الخيانه الزوجيه

[كتكووته^^مكتكته]

ترددت كثيراً في طرح الموضوع .....

هل أكتبه أم لا ؟


هل يلقى صدى بين الأعضاء أم يكون من المواضيع العادية جداً ...


موضوعي يتكلم عن أهم شيء بين الزوجين ألا وهو الثقة بينهم ولكن من منظورٍ آخر ألا وهو !!!!

الخيانة الزوجية

نسمع كثيراً عن قصص الخيانة الزوجية وعواقبها المترتبة عليها

ونسمع عن قصصٍ يشيب لها الرأس ....


تساؤلاتي هنا :

- ياترى ماهي أسباب الخيانة الزوجية من طرف الرجل ؟

- مهما كانت أسباب الرجل هل هو محق فيمَ فعل ؟

- لماذا يرضى الزوج بأن يخون وعندما تفعل زوجته مثله تصل المسألة إلى الطلاق ؟

- لماذا الزوجة تخضع نفسها لأحد الذئاب البشرية وتنتهك حرمة زوجها ؟

- ربما تقول المراة بأن زوجها مقصر في حقها وتجد ماينقصها عند شخصٍ آخر ، هل هي محقة فيمَ فعلت ؟



لعلي لم أعطِ الموضوع حقه ولكن بمشاركاتكم تتضح الرؤية ....

[فيرووووس بنـ؟ـات]

تحياااااتي متكتكه

يسلمو على هالموضوع ويعطيج العافيه

ولو حبينا نتناقش في هالموضوع ونحدد له وقت وتكون خمس سنين ماينتهي النقاش

بس بحاول ارد على اسئلتج باللي اقدر اوصله وادري ماراح اقدر لا انا ولا غيري يعطيج رد كافي او مقنع


- ياترى ماهي أسباب الخيانة الزوجية من طرف الرجل ؟

الفطره.. اي شخص بالدنيا مولود على الفطره وهالفطره اما شينه او زينه بس فطره الخائن

عدم الشبع من النساء ممكن يكون مرض نفسي او خلقي وفي منهم مايخون يتزوج غير زوجته

وتسمونها خيانه للحب وناسيين ان اغلب الزيجات تبنى على عدم الحب بين الطرفين مجرد ارضاء للاهل

- مهما كانت أسباب الرجل هل هو محق فيمَ فعل ؟

ما اعتقد ان الخيانه من ناحيه الحرام محق فيها لان هو مو بس يخون زوجته يخون ربه

بس لو كانت الخيانه بالحلال وهي الزواج فانا اقول محق له ميه بالميه

- لماذا يرضى الزوج بأن يخون وعندما تفعل زوجته مثله تصل المسألة إلى الطلاق ؟

اولا .. ماراح تكون في بينهم ثقه بعد هالخيانه .. مهما اعتدلت بينهم الامور لانها بتكون نقطه سودة

في ملفه الزوجي وملفها واغلب النساء اذا اكتشفت خيانه زوجها خلته يفتر بالمحاكم للطلاق او راحت بيت اهلها

ثانيا.. الطلاق يعتبر حل في خيانه المرأة .. لانها لو عاشت معاه العمر كله بوفاء بعد هالخيانه بتظل تعبانه

من الشك والغيره وكراهيته لهذا اليوم والله يعين العيال بس لان راح يظلون العمر كله محور شك عنده ان منهم

ولا من شخص اخر


- لماذا الزوجة تخضع نفسها لأحد الذئاب البشرية وتنتهك حرمة زوجها ؟

لانها تفتقد للاحساس الزوجي اللي ماهمه بس الديوانيه والنوم ومايعطيها حق فتفتر لكي تجد من يملي هالفراغ

فتعالجه بخطأ تعتبره هي صح وهالشي مشترك بين الجنسين يعني الزوج لو لم يجد مايبيه بزوجته وشافه عند

غيرها باع الرابطه والثقه المبنيه بينهم

- ربما تقول المراة بأن زوجها مقصر في حقها وتجد ماينقصها عند شخصٍ آخر ، هل هي محقة فيمَ فعلت ؟

التقصير موجود بين اي زوجين مهما كان درجه الحب اللي بينهم بس المهم الحفاط على الوفااء

ان كان مقصر او غيره فصدقيني خيانتها له اكبر غلط وارجع واقول الخيانه مو بس لهم بل خيانه ربهم والرضا

بالحرام من اجل الذات

بالاخير مشكورة والف شكر على هالموضوع واتمنى يكون ماقلته خفيف على الكل

تشكرااااااااااااات

[*~بنت الفريج~*]

يعطيج العافية كتكوتة

انا وايد تعجبني مواضيعج بس مايصير عندي وقت ارد عليها ^_^

بالنسبة لأسئلتج


- ياترى ماهي أسباب الخيانة الزوجية من طرف الرجل ؟

انا سمعت ان الخيانة مرض ، مو يعني احنا من شدة اسنكارنا منها اطلقنا عليها هالاسم

ل اهيا فعلاً مرض نفسي وتكون اسبابه عديدة ، ويمكن تكون مالها اسباب لأنها مثل ماقلت مرض

