لو رفضت الهدية ؟؟؟

[HoNeY RoSe]

السلام عليكم ورحمة الله وبركاته

وش يكون موقفك لو اهديتي إنسان عزيز عليك هديه مهما كانت قيمتها ومثل مانحن عارفين ان الهديه بمعناها وليس بمادتها وقيمتها صح <<<< أحب اتفلسف هههه
وإنتي بتهديه الهديه أخذها منك بطريقه ماتتوقعيها يعني بطريقه أستهزائيه ماني عارفه كيف اوصلكم يعني قابلها بطريقه انتي ماتوقعتيها وبدأ يحتقرك ويحتقر الهديه اللي قدمتيها أنتي تشوفيها غاليه ومناسبه له لكن هو يشوفها تاااااااااافهه
وش تكووووووون ردت فعلك ولا تنسوووووو هو انسان عزيز علييييييك حيل


هذا الموضوع .. قريته باحد المنتديات .. يعني منقول ...
بس صراحه ابيي اعرف شنو بتسوون لو صادكم هذا الموقف


وانه عن نفسي .. راح اخذ الي عطيتها اياه وارده بالكيس بكل احترام بس .. انه مايموت ليي ذنب يعني بطلعه منها في شيي ثاني .. وبنفس الاحراج الي سوته لييييي

تحياتي

[AWRAD]

لو انحطيت في مثل هالموقف ..راح اخليه يكمل استهزاءه وما راح ارد عليه بأي كلمه.. حتى زعل ما راح ازعل .. بس طبعا هالشي راح يحز بخاطري وراح احاول اني ما ابين هالشي

بس اذا في يوم من الايام قدم لي هديه .. راح امدحها حتى لو كانت بسيطه.. واقوله ما يهمني شنو الهديه .. اكثر شي يهمني انها منك .. ومن هالكلام :) .. وقتها راح يحس بالاحراج ويتذكر موقفه ويستحي على دمه .. بس اذا ما حس بهالشي .. هذي مشكلتي اني عزيت انسان عديم الاحساس



شاكرتلج على هالموضوع حبيبتي .. الله يعطيج العافيه

[كتكووته^^مكتكته]

غاليتي امراه الحديد

الرسول عليه الصلاة والسلام قبل الهديه


وقال تهادو تحابو

لو قدمت هديه ومااعجبت الشخص اللي اهديته او استهزأ فيها

بكتفي بابتسامه


لان الدين علمنا انا نقابل الاساءة باحسان


بزعل فبدايتها يمكن

بس عقبها بطوف

خصوصا وانج ذكرتي ان هالشخص غالي علي


تسلمين

[HoNeY RoSe]

يسلموو اوراد ع المرور والرد

وانه لين بردها ما بردها بالهدية بردها بشي ثاني يعني بكلام مثلا ...

منوره حبيبتي

[HoNeY RoSe]

كتكوته
مشكوره خيتو ع المرور والرد الجميل ..

وكلام الرسول واجب علينا .. وان شالله مايصير لنا مثل هذا الموقف

تحياتي

[الزعيـــــم7]

يعطيج العافية خيتو



طبعا صدمـــــــــــــــة


وبجذي اعرف قيمتي عنده


موقف مؤثر


ينفع مشهد مسلسل


ل ووووووووووووو ل

[سعودي رايق]

أمرآة الحديد

موضوعك حلووووو مره

بس بصراحه الواحد بينصدم من الموقف

ولكن اكيد بتظاهر بلامبالاه حتى يكون الموقف معقول شويه

وكما قال المثل الذكي هو من يتجاهل أخطاء الآخرين

.... انشالله مايصير مع أحد منكم لانه موقف مزعج جداً

[الكل بالكل]

العزيزة أمرأة الحديد


بصراحة باخذ الهدية وأرجعها الكيس

وأقوله انت مو كفوا أهديك

انت كفوا حشاكم الزباله

لأن أهاني آنا اللى متعبه روحى ورايحة شارية هدية وصارفة فليساتي ومغلفتها ب 6 أو 7 دنانير من بوابة الهدايا وبالآخر يفشلني يخسي الا اهو

وأعطيها لشخص ثاني

تدرين علشان أوفر

مشكورة يا الغالية

[انفلونزه البنات]

امراة الحديد اشكرج على الموضوع

وصح الهديه مو بقيمته الهديه لها معنه وهو في قلوبنه


وحاب اقدملج هديه انشالله تعجبج

المسافر راح راشد الماجد

[HoNeY RoSe]

مشكور اخوي الزعيم ع التواجد

وان شالله مايصير لك مثل هالموقف

..

[HoNeY RoSe]

صح كلامك اخويي كشخة ..

مشكور ع العموم ع الرد والمرور

يعطيك الله العافية

[HoNeY RoSe]

الكل بالكل

مشكوره يا الغالية ع المرور ..

وترى انه مثلج يعني بسووي .. بس ترى اهو اسلوب غلط وادري انه غلططط بس ما اقدر .. اردها اردها :>

منوره يا الغالية

[HoNeY RoSe]

مشكوره خيتو انفلوزا البنات ع المرور الطيب

منوره يا الغالية

شكرا غناتي ع الهدية ... انتي هديت المنتدى يا الغالية

[بقايا أثر]

إمرأه لألألألألألألألألألأ

صار فينى هالموقف والله العظيم

بس شلون صار الحين اقولج

شوفى انا ولدى عايش عند ابووه وعمته اهيه ادرسه مو انا

فلمن ياب الشهاده امتياز استانست لان عمته صج تعبت معاه

وقلت حق ولدى ماما حبيبى شنو تبى هدية نجاحك قالى ابى اكس بوكس

ورحت شريت لعمته بووك ماركه وغلفته وكتبتها كرت شكرتها فيه

ولكن الصدمه لمن عطيتها حق ولدى يوصلها لعمته ردتها

يقولى عمتى ما تبيها

انا علامة استفهام على ويهى وضغطى نزل وقمت احس جسمى قام يرجف والله ما ابالغ يومها تعبت ورحت المستشفى حطووولى درب

حاولت معاها كلملتها ما رضت تقبل الهديه ورجعت مكسورة الخاطر وبجيت

وقلت الله يسامحها

ونسيت الموقف الحين

ويسلموووو على الموضوع

[ملك مملكه الحب]

الله يعافيك على موضوعك انا الحمد لله ماصارلي بس لو صارلي


ابقول الشرة مو عليك الشرة على الي جايبلك الهدية وبصفقة وحط الحرة فية والله انة مايستحي

طيب اقبلة قدامي وبعدين حطها في الزبالة مو تهيني كذا

ومشكورة مرة ثانية على موضوعك الحلو