التخلف العقلي في مجتمعنا .. يحتاج الى تطوير, ما في فرق بين بنت وولد

[بنت فضل]

[frame="6 80"]صج تخلف شوفوا ........



الريال لما يسافر بروحه ... هو !! ريال بعد ما يحتاج محرم ..

( وطايحله خرابيط )



وإذا سوا علاقات ..... هو!! ريال شايل عيبه .. ما رده بمل..



اذا قعد بالدوانيه مدة طويله .... خو شنو بعد!! قاعد يلعب جنجفه ومع الربع ريال عادي ..



يروح يتزوج أربع .. هو!! ريال والشرع حلل اربع ..



متقاعد وما يهيع بالبيت ...هو !! بعد ريال وبيطلع شنو نحكره..



ما كمل دراسته .. عادي شنو اهوه ريال ..!!



طول لسانه على امه .... حتى الام ما تعرف ترد عليه .. بعد شسوي ريال ويفتهم ..!!



يروح بره وياخذ امريكيه .. والكشره من هني لي اهني ... ولدنا خذا امريكيه ) بعد ريال ..



شرا سيايير وكسرهم .. يلا فدوه .. بعد ريال ..



يسافر بره علشان يكمل ويصرفون عليه دراسته يروح يلعب ويرد ماكو شهاده ... يلا ريال ..



يقطون عليه اشتراك نادي وما يداوم ... عادي ريال !!



يحطله شو تايم بداره بس انتي لاء حتى لو أصغر منج... عادي !! ريــــــــــال ..



لا يرفض له طلب ... ليش !! بعد .. ريــــــــــال ..



يلا نشتريله سيكل ... يلا بعد صار ريـــال ..



يروح يدرس بره بالمكان اللي يبيه .... ريال وما ينخاف عليه !!





بقي والا بانشي ... أفا عليك بس ..!!



لما ولدهم يسوي مشكلة مع بنات الناس ..... بنت الذين قصت على ولدنا .. !! وإلا ولدنا اصلا ريــــال والنعم ..



الولد من اول ما يبلغ... أثنين يسويهم ... يشرب زقاير ويتعلم الحجي الوصخ ..... ليما يكبر مع الرياييل بالدوانية و...يستمر ...يستمر ... هو !! بعد سوالف رياييل ..



عادي ما لقا شي بالكبت .. خمط دشداشه وطلع ....!!



انا مشغول روحي انتي ييبي الياهال ...!! بعد مسكين رب الاسره...



بعز الشمس ... انتي قطي الياهال ... تعبان وراد من الدوام ..!! جنا اهيه مو راده من الدوام نفسه ...!! هذا والرجال قوامون على النساء !!









أما المرأه يا عيني عينج .. L



يما ابي اطلع اروح كافي ....

انثبري يلا ماكو سالفه .... !!



ابي اشترك بنادي .....

حق الخرابيط انتي تلحلحي سويلج شغله بالبيت ....!!



سفر تسافرين بعد هذا اللي ناقص .... لازم محرم !!

لا وفي فتوه يديده ما تدخلين النت ... الالا بوجود محرم....!!



شنو بديكير منيكير ... شهالخرابيط ..!! طول عمرنا نسويهم بالبيت ...



كلا تبين هدوم ... هدوم ... وكلا ما عندي .. انجلعي زين !!



شنوووو ... طالعه على البحر اليوم !! ....

حشى رايحه ديسكو مو رايحه البحر ... جنه الوحده مسويه شي محرم ..!!



تقفل الدار .... انتي اشعندج كل ساعه قافله الدار .....!!

بعد شنو الواحد ما عنده خصوصيه ... يعني ما اقفل الدرا الا قاعده اسوي شي مو زين !!



شنو تبين سياره باب واحد ... سبورت ... لا ماكو .. انتي بنيه تسوقين جذي ..!! حتى بالسيايير ...!!



ابي اشترك دوره .... من 5 لي 8 .....

شنو !!! وانشاء الله متى تردين البيت على 9 ولا 10 !! ..... يلا مـــــــــاكو



شنو هالخرابيط اللي شاريتها .... أي أي فسفسي الفلوس !! ...

أي معاشي وكيفي ..... والله حاله !!



