الدين النصيحه.. ولكن من يقبل النصيحه اليوم؟؟

[كتكووته^^مكتكته]

][][§¤°^°¤§][][السلام عليكم ورحمه الله وبركاته][][§¤°^°¤§][][

اخواني اعضاء منتدى كويت 777 الكرام

من واجب المسلم على اخيه المسلم ان ينصحه.. ويرشده اذا اخطأ.. حتى في حال عدم حدوث الخطأ. فديننا دين النصح والارشاد.


ولكن من يتقبل النصيحه اليوم؟؟
لااحد؟

مجرد ماتنصح احد..
بيقولك ..
انصح نفسك اول..

انت شكو؟؟

مو شغلك..


فاقد اشيء لايعطيه والى اخره من العبارات اللي نسمعها كل يوم..

للناصح عده جوانب يجب ان ييركز عليها..
مايمشي وينصح...


لان فعلا في ناس ماتتقبل نصيحه..


عزيزي العضو.. .


لو جاءك شخص قريب كان او بعيد.. ونصحك.. هل تتقبل نصيحته؟؟
لو نصح بان تأتي امر انت غير مقصر فيه.. ماهي ردة فعلك؟

من هم الاشخاص الذين تقبل نصيحتهم؟
من هم الاشخاص الذين لاتتقبل منهم نصيحه؟؟


ضع نصيحه هنا... لاخيك او اختك بالمنتدى..


نصيحتي للغلا

missy
وعاشقه تويتي وجوري.. شدو حيلكم بالدراسه وموفقين حبايبي





لاتنسون يااخوان

النقـــــــــاش هدفنا

[فيرووووس بنـ؟ـات]

تحياااااااااااااااااااااتي كتكوته

يسلمو على الموضوع ويعطيج العافيه على هذا الجهد

انا اسمع النصيحه في شتى اشكالها ومهما كانت ومن اي شخص صغيرا كان او كبير لان بالاخير بتعود علي

بالمردود الطيب ولو نصحوني بشي مو مقصر فيه ازيد من جهدي في هالعمل لابرهن لهم اني مو مقصر في شي

لا اقبل النصيحه من شخص ينظر للامور بعين وحده او بانانيه

تشكراااااااااااااااات

[كتكووته^^مكتكته]

الغلا فيروس


تسلم هالطله يارب

انا عكسك

اسمع النصيحه اوكي
بس موكل النصايح اتقبلها

لانها مو كلها تصلحلي
في ناس تاخذ الشكل وتنسى المضمون والنيه

عشان جذي

انا مومشكله اللي ينصحني اقوله جزاك الله خير

بس مااطبق نصيحته الا اللي اشوفه مناسب
او من اهل خبره ومعرفه وناس اثق فيهم

مايجوز نقبل نصيحة ناس مو ثقه

[^ولدشيوخ^]

هلا كتكوتتنا

بالنسبه للنصيحه اهي بحد ذاتها شيء جميل اتمنى اي شخص يقولي اي شي على شان جذي انا اتقبل النصيحه من اي شخص سواء كان قريب او بعيد << هذا اذا كانت فعلا نصيحه

وسواء كنت مقصر في الجانب اللي نصحني فيه او مو مقصر بقوله جزاك الله خير وماقصرت لان اهو مانصحني الا لأنه يبيلي الخير

اتقبل من كل الناس وبالاخص اهلي جماعتي ربعي لانهم اهم دايما معاي واكيد معاهم اكون تحت المجهر فراح اكون قدامهم مكشوف

مااتقبل من شخص يقصد من ورى هالنصيحه الاهانه او التجريح

مااتقبل النصيحه اللي قدام الناس كلها وعلى مراى ومسمع من الجميع << النصيحه هذي انا ماحبها بغض النظر عن نية الناصح في ناس يمكن تقصد الاهانه والتجريح وفي ناس يمكن على نياتها تقصد النصيحه << انا ماحب هالنوع من النصيحه

اذا انت شايف على شيء تعال قوله لي بيني وبينك وانا بتقبلها بكل سعة صدر لكن انك تقوله قدام الناس هذا اللي ماحبه

==

نصيحتي لكل شخص في المنتدى انه يحافظ على صلاته لانه اهي عماد الدين وان صلحت صلحت اعماله كلها وان بطلت بطلت اعماله كلها

==

عساك على القوه كتكوتتنا وربي لايحرمنا من مواضيعك الجمييله

[سعودي رايق]

موضوع جميل منك يا سكرة

والحقيقه الواحد صار يخجل ينصح احد

والسبب عدم تقبل الناس للنصيحه

والدافع لذلك هو العزه بالاثم والكبرياء وبعض الناس يقول لقافه

والحقيقه اذا ما تناصحنا غرقنا جميعاً في بحر الذنوب والمعاصي والله يستر

..... وانا اتقبل النصيحه بشكل رحب ولو كانت النصيحه على شكل مزاح لكانت اقوى

[الكل بالكل]

كتكوتة

وايد قاعدة تلهمطين

سمعي يا الغالية، الناس بشكل اجمالي ما تحب النصيحة وساعات وايد ما يتقبلونها

يحسون كأنج قاعدة تعلمينهم أو يحسون انهم غلطانين

وكل شخص يبي يحس انه اهو صح والباقي غلط

بصراحة حبيبتى آنا مع النصيحة وأتقبلها من أي شخص كان قريب أو بعيد بس انتى تعرفيني ساعات أتقبلها وأنفذها وساعات أتقبلها وأعاند وأروح وطي

