااااااو