حجز الفتاه.. هل ترضى .. وهل ترضين

[كتكووته^^مكتكته]

الزواج هو نصف الدين

وهو اساس استمرار الانسان

وهو سنه الاحياه

جميل الارتباط بين الرجل والمراه بشرع الله


ولكن


في امور يعتبرها البعض اليوم تخلف

ويعتبرها البعض الاخر عادات وتقاليد

حجز الفتاه.. او الحجر كما نسميه

فلانه لفلان


سنه

سنتين

ثلاث سنين

مو مهم

المهم محد راح ياخذها الافلان

عاد متى ياخذها

لين يتخرج ويتوظف ويكون قادر على فتح بيت وتحمل المسؤليه

وتطوف هالفتاه المسكينه وايد فرص احسن من فلان

بس لانه حجر عليها

ومايصير احد ياخذها غيره

لاتستغربون هالموضوع موجود وايد بمجتمعنا

وللاسف ان حتى ولي امر الفتاه مايقدر يعترض

الناس راح تاكل ويهه
ان زوج بنته حق واحد يغير فلان
اللي حاجزها

والآن كونكِ فتاة هل تقلبين بأن تكوني [محجوزة ] إلى شاب فيه كل الصفات التي تمنيتنها من
فارس أحلام العمر ، ولكن أنتي فقط محجوزة لا أقل ولا أكثر ، وإذا طالت المدة التي وعد بها الشاب
بسبب ظروف لا تعلمين بها ، وتقدم إلى خطبتكِ شاب آخر ، هل سوف تخلفين الوعد .... ؟

وإلى الشباب ايضاً هل أنتم من مؤيدين ( حجز الفتاة ) .. وهل تقبل على نفسك بأن تحجز فتاة العمر
وأنت لا تعلم بما تخفي لك الأيام من قدر .. و حينما تشاهد فتاة أفضل من الفتاة التي حجزتها إلى نفسك .. هل سوف تغير رائك وتخلف الوعد ...


الموضوع للنقاش

[المتكتك]

أنا ضد هذا الشي لأن المشاعر محد يقدر يتحكم فيها وشكرا على الموضوع الرائع

[كتكووته^^مكتكته]

المتكتك


تسلم على مشاركتك

انا بعد

ماارضى بهالشي

لاني اعتبره مثل اسر

ومايندرى متى الافراج

[سعودي رايق]

عادة سيئة واتمنى ان تنتهي

لانهما بشر وقد لا تتوافق مشاعرهما

بس للاسف هناك مجموعة من الناس متحجره العقول ولابد من وضعها في موية خل حتى تلين

وتوسيع هذه العقول 10سم حتى تفهم المشااااعر والاحاسيس الآخاذه

..... مشكورة يايكتكوتة الكويت مو المنتدى بس على موضوعك وعساك منتي محجوزه

[كتكووته^^مكتكته]

رايق


تسلم على رايك

منورني

:)

لا

ماني محجوزه

[AWRAD]

اشكرج حبيبتي على الموضوع
------------------


بالنسبه لي انا ما ارضى بهالمبدأ تمااااااما

لان كوني محجوزة معناته اني مملوكه لشخص الى اشعار آخر .. مملوكه لشخص يمكن في يوم من الايام يكون زوجي مو أكيد لان محد يعرف شنو اللي راح يصير باجر وشنو ظروف راح تصير ويمكن يغير رايه في اي وقت من الاوقات.. ما في اي ضمان

واحد من مبادئي الشخصيه .. " اني مو ملك لاحد الا زوجي مستقبلا" .. لان حسب رايي الشخصي ان البنت لما تخلي شخص ثاني يملكها ( حبيبها مثلا) هذا في ظلم لنفسها وتقليل لذاتها .. هذا رايي الشخصي

[كتكووته^^مكتكته]

اوراد


والنعم فيج وبرايج

اصيله

تسلمين يالغلا على هالمشاركه

[فيرووووس بنـ؟ـات]

تحياتي يالغلا

يسلمو على هالموضوع ويعطيج العافيه

انا اعتبر هالعاده << في حكم الاعدام لبعض البنات السبب<< ان من الممكن يتاخر هالزواج لسنين طويله

وبالاخير << يحصل للحاجز مكروه << فلا تجد البنت الا عنوستها << هالعاده اعتبرها من الجهل << لانها

تحكم وتقسم النصيب على البنت من مزاج الاهل << فتسبب عده مشاكل بينها وبين زوجها في المستقبل<< لن

يؤثر في اهل الزوجين اكثر مما يؤثر في ذريه هالزوجين << زواج بني على حجز وعلى مشورة الاهل الظالمه

