يوم تتحول الى امرأه وتتحولين الى رجل.. ماذا تفعلون؟؟

[كتكووته^^مكتكته]

طرا فبالي موضوع

وحبيت اتناقش فيه معاكم


سبب هالموضوع اني كنت اتناقش مع اخوي الصغير بخصوص الديوانيه..
24 ساعه هالولد بالديوانيه

فلان وينك.
بالديوانيه

فلان وين رايح
الديوانيه

فلان متى نروح
عقب ماارجع من الديوانيه



تمنيت اني اكون ولد لمده يوم عشان اعرف شنو فيها هالديوانيه؟؟
المشكله اني مااشوف فيها غير جاي وقهوه وجنجفه واوراق وقلم وطفايه وزقاير
>>>>>> اكتشفت هالشي لاني مره نظفت ديوانيه بيتنا


وشرحلي عاد اخوي المتعه اللي في الديوانيه
انهم يسولفون
ويتقهون
ويلعبون بلوت
ويطالعون مباريات
المهم مااقتنعت


مو هذا الموضوع..

لو حصلك /ج
يوم تتحول فيه الى امرأه ماذا تتمنى ان تفعل؟؟
طبعا شي يكون مو عند الرجال وخاص بعالم المرأه؟؟


وانتي عزيزتي العضوة
لو حصلج يوم تتحولين فيه الى رجل
ماذا تتمنين ان تفعلي؟؟

طبعا الاحتمالات قليله بعد ان حصلت المرأه تقريبا على كامل حقوقها وتساوت بالرجل..

ولكن تبقى هناك خصوصيه اكيد

انا لي طلب واحد
اني اروح الديوانيه

واسهر لي الصبح معاهم العب بلوت
:)

[مملوح كوول]

هههههههههههههههههه حبوبتي كتكوته صدقيني لو تقعدين مني 100 سنه بديوان متعرفين شنو سر هل ديوان خصوصن للرجل وصدقيني وذا تتكلمين عن حقوق المراءه انا اشد المعارضين لحقوق المراءه

وبعدين الديوانيه صدقيني لا انتي ولا غيرج ولا الف بنت راح تفهم سوالف الديوان

وشكراًًًًَ
وبعدين على فكره صدقيني البنت مستحيل تتساوى مع الرجل

[كتكووته^^مكتكته]

مزيون كول

لا تطمن

انا افهمها وهي طايره

راح استوعب بسرعه

بس احنا نقول مثلا
انا مستانسه بانوثتي ومااتمنى اني اكون ريال بيوم من الايام

ماعرفنا شنو الشي اللي ودك تسويه لو تحولت الى امرأه؟؟
بالعربي طلعت عن صلب الموضوع

ودخلتنا بالسياسه

:)

[مملوح كوول]

ههههههههههه اول شي ميشرفني وكبر عار علي اني افكر ورد عليج وقولج لو صرت مراءه شنو اسوي

عياره حدج ذكيه تبين تجريني بل حجي بس والله متقدرين هع هع

[كتكووته^^مكتكته]

مزيون

المسأله ماهي مسأله يشرفك او مايشرفك

لقب مرأه مو عار او خزي

احنا حطينا احتمال للنقاش

وكان فيك ترد او لا

حياك يالغلا

[*TanTosHa*]

[align=center]مشكووورة كتكوووته عالموضوع ..

الصراحه موضوعج غريب ..!

ما فكرت اتحول لووول ..

فما ادري شنو بسوي ..؟

يعطييج العافيه حبيبتي

وتحياااتي ..

*_*[/align]

[كتكووته^^مكتكته]

تنتوشا

اتشرف بمرورج


سألت اختي هالسؤال وقالتي ادش الجيش

ضحكني ردها بصراحه

مع ان هالامر مو مستحيل

لكنه ببلدنا غير موجود

سألت اخوي لو الله حولك يوم لمره شنو راح تسوي؟؟

قال اكل حب

مادري يتطنز علي او من صجه

سألت وحده من صديقاتي تدرين شنو ردت؟؟
قالت اتزوج اربع واحل مشكلة العنوسه


شفتي اشلون ان طلبي ابسط طلب فيهم

كل همي اني اقعد بالديوانيه

:)

[مملوح كوول]

ههههههههههههه
ههههههههههههههههههه
والله ما عرفنالكم يل حريم اذا تزوجنا 4 تقلبون الدنيا تعليق على رد رفيجتج كتكوته
ونا مراح ارد بعد على الموضوع لئنه البعض زعل من ردودي للموضوع

