قضية البدون وابناء العسكريين الى متى ؟ ارجو التثبيت

[مملوح كوول]

بسم الله الرحمن الرحيم

قوه احبائي اعضاء المنتدى الكرام

نحنو نطالب حقنا ونطالب ونعلي صوتنا ونخلي العالم كلها تسمع اين حقوق الانسان

نطالب بتجنيس العسكرين الي شاركو في حرب 2/8 جميع العسكرين

يعني يرضيكم بالله عليكم يجنسون مغنيه او مغني ويسمونها بخدمات جليله

ونحنو ابناء العسكريين وين حقنا


الي دفعنى عن ارض الوطن بشرف وين حقنى اين الجواب ؟
وفوووووووق هذا تم جبر معظم العسكرين عدل وضعك او تسريح من الجيش فضطرت فئه
بتعديل وظعهم الي صومالي وارتيري تخيلو هذا الطقيان

والله كريم واملانا بشيخ صباح الاحمد كبير جداً

بلادي وان جارت علي عزيزة ** واهلي وان شحوا علي كرام

[كتكووته^^مكتكته]

مزيون الغالي


للاسف

من افنى حياته بخدمة هالارض الطيبه

دافع عنها وضحى بعمره بصد العدوان


لايندرج تحت بند اعمال جليله

انما من يغني.. ويقط جم كلمه فيها طنازه عالقبايل الكويتيه والانديه والديره

يستاهل الجنسيه

والبند

اعمال جليله

شر البليه مايضحك

امور تحتار احيانا ان كنت راح تضحك والا تبجي والا تضرب كف بكف وتقول لاحول ولاقوة


نعم..

هناك من يحملون الجنسيه المزدوجه بالبلد

وللاسف يتغاضون عنهم برضاهم

وهناك من يتحمل الكثير الكثير..
لا شهادة ميلاد

لا هويه

لاتعليم
لا مراجعه طبيب


والسبب بدون..

ماوايد ناس بصمو من سنين وعطو الجنسيه حق كاري وماري

وخلو اهل الجنسيه الاصيلين واللي فعلا يستحقونها


انا بصراحه ادعو كل البدون انهم يصيرون مطربين وممثلين وغيره من الاعمال اللي راح تشرف البلد
وتيبلهم الجنسيه مثل مايابتها لغيرهم

عالم غريب

[بقايا أثر]

والله ما ادرى شقووول

واايد ناس انظلمت

والله كريم اخوووى

[BIG^BOSS]

السلام عليكم ورحمه الله وبركاته


يعطيك العافيه اخوي على الموضوع ومشكور وماتقصر في ناس تستاهل والله ولزم تاخذ حقهاا

العسكريين وابناء الكويتيات والذي لديهم اقارب كويتيين والي عندهم احصاء 1965 يستاهلون التجنيس

وحرام والله الناس اضيع لزم ياخذون حقوقهم في ناس حرام اعمارهم صكت 35 سنه بدون شغل وزواج


اسراه كامله شلون تعيش بدون عمل واكثرهم يشتغلون براتب 200 او 150 دينار شلون يعيش اسرته


بس نشالله محد راح يضيع حقه وذاا ماخذه حقه بدنيا ياخذه بلاخره والله مع الصابرين ومشكور اخوي مره ثانيه.

[كتكووته^^مكتكته]

اخوي الغالي مزيون


مافي احد له فضل على الكويت

فترة الاحتلال وايد ناس ضحت

كويتين
بدون
سعودين
من ضمن الاسرى حتى لبنانيه كان فيه



اتمنى انك تحذف بعض ردودك

حكومتنا مو ظالمه..
والا جان طردت البدون من زمان من البلد

اهي مسألة وقت

وهذي اجراءات لازم تاخذ وقتها
خصوصا ان الاغلبيه ترجع حق اصول مختلفه ولازم يثبتون ويبصمون وغيره


انا اقول مسأله وقت

اما سالفة الله عالظالم وهالامور لا اسمحلي

احنا بديرة عدل وخير وسلام انشاءالله


وياليت مايتصعد الموضوع

[مملوح كوول]

اشكرك حبوبي بق بوس على ردك وتعاطفك مع البدون

[مملوح كوول]

ونتي ياكتكوته اشكرج على تعليقج ورد عليج وقولج خير انشالله خير انشالله

[فتى ساوباولو]

وانا راي من راي اختي كتكوته مكتكته

[عازف السيمفونية]

أنا ماني عارف .... أنتم إذا تناقشتوا في شي ...، واختلفتوا في نقطه ... تختلفون شخصياً

يعني .... المفرض الكل يؤمن بإختلاف وجهات النظر
أنا من وجهة نظري إن البدون هم اللي حرروا الكويت .. وغيري يشوف أنهم مالهم الفضل كله بتحرير الكويت
طيب وش المشكله ..، رآي آخر ...، من أداب الكلآم أني أحترمه


ع العموم شكراً مزيون كول ع الموضووع والنقاش الجميل والحامي

وينقل لـِ منتدى المناقشات الجادهـ

[NSNoOoS]

مزيون صراحه انا اعتب على الحـــــكومه الكويتيه
لان الناس هذي تستحق هذا الجنسيه وبشرف
الي ضحا بعمره وروحه للكويت وهلها
معقوله ما يعطونه ورقــــــــــه,..؟
على فكره كلها ورقه يعني لتسير امور حياتهم

بعدين احنا كلنا اخوان مسلمسن والرسول المصطفا عاش من غير جنسيا أفا معقوه ورقه تفرق بين المسلمين

بعدين ارد على كلامي اني اعتب على الحكومه الكويتيه
اي نعم صراحه ما توقعت جذي
يعني تجنس المـــــــــــــــــــصري
والهــــــــــــــــــــــــندي كومار
هذي اعمال جليله
الله يعين البدون من اخوانا ونشالله ندعيلهم
ونشالله الشيخ صباح مايقصر معاكم هذا

[مملوح كوول]

اشكرك اخوي عازف على تعليقك

وشكرك اخوي نسنووووووووس على صراحتك وشجاعتك بل كلام بس وين الحق وين حقوق الانسان بالله عليكم
وين العدل وين الانصاف ناس صكت اعمارهم فوق 35 مو متزوجين ناس لاوضيفه ولا هم يحزنون صدقوني
يناس يعالم قاعدين يستقلون ابناء البدون بقضيا هم قنه عنها وناس تستقلهم بطريقه او اخرا