سؤالين للجنسين ارجو الاجابة بصراحة....

[3boOod]

[align=center]سؤالين للجنسين ارجو الاجابة بصراحة....


السلام عليكم ورحمة الله وبركاته

ابي اسالكم سؤالين ...سؤال للبنات ..وسؤال للشباب


سؤال البنات:::: هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا ؟؟؟



سؤال الشباب ::: من تتمني الزواج منها --- صاحبة القلب الحنون والحب الجارف ام صاحبة الوجه الجميل الفاتن ؟؟؟



وياليت تكون الأجابة بصراحه

تحياااااااااااااااااتي[/align]

[ارجع للشوق]

الصراحه الزوج صاحب المال والثراء وانا اخليه يمووووووووووت فيني لووووووووووووول عيل اخذ فقير يعيشني على بساط الفقر لا لا نوووووووووو فقير


يسلموووووو عبود

[بـو حبيب]

يعطيك العافية على السؤال

اولا عندي تعقيب على الاخت ارجع للشوق

اختي شنو يعني فقير او غني ترى الغني غني نفس ويمكن يكون الفقير عند الله كبير واذا الله كاتبلج بتزوجين فقير يعني تتزوجينه وبعدشن انتي تاخذين الريال على فلوسه شنو الفلوس وصخ دنيا انا خابر الوحده تدور الريال صاحب الاخلاق ويكون محترم ومن عايلة محترمة ويقدر عيشج حالج حال البنات ولو يالج واحد صاحب قصر وفلوس وعنده بدال السيارة عشر بس اخلاقه زقت مو محترم سيرته بكل مكان بالشينة ما اعتقد تاخذينه واذا بتاخذينه اسمحيلي اقولج انتي ما تعرفين تختارين الزوج ( والاختلاف بالرأي لا يفسد بالود قضية ) وياليتج تسمعين كلامي عدل

اما بالنسبة لسؤالك اخو قلبي

من تتمني الزواج منها --- صاحبة القلب الحنون والحب الجارف ام صاحبة الوجه الجميل الفاتن ؟؟؟



شوف انا اول شي بعيد عن صاحبة الحب بمعنى حب قبل الزواج هذا الشي بعيد عنه لانه اغلب او البعض اللي متزوجين عن حب كل مشاكل وعوار راس فانا اتمنى الزوجه اول شي تكون محترمة وخلوقة ومن عايلة محترمة سمعتها زينه تكون مطاعه وحتى لو تكون من مستوى مادي ضعيف او متوسط فهذا لا يمنع دام متوفر فيها صفة الاحترام والاخلاق فهذا شي يكفي الفلوس من عند ربي سباحنه اللي يرزق

هذا والسلام عليكم ورحمة الله وبركاته

تحياتي

[ارجع للشوق]

هذا رايي وانا واصلا كل البنات يفكرون جذي الحين عيل اطلع من بيت اهلي معززه مكرمه واعيش بفقر اذا انا ارضاها حق روحي اهلي ما يرضونها لي وطبعا يكون واحد خلووق يصلي ويخاف ربه هذا شرط اساسي عند كل بنت بس اهوه سأل اذا افضل الغني ولا الفقيروانا قلت رايي


وثانكس عالنصيحه

[قموورة]

يعطيكم العافية ... بالنسبة حق سؤالك اخوي عبود... انا افضل الفقير لان الفقير عند الله كبير.... والفلوس ما تعني لي شيء... انا احين في حياتي اكسب الفلوس بس والله اقطها تقطط لان ما استفيد منها الا القليل... وانا ما يهمني لو ان شاء الله يعيشني في خيمة والله بس اهم شيء انه خلوق ويخاف ربه ويعرف الدين والاصول... هاي اللي يهمني لان الريال مهما كان غني ماليا ما يكون غني اخلاقيا... واللي انا لاحظته... كل ما زادت الفلوس كل ما زاد الطمع وزاد الغرور والفساد....


ويزاكم الله الف خير .. اختكم قمورة

[3boOod]

يسلمووو على المروور

وعلى ردوودكم الرووعه

وصراحه الغني مامنه فايده

لانه دام عنده فلووس ووايد اكيد راح

يشووف غيرج وراح ياخذ عليج بنات

[عجب]

اخي الكريم

يقول الرسول محمد (ص) تزوجو الولود الودود قليلة المهر ، او كما قال الحبيب (ص)

لهذا فالجمال نسبي في ظل زوجه تملك حنان ، وهذا ليس من ضرب الخيال فهناك

قصص عن اناس تزوجو للجمال فكانت طامه كون الغرور الذي اصاب الزوجه جعل الرجل

يقفد صوابه ، لهذا كانت النهاية للاسف الطلاق ، لكن الزوجه الرؤم الحنون هي المطلب

والهدف مع جمال خفيف ( يعني مسحة جمال) .