والحل الوحيد انه يتعالج منها عند طبيب نفسي ، واذا قال ان السبب تقصير مرته هذا مايعني أبداً انه يسد هالتقصير بالحرام ويخون ربه بعد


- مهما كانت أسباب الرجل هل هو محق فيمَ فعل ؟

لا ، لو مهما كان سبب الحرام وطريقته هل ممكن ان يكون الشخص محق فيها؟



- لماذا يرضى الزوج بأن يخون وعندما تفعل زوجته مثله تصل المسألة إلى الطلاق ؟

الخطأ خطأ لو كان من الرجل أو المرأة ، بس هني يعتمد على المجتمع

يعني بمجتمعاتنا يقولون ان الريال شايل عيبه


فالزوج يرضى بانه يخون لأن وراه مجتمع يدافع عنه

ويمكن المرأة تحاول ان تسامحه بحجة انها هفوة أو نزوة

لكن مسحيل يرضى ان مرته تخون ومستحيل يعيش معاها



- لماذا الزوجة تخضع نفسها لأحد الذئاب البشرية وتنتهك حرمة زوجها ؟

اول شي لأنها ماتخاف الله هذا اولاً وأعتقد انه السبب الرئيسي لأنه لو شنو صار ماتبيع نفسها وتذلها

وثاني شي التقصير من الزوج مايعني انها تخونه حتى لو كانت ماتطلع مع الشخص الثاني

لأنها حتى لو تكلم بالتيليفون هاذي تعتبر خيانة ، ومثل الشي الزوج

يعني لما الواحد يطلع من بيته ومأمن وواثق من الطرف الثاني لازم الطرف الثاني يكون قد الثقة



- ربما تقول المراة بأن زوجها مقصر في حقها وتجد ماينقصها عند شخصٍ آخر ، هل هي محقة فيمَ فعلت ؟

جوابي مثل جواب السؤال : - مهما كانت أسباب الرجل هل هو محق فيمَ فعل ؟


مشكورة على الموضوع

ومسامحة عالاطالة

تحياتي ,, بنت الفريج

[كــويــت]

هااي شبااب

بلفعل اختي كتكوته هناك خيانات زوجيه

وبعض الرجال الي يخونون الزوجه يوصابون

بأيدز والمرض هذا يجي بسبب الخيانه وصراحه

انا ويا المرأه في هذا الموضوع والمرأه

تنظلم بسبب خيانه الرجل للمرأه

ومشكووره ياحياتي على موضوعج الجميل والروعه

وصراحه موضوع وكلام جميل ورعه

ولا تحرمينا من يديدج

وثينكس الـــف مره

جأأأأأو

[G6oo6A]

ثااانكس عالموضوع الحلو كتكوته
بس انا باعتقادي الريال لمن يخون مرته يكون بسبه الريال لانه اغلب الرياييل اللي يخونون شوفي مرته
لا سنع لا شي حتى بالبيت لا اتكشخ و لا تتدلع على الريال و لا تسوي الاشياء اللي يحبها
يعني المفروض انها تطاوع ريلها بكل شي قصدي الاشياء اللي يحب انها تلبسله او تسويله او مثلا في رياييل يحبون الدلع ما فيها شي تصنعي الدلع حتى بره البيت مثلا يحبها هاديه تلبس اللي اهوه يحيه حتى لو عبايه حق اللي مو متعوده
بس هم الريال ما معاه حق المفروض انه يصارحها و يتفاهمون على الاشياء اللي يحبها او ما يحبها
بس المره مالها حق لانه مثل ما تدرين المره سمعه فا انا اقوول المصارحة اهم شي بين الزوجين
و سوري طولت عليكم

[كتكووته^^مكتكته]

فيروس بنات

شاكرتلك طلتك

الفتتني بعض النقاط

انت قلت الخيانه بالحرام عند الرجل فطره

مو فطره

قول مرض قول ابتلاء قول جشع وضعف ايمان لاتقول فطره لان فطره الانسان دايما على الخير والفطره امر من الله سبحانه تعالى


انت قلت الخيانه بالحرام ثم ذكرت وقلت الخيانه بالحلال وهي الزواج؟؟

هل الزواج خيانه بالحلال؟؟
مافي خيانه بالحلال وخيانه بالحرام الخيانه اللي نعرفها شي واحد ذكرني ردك برد فيفي عبده لما قالت انا برقص رقص شريف!!!!!!!!!


