عين الحسود فيها عود

[كتكووته^^مكتكته]

اخواني اعضاء المنتدى الكرام



الســــــــــــلام عليكم ورحمه الله وبركاته



اليوم عندنا موضوع مختلف شوي

وقوي


وفتاك



اشد فكا من قاتل الحشرات


والله اقوى حتى من اسلحه الدمار الشامل



تدرون عن شنو بتكلم

عن العين

وماادراكم ما هي العين


وايد ناس فقدو عيالهم واموالهم وصحتهم والسبب واحد عينه حاره وماذكر ربه


انا شخصيا ما عندي مناعه ضد العين نهائيا

واي كلمه حتى لو بحسن نيه تصيبني وتييبني اكتاف



مو هذا المهم


خلونا نتناقش عشان تتضح الرؤيه اكثر ونقي نفسنا شر هالناس اللي ماعندهم لاذمه ولاضمير



شنو رايك بالحسود وليش يحسد الناس اصلا؟


كيف تقي نفسك شر الحاسد اذا حسد؟


هل لك تجارب مع الحساد؟؟


بانتظار تفاعلكم

والله يحميكم


>>> حاطه الموضوع لان شعرها بدا يحت عقب ماشافته وحده الله يسامحها وشهقت

[المتكتك]

هههههههههههه، كتكوتة لا تخافين حتى لو صلعتي فيه البديل لووووووووول ، اول شي بشكرج على الموضوع ، وبجاوب على اسئلتج على حسب وجهة نظري ، ليش يحسدون لانهم مرضى نفسيين وفيهم نقص وحقد ، الواحد يقي نفسه من الحسد بقراءة ادعية الصباح والمساء وقراءة المعوذات وقد قال الرسول صلى الله عليه وسلم ( من صلى الفجر حاضرا كان في ذمة الله ) وفيه نصيحته لابن العباس احفظ الله يحفظك احفظ الله تجده اتجاهك وفي اخر النصائح قال عليه الصلاة والسلام لو اجتمع الانس والجن على ان يضروك بشيء لن يضروك الا بما كتبه الله لك رفعت الاقلام وجفت الصحف ، يعني التقرب الى الله عز وجل هو الذي يحفظنا من كل شيء ، بالنسبة للتجارب مادري بس اذكر شعري انا كان في السابق من النوع الثقيل الحين زين باقي المهم حاشتني ثعلبة والسبة عيون الناس ولمى رحت اراجع طبيبة الجلدية تقولي شعرك اثقل من شعري قتلها يبى فيني ثعلبة مو كافيج تبين تحتينه مرة وحدة .......... ومشكورة على الموضوع واسف على الاطالة

[كتكووته^^مكتكته]

المتكتك


شكلي بحط باروكه تالي عمري

:)


شاكرتلك طلتك


ولاننسى المعوذات صباحا ومساء والرقيه الشرعيه

[SuL6aN]

اولا: يسلمووو ع الموضوع

ثانيا: الحسد اهو ظاهره سيئه وللأسف وايد ناس اذا شافوا شي

وعجبهم مايذكرون الله يعني مثلا لو كل واحد يشوف شي يعجبه

ويقول ... ماشاء الله ... مااعتقد ان في احد يحسد

بس للأسف كل واحد مايبي غيره احسن منه يعني مو كل الناس تقريبا اغلبهم اذا شافوا شي حلو عند واحد

يتمنون على طول انه يروح منه ... بصراحه ماادري ليش مايحمدون ربهم على الي عندهم ...!!

اوكي الحين بجاوبج..


شنو رايك بالحسود وليش يحسد الناس اصلا؟

اول شي اهو انسان مو زين وبالنسبه ليش يحسد لأنه حقود يعني فيهم طبع الحقد يبون الخير لهم وبس

كيف تقي نفسك شر الحاسد اذا حسد؟

مثلا قراءة المعوذات مثل سورة ... الفلق ... وسورة ... الناس...

هل لك تجارب مع الحساد؟؟

وايد لا تعد ولا تحصى لوول

بس ان شاء الله يبعدني آنا وياكم عن الحسد والحساد

... سوري ع الاطاله ...

[كتكووته^^مكتكته]

بيكهام


تسلم عالمرور

والله يكافيكم شر العين يارب

[*~بنت الفريج~*]

يعطيج العافية

اهوا اكثر شي يخرع في السالفة انج ماتعرفين منو اللي عينه حاره

يعني هذا مو شي الواحد ايي ويعترف انا حسدتج :p





شنو رايك بالحسود وليش يحسد الناس اصلا؟


طبعه أو فطرته جذي مايكفيه اللي عنده ، لأنه مينون:p





كيف تقي نفسك شر الحاسد اذا حسد؟


القرآن





هل لك تجارب مع الحساد؟؟

امم اي بس يعني مو اشياء جايدة لا بسيطة

وعندي بعد بنت خالي ماشاللله عليها شاطرة وايد بالدراسة ، طقوها عين وكل ماتدش جامعة ترد تغيرها

ومو عارفة شتسوي بعمرها


مشكورة على الموضوع

واسمالله عليج من الحسد خيتو

[بقايا أثر]

