إعـــــــلان

**فواز الكويت** · 12-19-2005, 06:53 AM

تفاعل مع الموضوع شنو شهادتك بالضبط وتعرفين كم اسم من اللي تخرجوا وياك وتوضفوا بنفس المؤهل وتعرفين احد قدم طلب الديوان بعدك منهم وتوضف وابشري بخير طيب والا غصب وسلامتك

**كتكووته^^مكتكته** · 12-19-2005, 07:59 AM

الاخ فواز الغالي

تسلم عالمرور يالغالي

طبعا

ماقلت اللي قلته الا وانا اعرف كثير من دفعتي توظفو بشتى وزارات الدوله مع العلم ان تقدير اعلى واحد فيهم هو جيد

بصراحه ..

صكينا على معظم الدول اللي الشعب فيها يدور شقه عشان يتزوج مو لاقي ويتخرج دكتور ومو لاقي مستشفى يشتغل فيه

بس الفرق بينا وبينهم..

ان اهما يعانون من كثافه سكانيه عشان جذي مومحصلين لا وظايف ولا سكن

واحنا اهني مانتعدى ربع عدد سكانهم والوظايف عندنا على افا من يشيل.. بس الواسطه تلعب دور عشان نشيل

**al3ooya** · 01-16-2006, 07:03 AM

ماجعلني اجاوبعلى ذلك الموضوع ماتعرضت له شخصيا من ظلم وذل وقهر في ديره الخير والعز والعدل

انا وحده الصراحه ابي واسطه...

الحين الاوادم اللي مافيهم شي قاعد يسافرون علاج وشايلين قشهم ومسافرين على ابو ان مرضى

يروحون هناك يقضونها قززز وفراره على حساب وزارة الصحة .......

وانا اللي مريضه من صج صارلي سنتين انطرهم يوقعون على اوراقي ولا احد فيهم راضي يبطل

مغطى القلم ويوقع انزين ليش؟؟؟

انا مسويه شي قايله شي ؟؟

بس ابي شخطة قلم اروح اسنع العاهه اللي فيني ... هم مافي

انزين ياخي وقع والله اعطيك قلم غيره هم مافي

لازم تبوس خشوم ولا ما ينفع؟؟

وأرجو من جميع الوزارات يا تمشي الكل يا تخلي الكل ليش التفرقه .؟؟

والله موضوع يقث الصراحه

ومشكورين ويعطيكم العافيه

**al3ooya** · 01-16-2006, 07:06 AM

صج كلن يغني على ليلاه يا كتكوته انتي واسطة الجامعه وانا واسطة العلاج

والله وتجمعنا :)

**كتكووته^^مكتكته** · 01-16-2006, 07:26 AM

العويا

كل الشكر لج حبيبتي عالمرور

زمن يحير

وناس مادري اشفيهم

الله يكون بالعون

ويشفيج انشاءالله

**عجب** · 01-18-2006, 04:14 PM

اخت كتكووته

هذا الداء الذي لم يوجد له دواء حتى هذه اللحظة

السبب أننا نعمل دون هدف ودون رقيب وهي مشكلة

اجتماعية جد خطيرة .. لكن للاسف الفساد الاداري عم

وطم في جميع مؤسسات الدول النامية .. لهذا لا نزال

نحن في انحدار وتقهقر ..

نسأل الله التوفيق للجميع ونسأل الله ان يطهر جميع

مؤسساتنا الحكومية والاهلية من امثال هؤلاء البشر الذي

يقتلون الكفاءات الوطنية .

بالتوفيق

**كتكووته^^مكتكته** · 01-19-2006, 10:36 AM

الغالي عجب

سررت لتواصلك من جديد

اخي الكريم

هذا حال البشر

فقد تناسو للاسف ان عين الله تراقبهم

فباتو يفضلون ان يتوسل الانسان انسان مثله
ونسوا ان التوسل لله تعالى فقط

شكرا لك

**سعودي رايق** · 01-21-2006, 09:45 PM

الاخت كتكوته هذا الداء مو بس عندكم بالكويت

صدقيني اه عندنا في السعودية والسبب البطانة الفاسدة لدى الامراء والوزراء والملوك مع الاسف

هناك وزارة تخطيط في كل دولة شغلتها التخطيط السليم وملئ كل الجوانب بلا افراط ولا تفريط وسد

حاجة العمل هذا هو دورها ولكن للاسف ما شفنا تخطيط مناسب تجد تكسد في تخصصات وشح في اخر

وبطالة وعجز واغراق لسوق العمل وهكذا مع الاسف .

كل الدعاء من خالص قلبي لكي اختي بالعمل في الوظيفة اللي تكون على مزاجك عاجلاً غير اجل ، اللهم امين

**كتكووته^^مكتكته** · 01-22-2006, 02:18 PM

سعودي رايقق

كل الشكر لمرورك

وتفاعلك

وتواصلك

ودعاءك الخير

عسى ان تحل مثل هذه الازمات وغيرها في البلدان العربيه عامه
والخليجيه خاصه

لانا محسودين عالخير اللي عندنا

مايدرون ان الخير هذا مولنا
للاسف

إعـــــــلان

زمن الواسطه ..

زمن الواسطه ..

تعليق

تعليق

تعليق

تعليق

تعليق

تعليق

تعليق

تعليق

تعليق