المرأه تدرس .. تشتغل .. تحمل.. تولد.. تربي وتدرس العيال وتودي وتييب ..!! وفوق هذا يقولون الشرع يقول المرأه ناقصه عقل ودين ... ويفسرون القرآن على كيفهم ...



المرأه تبي تتمشى بالسيارة على راحتها ..... ما تقدر ..!! ( اييها موكب يغثها في عيشتا ليما ترد البيت)



تبي تروح تسوي رياضة بالممشى .... هم ما تقدر !! ( وراك وراك وراك منين ما تروح وراك ....!! شهالبلشه !! )



تبي تقعد تتامل البحر لما يكون ضايق خلقها .. هم ما تقدر !! ( إلا يايتها شلت عقد .... يا حلوه .. تعالي تعالي !! ..... قطع)

نبي نحتفل بالعيد الوطني ... نبي تستانس .. هم ما نقدر .. لانه المطافيق وايد !!

لا ولو تقولين للشرطي شوفهم يقولج شمطلعج !!! ...... شنو مو اوادم !!





بس نقول الحمد الله على كل شي ... الوقت اختلف والناس تغيرت ... ومو كل شخص يتحمل المسؤولية ... والحرص زين


اتمنى ان هذا التفكير انقرض و انتهى


والله أنتوا شنو رأيكم


وسلامتكم ،،،




تحياتي


*،*بنت فضل*،*[/frame]

[عجب]

اختي الغالية بنت الفضل

لا فض فوك .. وزادك الله حكمة وعلما

جاء في الحديث أن اخر كلام النبوه اذا لم تستحي فاصنع ما شئت

وهذا ينطبق تمام على ما يقوم بعض الشباب هداهم الله الى الطريق

القويم .. والسبب ليس في الشباب انفسهم ابدا بل بإسلوب التربية

والاسلام دين الوسيطة ( وهي تعني الكمال) والنساء شقائق الرجال

كما ذكره اهل العلم في جميع التكاليف الا ما فيه خصوصية لكلا الجنسين

ولكن اذكرك .. في هذا المقام بحديث الافك لأمنا عائشة رضي الله عنها

والسبب فيه كما هو معلوم .. سوء الفهم .. حتى برئها العزيز الحكيم ..لكن

الشاهد في الموضوع .. ان النساء عرضه اكثر من الرجل لكثير من المشاكل

والكل يعلم ما حدث قبل فتره بالرياض لوجود النساء لوحدهن بدون محرم ..لكن

هذا لايعني ان النساء لا يأخذن حضهن من التعليم والتدريب ... الخ لكن وفق ضوابط

الشرع واعتقد هذا ما فيه امرأة مسلمة عاقلة ترفضه .

ومو كل شخص يتحمل المسؤولية ... والحرص زين .. وهذا الكلام العدل


اما بخصوص انقراض التفكير فهذا موروث ثقافي صعب تعديلة بين يوم وليلة

لأن الفرق بين العادة والعبادة شعره ..


بالتوفيق

[فواز الكويت]

مشكوره بنت الفضل وابي اكمل الرجال يلبس ثوب بعشر دنانير الحريم ميتين ونقز الرجال بالعرس يباركون ويدعون والحريم يرقصن مع الشياطين للصبح الرجال بالديوانيه يلعب ورقه الحريم متجمعات وحش ونتف بخلق الله هذا غيض من فيض واخيرا اغلب اهل النار نساء يعني ماكو فكه لا دنيا ولا اخره ويسلموووووووو

[shokah]

صح لسانج وخصوصا بالمجتمع الكويتي
اقولونلي الريال شايل عيبه حلوة هاذي
و الله اييج واحد تسمعين انه مخربط لي الراس
و يدخن ولاعب مع ستين بنت غيرج
تبين بعد هاذا كله تاخذينه اكيد لا عيل شلون شايل عيبه يالحلوين شنو حاطه بجيس وشايله معاه
و لي تاخر عادي ما ينخاف عليه
بس البنت واعليه عليها تتاخر 5 دقايق تصلو عليها وهزؤؤووو ها
انزين ليش التفرقه انابعد بنكتكم لا اهو ريال
ريال اسوي كل هاذا مع احترامي الي اسوي جذيه موووووووووووو ريالللللللللللللللللل
و كلمت ريااااااااااااااااال ما تنقال للكل الذكوووووووووووووووووور
الريال يعني واحد تكانه عند كلمته مو كل من هب ودب قلتولي ريال