اول شى حبيت اشكرج على طرح هالموضوع وانتى دائما مميزه بمواضيعج

والحين بجاوب على اسئلتج


شنو رايك بالحسود وليش يحسد الناس اصلا؟

راسى بالحسود ان مو صاحى ومريض نفسى وليش يحسد هم نفس الاجابه


كيف تقي نفسك شر الحاسد اذا حسد؟

قرائه المعوذات وساعات نحتاج ان نشيل حجاب من القرآن او الدعاء يكون علطووول ويانا


هل لك تجارب مع الحساد؟؟

بالاول صراحه ما اعترف بالعين او شى اسمه حسد بس الحين اعترف لان صارت فينى ورحت فيها ولا يحسدونى على شى مرض فينى لان ضعفنى ومبهدلنى لحد الحين والحمد الله على كل حال

وشكرا

[سعودي رايق]

[align=center]لاخت كتكوته مكتكته سكرة المنتدى

ماشالله خايفه من العين انا عندي طريقه لك حلوووووووه

خذي كيس ملح ورشي وانتي ماشيه على يناظر فيك

النبي صلى الله عليه وسلم كان يجلس الحسن والحسين ويقول :

........ اعيذكما بكلمات الله التامه من كل شيطان وهامه ومن كل عين لامه [/align]

[*TanTosHa*]

مشكورة على الموضوع

وأحب أقول انه الحسد افه كبيره موجوده بمجتمعنا أتوقع سببها الغيره وأكيد الحاسدين فيهم مرض نفسي مثل ما قالو الاعضاء ...وصارلي مواقف وايده

ويعطييج العااافيه

[كتكووته^^مكتكته]

بنت الفريج


تسلمين عالطله


سلمي على بنت خالتج

وقوليلها كتكوتوه تقولج توكلي على الله واستخيري

والله يحميكم كلكم يارب

[كتكووته^^مكتكته]

بقايا اثر

اسمحيلي اول انا بغير نكج

الى بدايه امل

هذا احلى

وانتي اموره ماله داعي تلصقين التشاؤم فيج ترى الدنيا بخير


وبعدين حبيبتي الحسد مذكور بالقران والرسول عليه واله الصلاة والسلام انصاب بالعين


شاكرتلج هالطله

والله يحميج ويحرسج بعينه اللي ماتنام

[كتكووته^^مكتكته]

سعودي رايق

تسلم يااخوي
الحافظ رب العالمين انشاءالله

والله يبعد عنكم عيال الحرام ويحرسكم يارب

[كتكووته^^مكتكته]

تنتوشا


شاكرتلج هالطله



الله يحرسج يارب

من شر كل حاسد وحاقد

[عاشقــ تويتي ـة]

السلام عليكم


بسم الله الرحمن الرحيم والصلاة والسلام ع اشرف المرسلين سيدنا محمد

اول شي مشكورة ياقلبي ع هالموضوع


ومن وجهة نظري


إنّ الحسد هو تمني زوال النعمة عن المحسود ، وإن لم يصر للحاسد مثلها


مرض من أمراض النفوس وهو مرض غالبٌ فلا يخلص منه إلا القليل من الناس ؛ ولهذا قيل: ما خلا جسد



من حسد. ، لكن اللئيم يبديه والكريم يخفيه.


فبالحسد لُعن إبليس وجعل شيطاناً رجيماً. ومن أجل أن الحسد بهذه الدرجة ورد فيه تشديد عظيم


حتى قال فيه الرسول صلى الله عليه وسلم (الحسد يأكل الحسنات كما تأكل النار الحطب).


واعتقد السبب اللي يخلي الحاسد يحسد

1 - العدواة والبغضاء والحقد

2 - التعزز والترفع


يعني مثلا اذا خذيتلي منصب كبير واترآس غيري ففي وايد ناس مايحبون احد يتأمر عليهم

3 - الكبر(هذا السبب من المحسود)

4- حب الرياسة وطلب الجاه لنفسه

5- خبث النفس وحبها للشر وشحها بالخير لعباد الله




اما عن الوقاية


1 - الرجوع إلى الله وتجديد التوبة مع الله من الذنوب التي سلطت عليه أعداءه.


(( القرآن الكريم والصلاة ))


2- العدل مع الحاسد وعدم الإساءة إليه

3- الدعاء

4- كثرة الاستغفار مممم شنو في بعد

5 - مداراة الحاسد والتودد إليه

6- والصبر بعد

لا حول ولا قوة لنا



اما عن تجاربي فهي وايد يعني


كلها صايرة ع دراستي يعني

خو انا ما عندي شعر عشان الناس تحسده


ومشكورة ياقلبي واايد واايد


وقال محمود الورّاق:

أعطيت كل الناس من نفسي الرضا ------- إلا الحسود فإنه أعياني

ما إن لي ذنباً إليه علمته ------- إلا تظاهر نعمة الرحمن

وأبى فما يرضيه إلا ذلتي ------- وذهاب أموالي وقطع لساني

[كتكووته^^مكتكته]

عويشق

برافو عليج


هذا الشبل من ذاك الاسد

عجبني اسلوبج وقلت من وين يايبته بعدين تذكرت انج اختي

لوووووووول


الله يحميج ياوخيتي ويحرسج

ومو محسوده على دراستج الا فسق منج ودلع بنات يالله قومي ذاكري

:)