لها<< الرجل عادي تزوج غيرها بس هي منو بياخذها << شتسوي ووين تروح << في من الاهل من يترك بنته <<

بعد مايطيح الفاس براس ويقع المحظور << الطلاق << ماقول الا الله يعين كل محجوزة والله يهدي الحاجزين لها

تشكرااااااااااااااااات

[كتكووته^^مكتكته]

فيروس بنات

العفو

اسعدتني مشاركتك

[عجب]

اخيتي كتكووته

موضوع ذو شجون والعفو بالمقبرة ... عند من تحكمهم هذه العقول

من المؤكد أنها عادة ما انزل الله بها من سلطان ففي الحديث من

جاءكم من ترضون دينه وخلقه فزوجوه .. هذا هو المبدأ .. وهذه هي

الطريقة .. اما هذه العادات .. التي قلبها بعض المتنفعين الى عبادات

نسأل الله الخلاص منها قريبا ... ولعل في فئة الشباب المتعلمين الذين

ادركوا خطورة الزواج من الاقارب .. وما يترتب عليه من الامراض الوراثية

دافع بأن تترك هذه العادات .

بالتوفيق

[كتكووته^^مكتكته]

عجب


شاكرتلك مرورك

زواج الاقارب ليس بالخطوره التي تصفها


الكثير الكثير من زيجات الاقارب نجحت


درسنا تشابه الجينات الوراثيه وتأثيره على الابناء وغيره ايام الدراسه


الموضوع المطروح للنقاش بجد خطير

واعرف الكثيرات من الفتيات اللاتي بحكم متزوجات ولكنهن عند اهلهن بانتظار الفرج




عافانا الله واياكم من هذه الفئه الضاله

[الكل بالكل]

مشكوره كتكت عالموضوع الحلو

انا بصراحه لو حسيت ان بخطبتي اطاله انا بنفسي راح افل الخطبه

لان هالحجز مايجوز

يمكن تجيني فرص احسن

وحرام يضيع عمري وانا ناطرته وبالاخير يشوفله غيري ويتركني

[كتكووته^^مكتكته]

عدل كلامج الكل بالكل

مافي سبب للاطاله

والحجز امر مايجوز


لان الانسان مو ضامن شنو يصير من احد الطرفين ان هون
او كبر
او لقى احسن
وانا دايما اشدد واقول ان الاختيار لازم يكون بموافقه ورضا الطرفين

مو حجز عن طريق الاهل من واهم صغار

[HoNeY RoSe]

[align=center]
مشكوره خيتو ع الموضوع


انه بالنسبة ليي ابد ما ايد فكرة الحجز .. جنج سلعه يحجزج اهو ..

وياريت كل مره يصدق .. وهذي السوالف تصير وايد حق بنت العم لولد العم ..

انه هذي القاعده ما احبها ..

ولوكان ولد العم مو كفو .. يعد لازم تاخذه .. والله يهدي بعض الاهالي غصب يجبرون البنت على هذا الشي ..

عشان ماتتطلع العايلة برع .. مو كلام صح ..

بس عيب بعد البنت تتنتظر الولد خمس سنين وتالي لين كون وياها واحد افضل تروح له .. بعد ذاك كل الي سواها عشانها ..

من جدي لحد يحجز احد عشان مايتعرض للمواقف تحرجه .. وتكسر بخاطره وووو :>



مشكوره يا بعد جبدي يا كتكوته ع الموضوع

ربي يعطيج العافية


سلاااااااام[/align]

[*عاشقه الورد*]

اختي الغاليه كتكوته


اول شي تسلم هالايادي اللي كتبت هالموضوع الحلو

ثاني شي فكره ان يحجزني فلان سواء كان اهل او مو اهل لا طبعاا ولا بنيه ترضا بهالشي بس اذا واحد حب انه يتزوج اول شي يكون عارف منو بياخذ كانسانه مو سلعه على قوله اختي امراه الحديد


لا لازم يعرف طريقه تفكريها ويفهمها وتفهمه ويكونون متوافقين في وااايد اشياء تخليهم يكملون حياتهم الطبيعيه مو اي وحده يختارونها الاهل ويالله


والله انا يكسرووون خاطري البنات اللي يعيشون هالحاله بس شسوون هذي عادات وتقاليد اهلهم اللي قاعدين يظلمونهم واهم مو حاسييين


واخيرااا يسلمووووووووووووووووووووووووووووو على هالموضوع وعسااج عالقوه



واسفه اذا طولت معااج بس هالموضوع يبيله قعده والله



بااااااااااي