يسلموووووووووووووووووووووووووووووووووووووووووووووو ووووووو
يسلمرؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ؤؤؤؤؤؤؤؤؤ
يسلموووووووووووووووووووووووووووووووووووووووووووووو ووووووووووو
يسلموؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ؤؤؤؤؤؤؤؤؤؤؤؤؤؤؤؤ


حيااااااااات قلبي عالموضوع رووووووووووووووعه

[بنت فضل]

[frame="6 80"]الغالي


*،*عجب*،*


ألف شكر لتواجدكِ وتعقيبكِ

دامت لمستك هنا

ودمتي بكل الود

إحترامي وتقديري لكِ





تحيتي عبر جناح المحبة





.•:*¨`*:•. .•:*¨`*:•.
::: أختك بنت فضل :::
0..................0
*-:¦:-*








[/frame]

[بنت فضل]

[frame="6 80"]الغالي


*،*فواز(كويت)*،*


شاكرة لكِ عبوركِ وترك بصمتكِ الجميلة

دمتي بكل الود

مع أطيب المنى





تحيتي مغلفة بالود والإحترام





.•:*¨`*:•. .•:*¨`*:•.
::: أختك بنت فضل :::
0..................0
*-:¦:-*[/frame]

[بنت فضل]

[frame="6 80"]"شواقه "

عبور غالي وفعّال فشكراً لكِ عزيزتي
على المرور الذي أشرق بين حروفي
سلمتِ ودمتِ بوطأتكِ الغالية لا عدمناكِ
مع أطيب التمنيات لكِ بالتوفيق
طاب صباحكِ





تحيتي مغلفة بالود والإحترام





.•:*¨`*:•. .•:*¨`*:•.
::: أختك بنت فضل:::
0..................0
*-:¦:-*[/frame]

[مغروره فيها]

الريال لما يسافر بروحه ... هو !! ريال بعد ما يحتاج محرم ..
******
سفر تسافرين بعد هذا اللي ناقص .... لازم محرم !!

حبيبتي اذا انتي مسلمه لازم تطبقين الشرع
ما طبقتيه تتحاسبين وبـسس انتهت السالفه
يعني السفر بالمحرم ماله خص بعادات المجتمع
ولا اعترااااض على اوامر الله :)

الاسلام ماحرم سفر المرأه من غير محرم الا لاسباااب
واكيد سمعتي عن البنتين الكويتيات اللي يدرسوون بامريكا ودعمو واحد وانحاشوو
اللي مانذكر بالجرايد انهم طالعين من ملهى ليلي وهم سكارى !!
شلوووون بناات بسن المراهقه ( 19 _ 20 ) يسافرون للخارج بروحهم بدعوى الدراسه ؟!!!
هالبنتيين وللاسف قضوو اوقاتهم بالملاهي والشرب .. الله يهدينا وياكم

لا وفي فتوه يديده ما تدخلين النت ... الالا بوجود محرم....!!

تطنزين ؟!! من قال هالكلام ؟؟ اي شيخ ؟؟؟

يروح يتزوج أربع .. هو!! ريال والشرع حلل اربع ..

هم بعد لا اعتراض على اوامر الله 
صح صعبه على قلب المرأه لكن شنسووي وصدقيني لهالزواج فوائد كثيره
شوفي الفرق بين اللي دينهم محرم الزواج وبين المسلمين رح تعرفين شكثر اهو مفيد للمجتمع
يكفي ان الدين شرعه .. اذن له فوائــد .. وتركه له اضراار
وتقدرين تبحثين بهالمساله لاني مابي اطول اكثر

اسفه عالاطاله
بس لازم تعرفون ان كل اوامر ونواهي الاسلام اهي لمصلحتنا
حنا بس لو نترك عنا هالاعتراض والتذمر ونطبق احكام الشرع مثل ماهي كان حنا بخييرر
وتقوليين ليييش ( المراه ناقصه عقل ودين ) .. لان المرأه ماتحمد ربها عالنعمه اللي فيها وكثيرة الشكوى والاعتراض
الله يهدينا وياكم يااااارب

[*~بنت الفريج~*]

يعطيج العافية

لو تلاحظين ان في اشاء ذكرتيها الريال يسويها غلط وانتي تقولين ليش الريال يسويها عادي والبنت لأ

زين اهيا غلط ليش تزعلين من التفرقة فيها!!

