دكتور ممكن ادخل والله كنت ادور موقف.. تفضلي .... برا

[كتكووته^^مكتكته]

][][§¤°^°¤§][][ صباح الخير ][][§¤°^°¤§][][

من زماااااااااان كنت حابه اتكلم بهالموضوع


وبصراحه تكلمت فيه وايد بس مو بالمنتدى..


تخيل انك ساكن بأخر الدنيا

وكليتك بأخر الدنيا

ةطالع مستعيل وحالتك حاله

تتأخر خمس دقايق على ماتدور موقف او مسكتك زحمه او جدامك حاادث معطل السير

ومثلكم عارف لاصار حادث بسيط..

شوف الزحمه عاد.. من هالفضولين اللي بيعرفون شالسالفه

او من هالدوريات اللي ماتعرف تضبط السير

المهم محاضره مهمه .. وانت طالب ملتزم ومو من طبعك الطناش..

تبي تدخل وتشرح للدكتور السبب اللي اخرك...
وانت اساسا متأخر بو خمس دقايق..

ويقولك برا..

شنو موقفك عزيزى العضو عقب اللي حصل؟

وتتوقع ليش هالدكتور مااعذرك؟

هل لانه قيادي وملتزم ويبيك عبره لغيره؟

والا اغلب الدكاتره بما انهم يملكون سيطره ونفوذ وهالامر مشروع لهم لازم يطبقون نفوذهم؟؟


انا بصراحه حصل معاي هالموقف ايام الكليه بس مع استاذه مو دكتور

عاد انا مانطرت رحت سيده سحبت الماده

في دكاتره والله مايقدرون ..
يعني ياي من صباح الله خير وماعندك غير هالمحاضره ومايدخلك

شسوي عقبها ارد البيت؟

طبعا في طلبه ماينعطون ويه دايما متأخرين..

بس في اساتذه هم مايقدرون الضغوط اللي يعانيها الطالب ويصدرون قرارات تعجيزيه..

اذكر في دكتور ايام الكليه كان حاط قرار خلانا كلنا مانقول حق زملائنا مكان تواجدنا


قراره كان

اذا كنا بالمحاضره ويا واحد من بره المحاضره وطلبني .. راح انطرد واحسنلي ماادش المحاضره عقب مااروحله..

تصورو عاد

وشوفو حركات النذاله اللي كانو يسونها فينا زملائنا من عرفو قرار الدكتور الدكتاتوري

اخواني الاعضاء...

ياليت كلنا نتشارك بمناقشه هموم الطالب بالكليات .. واهم الامور اللي ينظلم فيها..

وتعسف الدكاتره.. البعض منهم..

نتناقش بأسلوب حضاري لا انحيازي..

ولاتنسون



النقاش هدفنا

[AWRAD]

يعطيج العافيه كتكوته ... خووووش موضوع
--------------


ايام الدراسة .. كنت اتعمد ما اخذ مواد الساعه 8 الصبح .. علشان الزحمه..مع ان بيتنا قريب من الكليه .. بس الزحمه داخل منطقتنا مو طبيعيه

واتذكر اني مره اضطريت اخذ محاضره هالحزة .. بس الدكتور ما كان يتعامل باسلوب الطرد .. كان يقول اذا طافت عشر دقايق راح احسبكم غياب .. وعقب 6 غيابات على طول حرماااااان من الماده.. بالبدايه ما صدقناه .. لما سواها بواحد من الشباب اللي كان ويانا .. عقبها انا كل يوم الساعه سبع وربع اكون بالكليه :)


و دكاترتنا اغلبهم ما يطردون .. بس اللي يتأخر دايما يحطه بباله .. وعاد شوفي شيسوي الدكتور .. ما في بونس حق هالطالب ( واحنا محد يساعدنا غير هالبونس :) )..واذا هالطالب مو فاهم .. الدكتوور ما يرد يشرحله ويقوله اذا تبي تفهم تعال مبجر .. وبعدين اذا الدكتور كان قاعد يشرح ويبي يبسط المعلومه يعطينا مثال .. وعلى طول ياخذ هالطالب مثال توضيحي
يعني باختصار .. بدال لا يطرده يوم .. يمسخره طول الكورس

واغلب الدكاتره ما يصدقون اعذار الطلبه .. مو لان الطلبه مثل ما قلتي ملتزمين.. او ان الدكتور يبرز نفوذه .... السبب الاساسي واللي اغلب الدكاتره يصرحون فيه : انهم تعودوا على اعذار الطلبه
ويقولون اذا الطالب دش متأخر اكيد راح يقول : زحمه , مالقيت موقف, راحت علي نومه (هذي كله تصير فيني :) ),السيارة اختربت .... وغيرها

وبصراحه هالموضوع لو بتكلم فيه لي باجر ما راح اخلص .. راح اكتفي بهالقدر بس :)


