بين نارين

[كتكووته^^مكتكته]

اغلبكم ظن اني اسوي دعايه حق الكنفاني






بس ولا يهمكم

عقب الموضوع


بيبلكم بين نارين ومبرومه بالجبن وبسبوسه وزلابيه

وكل شي تبونه




اخواني الاعضاء




مسكين هالريال



مو عارف شيسوي


وطاح بين نارين




ام متسلطه



وزوجه شكايه




بعض الامهات هداهم الله تحن وتزن عشان تزوج ولدها

ومن يتزوج



ناشبته اهو ومرته




تصير مثل خالتي قماشه واخس





ونيي عاد حق الزوجه


امك وامك وقالت وسوت وقطت نغزه وقالت ان مرت اخوك فلان احسن مني وهالحجي








يروح حق امه



يلاقيها مسكينه الدموع اربع اربع

ومرتك ومرتك



شيسوي اهني؟؟



ضاع بين امك وزوجتك




انا دايما القي اللوم عالزوجه


مو لانها غلطانه

انما لأنها لازم تكبر عقلها

وتاخذ خالتها على قد عقلها

وتطوف


عشان تمشي السفينه


بنظري الزوجه الذكيه هي اللي ماتشتكي حق زوجها من فعايل امه لو حتى تقطعها

وتفكر بألف طريقه تكسب ودها

واذا مانفع تحاول وتحاول


وماتعدم وسيله



هذا رايي طبعا وكل واحد عنده راي مختلف اكيد



اخوي العضو



على فرض انك مثل صاحبنا..
شتسوي؟؟

انت وحيد اهلك

او انت المعيل الوحيد لهم

الخ


ماتقدر تطلع فبيت بروحك

ومافي فايده مع زوجتك ولا امك

شالحل؟؟

تهج من البيت؟


تحاسب امك؟؟

تطلق زوجتك لعيونها؟؟


بتزوجك غيرها وينعاد المسلسل



اختي العضوة


لو انتي مكان هالجنه

وكل يوم

مسلسل هالخاله يتكرر معاج


وماتنفع الشكوى


شتسووين؟؟


تطلبين بيت بروحج؟؟

تزعلين فبيت اهلج جم يوم؟؟؟


يا انا يا امك؟

والا لج راي ثاني









اخواني لا تنسون





















النقاش هدفنا

[سعودي رايق]

كتكوته موضوعك بدري عليه تونا ما جربنا

بس ممكن نشارك فيه

اذا زوجتي ازعجتني بالشكاوي اقولها عندك الشرطه وهي تحل الموضوع

... اما الوالده الكلام الطيب يجيب نتيجه معها

[دافع الشوق]

يكفي ان الجنة تحت اقدام الامهات
المره بداله مره
بس الام ماتنعوض ابد
واللي مافيه خير لاهله مافيه خير للناس









ومشكووووووره ياصاحبة المواضييع المميزه
كتكوته

[كتكووته^^مكتكته]

سعودي

وليش تروح الشرطه وانت موجود


:)


انت فيك الخير والبركه

وتقدر تحل امورك


صحيح ان الشرطه في خدمة الشعب



بس من هذي ريحهم

:)

[أحبّكـْ يامرّوح]

[align=center]أختي .. كتكووتهـ^^مكتكتهـ ..

اختيار موفقـ لمشكلة إجتماعية تتفاقم يوما بعد يوم ..

الحل كلهـ يتمحور حول شخصية الزوج ومدى قربه الى الله سبحانه وتعالى .. فالمرء حين يكون قريبا من المولى تحيط به هالة من النور والوقار يصعب على أي أمرىء خبيث من حوله التخطيط لأملاءات تخدم أنانيته الشخصية وحب الأمتلاك لديهـ ..

من تركـ نفسه بلا ثوابت أصبح كريشة يتلاعب بها الهواء كيفما شاء .. والزوجة لن تتجرأ من الأصل على التفكير بوضع الأم في تلك المكانة الدونية .. وتتجرأ على زوج هي تعلم مدى قربهـ وتمسكهـ بتعاليم دينهـ ووصايا ربه عز وجل ..

- الأم الصالحة التي ربت ولدها على تلك المبادىء والثوابت ... لن تضع نفسها ومكانتها العالية بمقارنة مع الزوجة .. بل تلجأ الى الدعاء ليهدي الله زوجة إبنها ويصرف عنها وسوسة الشيطان وتلك الافكار القبيحة التي تراود الزوجات ..

التملكـ والتفرد ... صفة بشعة جداً .. ( لو أنني متزوج ) .. ووجدتها بزوجتي وما أستطعت أن أزيلها عنها لأنصرفت عن ذلك الزواج الى إمرأة تدرك أنني لم أخلق لأكون عبداً لها ولرغباتها المجنونة ..


.. والإختلاف بالرآي لا يفسد للود قضيهـ ..