وفي اشياء بعد اهيا من الشرع يعني العادات مالها دخل فيها

مثل الزواج من 4

يعني تبون البنت تتزوج 4 ؟!!؟

واشياء ذكرتيها ان الاهل يخلون الريال يسويها والبنت لأ

مثل التأخر ومادري شنو

مايسونها الاهل الا من خوفهم على البنت ومعرفتهم بشنو يسوون بعض الشباب

والحمدلله انا احنا مسلمين وعاداتنا جذي

شوفي حالنا وايد احسن من الغرب .. اسر مفككة والعيال مايدرون عن اهلهم

بس مثل مايقولون لكل قاعدة شواذ

يعني في عادات مو زينة بس انا اشوف انا معظمها تناسب مجتمعاتنا ^_^

مشكورة على الموضوع

[قموورة]

يعطيج الف الف عافية اختي بنت فضل وكلامج عدل.. وانا تدرين وانا اقرأ اضحك لان في بعض الاشياء ضحكتني بس هاي الواقع... بس احين قليل اللي يقولون احين جذي.. يعني اقصد تفكيرهم جذي... وانا اوافق الراي ويا اختي بنت الفريج على كلامها....


ويعطيكم الف عافية..

[بنت فضل]

[frame="6 80"]الغالية


*،*مغرورة فيها*،*


تحملنى نسمات هذا الحضور
إلى ابعد وأجمل شعور
فلا أملك لكِ إلا كل تقدير وشكر وسرور
دمتي حرف نشتاق لملاقاته
ونستقر بين كلماته
وافر إحترامي وتقديري




أرق تحية لكِ


*،*بنت فضل*،*[/frame]

[بنت فضل]

[frame="6 80"]الغالية

*،*بنت الفريج*،*


لم أحمل معى لكِ إلا ذلك الشرف
إلا عنوان الشكر
لهذا الحضور البهي
يكفيني مروركِ الكريم
فألف شكر لك
دمتي براقة العطاء
يسعد صباحكِ




أرق التحايا وأصفاها





.•:*¨`*:•. .•:*¨`*:•.
::: أختك بنت فضل :::
0..................0
*-:¦:-*[/frame]

[بنت فضل]

[frame="6 80"]الغالية


*،*قمورة*،*

الرائع فى كل شيء
كرقراق بسمتك وكمال كلمتك
كانت فى إشراقتك وروعتك
أشرب من حروفك فخر
ولحضورك ألف شكر
دمتي بخير أختي
إحترامي وتقديري




أرق التحايا وأصفاها





.•:*¨`*:•. .•:*¨`*:•.
::: أختك بنت فضل :::
0..................0
*-:¦:-*[/frame]

[FasoOoL]

أختي بنت فضل تسلمين ع الموضوع

بس صدق هذا هو حالك؟؟

بصراحه إذا كان هذا حالكم الله يعينكم

[كنديشن]

(((( لا وفي فتوه يديده ما تدخلين النت ... الالا بوجود محرم....!! )))))

@@

اما هاذي شي عجيب و الله قامو اييبون كلام من ما ادري وين اللهم يبون يغثون البنات و بس

و انا بالنسبه لي ما عندي هالمشاكل و الحمد الله اهلي وايد متفهمين و انا اشوف انه هالافكار

انعدمت بوقتنا هذا و لله الحمد و صارت البيوت فيها ديموقراطيه و ما قاموا الناس ينظرون للبنت

بهذي النظره المتخلفه و انا اشوف انه في بعض الناس قاموا يفضلون البنات على الشباب بسبه انه البنت

تشيل امها و ابوها لي كبرو و الريال طاير مع مرته ما يدري عن اهله و هذا طبعا بعض الناس مو الكل

و الاغلبيه اللي يساوون بين البنت و الولد

و يسلموو حياتي عالموضوع