إعـــــــلان

**paradies_q8** · 02-09-2006, 01:38 PM

تك تك

تشكرين علي ورودج اللي تنثرينها يمين ويسار بالمنتدي

--

التجارب الحلوه لي

اني مثلت الكويت قبل عامين بمؤتمر كان بالاردن

Itf

طبعا لم ولن تنسي هذه اللحظه

--

تجارب قاسيه لي

سنة 1993 مناظره بين موظفين المؤسسه اللي اشتغل فيها وبين رئيس مجلس ادارتها

ومن سؤ حظي اني كنت اول واحد بالمناظره بعدها تم تجميدي لمدة اربع سنوات ونص

للعلم رئيس مجلس الاداره كان احد افراد الاسره الحاكمه :)

مقرود شسوي :)

عــــــز

أبصرو النور فلم تعد الدنيا بعدهم كما كانت

**AWRAD** · 02-09-2006, 10:39 PM

تسلمين ياالغاليه على الموضوع
--------

بالنسبه لي .. التجربه الاليمه: كانت على الصعيد الشخصي .. وتعلمت منها اني المفروض ما اسامح دايما حتى لو كان الشخص غالي علي.. لاني من كثر ما اسامح تمادوا بالغلط معاي بس بالنهايه الحمدالله اني قدرت احط حد للموضوع

التجربه الحلوه : اني قبل فترة قدمت اوراقي للعمل في احد اهم المؤسسات في الدوله .. والاغلبيه كانوا يقولون لي : انتي تحلمين تتوظفين بهالمكان ( لانهم كل سنه يقبلون شخص واحد فقط.. ودايما يفضلون الشباب .. مادري شناقصنا عنهم :) ) ..المهم ان تم اختياري من بين المئات اللي مقدمين .. واعتبرته اهم تحدي وانجاز في حياتي .. وانشالله اكون عند حسن الظن

التجربه اللي اتمنى انها ترجع : الخمس سنوات كااااااامله اللي قضيتها بالكليه .. بصراحه كانت أحلى ايام عمري بالرغم من التعب اللي شفناه.. بس استفدنا واستانسنا وايد

**قموورة** · 02-09-2006, 11:04 PM

يعطيكم العافية على طرحكم هالموضوع اللي بصراحة حلو والكل يستفيد من الغير...

من ناحية التجربة الاليمة كانت من جهة الاهل... حيث اني سويت المستحيل عشان اتعرف على اخواني الكبار اللي من ابوي وكنت اعاند امي واتهاوش وياها ليل نهار وضحيت باشياء وايدة عشانهم بس طلعو ناس ما يستاهلون ولا شيء...

من ناحية التجربة الحلوة واللي اتمنى انها ترد... اني رحت حجيت بيت الله من تقرييا 3 سنوات يعني سنة 2003 ....

تقبلو تحياتي... اختكم قمورة

02-09-2006, 11:51 PM

مشكووووووووره ويعطيج الف عافيييييييييييييه

**كتكووته^^مكتكته** · 02-10-2006, 03:47 AM

عز

تسلم عالتواصل يالغالي

ومنكم نستفيد انشاءالله

يعطيك الف عافيه

**كتكووته^^مكتكته** · 02-10-2006, 03:48 AM

اوراد

تجارب حلوة

امتعتني وايد

مشابهه نوعا ما لما عانيته

شكرا لتواجدك الحلو

**كتكووته^^مكتكته** · 02-10-2006, 03:49 AM

قموره

صله الرحم واجبه

حتى وان كانو قاطعين

انتي سويتي اللي عليج

والله بيجازيج ويجازيهم

مشكوره عالتواصل

ويسلمو عالمرور

**كتكووته^^مكتكته** · 02-10-2006, 03:50 AM

كويتاوي عسل

ماشفنا تجاربك؟؟

عالعموم

تسلم عاالتواصل

وبانتظار ردك

**ŋαŋ** · 02-10-2006, 08:59 AM

التجربه اللي اتمنى انها ترجع بحلوها ومرها ..؟

أني أروح مكه مره ثانيه

سواء للعمره او اي شيء ثاني

المهم اشوف الحرم

من ناحية التجربة الاليمة ..؟

أني وثقت بشخص وعزيته وأعتبرته كأي شخص احبه وأعزه

وعطيتي ثقتي الكامله بعدين أكتشفت انه ما يستاهل الي سويته له

وانه مو قد المقام والثقه

التجربه الحلوه ..؟

أني عرفت منتدى كويت777 أحلى منتدى شفته

وسجلت فيه

.+. كتكووته^^مكتكته .+.