أما بخصوص سؤالج عن اذا نصحنى شخص بشئ آنا مو مقصرة فيه، أحاول على كثر ما أقدر أشرحله انى مو مقصرة وأوضحله وجهة نظري

بس على العموم آنا ما أقبل النصيحة من شخص اهو نفسه ما يقوم فيها

وأحب أوجه نصيحتى لج انتى بالذات انتي بالذات يا كتكوتة

خففي من اللهمطة وديري بالج على نفسج ولحقي عمرج ولاقيلج وظيفة

يعنى قومي الصبح واسألي ودوري وراجعي كل مكان

وشفيها وظيفة حفار القبور اللى انعرضت عليج

انتى أحسن من اللى يشتغلون فيها

سمعى النصيحة حبوبة

[HoNeY RoSe]

مشكوره حبيبتي ع الموضوع الحلو

وانه عن نفسي ما اقبل النصيحة من كل من ... حتى لو من اقرب الناس الا اهي امي لين نصحتني وما عجبني الا قاله ما اسويي الي نصحتنيي فيية

وطبعا مو الكل ارضى يجيي ينصحنيي .. لانه مفرووض الي بيي ينصح يكون .. اهوو قايم بالشي الي بينصح فية .. ويقولون شوف عيوبك قبل عيوب غيرك .. >>> ادري مايناسب مكان المثل بس ماعليي ... فيعني اذا اهو جى ينصح ينصح روحه قبل مابنصح الغير
وبس

وشنو اقدم نصيحة للاعضاء .. الله يوفق الجميع ... يارب .. وان شالله كتكتوته تحصل على شغل زيين ومناسب اليها ..


سي يو

[Najma]

بالعكس انا احب الشخص اللي ينصحني

احس يكبر بعيني

واهوا مانصحني الا لأن يحبني

بس تكون النصيحة بآدابها

أتوقع ان الناس ماقاموا يتقبلون لأن وايد من اللي ينصحون يوجهونها بهجوم وانتقاد

مايقدمونها باسلوب حلو

[AWRAD]

لو جاءك شخص قريب كان او بعيد.. ونصحك.. هل تتقبل نصيحته؟؟

انا اتقبل النصيحه من الكل ما عدا من الاشخاص اللي يتفلسفون .. لكن ما اطبق اي نصيحه الا بعد تفكير واقتناع فيها


لو نصح بان تأتي امر انت غير مقصر فيه.. ماهي ردة فعلك؟

بهذي الحاله .. اول شي اشكره على النصيحه وما اكتفي بهالشي .. راح ابين له اني مو مقصره بهالشي وقاعده اعطي كل اللي عندي .. واحاول اناقشه اكثر علشان اعرف سبب تقديمه النصيحه .. لان اهو ما نصحني الا واهو شايف شي انا يمكن مو شايفته .. واذا بين لي اني مقصره في ناحيه انا كنت غافله عنها راح احاول اعطي اكثر


من هم الاشخاص الذين تقبل نصيحتهم؟

اتقبل النصيحه من اهلي كلهم .. كبار وصغار .. حتى اختي الصغيره اتقبل منها النصيحه
اما خارج نطاق الاهل .. اتقبل من الكل ما عدا الاشخاص اللي يتفلسفون ويسوون روحهم فاهمين.. لان هالنوعيه من الاشخاص يتكلمون في شي يمكن اهم مو فاهمينه واذا دشيت معاهم في نقاش يمكن ما راح نخلص .. علشان جذي اذا حاولو ينصحون استمع لهم لكن ما اهتم


مشكووره كتكوته على الموضوع .. ونصيحتي لج دوري لج على وظيفه ترى قعدة البيت تملل وتمرض :) .. واذا تبين اي مساعده ترى من عيوني

[كتكووته^^مكتكته]

ولد شيوخ

منور يالغلا وماقصرت

شرفني هالمرور وهالتواجد الحلو



اسمع نصيحتي
وهالله هالله بالبرد

:)

[كتكووته^^مكتكته]

رايق

معاك حق

محد قام يقبل بالنصيحه هالايام


الكل عند نفسه اهو احسن من غيره

نصيحتي لك..
ماعليك بأحد

واسمع كلام نفسك ان كانت شايف انك صح

[كتكووته^^مكتكته]

الكل بالكل

مشكله وظيفة حفار قبور دوامهم شفتات وانتي تدرين انا مااحب قعدة الصبح

:)



نورتيني يالخاله

مشكله انج خالتي

لو الاقي وظيفه تليق بمقامي مااتأخر

:)


منوره

بس تذكري

اكثر الناصحين اكثرهم حاجه للنصيحه

:)

[كتكووته^^مكتكته]

نجمه


مشكله الناصحين هي عدم اختيار الوقت المناسب لالقاء النصيحه

ولا انتقاء الكلمات المناسبه

علشان جذي محد يسمعلهم حتى لو كانو على حق

انا لو توجهلي نصيحه وتكون بمصلحتي لكن بأسلوب فض وجاف

ماراح اتقبلها لو تنقلب السما عالارض

منوره يالغلا

[كتكووته^^مكتكته]

امرأه الحديد

نورتيني ياحلوة

شاكرتلج مشاركاتج وتواصلج العذب معاي

لا خلا ولاعدم

نصيحه...
جابلي شهادتج ودروسج..
ترى هي سلاحج بهالزمن

[كتكووته^^مكتكته]

اوراد

ادري ان قعدة البيت مو شي

بس هذا نصيبي
وكل بياخذ رزقه بهالحياة

وانشاءالله كل تأخيره فيها خيره


منورتني يالغاليه

دايما وجودج يسرني والله