[كتكووته^^مكتكته]

مزيون

شارك وعبر عن رايك

محد يزعل عليك

واذا تقصد ردي

النقاش هدفنا ومنور

[AWRAD]

هلا وغلا بالغاليه كتكوته

انا لو بجاوب على سؤالج الافتراضي

وانتي عزيزتي العضوة
لو حصلج يوم تتحولين فيه الى رجل
ماذا تتمنين ان تفعلي؟؟

اسافر على راحتي :)

لاني الحين لو بغيت شي من بره .. لازم ادور احد يسافر معاي .. عاد وين تلاقين اللي يسافر معاج .. يا مرتبطين بالدوام والا ما يقدرون ياخذون اجازه والا مالهم خلق وغيرها من الاعذار

بس الريال لو بغى يسافر .. على طول يحجز ويطير .. هذا احلى شي :)

ومشكوره حبيبتي على الموضوع

[كتكووته^^مكتكته]

اوراد نورتيني


الفرق بيني وبينج

اني مااحب السفر كلش


انا اذا تعودت على مكان او بيئه صعب اغيرها

يبيلي وقت على ما اتأقلم مع الوضع اليديد



بس صدقتي

متى مابغو يطيرون يطيرون


ويمنون علينا بعد

[*~بنت الفريج~*]

وانتي عزيزتي العضوة
لو حصلج يوم تتحولين فيه الى رجل
ماذا تتمنين ان تفعلي؟؟

امممممم

مو شي :p

بس ابي ادش مدرسة أشوفهم شلون يتعاملون مع بعض ومع المدرسين

وعن شنو يتحجون ؟

احنا تقريباً كله حش وخطط واغاني ووناسة ودراسة بعد طبعاً :p .. مادري الشباب شيسوون ؟؟ يتكلمون عن الكرة والرياضة مثلاُ؟

ابي اشوفهم عالطبيعة

بدون مايتصنعون اذا دشيت على هيئة بنت ^_^



انا مثلج اللي بسويه بسيط

يوم واحد بالمدرسة ~_^

مشكورة على الموضوع

[أمــوووت بالحريبي]

هاااي..

تسلمين حماتي كتكوته ع الموضوع الحلوو لول ..

امممممممم بصراحة الموضوع غريب بس حلو بنفس للوقت ..

آنا عن نفسي لو صرت ريال

راح أعاني من عدم الثقه من الحريم ..

لأني اعرف سوالف الحريم وكيدهم .. واعرف بشنو يفكرون وشنو يخططون ..

وبيني وبينج .. ولا مرة تستاهل الثقه .. الا آنا لوووول

<< جب زين ..

--

وثانكس قلبي ع الموضوع والنقاش الأكثر من رااائع ..

:)

[sun fire]

الغالية كتكوتة
موضوع جميل .. خلقت المرأة من ضلع الرجل وهما مكملان لبعضهما ولا يمكن لأي منهم
بأن يستغني عن الآخر ولكل منهم دوره في الحياة فلا يمكن لأحدهم بأن يأخد دور الآخر
وصفاته والطبيعة التي خلق الله عليها الرجل والمرأة وأنا بصراحة لا أتمنى أن أكون
امرأة ليس تصغيرا لدور المرأة بل على العكس لأني أرى أن للمرأة مهمة عظيمة لا يمكن
أن تؤديها إلا هي وربما كانت تحمل من الأعباء ما لا يطيق حمله الرجال وللخالق حكم
فيما خلق ..
شــــــكراً لك عزيزتي ولا تحرمينا من مواضيع الحلوة
mohammad

[فيرووووس بنـ؟ـات]

تحيااااااااااااااتي

يسلمو على موضوعج ويعطيج العافيه

انا لو بحط نفسي بمكانكم عندي عدة طلبات<< اولا<< العصمه لو تزوجت بيدي << ثانيا << مافي عرس حريم

بالكويت الا واروح عليه<< ثالثا << ماكو سوق بالكويت او مجمع الا واقز فيه << رابعا << اشتري كميه كبيرة

من العلوج لاني بفضي كل مافي قلبي << بالحش << خامسا << اكون جزب نسائي اسمه << الرجل لاحريه له

<< بالاخير اتمنى من الكل يرد ترى مو عيب لان هالسؤال ياما ناس سئلوا انفسهم فيه

تشكراااااااااااااااااااااات