بالتوفيق

[So Numb]

افضل الزوج صاحب المال والثراء,,لان معظم المشاكل اللي تحصل بين الزوجين سببها الفقر وقلة الفلوس حتى لو انوجد الحب

[كتكووته^^مكتكته]

اخي الغالي

نحن في زمن المال والثروة والجاه

وماقالته الاخت ارجع للشوق صحيح 100%
وقد حرص عليه الاسلام
فاللي يبي يتزوج لازم يكون مقتدر

وقد المسؤليه

وعنده استعداد يفتح بيت ويكون اسره

بس مو معناه اني افضله عالفقير
لكن هذاك زمان اول ان الفقير كان يقدر يتزوج ويعيش مع اهله ويتكل عليهم
اما اليوم
لازم الريال عنده فلوس عشان يقدر يتزوج
والا يتم اهو وزوجته يحفرون بالطين

[بـو حبيب]

عندي تعقيب

مثل ما ذكرت بالسابق

( الاختلاف بالراي لا يفسد بالود قضية )

اختي الفاضلة ارجع للشوق

اوكي رايج على عيني وراسي

بس الفلوس مو كل شي يعني صحتج وعافيتج تيبها الفلوس ( وانتي عايشة وتشتغلين عشان تيبيين الفلوس مو الفلوس اهي اللي تييبج ) والفلوس انتي تتحكمين فيها مو اهي تتحكم فيج

بمعنى رايج ان الفلوس اهي اللي تتحكم فيج والدلليل على هذا اختيار زوج ذات فلوس

بس صدقيني الفلوس من غير رضى ربج حرام والفلوس من غير صحة وعافية ما منها فايده

اوكي لا تروحين حق واحد فقير فقير على الاقل لو بيكون من فئة المتوسط ماديا هل انج بتقبلين ؟

وانزين انتي تقولين تطلعين من بيت اهلج معززة مكرمة وتطلعين وتروحين حق واحد فقير ( مو بعمنى فقير كلش حافي منتف ) يعني مثل ما قتلج متوسط ماديا فماعتقد هذا عيب او شي ( والبنت اللي تدور على فلوس وتنسى اهم شي الاخلاق والاحترام بهذي ما اسميها بنت ولا تخاف على سمعتها ولا تبي الستر واهم ما عندها الفلوس )

وانتي تفضلتي وقلتي اهم شي الاحترام والاخلاق بس لنفرض انج ما لقيتي في الشخص الغني هذي الصفات ولقيتيها في الشخص ذات المتوسط ماديا فتختارين منو ؟

[دلوعه الامارات]

--------------------------------------------------------------------------------

هذا وجهت رايي

انا بصراحه
الزوج صاحب الحب والحنان حتي ولو كان فقيرا.... لانه المال والثراء مستحيل يدووم للابد ..
الغنى غنى النفس مو غنى المال...

[عجب]

احبائي الكرام تعقيب ولكن ليس تعصبا لرأي على رأي

ان الأخت المسلمة البعيدة النظر لتدرك من وقائع الأيام أن الغنى والفقر لا ثبات لهما في حياة الإنسان ، وان

المال يغدو ويروح 000 ورب غنى أصبح فقيرا 000 ورب فقير أغناه الله من حيث لم يحتسب 000 وهذا كله يدل

على أن لا اعتبار للمال والغنى في كفاءة الزوج وان دين الزوج وتقواه هو الأساس المعتبر 0

إلا إنما التقوى هي العز والكـــرم ***** وحبك للدنيـــا هو الذل والسقم

وليس على عبد تقي نقـــــيصة ***** إذا حقق التقوى وان حاك أو حجم


ولتعلم الأخت المسلمة أنما الدنيا مضمار سباق إلى الآخرة ، وأنها في دار بلاء وابتلاء ، وان الآخرة خير لها

من الأولى وان عليها أن تتزود للقاء الله بالتقى 000 واختيارها للزوج التقي وفرحها به أعظم طريق يسهل

عليها الطاعة والتقوى ويكفيها نعمة انه يعينها على الخير ويدلها عليه 000 وتنجب منه ولدا صالحا يدعو لها

000 وتحفظ معه عرضها ودينها 000 فتصفو لها الحياة على ضيقها 000 وتشرق البركة في وجهها مع أن قول

الله جل وعلا : ( إن يكونوا فقراء يغنيهم الله من فضله ) فيه وعد من الله جل جلاله بأنه سيغني

الفقير من فضله 0


بالتوفيق

[ŋαŋ]

هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا ؟؟؟

أفضــــــل الزوج صاحب الحب والحنـــــان حتى لو كــــان فقيـــــر
لأنه الثراء والمـــال ما راح يفيدني أذا مـاكان فيهـ حب وحنـــان




تسلم عبووووووود ع الموضوع

[@أعشقج يالكويت@]

صاحب الحب والحنان حتي ولو كان فقيرا

[حبيبة الكل]

صاحب الحب والحنان وحتى لو كان فقير