ماعلينا


الزواج الثاني للرجل امر والخيانه امر ومافي قاسم مشترك بينهم


بالنسبه لموضوع ان الريال مقصر مع زوجته ويروح الديوانيه هل بنظرك هذا مبرر للخيانه؟؟ وهل معنى كلامك ان جميع مرتادي الديوانيات زوجاتهم خائنات؟؟

[كتكووته^^مكتكته]

بنت الفريج

بدايه شكرا لج على هالاطراء

ردج صحيح مليون بالميه

الوازع الديني وعدم الخوف من الله هم اهم الاسباب

اعبد الله كأنك تراه فأن لم تكن تراه فأنه يراك

مافي شي يبرر الخيانه واي عمل سوء سوى قلة الوازع

[كتكووته^^مكتكته]

كويت

اصابه الازواج او الزوجات بالامراض نتيجه الخيانه هذا اقل عقاب يستحقونه

لان الله يلبسنا ثوبا اسمه الستر

لماذا نصر على خلعه؟؟

شاكرتلك طلتك

[كتكووته^^مكتكته]

قطوطه

وايد تبريراتج للرجال


مو سالفه لبس
ولا دلع

ولا تمسكن

في رجال والله مايملي عينهم شي

عينهم زايغه مع انه حريمهم اطهر من الماي النقي ويملكون من الجمال ماشاءالله

طيب واللي يخون زوجته مع فلبينيه او سيلانيه هذا اشناقصه؟؟


ذكرتي الرجال واغفلتي النساء

كأنهم ملاك مايخونون


وقلتي ان المره مالها حق يعني يصح هالحق للرجل؟؟
شاكرتلج طلتج

[فيرووووس بنـ؟ـات]

تحيااااااااااتي يالغلا

نقاط اللي قلتها كان لازم اشرحها بشرح مفصل بس صدقيني ماراح اقدر اختصرها بس هذا الرد رد للنقاط بس

الفطره << مافي انسان كامل وربنا لمن خلق حط في نفس كل شخص صفه هالصفه ممكن تكون زينه او شينه

التربيه هي من تساعد هذي الفطره.. انتوا تقولون مرض اوكي مرض وانا قلت قبل مرض نفسي تقولين هو اللي جاب

هالشي لنفسه بقولج غلطانه كل شي مكتوب قبل ولاده هذا الشخص ان اعتدل فاعتداله بالفطره يعني ارجع

واقول الفطره هي من تسير الانسان لا الانسان يسيرها << شرحه طويل ماعلينا منه

اما على طاري الخيانه فانا قلت الخيانه المحرمه هي الخيانه المعروفه بس القصد من الخيانه المحلله<< يطلقون

عليها النساء لمن يتزوج عليها زوجها قالت خانني يعني حلال الرجل وهي الزيجه الثانيه عند المرأة الاولى

خيانه <<فسريها بهدوووء

اما سالفه الديوانيات فهذي واضحه << الزوجه ببيت بروحها تنطر زوجها من العشر او الـ11 وهو بالديوانيه او

برا البيت الزوج بالديوانيه يلعب دور دورين جنجفه ماهمه على باله الزوجه نايمه مايرد البيت للثنتين او للثلاث نام

شوي طلع للدوام رد البيت بالثنتين الظهر تغدا نام للخمس او للست قعد ساعه ونص معاها ساعتين طلع يفتر

تتوقعين هالاشياء ماتساعد للخيانه لاتقولين لازم ايمانها قوي ماعلينا بسوالف الايمان الحين هالاشياء موجوده

بالدنيا صح ولا لا .. يعني حست بالفراغ اكيد << تبي تسد الفراغ الحين شتسوي << حل من الحلين<< اما الطلاق

لان مو مهتم لها او تنثبر وتسكت وتعيش تعيسه << مما يساعدها على البحث على حب بتعتبره حقيقي لتسد

الفراغ حاولي تحللين الكلام لاني لو بشرح كل شي بالتفكيري ماراح نخلص

اما على طاري فيفي عبده ترى هي فيها شي حلو انها دبلوماسيه بالحجي وتعرف ترقص الكلام مثل ماترقص هي



تشكرااااااااااااات

[كتكووته^^مكتكته]

فيروس


صكيت على فيفي عبده بدبلوماسيتك


منور

[المتكتك]

انا برد على اخ فيروس واقوله الانسان مخير وليس مسير ، وبالنسبة للخيانة هو عبارة عن نقص بالشخص اللي يخون واذا سالت اي شخص خائن رجل او مرأة راح تلقى تفسير واحد وهو الطرف الثاني اللي دفعني للخيانة وهو عذر اقبح من ذنب ومثل ما قلتوا بالبداية قلة الايمان لانه لو فيه خوف من الله سبحانه وتعالى لمى اقدم اي انسان في الدنيا على ارتكاب معصية تعتبر من الكبائر وشكرا

[شبح الأنترنت]

يعطيك العافيه أختي كتكوته على الموضوع وبارك الله فيك

أنتظر أشوف مواضيع أجمل وأروع تحياتي لك أختي الكريمه

أخوكم

[blink]شبــ الأنترنت ـــــــــــح[/blink]

[كتكووته^^مكتكته]

المتكتك


منو دايما

ومن لا دين له

لا قيمه لحياته

[كتكووته^^مكتكته]

شبح الانترنت


تسلم عالاطراء

الف شكر لك