ياللي على البال تطري وانت ماتدري

[كتكووته^^مكتكته]

السلام عليكم

اخواني اعضاء منتدى كويت 777

بصراحه قاعده اسمع الاغنيه الحين وطرا على بالي موضوع حبيت اناقشه معاكم

طبعا الموضوع بعيد عن الاغنيه حددددددده او بمعنى اصح مو مثل مافهمتو

انا اقصد الصفات السيئه اللي وللاسف لصقت بمجتمعنا

مثال الحش والنميمه

كلنا نعرف ان هذه صفات مكروهه بديننا الاسلامي وديننا الحنيف حرص على ان يتحلى المسلم بكل ماهو جميل وحسن ولكن للاسف هالايام اللي حاصل انك من تقوم من عند ناس الا طاحو فيك حش وقرضو فيك وكل ماتصير يمعه او مناسبه بدال لايناقشون الامور اللي تفيدهم وتنفعهم تلقاهم يناقشون امور غيرهم

يابخت فلانه تزوجت
يامعوده من زين اللي خذته عاد (هذي وحده)


فلان شفت فلان شرا الموتر الفلاني
اشدعوه كاش عاد زين يقدر يدفع اول قصدين (هذا واحد)

اووووف باجر دوام الله ياخذ المسؤل انشاءالله حاط علي انا من بد الكل
اي ابوي مايقدر الا على امي انا سمعت ان سكانه مرته عشان جذي يطلع حرته فينا


وهااااااااااااااات ياقرض وحش وشوف هالمسكين اشكثر يحك ريله بسبب اللي يحشون فيه واذا شاافوه انت الزين وانت الحبيب والغالي

شي عجيب للاسف حتى الرياييل صارو جذي انا اللي اعرفه ان اغلب الحريم جذي بس الرياييل صارو اخس هالايام

مو مهم هالصفه تتعلق بالمرأه او الرجل المهم ليش مانترك الناس بحالها ونلتفت حق مشاكلنا وبدال لانذم بالعالم ونشوف عيوبهم مو احسن نصلح اخطائنا (ايحب احدكم ان يأكل لحم اخيه ميتا فكرهتموه) صدق الله العظيم
والا اشرايكم؟؟؟؟

[قموورة]

يعطيج العافية اختي وان شاء الله مرة ثانية لين ادش موضوعج اكتب لج اللي بقلبي...

[كنديشن]

مشكوووره حبيبتي عالموضوع المفيد

انا عن نفسي ما احب احش بالناس او ايب طاريهم بالشين

و لو اعرف ان ناس يتحجون فيني و الله ما يضيق خلقي بالعكس افرح و اول ما اقول عليهم بالعافيه بسيئاتي

لان اللي يحش بأحد ياخذ من سيئاته ... صح و الله وناسه

يسلمووو عالموضوع

[كتكووته^^مكتكته]

الغاليه قموره

يسعدني تواصلج الدائم معاي وردج العطر على موضوعاتي تسلمين يالغاليه وماقصرتي وقلبي مفتوح لج ولغيرج

كنديشن

سعدت بردج لان النميمه صفه سيئه ان التصقت بشخص ما وما اكثر النمامين في يومينا هذا وشي اكيد ان اللي يحش بالثاني بيعطيه من سيئاته والواحد بروحه مو مترقع

تسلمين عالمرور وما قصرتي

[عجب]

هذه بلية الغيبه والنميمه

اختنا كتكوته

في السابق كان كثرها لدى النساء لكن الان اصبحت

حق مشاع للذكور والاناث على حد سواء ، مع العلم ان

ديننا الحنيف حذرنا من ذلك ووصف هؤلاء بصفات كريهه

( ايحب احدكم ان يأكل لحم اخيه ميتا) ، وفي الحديث ما معناه

وهو حديث طويل لكن جاء فيه ان النبي محمد (ص) نظر في النار

نساء معلقات من السنهن وهن اصحاب الغيبة والنمية .. وهناك الكثير

من هذه الاحاديث والايات التي تحث المسلم ان يتجب هذه الصفة الممقوته

عرفا وشرعا... ولكن هو الفراغ القاتل لى النساء الذي جعلهن يمتهن

مهنة الحش .. ونسين ان في تاريخ الامه الاسلامية نساء كثير تركن هذه

الصفة من أجل الحفاظ على دينهن ولنا ( بالمتكلمة) بالقران اسوة حسنه

فهي مثال يحتذى به

بالتوفيق

[FasoOoL]

يعطيك العافيه أختي الله يسمع منك كل زين

و يبعد عنك كل شين

تسلمين ع الموضوع

[كتكووته^^مكتكته]

عجب الغالي

شكرا لمداخلتك وحقا ان هذه البلية قد اصابت الررجال والنساء معا
اسأل الله ان يبعدنا واياكم عن كل مانهانا عنه

[كتكووته^^مكتكته]

اخي الفاضل FsoOoL
اشكرك على مرورك السريع وارجو ان يبعد الله عنكم شر هذه الافة

[عبـاس بن فرنـاس]

تسلمين اختي كت كت ع الموضوع

و انا من ناحيتي ما احب الحش و لي

سمعت بمكان ناس قاعدين يحشون

اطلع بره من المكان.

[كتكووته^^مكتكته]

حياك الله بن فرناس

يسلملي حضورك