الصلع .... إيه الصلع اللي بالراس

[ناروتو]

بصراحة الموضوع عن الصلع اللي يصيب الشباب (الذكور) و عندي سؤالين واحد للشباب و الثاني للبنات و بصراحة أنا حبيت أكتب عن هالموضوع لأنني لاحظت أن الشباب قاعدين يسوون الهوايل و يشترون بلاوي زرقة من المواد الكيماويه علشان ما يكون فيهم صلع ... مع أن أنا فيني شوووووي خفه في قمة رأسي ... بس ما حاولت ألعب براسي لأنه ما يهمني كثر ما تهمني صحتي لأنني أعرف بأن هذا شيء عادي خاصة بأنني عديت سن الـ33

ألحين نرجع و نسأل :-
سؤال الشباب اللي براسهم فيه شوية تصحر ( خخخخ.. أقصد صلع في قمة الرأس ) : هل تجد إحراج من الصلع ؟ و ليش ؟

سؤال البنات : قبل لا أسأل البنات ... أنا أعرف بأن الجواب ممكن يكون ( أنا أفضل اللي مو مصلع ... خالصين من هالجواب ... نبي غيره)
أما السؤال فيقول : هل تمانعين من الزواج من رجل مصلع ( مو كل شعرة بس فيه صلع ) ؟ وهل تعتقدين أن الصلع اللي بشعر رأس الرجل يعيبه عند الزواج ؟ ولو كان أصلع بالمرة هل سيكون هذا سبب لرفضك له ؟

يا جماعة أرجو الجواب بصراحة و بدون مجامله لأحد
ومشكورين على أني ضيعت وقتكم

[AWRAD]

تسلم اخوي على الموضوع .. صج انه غريب شوي بس حلو :)

--------

بالنسبه لي .. اذا تقدم لي واحد اصلع .. وكانت فيه المواصفات المطلوبه (دين, رجوله, اخلاق,..الخ ) .. ما راح ارفضه لان اصلع .. بالعكس أحسن علشان لا ينفش كشته مثل بعض الشباب هالايام :) ( مع احترامي لجميع الشباب)

[ناروتو]

مشكورة أختي أوراد على الرد الحلو و الصريح بنفس الوقت
و الظاهر أن الصلع عندج صار ميزة مو عيب بالنسبة لزوج المستقبل ( عسى الله يرزقك بالزوج الصالح و مو أصلع على شان يكون فل أبشن (كامل المواصفات ) إن شاء الله .... آمين )

.
.
يالله يا شباب نبي نسمع منكم .... شايفين طلع الصلع ميزة مو عيب... يعني الواحد يكون أصلع أحسن له.

[سارونة 87]

اولا الف شكر لك اخوي على الموضوع الجرئ والغرييب بنفس الوقت

وثانيا على سؤالك

أما السؤال فيقول : هل تمانعين من الزواج من رجل مصلع ( مو كل شعرة بس فيه صلع ) ؟ وهل تعتقدين أن الصلع اللي بشعر رأس الرجل يعيبه عند الزواج ؟ ولو كان أصلع بالمرة هل سيكون هذا سبب لرفضك له ؟

براي الشخصي وبكل امانه وبدون مجامله لا امانع اذا تقدم لي واحد اصلع لانه الرجل مو على شكله انما على

خلقه ودينه وتربيته وشهامته وكل شئ يحمل معنى الرجوله وانما سواء رجل او امرأه لا ينظر الى المظهر

الخارجي انما الجوهر واهو اهم شئ سواء للرجل او المرأه

واما للرجل المصلع لا يعيبه نهائيا هذا الشئ بتاتا

ومشكور مره ثانيه

[كتكووته^^مكتكته]

الغالي ناروتو


الصلع مو عيب

ولا هو سبب يخلي الوحده ترفض الانسان اللي متقدملها

للاسف قامو يرضون بكل شي

حتى باللي مافيه من الرجوله ذره

ابدا

اذا تقدملي انسان مصلع ماراح ارفضه لانه مصلع يمكن تكون فيه عيوب ثانيه

لايكون تمهدلنا لانك مصلع؟؟ :)

[ناروتو]

مشكورة أختي سارونة على الرد وفعلا اللي يعيب أو يميز الشخص سواء بنت أو رجل هو الأخلاق.

_____________

أختي كتكوته ، كنت متوقع بأنك راح تقولين أني مصلع و أني قاعد أشوف رايكم .... بس الحمد لله أنا فعلا فيني شوي خفه بالشعر في قمة رأسي بس ما تبين و هذا مثل ما قلت لو أنه يهمني كنت سويت مثل ما يسوون شباب هالوقت ( اللي يصبغ جلدة الرأس اللي تحت الصلع بلون أسود علشان ما يبين بياض فروة رأسه و اللي يأكل بعض الأدوية اللي تساعد على تخفيض هرمونات الذكورة عنده علشان ما يطيح شعرة ... على فكرة ترى هرمونات الذكورة هي السبب الرئيسي للصلع عند الرجل )
وأنا أنصح الشباب كلهم أنهم ما يقعدون يجربون هذي الأدوية اللي محد يدري شنو عواقبها ..... أعرف واحد كان يشتكي من خفة بشعر رأسه وراح واستخدم دهن قالوا له أنه ينبت الشعر وفعلا لما شفناه بعد استخدام هذا الدهن بشهرين صار شعره روعة و أبدع ما يكون بس يا فرحه ما تمت ... فجأة كل شعر رأسه طاح و صار رأسه بدون مبالغة ما فيه ولا شعرة وحدة (يعني صار رأسه مهبط طائرات.... خخخخ ... نصحناه بس ما يطيع ... واللي ما يطيع يضيع .... على العموم الله يعينه و يشفيه ).

على العموم أختي كتكوته ... أنا لو كنت أصلع و تقدمت لوحدة ورفضتني علشان أنا أصلع ما راح أزعل لأن اللي يكون تفكيرها محدود بهالشكل ما تنفعني وأحمد الله أني ما تورطت فيها .

ومشكورة أختي كتكوتة على الرد ... صج ترى أنا مو أصلع ... لا وأزيدج من الشعر بيت أنا أشقر و عيوني زرق ... شايفه صورتي بالتوقيع ( يعني قطو شيرازي .... :d )

_________________________

تدرون شنهي المشكل الصجيه ؟؟
.
.
المشكلة أن ما فيه أحد من الشباب رد على الموضوع هذا .... يا ترى ليييييش ؟؟؟؟؟

[ملك مملكه الحب]

والله موضوع حلو روعه صراحة كنت اتمنى ان فيني صلع عشان اشارك في موضوعك والله يعيك الف الف عافية

[بقايا أثر]

يعطيك العافيه على هالموضوع
وانا بنت بجاوبك على هالسؤال
انا بالنسبه عادى عندى بالعكس اتصدق انا احب الريال اللى مصلح احس شى حلو يكون فيه سلم صلعته والله
وعادى ما يعيق الزواج ليش يعنى هالشى يعيق الزواج اتمنى انى كفيت ووفيت بالاجابه ويسلمووو على الموضوع

[ناروتو]

أشكرك أخوي سعودي ... و ترى ما فيه داعي تتمنى أن تكون أصلع ... لأنه مو لازم تكون أصلع علشان تشارك :)



ــــــــــــــــــــــــــــــــــــــــــــــــــ ـــــــ

أختي سارونه ..... أشكرك على صراحتك و ما قصرتي .... كفيتي ووفيتي