تحياتي

[كتكووته^^مكتكته]

تسلمين غلاتي اوراد


انا ادري ان الدكاتره اشبعو من اعذار الطلبه

بس هذا مو عذر

لان اغلب الطلبه فعلا تكون حاشتهم هالزحمه


المشكله بحب السيطره والنفوذ اللي مسيطر على اساتذتنا

ناسين انه اذا دعتك قدرتك على ظلم الناس فتذكر قدرة الله عليك

[سعودي رايق]

كتكوته يا حليلك ابعد مسافه عندكم 10 دقايق

بس عندنا في جده عينك ماتشوف الا النور اقرب مسافه 20 دقيقه

يعني الواحد يحسب حساب ساعه قبل الدوام

والمفروض الواحد يقدم ساعته 15 دقيقه عشان ما يتاخر

... ثانكس كتكوته واشواقي وتحياتي لاهل الكويت الحبيبه

[كتكووته^^مكتكته]

الغلا رايق

اهل الكويت كلهم يسلمون عليك وناطرينك

صحيح ابعد مسافه عندنا عشر دقايق

بس الزحمه

وخصوصا الغزالي


تنطر عشر ساعات


:)

تسلم ومنور

[الكل بالكل]

كتكوتة


مشكورة يا الحبيبة على مواضيعج

آنا معاج ومو معاج

أقول ان بعض الدكاترة ما ينلامون

الطلاب يجونهم متأخرين ليس شنو السبب

تلاقيهم سهرانين على الموبايل وماله خلق يصحى الصبح

أو لأى سبب ماله خلق يقعد الصبح ويتأخر

والدكاترة اذا بيتركون الحبل على القارب جان خربت الكليات

ما شاء الله طلابنا ما ينعطون ويه

اذا سامحهم مرة بيقول في نفسه ايه سامحني هذا طيب أو أهبل مو مشكلة لو تأخرت مرة ثانية

فعلشان جذى المفروض الدكتور يكون حازم من أول ويعلم الطلاب الالتزام

بس هم في دكاترة أقولج مفتريين

بس هم أقول الإنسان لازم يكون ملتزم وخصوصا بالوقت

مشكورة وهذا رأيي يمكن يزعلون علي اخواني الأعضاء الطلبة بس كيفهم

مثلا عندج دوامنا

كان بس توقيع على دفتر وكان مدير شئون الموظفين متساهل معانا

فكان اللي يتأخر يطلع له الدفتر ويخليه يوقع

وصار الموضوع سبهلله الكل صار يتأخر

بعدين جابولنا نظام البصمة وحطوا نظام شامل فيه خصم وعقاب وحساب

وعينج ما تشوف الا النور

الحين الكل ملتزم

وتشوفينهم الساعة 8 يتزاحمون على التوقيع

والا أول يدامون الساعة 9 و 10 على الراحة مستغلين هالريال المسكين اللى معطيهم ويه

اشمعنى الموظفين الباقي ملتزمين يعنى

ليش مو مثلهم والا شنو

بس أرد وأقول النظام ضرورى والحزم ساعات يكون ضروري

مشكورة يا الغالية

[كتكووته^^مكتكته]

الكل بالكل

فعلا النظام ضروري

واحترم الناس عشان تحترمك

بس والله في دكاتره مفترين صج

تذكرين انا ايام الكليه اشلون كنت اكرف
وموعاجبهم

واخر الكورس نتوسلهم عشان ربع درجه

وفي نصهم معذور

تسلمين يالغلا

[فيرووووس بنـ؟ـات]

تحياااااااااااااتي كتكوته

يسلمو على الموضوع ويعطيج العافيه

انا اقول ان في هالموقف الدكتور لازم يعطي فرصه او فرصتين بالاول للشخص اذا كررها عاقبه بعدم الدخول

ولو انا في هالموقف اطلع والسلام لان حتى لة ترجيناه بيصمم على رايه لان اغلب الدكاتره ينظرون بانهم الكل

بالكل وانهم اصحاب القرار ولا يراعون شي الا انهم يعطون المحاضرة وخلاص

تشكراااااااات

[BaSKo0Ta]

ميرسي كتكوته على الموضوع الحلوو وايد مثلج..

الصراحه انا مرات أتأخر على محاضراتي بس الحمدالله ما طحت بدكتور "ديكتاتوري"..

وعموماً.. من حق الطالب الملتزم انه يعذره الدكتور.. لكن الطالب المستهتر يستاهل الطرده :)

يسلمووو مره ثانيه :)

[كتكووته^^مكتكته]

فيروس

منور يالغلا


هذا حال اغلب الطلبه والله

[كتكووته^^مكتكته]

بسكوته

اي غلاتي التزمي

لاتطيحين بيد دكتاتوري مثل اللي صار معاي
وكرهت عتبة الكليه عقبه