تسلمين حبي ع الموضوع الروعه
تسلم ايدج
ربي يعطيج العافيه الله لا يحرمنا منج

**كتكووته^^مكتكته** · 02-10-2006, 06:39 PM

ريم الشوق

الف شكر لتواصلج

ومرورج الحلو

منكم نستفيد
الزين والخير والصالح انشاءالله

**ناروتو** · 02-11-2006, 02:01 AM

إيييييييه قلبتي المواج للأعضاء يا كتكوتة

تجرتية المره كانت على الصعيد العاطفي و الشخصي .... بس تعلمت منها أني إذا طلب من شخص شيء بأني ما أكرر طلبي منه أكثر من مرة واحدة فقط و إذا رفض ألغي الموضوع حتى لو قدم لي طلبي بعدين ما أقبله بالمره بس صارت فيني مشكلة أني إذا قلت لشيء (لا) فأنا أقصد (لا) حتى لو كان الثمن إني أخسر حياتي

أما التجربة الحلوة هي أن وكيل الوزارة طلبني أنا و مديري للمقابلة الشخصية علشان يمشي صفقة في أحد العقود وكنت أنا المهندس الذي رفع كتاب معارضه على هذة المناقصه نظرا للمضار التي ستلحق بالمسلمين بسببها و صار يقول لي (أنت شنو خبرتك و مؤهلاتك اللي تخليك ترفع كتاب خطير مثل هذا و تعارضنا ) و كان قصده توبيخ مديري عن طريق توبيخي لأن كانت علاقتهم مع بعض خربانه حدها ، فانتظرته حتي يقول كل اللي بقلبه وقمت و أخرجت له شهادات الخبرة اللي جايبهم معاي لأني كنت متوقع منه هذا الكلام وقلت هذي خبراتي فلما شافها رد وهو يطوطي برأسه و مستحي ويقول (لا ... أنا ما كان قصدي أني أقلل من قيمتك بس كان لازم تنفذون التعليمات الصادرة مني دون مشاكل ) فرديت عليه و قلت أن مديري طلب رأيي و أنا بدوري قدمت المشورة اللي ترضي الله و ترضيني كمهندس مشرف ... فرد علي و قال أنا آسف و أرجوا أنكم تتعاونون معانا وتنفذون الأوامر بدون معارضة ( بس مع الأسف مشت المناقصة عصبن عن خشمي و خشم مديري اللي ما قصر معاي .... حسبي الله عليهم )....
على العموم .. لما تغير الوزير جابوا وزير جديد وكان رفيج مديري و نقف (خلع) الوكيل الخايس و حط مديري مستشار له ... بس مديري ما نساني ورفع كتاب بتزكيتي لرئاسة قسم الصيانة و الحمدلله أنا ألحين رئيس قسم بس بعد 8 سنوات كدوني فيها كد بالمواقع الإنشائية ( يعني طلعو زبدتي .... خخخخ )

أما عن الأيام الحلوه ففعلا مثل ما قلتوا أحلى الأيام كانت أيام الجامعة و المختبرات و جمعة الربع خاصة لما كنا نطلع من المختبرات الساعة 5 المغرب و روسنا تلف و دور ... لا وبعضنا مسكين عليه امتحان بعد المختبر
فعلا كانت أيام مرهقه بس حلوة بنفس الوقت

أختي كتكوتة ... أنتي منين طلعتيلي و قلبتي هالذكريات ..... آآآآه يا ريتها ترجع ...

مشكوووورة على الآلام والمواجع اللي ذكرتينا فيها
بس لازالت هذه الآلام حلوة كلما تذكرتها

**كتكووته^^مكتكته** · 02-11-2006, 02:55 AM

ناروتو

مرورك رائع

وتجاربك اروع

مثل ماقلت

ماكو على ايام الدراسه

ذكرتني بمختبر التحليليه

كان من 8 لي 2

صج كانت تطلع روحي من هالمختبر بالذات

والحين ودي الايام ترد

واعيد كل تجاربي واعيد النظر فيها

تجاربي بالحياه

مو تجاربي الكيميائيه

تسلم

**بـو حبيب** · 02-11-2006, 03:00 AM

يعطيج العافية

اختي الفاضلة

كتكوتة مكتكته

من التجارب الاليمة

الصراحه مادري شقول لان انا كل شي ابيه او اجربه ينعكس علي بسلبيات
بس دائما الدعاء وذكر الله وتمسكي بال بيت الرسول عكسلي ما اقول كل شي اغلب الاشياء اللي كنت اتمناها او اجربها انعكست علي بايجابيات ومنها البعد عن معصية الله واسلاك الطريق الصحيح

من الجربة الحلوة

الصراحه يوم كنت رايح العمرة في سنة 2002 من احلى واروع التجارب وانشالله تكتكل التجربة وتصير ناجحة اني اروح الحج انشالله ادعولي

تحياتي

**كتكووته^^مكتكته** · 02-11-2006, 03:07 AM

اخي الفاضل

رويشد وبس

مافي افضل من الصبر

فهو زاد المسلم

في حله وترحاله

قواك الله

إعـــــــلان

تجارب من الحياه ... وتجاربكم بعد ... الكل يشارك

تجارب من الحياه ... وتجاربكم بعد ... الكل يشارك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق