راتب الزوجه.. هل للزوج حق فيه

[كتكووته^^مكتكته]

السلام عليكم


مثل ماتعرفون ان الحياه بين الزوجين هي حياه مشتركه فكل شي

ولكن

هل المال ايضا؟؟

مثل ماتعرفون المال عديل الروح

وفي ريايل من يتوظفون حريمهم ياخذون عليهم قروض

او ياخذ كرت البنك ويحطه بجيبه

او يبدى مايصرف ويتكل عليها


مو هذا المهم

المهم هل يحق له؟؟

يعني اذا المره قالتله لا هل راح تقوم القيامه عند الزوج؟؟

انا اعرف وحده اول مااشتغلت سوت استقطاع جبري من راتبها وطبعا هالاستقطاع تقريبا اكثر من نص الراتب لمده 5 سنين كوديعه لولدها اذا كبر

وعاشت طول هالخمس سنين منتفه

ولما لمناها عاللي سوته

قالت مو احسن مايناشبني ريلي عالمعاش؟؟

يووه


معقوله في حريم جذي يفكرون؟؟

طبعا اهي معاها حق بناحيه وبناحيه لا

مثلا اذا زوجي محتاج او البيت واليهال يبون شي ضروري مافي مانع اني ادفع ليش انطره لين يي واعطل نفسي

بس هم مو كل شي

لان الريال راح يشيل ايده بعدين من كل شي مثل توصيل اليهال المدارس وطلبات البيت وغيره

راح يعتمد على زوجته

بس مافي مانع من التعاون وفلس مني وفلس منك ونبني عش زوجيه ماحصل

انا سمعت من واحد فاهم ودارس شريعه بجامعه الكويت

ان الريال لازم يعطي زوجته مصرف حتى لمجرد تربيتها لاولادها واولاده

اي يقصد انه ماله حق براتبها

لكن له حق يمنعها من العمل


ادري طولت عليكم وماوصلنا للنقاش

عزيزي العضو .. يا ترى هل اذا احتجت وكان معاش زوجتك راهي تاخذ منها فلوس وتخليها تشيل عنك الحمل؟


عزيزتي العضوة.. هل تسمحين لزوجك باخذ تعبج وشقاج وهو الرجل واللي المفروض تقع عليه مسؤليه الصرف عليج وعلى البيت وعلى اليهال الخ الخ الخ؟؟


لنتناقــــــــــــــــــــــش

[بـو حبيب]

شاكرلج موضوعج الاكثر من رائع

الصراحه انا ما افكر او اتجرأ اني اخذ منها فلس وحد لان هالمعاش او راتب الزوجه خاص لها

وليش اخلي راتبي يخلص بسرعه الناس تقتصد وتمسك ايدها عشان يضلها لي نهاية الشهر

بس مسالة اني اخذ من زوجتي ( انشالله مستقبلا ) فلوس هذا شي مستحيل لان هالراتب خاص لها

عسى ربي لا يحرمنا منج ولا من جديد مواضيعج القيمة والرائعه

تحياتي

[كتكووته^^مكتكته]

رويشد شاكرتلك تواجدك


احيانا الواحد يضطر

بس ناس عزة النفس تخليها ماتاخذ فلوس حتى من ايدها الثانيه


منور دايما

وبانتظار طلاتك

[عاشقــ تويتي ـة]

السلام عليكم


مشكوورة حبيبتي ع هالموضوع


وانا من وجهة نظري


موضوع راتب الزوجة موضوع شائك يحتاج لمناقشة وافية فالزوجة أحيانا تصرف على حاجتها

الكمالية وقد تصرف جزءاً منه على بيتها وعلى أطفالها أحيانا أخرى وهذا وفقا للاتفاق بينها

وبين زوجها، وأحيانا نرى اتفاقا بينهما على أن يقوم الزوج بتدبير المصاريف الأساسية للبيت

وتتكفل هي بالرحلات والمطاعم وربما السفر، وبعض النساء يخشين غدر الأزواج الذين يأخذون

راتبهن وقد يتزوج أحدهم بأخرى ويطرد زوجته الأولى من البيت وتصبح كأنها (لا طالت عنب الشام


ولا بلح اليمن) كما يقول المثل.



أتمنى وصلت الصوورة ومشكوورة مرة ثانية


وهذي وجهة نظر

[كتكووته^^مكتكته]

عويشق


تسلمين على هالطله الحلوة


مو كل الرجال جذي

ولا كل النساء بعد

ومثل ماقلتي على حسب الاتفاق


انما مافي قانون يلزم المرأه انها تصرف من جيبها على بيتها وعيالها

لكن في عاطفه واحساس ومبدأ


تسلمين غلاتوش

[¤جيكـره مملوحه¤]

تسلميـن ياغلاتـي على هالمـوضـوع
لكـن بالنسبـه لـي إنـه الزوج مالـه
حـق على أمـوال زوجتـه إلا إذا كانت
المبادره منهـا اهي وأي شي يكـون
ناقص بالبيت ولعيالها وتشـوف إنهـا
قادره على إنهـا تعطي ليش لا وهي بالأول
والأخير هـم مسئولـه عن البيت لـكن
أرد وأقـول ليس للزوج حق ونصيب
بأمـوال زوجتـه إلا إذا كانت هي
مـوافقـه على إنها تعطـي
وألف شكـر على الموضوع كتكوتـه


تحيـااتي

[ملك مملكه الحب]

اما انا اقول ان الرجال ماله حق في اخذ راتبها ياخي حرام عليك انت ماتزوجتها الا انك منكفل انك تصرف عليها ولافيها شي اذا هي جات وعطته من الراتبها اذا حست انه محتاج


اما اني اروح اخذ منها والله احس انها قوية واهانة لرجل قبل الفائدة

[*~بنت الفريج~*]

يعطيج العافية

الحين اذا بيتزوجون حق المصالح ليش يتزوجون؟؟

حياتهم بتكون تعيسة 100%


عكس اذا اخذوا بعضهم عن احترام وحب

اذا كانت الوحدة تحب ريلها حتى لو مالب بتعطيه اذا احتاج

بس عاد الريال المفروض يكون يستاهل مو أي شي


عزيزتي العضوة.. هل تسمحين لزوجك باخذ تعبج وشقاج وهو الرجل واللي المفروض تقع عليه مسؤليه الصرف عليج وعلى البيت وعلى اليهال الخ الخ الخ؟؟


انا اصلاً مابتزوج انسان يطمع في فلوسي

عشان لاتتدمر حياتي ، مثل مايقولون الفلوس وصخ دنيا



شكراً على الموضوع,, تحياتي

[HonY G!rL]

((كتكوته ^^مكتكته))

شكرا لج على الموضوع

طبعنا انا اقول اذا كان الريل محتاج للفلوس عادي لانج انتي اخترتيه علشان يكون شريك حياتج

فاذا كان المراه اهي اللي تصرف على الريال هذا شي ثاني
بس اذا كان محتاج يعني عادي اذا عطيتيه فلوس

وفي مرات يكون الريل محتاج يعني يستحي انه يقول.

وهذا رايي بصراحه


وتسلمين على هالموضوع

[كويتان]

مشكوووووووووووووره كتكوته عالموضوع


أنا من رايي أن الزوج المفروض ما ياخذ من معاش زوجته ألا للضروره او للظروف الصعبه

و بعدين الزوجه المسكينه مو كل شي اهي اتساعد زوجها ايضا الزوج اذا يقدر يعتمد

على اخوانه او امه او ابوه بهالشي اذا ماكو حرج , فالزوج المفروض اهو اللي يعطي

لزوجته على الاقل 100 دينار لها كهديه كل شهر علشان ما تحس بنقص و تحس بغيره

من خواتها او رفيجاتها و ايضا يعطيها لان اهي اتعرف طلبات اعياله اذا كان عندهم اعيال

و ما احب اطول فالحجي و يسلموووووووووووووو عالموضوع

[AWRAD]

تسلمين كتكوته على الموضوع .. دايما متميزة ... عسى الله لا يحرمنا منج
---------

انا مستعده اعطي ريلي كل راتبي ( هذا اذا بقى منه شي :) ) ... لكن في حاله وحده .. اذا اهو رضى لنفسه انه يطلب مني .. لان اغلب الرياييل يعتبرون مثل هالشي اهانه .. وبكل صراحه هذا الشي وايد يعجبني وان شاء الله يكون ريلي من هالنوعيه من الاشخاص

لان الريال اهو المسؤول عن جميع المصاريف وفوق هذا هم لي حق اني اطلب منه مصروف حقي حتى لو عندي راتب.. لكن انا ما اقبل هالشي .. ممكن اني اتفق وياه اني اتحمل مصاريفي ومصاريف شي ثاني .. يعني يكون بينا نوع من التعاون .. وعاد اذا فلوسه زايده ويبي يعطيني .. كيفه اهو حر :)

[3boOod]

انا رايي انا ماله اي حق

فيه واصلا الزووجه لازم تشرط

عليه شرط انا ماله اي شغل بمعاشها

اما اذا هي راضيه هذا شي ثاني

ويسلمووو خيتوو على الموضووع

[كتكووته^^مكتكته]

مملوحه

تسلمين ياحلوة عالمشاركه

يبقى لنا رأي دايما

انا برايي مافي اي قانون يلزم المرأه تصرف على بيتها لو طكانت من اثرياء العالم
طالما انها تحت ظل رجل

حتى وان كان معدما

ولكن

مافي زوجه تحب تشوف عيالها قاصرهم شي او بيتها

ولذلك فهي تعطي وتصرف

ويبقى الامر منوطا بالرجل وحده

شكرا لج

[كتكووته^^مكتكته]

سعودي كشخه

ماقلته وذكرته صحيح

راتب الزوجه لها وحدها

ولكن تبقى هناك ظروف تلزم المرأه بالمشاركه

تسلم

[كتكووته^^مكتكته]

بنت الفريج

شاكرتلج الطله

طبيعي ان كان الرجل يطمع باموال زوجته بتكون حياتهم تعيسه

لكن ان كان الامر لايتعدى غير التعاون والمساعده

هني بيعيشون احلى حياة