ومشكورهـ على هالطرح الهادفـ ..[/align]

[كتكووته^^مكتكته]

احبك يا مروح


ونعم الراي السديد


الامر مافيه اي نوع من الملامه للزوج


ولكنه يتطلب قياده ناجحه

وفكر حكيم

امسك العصا من النص


وحاول ان تتدارك الامر قبل ان يتفاقم وتزرع العداوات وتنتصب في المنزل

فيفلت من يدك زمام الامور


عندما اواجه من احد المقربات

صديقه لي مثلا

متزوجه وتشكي ام زوجها

اول ماسألها عن شخصية زوجها


فالرجل العاقل


لا يسمح للدسائس النسوانيه ان تتواجد في حكومته


والا قل عليها السلام

احبك يامروح

تقبل عظيم الشكر

[BaSKo0Ta]

ميرسي كتكوته على الطرح الجميل..

انا راح أحاول أكسب خالتي بالكلام الطيب أو يوم أطلعها معانا انا وريلي أو أسويلها طبق أراضيها فيه أو أشتريلها هديه..وماأنساها بعيد الأم..

أكيد راح اتلين علي وتحبني ولو شوي.؟؟

بس الله لا يقول يصير فيني جذي لأني حساسه وايد راح أبجي والله لوول :)

[كتكووته^^مكتكته]

دافع الشوق


وليمتى مره بدالها مره


صحيح الجنه تحت اقدام الامهات

واللي ماتحترم والدة زوجها ماتستحق الاحترام

وصحيح ان اللي مافيه خير لا هله

مافيه خير للناس

ولكن الزوجه ايضا من الاهل

وهذه مشكله

لازم تنحل

مو تتصلح بمشكله اخرى وهي الطلاق


عدل؟؟

[كتكووته^^مكتكته]

بسكوته


عفيا عليج


لان ام الزوج

هي ام ثانيه للزوجه

وعشان يبقى زوجك بصفك دائما

واددي والدته

ولو بكلمه تجبر الخاطر



شاكرتلج هالطله

بس كلش ولا تبجين

[نسيتيني]

احاااااااااول قد ما اقدر اصلح اللي بينهم واردهم مثل اول ماكو فايده اذا طلقتها او اذا رفعت صوتك على امك ولـــكن.... اذا المرأءه زاد كلامها وجرح الأم فهــذا غلط ويمكن يوصولون للطلاق

[كتكووته^^مكتكته]

نسيتيني



الف شكر لمرورك الطيب


وفقك الله واعانك

[msn]

اول شي مشكوره عالموضووع ولكن هالمشكله دايما تصير


اذا كانت المرأه الريال اهو الي مختارها ويبيها اما اذا على ذوق امه فهذا قليل مايحدث



بس مانبي نطلع من الموضوع انا بصراحه احاول اواجه الي بينهم واضغط على الزوجه وعلى الوالده



واحاول اعدل بينهم لان الام ماتسوي جذي الا اذا حست ان زوجه ولدها اخذته منها وتحس انها فقدته


لكن لازم الزوج يراعي شعور امه وشعور زوجته ويوفي بحقهم جنه ماخذ ثنتين شرايج


بس الاهم من هذا انه تكون زوجته تساعده على هالشي انها تتودد الام لانها بحسبه امها بعد




وانشالله يكون هذا حل وافي للمشكله اذا احد تعرضلها ،،،،،،،،،،،،




وفي حل اخر الي هو يسمونه الحل الرجعي ( الطلاق ) الي مايحل شي كلـــــــــــــــــــش بل يزيد المشاكل





ومشكوره على موضوعج مره اخرى

[بقايا أثر]

كتكوته

اول شى اشكرك على هالموضوع الحلوووو

وثانى شى

انا صادفنى هالموقف مع خالتى وحمواتى بس مو بالدرجه اللى ذكرتيها

بس كنت اتحمل واصبر وكنت ما اشتكى حق ريلى سابقا والحمد الله لحد ما اهوه سمع بروحه ودافع عنى


هذا اللى صار معاى والحمد الله انا راضيه بحكمة ربى والحمد الله كل بنت تاخذ نصيبها بهالدنيا

انا برايي ان الوحده تتحمل ولها الجنه بالاخره لان هالدنيا ما تسوى شى والحمد الله على كل حال

[KaY]

::

.+. حبيبتي وحبيبه الكل .+.

ام ريلي امي الثانيــــه =>

يعني مثل مااحترم امي واقدر رايها هم احترم ام
ريلي واقدرها .. علشان ريلي اولا ..
وعلشان روحي ثانيا ماارح تصير مشاكل
ومع الايام تهدى السالفه بس المهم ماااعور راس ريلي
بهالشغلات الي مالها داعــي

تسلمين قلبوشه

::

[كتكووته^^مكتكته]

msn



شاكرتلك طلتك ورايك السديد

فعلا الطلاق مايحل المشكله بل يزيدها تعقيدا

وهالمشكله بالذات حلها بيد الرجل